ARYNews.tv | Urdu – Har Lamha Bakhabar

Tag: karachi kings

  • کراچی کنگز کی شاندار فتح، ملتان سلطانز کو 63 رنز سے شکست

    کراچی کنگز کی شاندار فتح، ملتان سلطانز کو 63 رنز سے شکست

     دبئی: پاکستان سپر لیگ کے تیسرے ایڈیشن کے بائیسویں میچ میں کراچی کنگز نے تینوں فارمیٹ میں شاندار کارکردگی کا مظاہرہ کرتے ہوئے ملتان سلطانز کو 63 رنز سے شکست دے دی، عماد الیون فتح حاصل کرنے کے بعد پوائٹس ٹیبل پر دوسرے نمبر پر آگئی۔

    تفصیلات کے مطابق پاکستان سپر لیگ کا 22واں میچ کراچی کنگز اور ملتان سلطانز کے مابین کھیلا گیا، کراچی کی قیادت عماد وسیم نے جبکہ سلطانز کی کپتانی شعیب ملک نے کی۔

    کراچی کنگز نے ملتان سلطانز کی دعوت پر پہلے بیٹنگ کی تو جوائے ڈین لے اور لینڈل سیمنز میدان میں آئے، پہلی وکٹ 21 کے مجموعی اسکور پر گری تاہم نئے آنے والے بلے باز بابر اعظم نے اوپنر کے ساتھ 118 رنز کی پارٹنر شپ بنائی اور ایونٹ کا سب سے بڑا 189 رنز کا ہدف اسکور بورڈ پر سجانے میں مدد فراہم کی۔

    کراچی کنگز کی پہلی وکٹ 21 کے مجموعی اسکور پر گری جب اوپنر صرف چار رنز بنا کر آؤٹ ہوئے بعد ازاں ڈین لے 139 کے مجموعی اسکور پر پویلین لوٹے، تیسرے آؤٹ ہونے والے کھلاڑی بابر اعظم تھے جو 169 کے مجموعی اسکور پر پویلین لوٹے۔

    عماد الیون کی جانب سے ڈین لے 55 گیندوں پر 78 جبکہ بابر اعظم 39 گیندوں پر 58 رنز بنا کر نمایاں بلے باز رہے، کولن انگرام نے 8 باؤلز کا سامنا کرتے ہوئے 29 رنز کی جارحانہ اننگز کھیلی، سلطانز کی جانب سے ول جونز 2 وکٹیں لے کر سرفہرست باؤلر رہے۔

     

    ہدف کے تعاقب میں سلطانز کی جانب سے بیٹنگ کا آغاز کمار سنگاکارا اور احمد شہزاد نے کیا، ملک الیون کی پہلی وکٹ 41 کے مجموعی اسکور پر گری بعد ازاں 52، 53، 58، 76، 79، 86، 98، 99 اور 125 کے مجموعی اسکور پر گریں۔

    ملک الیون کے سہیل تنویر 34 رنز بنا کر نمایاں بلے باز رہے جبکہ کراچی کنگز کے شاہد آفریدی نے شاندارباؤلنگ کرتے ہوئے 4اوورز میں 18 رنز دے کر 3 کھلاڑیوں کوآؤٹ کیا اور مین آف دی میچ قرار پائے۔ علاوہ ازیں عرفان جونیئرنے2، عماد وسیم، عثمان خان اورمحمدعامر ایک ایک وکٹ حاصل کرنے میں کامیاب رہے۔

    ملتان سلطانز اننگز خلاصہ

    انیسویں اوور کی چوتھی گیند پر سلطانز کا آخری کھلاڑی بھی 125 کے مجموعی اسکور پر پویلین روانہ ہوا، اس طرح کراچی کنگز نے ملک الیون کو 63 رنز سے شکست دی۔

    اٹھارویں اوور میں سلطانز کا مجموعی اسکور 9 وکٹوں کے نقصان پر 121 تک پہنچا۔

    سترہویں اوور میں سلطانز کی ٹیم صرف 2 رنز بنا سکی جس کے بعد مجموعی اسکور 101 تک پہنچا۔

    محمد عامر نے اننگز کا سولہواں اوور کروایا جس میں سلطانز کو ایک اور کھلاڑی کے نقصان کا سامنا کرنا پڑا، اوور اختتام پر ٹیم کا مجموعی اسکور 9 وکٹوں کے نقصان پر 99 تک پہنچا۔

    جوئے ڈین لے نے اپنا دوسرا اور اننگز کا پندرہواں اوور کروایا جس میں سلطانز کی ٹیم صرف 7 رنز حاصل کرسکی، اوور اختتام پر ٹیم کا مجموعی اسکور 97 تک پہنچا۔

    شاہد آفریدی نے اپنا چوتھا اور اننگز کا چودہواں اوور کروایا جس کے اختتام پر سلطانز کا مجموعی اسکور 7 وکٹوں کے نقصان پر 90 تک پہنچا۔

    تیرہویں اوور میں ملتان سلطانز کا ایک اور کھلاڑی پویلین روانہ ہوا، اوور اختتام پر ٹیم کا مجموعی اسکور 7 وکٹوں کے نقصان پر 87 تک پہنچا۔

    اننگز کے بارہویں اور اپنے تیسرے اوور میں شاہد آفریدی نے وکٹ لینے کا سلسلہ بدستور جاری رکھتے ہوئے شعیب ملک کو پویلین کی راہ دکھائی، اوور اختتام پر سلطانز کا مجموعی اسکور 79 تک پہنچا۔

    دسویں اوورز کے اختتام پر ملتان سلطانز کا مجموعی اسکور چار وکٹوں کے نقصان پر 77 پر پہنچا۔

    نویں اوور میں ملتان سلطانز کی ٹیم مجموعی اسکور میں صرف چار رنز کا اضافہ کر سکی جس کے بعد مجموعی اسکور چار وکٹوں کے نقصان پر 66 تک پہنچا۔

    آٹھویں اوور میں شاہد آفریدی نے پولارڈ کو کلین بولڈ کر کے ڈریسنگ روم کی طرف روانہ کیا، اوور اختتام پر ٹیم کا مجموعی اسکور چار وکٹوں کے نقصان پر 62 تک پہنچا۔

    ساتویں اوور میں کنگز کے کپتان عماد وسیم نے احمد شہزاد کو پویلین کی راہ دکھائی یوں سلطانز کو تیسری وکٹ کے نقصان کا سامنا کرنا پڑا۔

    چھٹے اوور میں صہیب مقصود عثمان شنواری کی گیند کو سمجھ نہ سکے اور 11 رنز بنا کر پویلین لوٹے، یوں سلطانز کو 51 کے مجموعی اسکور پر دوسری وکٹ کے نقصان کا سامنا کرنا پڑا۔

    پانچویں اوور میں کراچی کنگز کو بڑی کامیابی ملی، عرفان جونیئر نے کمار سنگاکارا کو پویلین کی راہ دکھائی انہوں نے 13 گیندوں پر 18 رنز اننگز کھیلی، پانچ اوورز کے اختتام پر ٹیم کا مجموعی اسکور 1 وکٹ کے نقصان پر 42 تک پہنچا۔

    چوتھے اوور میں 13 زنر کا اضافہ ہوا اور ٹیم کا مجموعی اسکور بغیر کسی نقصان کے 13 تک پہنچا۔

    تیسرے اوور میں 8 رنز اضافے کے بعد ملک الیون کا مجموعی اسکور بغیر کسی نقصان کے 24 تک پہنچا۔

    محمد عامر نے اننگز کا دوسرا اور اپنا پہلا اوور کیا جس میں ملک الیون کے اوپنرز صرف 2 رنز بنا سکے، اوور اختتام پر سلطانز کا مجموعی اسکور بغیر کسی نقصان کے 16 تک پہنچا۔

    ہدف کے تعاقب میں سلطانز کی جانب سے بیٹنگ کا کمار سنگاکارا اور احمد شہزاد نے کیا جبکہ پہلا اوور کراچی کنگز کے کپتان عماد وسیم نے کیا، اوور اختتام پر سلطانز کا مجموعی اسکور بغیر کسی نقصان کے 14 تک پہنچا۔

