ARYNews.tv | Urdu – Har Lamha Bakhabar

Tag: karachi kings

  • کراچی کا لالا، سب سے نرالہ، شاندار کیچ کے بعد لاجواب انٹرویو

    کراچی کا لالا، سب سے نرالہ، شاندار کیچ کے بعد لاجواب انٹرویو

    دبئی: کراچی کنگز کے صدر شاہد خان آفریدی نے کوئٹہ گلیڈی ایٹرز کے خلاف کھیلے جانے والے میچ میں باؤنڈری لائن کے بالکل قریب شاندار کیچ پکڑ ا جو میچ کا ٹرننگ پوائنٹ ثابت ہوا، لالا کا شاندار کیچ دیکھ کر اُن کے مداح حیران رہ گئے۔

    تفصیلات کے مطابق دبئی اسٹیڈیم میں پی ایس ایل کے تیسرے سیزن کی رنگینیاں عروج پر ہیں، دیارِ غیر میں بسنے والے پاکستانیوں نے اسٹیڈیم کا رخ کیا تو ان کے پسندیدہ کھلاڑی شاہد آفریدی کے باؤنڈری لائن پر ناقابل یقین کیچ پکڑ کر مداحوں کے ٹکٹ کا مزہ دوبالا کردیا۔

    واضح رہے کہ کراچی کنگز کی ٹیم نے اپنے پہلے میچ میں کوئٹہ گلیڈی ایٹرز کو 19 رنز سے شکست دے کر معرکہ اپنے نام کیا، باؤلنگ، فیلڈنگ یا پھر بیٹنگ نوجوان کپتان عماد وسیم کی قیادت میں اترنے والی ٹیم ہر فارمیٹ پر کھری اترتی نظر آئی۔

    شاہد خان آفریدی نے گلیڈی ایٹرز کے نمایاں اسکور کرنے والے بلے باز عمر یامین کا باؤنڈری پر کیچ اُس وقت لیا جب میچ دوطرفہ چل رہا تھا، لالا کی اس کاوش نے مقابلے کا پانسا ہی پلٹ دیا۔

    عمر یامین 31 رنز بنانے والے کوئٹہ گلیڈی ایٹر کے واحد نمایاں بلے باز تھے کہ انہوں نے محمد عرفان کی بال کو باؤنڈری کے باہر پھینکنے کی کوشش کی، جاندار شارٹ دیکھ کر شائقین کا اندازہ تھا کہ بال سیدھی باؤنڈری لائن کے باہر جائے گی اور گلیڈی ایٹرز کو 6 رنز مل جائیں گے مگر اسی دوران شاہین کی طرح آفریدی بال پر جھنپٹے اور انہوں نے شاندار کیچ پکڑ کر سب کو ورطہ حیرت میں ڈال دیا۔

    انٹرنیشنل کرکٹ سے ریٹائرمنٹ کے باوجود آفریدی کو اس قدر فٹ اور متحرک دیکھ کر نہ صرف مداح حیران ہوئے بلکہ کمنٹری باکس میں بیٹھے مایہ ناز کرکٹر اور دنیا بھر میں پی ایس ایل دیکھنے والے لوگ بھی داد دیے بغیر نہ رہ سکے۔

    شاندار کیچ پکڑے کے بعد آفریدی نے اسٹیڈیم میں گفتگو کرتے ہوئے کہا کہ اچھا کیچ پکڑنے کی خواہش تھی اس لیے باؤنڈری لائن کے قریب آکر کھڑا ہوا، گیند ہوا میں تھی تو نظریں اُسی پر ٹکائے رکھیں اور کامیابی سے گیند کا جا لیا۔

    اُن کا کہنا تھا کہ فٹنس کے بغیر اچھی فیلڈنگ ممکن نہیں ہے، امید کرتا ہوں یہ سیزن اچھا رہے گا کیونکہ کراچی کنگز کی ٹیم میں تمام خصوصیات موجود ہیں۔

    پاکستان سپر لیگ کے آفیشل ٹویٹر اکاؤنٹ نے آفریدی کے کیچ کو سیزن کا اب تک کا بہترین کیچ قرار دیا ہے، دوسری جانب لالا کہ مداحوں نے بھی اپنے پسندیدہ کھلاڑی کی شاندار فیلڈنگ پر خوب تعریف کی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی کنگز پہلے معرکے کی فاتح، کوئٹہ گلیڈی ایٹرز کو شکست

    کراچی کنگز پہلے معرکے کی فاتح، کوئٹہ گلیڈی ایٹرز کو شکست

    دبئی: پاکستان سپر لیگ کے تیسرے سیزن کے اہم میچ میں کراچی کنگز نے شاندار بیٹنگ ، باؤلنگ اور فیلڈنگ کے باعث گلیڈی ایٹرز کو پہلے میچ میں 19 رنز سے شکست دے دی۔