    کراچی کنگز اننگز خلاصہ

    آخری پانچ اوورز میں کراچی کنگز نے مجموعی اسکور میں 2 وکٹوں کے نقصان پر 70 رنز کا اضافہ کیا، مقررہ اوورز کے اختتام پر کراچی کنگز نے تین وکٹوں کے نقصان پر 189 رنز بنائے۔

    سولہویں اوور میں 8 رنز اضافے کے بعد مجموعی اسکور ایک وکٹ کے نقصان پر 128 تک پہنچا۔

    پندرہویں اوور میں دونوں بلے بازوں نے 100 رن کی پارٹنر شپ مکمل کی اور اوور کے اختتام پر ٹیم کا مجموعی اسکور ایک وکٹ کے نقصان پر 121 تک پہنچا۔

    چودہویں اوور کے اختتام پر ٹیم کا مجموعی اسکور 106 تک پہنچا۔

    تیرہویں اوور میں کراچی کنگز کے دونوں بلے بازوں نے عمدہ کھیل کا مظاہرہ کرتے ہوئے ٹیم کا مجموعی اسکور 1 وکٹ کے نقصان پر 95 تک پہنچایا۔

    بارہویں اوور میں ایک چوکے کی مدد سے ٹیم کا مجموعی اسکور 85 تک پہنچا۔

    گیارہویں اوور میں ایک چھکے کی مدد سے مجموعی اسکور میں 9 رنز کا اضافہ ہوا اور مجموعی اسکور ایک وکٹ کے نقصان پر 76 تک پہنچا۔

    کراچی کنگزکےجوڈین لی نے دسویں اوور میں ملتان سلطانزکےخلاف نصف سنچری مکمل کی، انہوں نے 33 گیندوں پر 1 چھکے اور 7 چوکوں کی مدد سے ففٹی بنائی، اوور اختتام پر ٹیم کا مجموعی اسکور ایک وکٹ کے نقصان پر 68 تک پہنچا۔

    آٹھویں اوور میں ٹیم کے مجموعی اسکور میں صرف چار رنز کا اضافہ ہوسکا۔

    ساتویں اوور میں چوکے کی باؤنڈری کا سلسلہ جاری رہا اور اختتام پر ٹیم کا مجموعی اسکور ایک وکٹ کے نقصان پر 39 تک پہنچا۔

    چھٹے اوور میں کراچی کنگز کی ٹیم مجموعی اسکور میں صرف دو رنز کا اضافہ کرسکی، اوور اختتام پر ٹیم کا مجموعی اسکور ایک وکٹ کے نقصان پر 32 تک پہنچا۔

    ڈین لے اور بابر اعظم نے پانچویں اوور کے اختتام پر ٹیم کا مجموعی اسکور ایک وکٹ کے نقصان پر 30 تک پہنچایا۔

    کراچی کنگز کی جانب سے پہلا میچ کھیلنے واہے لینڈل سیمنز محمد عرفان کی گیند پر آؤٹ ہوئے انہوں نے چار رنز کی اننگز کھیلی، نئے آنے والے بیٹسمین بابر اعظم تھے، اوور اختتام پر ٹیم کا مجموعی اسکور ایک وکٹ کے نقصان پر 22 تک پہنچا۔

    تیسرے اوور میں ایک چوکے کے باعث مجموعی اسکور میں 10 رنز کا اضافہ ہوا اور مجموعی اسکور بغیر کسی نقصان کے 19 تک پہنچا۔

    دوسرے اوور میں ایک چوکے کی مدد سے ٹیم کا مجموعی اسکور بغیر کسی نقصان کے 9 تک پہنچا۔

    کراچی کنگز کی جانب سے اننگز کا آغاز جوائے ڈین لے اور لینڈل سیمنز نے کیا، پہلے اوور میں ٹیم صرف ایک رن ہی بنا سکی۔

    پوائنٹس ٹیبل پر ملتان سلطانز 9 پوائنٹس کے ساتھ دوسرے پر نمبر ہے۔ ملتان سلطانز نے اب تک 8 میچز کھیلے جس میں سے 4 جیتے، 3 ہارے جبکہ ایک میچ بارش کی نذر ہوگیا۔

    کراچی کنگز 7 پوائنٹس لے کر چوتھے نمبر پر ہے۔ کراچی کنگز اب تک 6 میچز کھیل چکا ہے جس میں سے 3 میچز میں فاتح رہا 2 میچز میں شکست کا سامنا کرنا پڑا جبکہ ایک میچ بارش کی نذر ہوگیا۔

    ملتان اور کراچی کی ٹیمیں بہترین کھلاڑیوں پر مشتمل ہیں۔

    کراچی کنگز

    کراچی کنگز کے پاس شاہد آفریدی، عماد وسیم، محمد عامر، روی بوپارہ، بابر اعظم، کولن انگرم، سیف اللہ بنگش اور عثمان میر جیسے سپر اسٹارز ہیں۔

    ملتان سلطانز

    ملتان سلطانز میں بھی سلطانز کی بھرمار ہے۔ پہلی بار پی ایس ایل میں شامل ہونے والی ٹیم ملتان سلطانز کے کپتان شعیب ملک ہیں جبکہ دیگر کھلاڑیوں میں احمد شہزاد، کیرون پولارڈ، کمار سنگا کارا، صہیب مقصود اور ڈیرن براوو، ورلڈ کلاس اسپنر عمران طاہر ، پاکستانی فاسٹ بولرز محمد عباس، عمرگل، محمد عرفان، جنید خان اور سہیل تنویر شامل ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کوئٹہ گلیڈی ایٹرز نے کراچی کنگز کو 67 رنز سے شکست دے دی

    کوئٹہ گلیڈی ایٹرز نے کراچی کنگز کو 67 رنز سے شکست دے دی

    دبئی: پاکستان سپر لیگ کے 19ویں میچ میں کوئٹہ گلیڈی ایٹرز نے کراچی کنگز کو 67 رنز سے شکست دے کر فتح اپنے نام کرلی، عماد الیون 181 رنز کے جواب میں 8 وکٹوں کے نقصان پر 113رنز بنانے میں کامیاب رہی۔

    تفصیلات کے مطابق پی ایس ایل کے 19ویں میچ میں کراچی کنگز اور کوئٹہ گلیڈی ایٹرز کی ٹیمیں مدمقابل تھیں، کراچی کنگز کی قیادت نوجوان کھلاڑی عماد وسیم جبکہ گلیڈی ایٹرز کی کپتانی سرفراز احمد نے کی۔

    عماد وسیم نے ٹاس جیت کر مخالف ٹیم کو پہلے بیٹنگ کی دعوت دی، اُن کا کہنا تھا کہ کوئٹہ گلیڈی ایٹرز کے خلاف ٹیم میں2 تبدیلیاں کی گئی ہیں، شاہد آفریدی کی پلیئنگ الیون میں واپسی ہوئی جبکہ ٹائمل ملز کی جگہ ڈیوڈویزے اورخرم منظور کو آرام کا موقع فراہم کیا گیا ہے۔ اُن کا مزید کہنا تھا کہ گلیڈی ایٹرز کو کم سے کم ہدف پر روکنے کی کوشش کریں گے۔

    کوئٹہ گلیڈی ایٹرز کی ٹیم نے پہلے بیٹنگ کرتے ہوئے مقررہ 20 اوورز میں 180 رنز بنائے اور کراچی کنگز کو جیت کے لیے 182 رنز کا ہدف دیا، اوپنر شین واٹسن 57 گیندوں پر 90 رنز بنا کرناٹ آؤٹ رہے جبکہ کیون پیٹرسن نے52 کے ساتھ نمایاں بلے باز رہے، کراچی کنگز کے باؤلر شاہدآفریدی، محمدعامر، عرفان جونیئر،عثمان شنواری نے ایک ایک وکٹ حاصل کی۔

    اسد شفیق اور شین واٹسن کی جوڑی نے گلیڈی ایٹرز کو شاندار اوپنگ فراہم کی اور اُن کی پہلی وکٹ 60 کے مجموعی اسکور پر گری بعد ازاں کیون پیٹرسن نے واٹسن کے ساتھ مل کر 86 رنز کی شاندار پارٹنر شپ بنائی، نئے آنے والے بلے باز روسو زیادہ دیر وکٹ پر ٹک نہیں سکے، گلیڈی ایٹرز نے کراچی کنگز کو جیت کے لیے 181 رنز کا ہدف دیا۔

    ہدف کے تعاقب میں کراچی کنگز نے بیٹنگ کا آغاز کیا تو کوئی بھی کھلاڑی خاطر خواہ کارکردگی نہ دکھا سکتا تاہم عماد وسیم 35 اور بابر اعظم 32 رنز کے ساتھ نمایاں بلے باز رہے جبکہ انور علی اور راحت علی 2 ، 2 وکٹوں کے ساتھ نمایاں باؤلر رہے۔

    دبئی:شین واٹسن مین آف دی میچ قرار پائے، کوئٹہ گلیڈی ایٹرز فتح حاصل کرنے کے بعد پوائںٹس ٹیبل پر دوسرے نمبر پر جبکہ کراچی کنگز تنزلی کے بعد 7 پوائنٹس کے ساتھ چوتھے نمبر پر پہنچ گئی۔

    کراچی کنگز اننگز

    آخری پانچ اوورز میں کراچی کنگز کے تین کھلاڑی آؤٹ ہوئے جبکہ مجموعی اسکور میں 31 رنز کا اضافہ کیا، مقررہ بیسویں اوور کے اختتام پر عماد الیون نے 8 وکٹوں کے نقصان پر 113 رنز بنائے۔

    گیارہویں، بارہویں، تیرہویں، چودہویں اور پندرے اوور میں دونوں بیٹسمینوں نے محتاط انداز میں بیٹنگ کرتے ہوئے ٹیم کا مجموعی اسکور 5 وکٹوں کے نقصان پر 82 تک پہنچایا۔

    آٹھویں ، نویں اور دسویں اوور میں کپتان عماد وسیم کے ساتھ بابر اعظم نے ذمہ دارانہ بیٹنگ کا مظاہرہ کرتے ہوئے ٹیم کا مجموعی اسکور 4 وکٹوں کے نقصان پر 55 تک پہنچایا۔

    ساتویں اوور میں نئے آنے والے بیٹسمین روی بھوپارا بغیر کھاتہ کھولے پویلین لوٹے، اوور اختتام پر ٹیم کا مجموعی اسکور 4 وکٹوں کے نقصان پر 36 تک پہنچا۔

    چھٹے اوور میں حسان خان نے کولن انگرام کو آؤٹ کیا انہوں نے 6 گیندوں پر 5 رنز بنائے، اوور اختتام پر ٹیم کا مجموعی اسکور و3 وکٹوں کے نقصان پر 32 تک پہنچا۔ چوتھے اور پانچویں اوور میں کراچی کنگز کے مجموعی اسکور میں 17 رنز کا اضافہ ہوا۔

    کولن انگرام ، بابر اعظم نے آکر کریز سنبھالی اور محتاط انداز مین بیٹنگ کرتے ہوئے تیسرے اوور کے اختتام پر ٹیم کا مجموعی اسکور 13 تک پہنچایا،  دوسرے اوور میں ایک کے انفراد جبکہ 2 کے مجموعی اسکور پر کیچ آؤٹ ہوئے، اختتام پر عماد الیون کا مجموعی اسکور 2 وکٹوں کے نقصان پر 2 تک پہنچا۔

    عماد الیون کی جانب سے اننگز کا آغاز شاہد آفریدی اور جوزف ڈین لی نے کیا، پہلے اوور میں ڈومینی آؤٹ ہوکر پویلین لوٹے، اوور اختتام پر کراچی کنگز کا مجموعی اسکور ایک وکٹ کے نقصان پر 2 تک پہنچا۔

    کوئٹہ گلیڈی ایٹرز اننگز

    بیسویں اوور کی چوتھی گیند پر انور علی پویلین لوٹے، اننگز کے اوور اختتام پر ٹیم نے 4 وکٹوں کے نقصان پر 180 رنز اسکور کیے۔ انیسواں اوور کراچی کنگز کے لیے اچھا ثابت ہوا کیونکہ روسو 13 کے انفرادی اسکور پر آؤٹ ہوئے، اختتام پر سرفراز الیون کا مجموعی اسکور تین وکٹوں کے نقصان پر 167 تک پہنچا۔

    اٹھارویں اوور میں ایک چھکے اور ایک چوکے کی مدد سے کوئٹہ گلیڈی ایٹرز نے مجموعی اسکور 161 تک پہنچایا۔

    سترہویں اوور میں عثمان شنواری نے کیوین پیٹرسن کو 146 کے مجموعی اسکور پر پویلین کی راہ دکھائی انہوں نے 34 گیندوں کا سامنا کرتے ہوئے 1 چھکے اور 7 چوکوں کی مدد سے 52 رنز بنائے، اوور اختتام پر گلیڈی ایٹرز کا مجموعی اسکور 2 وکٹوں کے نقصان پر 148 تک پہنچا۔

    سولہویں اوور میں کیون پیٹرسن نے 35 گیندوں پر اپنی ففٹی مکمل کی، ایک چھکے کی مدد سے بلے بازوں نے ٹیم کا مجموعی اسکور ایک وکٹ کے نقصان پر 144 تک پہنچایا۔

    پندرہویں اوور میں سرفراز الیون کے بلے بازوں شین واٹسن اور کیوین پیٹرسن نے شاندار بیٹنگ کا مظاہرہ کیا اور اوور اختتام پر ٹیم کا مجموعی اسکور 1 وکٹ کے نقصان پر 130 تک پہنچایا۔ چودہویں اوور میں ٹیم کا مجموعی اسکور ایک وکٹ نقصان پر 122 تک پہنچا۔

    اننگز کے تیرہویں اوور میں گلیڈی ایٹرز کی ٹیم پانچ رنز حاصل کرنے میں کامیاب ہوئی یوں مجموعی اسکور 1 وکٹ کے نقصان پر 108 تک پہنچا، بارہویں اوور میں عثمان شنواری نے شین واٹسن کا کیچ ڈراپ کیا، اوور اختتام پر ٹیم کا مجموعی اسکور ایک وکٹ کے نقصان پر 103 تک پہنچا۔

    گیارہویں اوور میں شین واٹسن نے 34 گیندوں پر 4 چھکوں اور اتنے ہی چوکوں کی مدد سے اپنی نصف سنچری مکمل کی، یوں ٹیم کا مجموعی اسکور 1 وکٹ کے نقصان پر 95 تک پہنچا۔

    دسواں اوور ڈیوڈ وسی نے کیا جس میں سرفراز الیون نے ایک چھکے اور ایک چوکے کی مدد سے مجموعی اسکور میں 12 رنز کا اضافہ کیا یوں اوور اختتام پر سرفراز الیون نے ایک وکٹ کے نقصان پر 85 رنز بنائے۔

    نویں اوور میں گلیڈی ایٹرز کی ٹیم مجموعی اسکور میں صرف پانچ رنز کا اضافہ کرسکی جس کے بعد ٹیم کا مجموعی اسکور 1 وکٹ کے نقصان پر 73 تک پہنچا۔

    اننگز کا آٹھواں اوور عثمان شنواری نے کروایا جس میں گلیڈی ایٹرز کی ٹیم صرف 7 رنز کا اضافہ کرسکی، اوور اختتام پر سرفراز الیون کا مجموعی اسکور 1 وکٹ کے نقصان پر 68 تک پہنچا۔

    کپتان عماد وسیم نے حکمت عملی تبدیل کرتے ہوئے ساتواں اوور شاہد آفریدی کو دیا جو کراچی کنگز کے لیے خوش قسمت ثابت ہوا کیونکہ گلیڈی ایٹرز کی پہلی وکٹ 60 کے مجموعی اسکور پر گری، اسد شفیق 16 کے انفرادی اسکور شاہد آفریدی کی بال پر ایل بی ڈبلیو ہوکر پر پویلین لوٹے، اوور اختتام پر سرفراز الیون کا مجموعی اسکور ایک وکٹ کے نقصان پر 61 تک پہنچا۔

    سرفراز الیون نے چھٹی اوور میں مجموعی اسکور کی نصف سنچری مکمل کی، اوپنر واٹسن اوور اختتام پر 44 کے انفرادی اسکور پر ناٹ آؤٹ رہے۔

    پانچواں اوور عثمان شنواری نے کیا جس میں مجموعی اسکور بغیر کسی نقصان کے 37 تک پہنچا، اننگز کا چوتھا اوور محمد عامر نے کیا جس کے اختتام پر مجموعی اسکور بغیر کسی نقصان کے 34 تک پہنچا۔

    شین واٹسن نے اننگز کے تیسرے اور عماد وسیم کے دوسرے اوور کا بھرپورفائدہ اٹھاتے ہوئے یکے بعد دیگرے تین چھکے مارے اور مجموعی اسکور بغیر کسی نقصان کے 27 تک پہنچایا۔

    اننگز کا دوسرے اور محمد عامر کے پہلے اوور میں گلیڈی ایٹرز کا مجموعی اسکور 2 رنز اضافے کے بعد 9 تک پہنچا۔

    سرفراز الیون کی جانب سے اوپنگ کرنے کے لیے احمد شہزاد اور شین واٹسن میدان میں اترے، عماد وسیم کے پہلے اوور میں مجموعی اسکور بغیر کسی نقصان کے 7 رنز تک پہنچا۔

    واضح رہے کہ کراچی کنگز نے اب تک 5 میچز کھیلے جن میں سے تین میں فتح ایک میں شکست اور ایک بارش کی نذر ہوا، پوائنٹس ٹیبل پر عماد الیون 7 پوائنٹس کے ساتھ تیسرے نمبر پر جبکہ گلیڈی ایٹرز 6 پوائنٹس کے ساتھ پانچویں نمبر پر ہے۔

     خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • پی ایس ایل تھری کا فائنل کراچی میں ہی ہوگا: نجم سیٹھی

    پی ایس ایل تھری کا فائنل کراچی میں ہی ہوگا: نجم سیٹھی

    کراچی: پاکستان کرکٹ بورڈ کے چیئرمین نجم سیٹھی نے کہا ہے کہ غیر ملکی کھلاڑی پاکستان آنے پر مطمئن ہیں، پاکستان سپر لیگ کا فائنل کراچی میں ہی ہوگا۔

    ان خیالات کا اظہار انہوں نے نیشنل اسٹیڈیم کراچی کے دورے کے موقع پرصحافیوں سے گفتگو کرتے ہوئے کیا، نجم سیٹھی کا کہنا تھا کہ غیر ملکی کھلاڑی پاکستان آنے پر رضامند ہیں، کسی قسم کی کوئی دشواری کا سامنا نہیں، انتظامات سے بھی مطمئن ہوں، فائنل کے ٹکٹس 15 مارچ سے دستیاب ہوں گے۔

    پی ایس ایل کا فائنل 25 مارچ کوکراچی میں ہوگا، نجم سیٹھی

    اس سے قبل چیئرمین پی سی بی نجم سیٹھی دبئی سے نیشل اسٹیڈیم کراچی پہنچے جہاں انہوں نے پی ایس ایل کے فائنل کی تیاریوں کا جائزہ لیتے ہوئے اس پراطمینان کا اظہار کیا، پی سی بی چیف آپریٹنگ آفیسر سبحان احمد بھی ان کے ہمراہ تھے، جنہیں انتظامات کے بارے میں بریفنگ دی گئی۔

    خیال رہے کہ پی ایس ایل تھری کا رنگارنگ ایونٹ دبئی میں جاری ہے جس کا فائنل کراچی میں کرانے کے لیے پاکستان کرکٹ بورڈ اور انتظامیہ نے بھرپور اقدامات کئے جس کے بعد حتمی فیصلہ نیشنل اسٹیڈیم کراچی میں فائنل کرانے کا سامنے آیا، لیگ کے سنسنی خیز مقابلوں میں دنیا بھر سے نامور کھلاڑی شریک ہیں۔

    پی ایس ایل 2018: پہلا مرحلہ مکمل، کراچی کنگز سرفہرست

    یاد رہے کہ پی ایس ایل تھری میں‌ چھ ٹیمیں‌ مدمقابل ہیں، ٹرافی کے لیے کراچی کنگز، لاہور قلندرز، اسلام آباد یونائیٹڈ، ملتان سلطانز، کوئٹہ گلیڈی ایٹرز اور پشاور زلمی کے درمیان سنسنی خیز مقابلہ جاری ہے، یہ ٹورنامنٹ 24 دنوں پر محیط ہے، جس کے دوران 34 سنسنی خیز مقابلے ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کراچی کنگز کی حمایت میں ریلی

    کراچی کنگز کی حمایت میں ریلی

    کراچی: پاکستان سپر لیگ کے تیسرے ایڈیشن کی کامیاب ترین اور سب سے بڑی ٹیم کراچی کنگز کی حمایت میں میراتھن ریس کا انعقاد کیا گیا جس میں خواتین، بچوں، نوجوان اور شوبز شخصیات نے بڑی تعداد میں شرکت کی۔

    تفصیلات کے مطابق پاکستان سپرلیگ کے تیسرے ایڈیشن میں فتوحات کا سلسلہ جاری رکھنے والی ٹیم کراچی کنگز کے اب تک لیگ میں چار میچز ہوئے جن میں سے ایک بارش کی نذر ہوا بقیہ تین میں کھلاڑیوں نے شاندار کھیل پیش کرتے ہوئے ٹیم کو فتح سے ہمکنار کروایا۔

    اے آر وائی ڈیجیٹل کے سی ای او سلمان اقبال کی کاوشیں، زبردست ٹیم مینجمنٹ، شاندار کوچنگ اور کھلاڑیوں کی انتھک محنت کے باعث ٹیم کے صرف کراچی ہی نہیں بلکہ سارے پاکستان اور دنیا بھر میں مداح موجود ہیں اور وہ اپنی پسندیدہ ٹیم کی فتح کے لیے دعا گوء ہیں۔

    پاکستان سپرلیگ کی سب سے بہترین ٹیم کی حمایت میں میراتھن ریلی کا انعقاد کیا گیا جس میں سائیکلسٹ اور بائیک رائیڈرز نے حصہ لیا، شرکاء میں خواتین، بچے اور نوجوان اور شوبز شخصیات بھی پسندیدہ ٹیم کی حمایت میں سڑکوں پر نکلیں۔

    ریلی کا آغاز شہر قائد کے علاقے کلفٹن سے شروع ہوا اور اختتام بحریہ ٹاؤن پر ہوا، شرکاء نے کراچی کنگز کی جرسیاں پہن رکھیں تھیں اور وہ اپنی پسندیدہ ٹیم کے حق میں نعرے بھی لگا رہے تھے۔

    تصاویر

    کراچی کنگز کے اب تک کھیلے جانے والے میچز

    واضح رہے کہ کراچی کنگز نے پی ایس ایل کے تیسرے ایڈیشن میں اب تک چار میچز کھیلے جن میں سے ملتان سلطانز کے خلاف ہونے والا مقابلہ بارش کی نذر ہوا جبکہ بقیہ تینوں میں ٹیم نے شاندار کارکردگی دکھا کر فتح اپنے نام کی۔

    کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی کنگز بمقابلہ ملتان سلطانز، اہم میچ بارش کی نذر

    کراچی کنگز بمقابلہ ملتان سلطانز، اہم میچ بارش کی نذر

    شارجہ: پاکستان سپر لیگ کا گیارواں میچ بارش کے باعث نہ کھیلا جاسکا، ڈک ورتھ لوئس قانون کے تحت کراچی کنگز اور ملتان سلطانز کی ٹیموں کو 1 ، 1 پوائنٹ دے دیا گیا۔

    تفصیلات کے مطابق پی ایس ایل کا گیارواں میچ شارجہ اسٹیڈیم میں کراچی کنگز اور ملتان سلطانز کے درمیان کھیلا جانا تھا تاہم بارش کے باعث دونوں ٹیمیں گراؤنڈ میں ہی نہ آسکیں۔

    طویل انتظار کے بعد امپائرز نے میچ منسوخ کرنے کا اعلان کرتے ہوئے دونوں ٹیموں کو ایک ایک پوائنٹ دے دیا، علیم ڈار کا کہنا تھا کہ آؤٹ فیلڈ گیلی ہونے کے باعث دونوں ٹیموں کا مقابلہ ممکن نہیں ہے۔

    کراچی کنگز کے صدر اور اہم کھلاڑی شاہد آفریدی کو انجری کے باعث آرام کا موقع فراہم کیا گیا جبکہ اُن کی جگہ محمد عامر کو میدان میں اتارا گیا۔ عماد وسیم نے ٹاس جیت کر پہلے بیٹنگ کا فیصلہ کیا، سلطانز کی کپتانی شعیب ملک جبکہ کراچی کنگز کی قیادت عماد وسیم کررہے ہیں۔

    عماد وسیم نے ٹاس جیت کر بیٹنگ کا فیصلہ تو کیا تاہم مسلسل بارش نے دونوں ہی ٹیموں کے کھلاڑیوں کو میدان میں آنے کی اجازت نہیں دی، یوں یہ مقابلہ بارش کی نذر ہوا اور دونوں ٹیموں کو ڈک ورتھ لوئس قانون کے تحت ایک ایک پوائنٹ دے دیا گیا۔

     

    اسکواڈ

    کراچی کنگز: جوئی ڈین لے، خرم منظور، بابر اعظم، کولن انگرام، روی بوپارا، محمد رضوان، عماد وسیم، محمد عامر، عثمان شنواری اور ٹیمال ملز

    ملتان سلطانز: احمد شہزاد، کمار سنگاکارا، صہیب مقصود، شعیب ملک، کیورن پولارڈ، ڈیرن براوؤ، سہیل تنویر، محمد عرفان، عمران طاہر، جنید خان اور سیف بدر

    پوائٹس ٹیبل

    پوائنٹس ٹیبل پر کراچی کنگز 6 پوائنٹس کے ساتھ پہلے نمبر پر ہے،  کراچی کنگز نے اب تک لیگ کے 3 میچز کھیلے اور تینوں میں ہی شاندار کامیابی حاصل کی۔ دوسری جانب ملتان سلطانز 4 پوائنٹس کے ساتھ پوائنٹس ٹیبل پر تیسرے نمبر پر موجود ہے۔ ملتان سلطانز نے 3 میچز میں سے 2 میچوں میں فتح حاصل کی جبکہ ایک میچ میں اسے شکست کا سامنا کرنا پڑا۔

    پی ایس ایل تھری : کراچی کنگزنے لاہورقلندر کو 27 رنز سے شکست دے دی

    یاد رہے کہ گزشتہ ماہ 26 فروری کو پاکستان سپر لیگ سیزن تھری کے اہم میچ میں کراچی کنگز نے لاہور قلندر کو 27 رنز سے شکست دی تھی۔ شاہد آفریدی مین آف دی میچ قرار پائے تھے۔

     کراچی کنگز کے اب تک کھیلے جانے والے میچز

     کراچی کنگز نے پی ایس ایل کے تیسرے ایڈیشن میں اب تک تین میچز کھیلے اور تینوں میں ہی شاندار کارکردگی دکھا کر فتح اپنے نام کی کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بوم بوم 38 برس کے ہوگئے، کراچی کنگز کے ساتھ سالگرہ منائی

    بوم بوم 38 برس کے ہوگئے، کراچی کنگز کے ساتھ سالگرہ منائی

    کراچی: پاکستانی کرکٹ ٹیم کے اسٹار آل راؤنڈر شاہد خان آفریدی 38 برس کے ہو گئے۔ کراچی کنگز کے صدر نے اپنی سالگرہ کراچی کنگز کے شیروں کے ساتھ منائی۔

    تفصیلات کے مطابق 38 سالہ سپراسٹار بوم بوم آفریدی نے شارجہ میں ٹیم ارکان کے ساتھ سالگرہ منائی۔ ٹیم نے کیک کاٹا اور لالہ کا منہ میٹھا کیا۔ آفریدی نے اے آر وائی اور کراچی کنگز کا شکریہ ادا کیا۔ کراچی کنگز کے کپتان عماد وسیم نے کہا کہ شاہد آفریدی کی سالگرہ منانا ہمیشہ یاد رہے گا۔

    واضح رہے کہ ان دنوں شاہد آفریدی متحدہ عرب امارات کے میدانوں میں جاری پاکستان سپر لیگ سیزن تھری میں کراچی کنگز کے لیے کھیلتے ہوئے مداحوں کو اپنی کارکردگی سے لبھا رہے ہیں‘ حال ہی میں انہوں نے پی ایس ایل کا مشکل ترین  کیچ پکڑ کر شائقین کو ورطۂ حیرت میں ڈال دیا تھا۔

    شاہد خان آفریدی یکم مارچ 1980 کو خیبرایجنسی میں پیدا ہوئے، 1996 میں سری لنکا کے خلاف اپنے دوسرے انٹرنیشنل میچ میں 37 گیندوں پردنیا کی تیزترین سنچری بنا کرراتوں رات شہرت کی بلندیوں پرپہنچ گئے۔

    ان کا یہ ریکارڈ تقریباً 17سال تک قائم رہا جسے نیوزی لینڈ کے کوری اینڈرسن اورپھرجنوبی افریقہ کے اے بی ڈی ویلیئرز نے اپنے نام کر لیا۔

    1996ء میں کرکٹ کی دنیا میں قدم رکھنے والے آفریدی بوم بوم آفریدی کے نام سے بھی پہچانے جاتے ہیں۔ ان کو یہ نام بھارت کے معروف کرکٹر اور کمنٹیٹر راوی شاستری نے دیا۔

    آفریدی اپنی جارحانہ بلے بازی کی بدولت پوری دنیا میں پہچانے جاتے ہیں اوراسی بدولت کئی ریکارڈ مثلا سب سے زیادہ چھکوں کا ریکارڈ اورسب سے بہترین اسٹرائیک ریٹ کا ریکارڈ اپنے نام کرچکے ہیں۔

    حال ہی میں کئے گئے ایک سروے کے مطابق وہ پاکستان کے سب سے مشہور کھلاڑی ہیں۔ آج شاہد آفریدی کے مداح شہر شہر ان کی سالگرہ کا جشن منائیں گے اور کیک کاٹیں گے۔

    شاہد آفریدی کی شاندارکارکردگی کے ناقابلِ فراموش مناظر

    شاہد آفریدی ایشیا کپ میں بنگلہ دیشی باؤلرزکی دھلائی کرتے ہوئے

    شاہد آفریدی کا چارسوواں شاندارچھکا

    شاہد آفریدی کے پاکستان کے روایتی حریف بھارت کے خلاف نودھواں دھارچھکے

    انگلینڈ کی ایک کے بعد ایک وکٹ گرانا آفریدی کا ہی کمال ہے

    کرکٹ کی دنیا کا مشکل ترین کیچ جسے صرف شاہد آفریدی ہی پکڑسکتے تھے

  • شاہد آفریدی میں اب بھی بچوں والا جذبہ ہے: مکی آرتھر

    شاہد آفریدی میں اب بھی بچوں والا جذبہ ہے: مکی آرتھر

    کراچی: کراچی کنگز کے ہیڈ کوچ مکی آرتھر نے کہا ہے کہ شاہد آفریدی باصلاحیت کھلاڑی ہیں جن کا جوش و جذبہ ڈریسنگ روم میں اب بھی بچوں والا ہے۔

    ان خیالات کا اظہار انہوں نے اے آر وائی سے خصوصی گفتگو کرتے ہوئے کیا، مکی آرتھر کا کہنا تھا کہ شاہد آفریدی جیسے تجربہ کار کھلاڑی کا کراچی کنگز میں ہونا خوش آئند ہے، پی ایس ایل میں ٹیم بہترین کارکردگی کا مظاہرہ کررہی ہیں جس سے آنے والے میچوں میں فائدہ ہوگا۔

    اس بار پی ایس ایل کا ٹائٹل کراچی کنگز اپنے نام کرے گی: کوچ مکی آرتھر

    انہوں نے کہا کہ پہلے میچ میں شاندار کیچ پکڑنے پر وہ بہت خوش تھے جس کے بعد ڈریسنگ روم میں آکر شاہد آفریدی نے مجھے مخاطب کرتے ہوئے کہا کہ ’’کوچ، میں اچھی فیلڈنگ کر رہا ہوں، قومی ٹیم کے لیے دوبارہ کھیل سکتا ہوں‘‘

    ہیڈ کوچ نے کہا کہ کراچی کنگز میں بہترین بلے باز اور باولرز موجود ہیں جو مکمل فٹ اور اگلے میچ کے لیے تیار ہیں۔ اب تک ہم نے شاندار کارکردگی کا مظاہرہ کیا جس کی بدولت لیگ کے تینوں میچز جیت گئے۔

    عماد وسیم کو کراچی کنگز کی قیادت ملنا اچھی بات ہے، مکی آرتھر

    قومی کرکٹ ٹیم کے حوالے سے گفتگو کرتے ہوئے مکی آرتھر کا کہنا تھا کہ اگر ٹیم کی بات کی جائے تو ہماری باولنگ لائن مضبوط ہے لیکن بیٹنگ لائن میں توجہ دینےکی ضرورت ہے۔

    خیال رہے پی ایس ایل تھری میں کراچی کنگز کی کامیابیوں کا سلسلہ جاری ہیں جس کے تحت کھیلے گئے تینوں میچز میں جیت کے بعد کراچی کنگز چھ پوائنٹس کے ساتھ فہرست میں ٹاپ پر آگئی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل 2018: پہلا مرحلہ مکمل، کراچی کنگز سرفہرست

    پی ایس ایل 2018: پہلا مرحلہ مکمل، کراچی کنگز سرفہرست

    دبئی: پاکستان سپر لیگ کا دوسرا مرحلہ کل سے شارجہ میں شروع ہوگا، پہلے مرحلے میں کراچی کنگز کے شیروں نے عمدہ کھیل کی بدولت پہلی پوزیشن حاصل کی۔

    تفصیلات کے مطابق پاکستان سپر لیگ کا آغاز 22 فروری کو رنگارنگ افتتاحی تقریب کے ساتھ ہوا، شائقین کرکٹ سارا سال اپنی پسندیدہ ٹیم اور کھلاڑی کو ایکشن میں دیکھنے کے لیے بے تاب رہے۔

    پی ایس ایل کی پرنور افتتاحی تقریب میں صوفی کلام پڑھنے والی گلوکارہ عابدہ پروین نے شاندار پرفارمنس سے ایسا سماں باندھا کہ پاکستانی اور غیر ملکی بھی اُن کے سروں پر جھومتے نظر آئے جبکہ علی ظفر کی فضاء میں ہونے والی پرفارمنس بھی شاندار تھی۔

    پانچ روز قبل دبئی میں سجائی جانے والی تقریب کے بعد میچز کا مرحلہ شروع ہوا اور پہلا ٹاکر دفاعی چیمئن پشاور زلمی اور نئی فرنچائز ملتان سلطانز کے مابین ہوا، بعد ازاں پہلے مرحلے میں 6 ٹیموں کے مابین 8 مقابلے ہوئے۔

    مزید پڑھیں: کراچی کنگز پہلے معرکے کی فاتح، کوئٹہ گلیڈی ایٹرز کو شکست

    پہلے مرحلے میں کراچی کنگز کے تمام شیروں نے عمدہ کارکردگی کا مظاہرہ کیا اور تینوں میچز میں فتح حاصل کی جس کے بعد پی ایس ایل کی سب سے بڑی ٹیم پوائنٹس ٹیبل پر 6 پوائنٹس کے ساتھ سرفہرست رہی جبکہ ملتان سلطانز 4 پوائنٹس کے ساتھ دوسرے نمبر پر آئی۔

    علاوہ ازیں کوئٹہ گلیڈی ایٹرز تیسرے، دفاعی چیمپئن پشاور زلمی چوتھے، اسلام آباد یونائیٹڈ پانچویں اور لاہور قلندرز کی ٹیم مسلسل تین میچز میں شکست کے بعد بغیر کسی پوائنٹ کے سب سے آخری نمبر پر آئی۔

    پوائنٹس ٹیبل

    ایک روز وقفے کے بعد پی ایس ایل کا دوسرا مرحلہ کل سے شارجہ میں شروع ہوگا، فائنل تک رسائی حاصل کرنے کے لیے تمام ہی ٹیموں کے کھلاڑی بھرپور توانائی کے ساتھ میدان میں اتریں گے۔

    یہ بھی پڑھیں: پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

     کراچی کنگز کے اب تک کھیلے جانے والے میچز

    واضح رہے کہ کراچی کنگز نے پی ایس ایل کے تیسرے ایڈیشن میں اب تک تین میچز کھیلے اور تینوں میں ہی شاندار کارکردگی دکھا کر فتح اپنے نام کی کراچی کنگز کا پہلا میچ کوئٹہ گلیڈی ایٹرز سے ہوا تھا، اس ٹاکرے میں شاہد آفریدی نے سرفراز الیون کے سب سے زیادہ اسکور کرنے والے بلے باز عمر امین کا باؤنڈری پر ناقابل یقین کیچ پکڑا  اور یہی میچ کا ٹرننگ پوائنٹ ثابت ہوا، میچ میں کراچی کنگز نے 19 رنز سے فتح حاصل کی۔

    پی ایس ایل کی سب سے بڑی ٹیم کراچی کنگز کا دوسرا مقابلہ دفاعی چیمپئن پشاور زلمی سے ہوا تھا جس میں کنگز کے شیروں نے سیمی الیون کو سنسنی خیز مقابلے کے بعد 5 وکٹوں سے شکست دی تھی۔

    ویڈیو دیکھیں: شاہد آفریدی کا ناقابلِ یقین کیچ

    کراچی کنگز اور لاہور قلندرز کے مابین تیسرا میچ گزشتہ روز دبئی اسٹیڈیم میں کھیلا گیا، جس میں روی بوپارا کی شاندار ففٹی اور آفریدی کی تین وکٹوں لے کر ٹیم کو ناقابلِ یقین فتح دلوائی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

    پی ایس ایل تھری : کراچی کنگز نے پشاورزلمی کو5 وکٹوں سے شکست دے دی

     دبئی : پاکستان سپر لیگ کے تیسرے ایڈیشن کے ساتویں میچ میں کراچی کنگز نے پشاور زلمی کو 5 وکٹوں سے شکست دے دی، کپتان عماد وسیم نے چھکا لگا کر کراچی کنگز کو فتح دلائی،  پشاور زلمی نے نو وکٹوں کے نقصان پر 131 رنزبنائے تھے۔

    تفصیلات کے مطابق دبئی کے انٹر نیشنل اسٹیڈیم میں پی ایس ایل کے ساتویں اہم میچ میں کراچی کنگز نے پشاور زلمی کو سنسنی خیز مقابلے کے بعد پانچ وکٹوں سے ہرا دیا۔

    کھیل کے آغاز پر پشاور زلمی نے ٹاس جیت کر پہلے بیٹنگ کا فیصلہ کیا اور مقررہ 20اوورز میں 131رنز بنائے، زلمی کی جانب سے ڈیون اسمتھ نے شاندار 71رنز اسکور کیے اور ناٹ آؤٹ رہے، کامران اکمل نے جارحانہ انداز میں 5بال پر 14رنز بنائے۔

    کراچی کنگز کے سامنے دفاعی چیمپیئن پشاور زلمی کی زیادہ دیر چل نہ پائی، کراچی کنگز نے دبئی کرکٹ اسٹیڈیم میں ایک اور فتح کا جھنڈا گاڑ دیا۔

    شیروں نے ایسا وارکیا کہ زلمی والوں کے قدم لڑکھڑا گئے، آفریدی کی پھرکیاں اور عامر کی خطرناک سوئنگ نے تباہی مچاڈالی، دوسرے ہی اوور سے پشاور زلمی کی وکٹیں اڑنا شروع ہوگئیں۔

    پشاور زلمی کے تین کھلاڑی جلد بازی میں رن آؤٹ ہوئے۔ تینوں بلے بازوں کو پویلین واپس بھیجنے میں عرفان جونیئر نے اہم کردار ادا کیا۔ ابتسام، سیمی اور وہاب ریاض کو عرفان جونیر نے رن آؤٹ کرایا۔

    کراچی کنگز کے بالرمحمدعامر اورشاہد آفریدی نے2،2 وکٹیں حاصل کیں، ٹیمال ملزاور عرفان جونیئرکوایک ایک وکٹ ملی۔

    ہدف کے جواب میں کراچی کنگز کے کھلاڑیوں نےجم کر کھیلا، خرم منظور اور جو ئی ڈینلی نے اننگ کا آغاز کیا ،17رنز کے مجموعی اسکور پر خرم منظور جورڈن کے ہاتھوں اپنی وکٹ گنوا بیٹھے۔

    اس کے بعد بابر اعظم نے اپنی ٹیم کی اننگ کو سہارا دیتے ہوئے 20گیندوں 28رنز بنائے، انگرام بھی23رنز بنانے کے بعد پویلین لوٹ گئے۔

    کراچی کنگز کو ہدف تک پہنچانے میں روی بوپارا اورمحمد رضوان نے اپنا کردار ادا کیا جہنوں نے بالترتیب17,رنز بنائے، آخر میں آنے والے کراچی کنگز کے کپتان عماد وسیم نے ووننگ شاٹ لگا کر گیند کو پویلین سے باہر پھینک دیا، ان کے شاندار چھکے کے بعد ٹیم کراچی نے مقررہ ہدف 131 رنزآخری اوورز کی چوتھی بال پر  5وکٹوں کے نقصان پر پورا کرلیا۔

    میں آف دی میچ کا اعزاز  ڈیون اسمتھ کے نام رہا جنہوں نے 71رنز اسکور کیے۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    135 کراچی کنگز اننگز۔

    19.4/5

    بیسواں اوور :

    کھیل کے آخری اوور کی تیسری بال پر محمد رضوان 17رنز بنا کر محمد اصغر کی بال پر کرس جورڈن کے ہاتھوں کیچ آؤٹ ہوگئے۔

    اوور کی چوتھی بال پر عماد وسیم نے شاندار چھکا لگا کر کراچی کنگز کو فتح دلادی اس طرح کراچی کنگز نے پشاور زلمی کو 5وکٹوں سے ہرا دیا۔

    انیسواں اوور: 

    انیسویں اوور میں صرف دو رنز کا اضافہ ہوسکااور مجموعی اسکور 127رنز چار کھلاڑی آؤٹ ہے

    اٹھارہواں اوور: 

    کھیل کے اٹھارہویں اوور میں کراچی کنگز کا اسکور 125رنز ہوگیا اور اس کے چار کھلاڑی آؤٹ ہوئے، ٹیم کراچی کو اس وقت 12بال پر صرف سات رنز درکار ہیں۔

    سترہواں اوور : 

    سترہویں اوور کے اختتتام پر کراچی ٹیم کا اسکور 116رنز چار کھلاڑی آؤٹ ہے، کراچی کنگز کو میچ جیتنے کیلئے 18بال پر 16رنز درکار ہیں۔

    سولہواں اوور: 

    سولہویں اوور کے اختتام پر ٹیم کراچی نے 104رنز بنالیے اور اس کے چار کھلاڑی آؤٹ ہوکر پویلین لوٹ گئے۔

    پندرہواں اوور :

    پندرہویں اوور کی چوتھی بال پر کولن اینگرم 23 رنز بنا کر ابتسام شیخ کی بال پر محمد حفئیظ کے ہاتھوں کیچ آؤٹ ہوگئے، نئے آنے والے کھلاڑی کراچی کنگز کے وکٹ کیپر محمد رضوان ہیں۔ٹیم کا اسکور چار وکٹوں کے نقصان پر 99 رنز ہے۔

    چودہواں اوور : 

    اس اوور کے اختتام پر کراچی کنگز کے اسکور میں 5 رنز کا اضافہ ہوا اور مجموعی اسکور 97 ہوگیا، ٹیم کراچی کو 6اوور میں 36رنز درکار ہیں۔اور اسکی سات وکٹیں باقی ہیں۔

    تیرہواں اوور: 

    تیرہویں اوور کی دوسری بال پر جوزف ڈینلے 28 رنز بنا کر آؤٹ ہوگئے ، انہیں کرس جورڈن نے اپنی ہی بال پر کیچ آؤٹ کیا، نئے آنے والے کھلاڑی روی بوپارہ ہیں، کراچی کنگز کا اسکور 92ہے اس کو میچ جیتنے کیلئے 45 بال پر 45 رنز درکارہیں۔

    بارہواں اوور : 

    کھیل کے بارہویں اوور میں کراچی کنگز کا مجموعی اسکور 87 رنز ہے اور کراچی ٹیم کے دو کھلاڑی آؤٹ ہوئے

    گیارہواں اوور : 

    گیارویں اوور کے اختتام پر ٹیم کراچی کا اسکور 79رنز تھا،

    دسواں اوور : 

    دس اوور کے اختتام پر کراچی کنگز نے 66رنز بنا لیے اور اس کے 2کھلاڑی آؤٹ ہوئے۔

    نواں اوور : 

    نویں اوور میں کراچی کو جھٹکا لگا، بابر اعظم 28رنز بنا کر ابتسام شیخ کی بال پر ڈیرن سیمی کے ہاتھوں کیچ آؤٹ ہوگئے، نئے آنے والے کھلاڑی کولن اینگرم ہیں، ٹیم کراچی کا مجموعی اسکور2 وکٹوں کے نقصان پر 60رنز ہے

    آٹھواں اوور : 

    کھیل کے آٹھویں اوور کے اختتام پر کراچی کنگزنےایک وکٹ کے نقصان پر  54رنز بنا لیے

    ساتوں اوور : 

    ساتویں اوور میں کراچی کنگز نے 50کا ہندسہ عبور کرلیا، ایک وکٹ کے نقصان پر پچاس رنز بنالیے، جیت کیلئے 78 بال پر 80رنز درکار ہیں۔

    چھٹا اوور : 

    کراچی کنگز کے کھلاڑی محتاط انداز میں بیٹنگ کرتے ہوئے آگے بڑھ رہے ہیں، چھٹے اوور میں ایک وکٹ کے نقصان پر 42رنز بنا لیے۔

    پانچواں اوور : 

    کھیل کے پانچویں اوور میں کراچی کا اسکور 35 ہوا اور اس کا ایک کھلاڑی آؤٹ ہوکر پویلین لوٹا۔

    چوتھا اوور : 

    اوور کے اختتام پر کراچی کنگز نے ایک وکٹ کے نقصان پر 24رنز بنائے۔

    تیسرا اوور : 

    تیسرے اوور کے اختتام پر کراچی کنگز نے 18 رنز اسکور کیے اور اس کا ایک کھلاڑی آؤٹ ہوا۔

    دوسرا اوور : 

    اوور کی آخری بال پر خرم منظور تیز کھیلنے کی کوشش میں کیچ آؤٹ ہوگئے، انہوں نے 6 رنز بنائے اور کرس جورڈن کی بال پر ابتسام شیخ کے ہاتھوں کیچ آؤٹ ہوگئے۔ نئے آنے والے کھلاڑی بابر اعظم ہیں۔

    پہلا اوور: 

    پشاور زلمی کے 132 رنز کے ہدف کے تعاقب میں کراچی کنگز کے اوپنرز خرم منظور اور جوزف ڈینلے نے کھیل کا آغاز کرتے ہوئے پہلے اوور میں گیارہ رنز اسکور کیے۔

    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

    پشاور زلمی اننگز

    131/09

    بیسواں اوور : 

    کھیل کی پہلی اننگز میں پشاور زلمی نے آخری اوور کے اختتام پر18 رنز کے اضافے کے ساتھ  کراچی کنگز کو 132رنز کا ہدف دیا ہے، اور اس کے نو کھلاڑی آؤٹ ہوئے۔

    انیسواں اوور : 

    انیسویں اوور کی تیسری بال پر وہاب ریاض رن آؤٹ ہوگئے، پشا ور کے نو کھلاڑی پویلین واپس پہچ گئے ہیں، اور ٹیم کا اسکور 112رنز ہے

    اٹھارہواں اوور : 

    کھیل کے اٹھارہویں اوور میں پشاور زلمی کا مجموعی اسکور 103 رنز ہے اور اس کی 8 وکٹیں گر چکی ہیں۔

    سترہواں اوور :

    سترہویں اوور کے اختتام پر پشاورٹیم نے 11رنز کے اضافے کے ساتھ 94 رنز بنائے تھے اور اس کے 8 کھلاڑی آؤٹ ہوئے،

    سولہواں اوور : 

    اوور کی چوتھی بال پر کرس جورڈن صرف ایک رن بنا کر تیمل ملز کی بال پر عرفان کے ہاتھوں باآسانی کیچ آؤٹ ہوگئے۔ نئے آنے والے کھلاڑی وہاب ریاض ہیں، پشاور زلمی کا اسکور 8 وکٹوں کے نقصان پر 83ہے

    پندرہواں اوور: 

    پندرہویں اوور کی چوتھی بال پر نئے آنے والے کھلاڑی عمید آصف سات رنز بنا کر شاہد آفریدی کی بال پر ایل بی ڈبلیو ہوگئے، اس وقت زلمی کا اسکور 78رنز پر سات کھلاڑی آؤٹ ہے۔

    چودہواں اوور: 

    چودہویں اوور کی چوتھی بال پر زلمی کے اہم کھلاڑی ڈیرن سیمی صرف سدو بنا سکے اور تیز رن لینے کی کوششش  میں رن آؤٹ ہوگئے، ان کے بعد آنے والے کھلاڑی عمید آصف ہیں۔ اس اوور کے اختتام تک زلمی کی ٹیم 71رنز بنا سکی اور اس کے چھ کھلاڑی آؤٹ ہوئے ۔

    تیرہواں اوور: 

    زلمی کے کھلاڑی اس اوور میں صرف ایک رن کا اضافہ کر سکے، ٹیم کا اسکورپانچ وکٹوں کے نقصان پر 63رنز تھا۔

    بارہواں اوور : 

    بارہویں اوور کی تیسری بال پر ابتسام شیخ صرف دو رنز بنا کر عرفان کی بال پرکیچ آؤٹ ہوگئے، اس طرح پشاور زلمی کی آدھی ٹیم 62رنز پر میدان سے باہر ہوگئی۔ نئے آنے والے کھلاڑی ڈیرن سیمی ہیں۔

    گیارہواں اوور : 

    کھیل کے گیارہویں اوور میں پشاور زلمی کی ٹیم نے چار وکٹوں کے نقصان پر 58رنز بنائے۔

    دسواں اوور: 

    دسویں اوور کی چوتھی بال پر حارث سہیل صرف ایک رن بنا کر محمد عرفان کی بال پر تیمل؛ ملز کے ہاتھوں کیچ آؤٹ ہوگئے، نئے آنے والے کھلاڑی ابتسام شیخ ہیں۔ ٹیم کا مجموعی اسکور دس اوور میں چار وکٹوں کے نقصان پردو رنز کے اضافے ساتھ 54 تھا۔

    نواں اوور: 

    پشاور زلمی کا کھیل کے نویں اوور میں مجموعی اسکور 52رنز تھا اور اس کے تین کھلاڑی ؤؤٹ ہوکر پویلین لوٹ گئے۔

    آٹھواں اوور: 

    کھیل کے آٹھویں اوور میں پشاور زلمی کا مجموعی اسکور 41 تھا، اور اس کے تین کھلاڑی آؤٹ ہوئے۔

    ساتواں اوور : 

    ساتویں اوور کی آخری بال پر محمد حفیظ شاہد آفریدی کی بال پر عماد وسیم کے ہاتھوں کیچ آؤٹ ہوگئے،انہوں نے سات رنز اسکور کیے، نئے آنے والے کھلاڑی حارث سہیل ہیں۔ٹیم کا اسکور 38 تھا۔

    چھٹا اوور : 

    کھیل کے چھٹے اوور میں زلمی نے 37 رنز اسکور کیے

    پانچواں اوور : 

    پانچویں اوور کے اختتام پر پشاور زلمی کا مجموعی اسکور 35رنز تھا اور اس کے دو کھلاڑی آؤٹ ہوکر پویلین جا چکے تھے۔

    چوتھا اوور: 

    پشاور زلمی کے دوسرے اوپنر تمیم  اقبال محمد عامر کی بال پر 11رنز بنا کر کیپرمحمد رضوان  کے ہاتھوں کیچ آؤٹ  ہوگئے، نئے آنے والے کھلاڑی محمد حفیظ ہیں۔

    تیسرا اوور: 

    پشاور زلمی کا تیسرے اوور میں 27 رنز ایک وکٹ کے نقصان پر

    دوسرا اوور : 

    دوسرے اوور کی چوتھی بال پر کامران اکمل ایل بی ڈبلیو ہوکر پویلین لوٹ گئے، جب ٹیم کا مجموعی اسکو ر 16رن تھا، نئے آنے والے کھلاڑی ڈیون اسمتھ ہیں۔

    :پہلا اوور 

    پشاور زلمی کے اوپنر کامران اکمل اور تمیم اقبال نے کھیل کا آغاز کیا، کھیل کے پپہلے اوور میں زلمی نے 15 رنز اسکور کیے، جس میں کامران اکمل کا شاندار چھکا بھی شامل ہے۔

    اس سے قبل پی ایس ایل کے تیسرے سیزن کے اہم میچ میں کراچی کنگز نے شاندار بالنگ، فیلڈن اور بیٹنگ کے باعث کوئٹہ گلیڈی ایٹرز کو پہلے میچ میں19رنز سے شکست دی تھی۔

  • پی ایس ایل 2018: کراچی کنگز کا پشاور زلمی سے ٹاکرا

    پی ایس ایل 2018: کراچی کنگز کا پشاور زلمی سے ٹاکرا

    دبئی: پاکستان سپر لیگ کے تیسرے ایڈیشن میں کراچی کنگز کا دوسرا مقابلہ آج پشاور زلمی سے ہوگا۔

    تفصیلات کے مطابق دبئی میں پاکستان سپر لیگ کے سنسنی خیز مقابلے جاری ہیں جہاں کراچی کنگز اپنے پہلے میچ میں کوئٹہ گلیڈی ایٹرز کو شکست دینے کے بعد آج پشاوہ زلمی سے ٹکرائے گی، میچ پاکستانی وقت کے مطابق رات 9 بجے شروع ہوگا۔

    بڑے ایونٹ کے بڑے مقابلے میں کراچی کنگز دفاعی چیمپئن پشاور زلمی سے مقابلے کے لیے تیار ہے جہاں اسے شاہد آفریدی جیسے تجربہ کار اور عماد وسیم جیسے باصلاحیت قیادت کی خدمات حاصل ہے۔

    کراچی کنگز پہلے معرکے کی فاتح، کوئٹہ گلیڈی ایٹرز کو شکست

    خیال رہے کہ پی ایس ایل کے تیسرے سیزن کے اہم میچ میں کراچی کنگز نے شاندار بالنگ، فیلڈنگ، بیٹنگ کے باعث کوئٹہ گلیڈی ایٹرز کو پہلے میچ میں 19 رنز سے شکست دی تھی، کپتان عماد وسیم نے پہلے ٹاس جیت کر بیٹنگ کا فیصلہ کیا اور مقررہ اوور میں مخالف ٹیم کو 150 رنز کا ہدف دیا تھا۔

    ہدف کے تعاقب میں کوئٹہ کی ٹیم کا کوئی بھی کھلاڑی کراچی کے باؤلرز کے آگے زیادہ دیر تک ٹک نہیں پایا، شاہد آفریدی نے سرفراز الیون کے سب سے نمایاں اسکورر عمر امین کا باؤنڈری پر ناقابل یقین کیچ پکڑ کر سب کو حیران کر دیا تھا۔

    کراچی کا لالا، سب سے نرالہ، شاندار کیچ کے بعد لاجواب انٹرویو

    یاد رہے کہ پی ایس ایل تھری میں‌ چھ ٹیمیں‌ مدمقابل ہیں، ٹرافی کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی ٹکرائیں‌ گے. یہ ٹورنامنٹ 24دنوں پر محیط ہے، جس کے دوران 34 سنسنی خیز مقابلے ہوں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