    تفصیلات کے مطابق پاکستان سپر لیگ کے تیسرے ایڈیشن کے دوسرے میچ میں کراچی کنگز اور کوئٹہ گلیڈی ایٹرز کی ٹیمیں مد مقابل تھیں، کراچی کنگز کی کپتانی عماد وسیم جبکہ سرفراز احمد نے کوئٹہ گلیڈی ایٹرز کی قیادت کی۔

    عماد وسیم نے پہلے ٹاس جیت کر بیٹنگ کا فیصلہ کیا، کراچی کنگز نے کولن انگرام اور خرم منظور کی شاندار اننگز کی بدولت پہلے بیٹنگ کرتے ہوئے کوئٹہ گلیڈی ایٹرز کو جیت کے لیے 150 رنز کا ہدف دیا۔

    ہدف کے تعاقب میں کوئٹہ کی ٹیم کا کوئی بھی کھلاڑی کراچی کے باؤلرز کے آگے زیادہ دیر تک ٹک نہیں پایا، شاہد آفریدی نے سرفراز الیون کے سب سے نمایاں اسکورر عمر امین کا باؤنڈری پر ناقابل یقین کیچ پکڑا۔

    گلیڈی ایٹرز کی جانب سے عمر امین 31 ، محمد نواز 30 جبکہ روسو 18 رنز بناکر نمایاں بلے باز رہے جبکہ کراچی کنگز کے عماد وسیم، ٹی ملز اور محمد عرفان نے 2 ، 2 کھلاڑیوں کو پویلین کی راہ دکھائی۔

    اسکور کارڈ

    کوئٹہ گلیڈی ایٹرز اننگز خلاصہ

    بیسویں اوور میں گلیڈی ایٹرز کی ٹیم نے 8 رنز ضرور حاصل کیے مگر وہ کسی کام نہ آسکے، دو گیندوں قبل سرفراز الیون کے 9ویں کھلاڑی بھی پویلین لوٹے جس کے بعد کراچی کنگز نے 19 رنز سے فتح اپنے نام کی۔

    انیسویں اوور میں کراچی کنگز کو ایک اور وکٹ ملی جس کے بعد جیت کی راہ مزید ہموار ہوئی، اوور اختتام پر گلیڈی ایٹرز نے 8 وکٹوں کے نقصان پر 122 رنز بنائے۔

    اٹھارواں اوور کی دوسری بال پر گلیڈی ایٹرز کے بیٹسمین محمد نواز کیچ آؤٹ ہوکر پویلین لوٹے، اس طرح سرفراز الیون کو ساتویں کھلاڑی کے نقصان کا سامنا کرنا پڑا، اوور اختتام پر ٹیم کا اسکور 118 تک پہنچا۔

    سولہویں اوور میں سرفراز الیون کے مجموعی اسکور میں 10 رنز کا اضافہ ہوا جس کے بعد مجموعی اسکور 6 وکٹوں کے نقصان پر 107 تک پہنچا جبکہ 17ویں اوور میں صرف 6 رنز کا اضافہ ہوا۔

    پندرہویں اوور میں گلیڈی ایٹرز نے مجموعی اسکور 6 وکٹوں کے نقصان پر 97 تک پہنچایا۔

    تیرہویں اوور کی تیسری بال پر شاہد آفریدی نے بالکل باؤنڈری لائن کے قریب عمر امین کا شاندار کیچ لے کر انہیں پویلین کی راہ دکھائی، عمر امین نے 31 گیندوں کا سامنا کرتے ہوئے 31 رنز بنائے، اوور اختتام پر سرفراز الیون کا مجموعی اسکور 6 وکٹوں کے نقصان پر 74 تک پہنچا۔

    شاہد آفریدی کی شاندار فیلڈنگ

    بارہواں اوور کراچی کنگز کے لیے مثبت ثابت ہوا کیونکہ گلیڈی ایٹرز کے کپتان سرفراز احمد آفریدی کی گیند کو نہ سمجھ سکے اور ایل بی ڈبلیو ہوکر 7 رنز کے بعد پویلین روانہ ہوئے، اوور اختتام پر سرفراز الیون کا اسکور 5 وکٹوں کے نقصان پر 67 تک پہنچا۔

    گیارہویں اوور میں ٹیم کا مجموعی اسکور 58 تک پہنچا۔

    دسویں اوور میں صرف پانچ رنز کا اضافہ ہوا۔

    سرفراز احمد اور عمر امین نے شاہد آفریدی کے نویں اوور کو محتاط انداز میں کھیلا اور 7 رنز حاصل کیے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 53 تک پہنچا۔

    عماد وسیم نے اننگزکا نواں اوور کروایا جس میں روسو گیند کو باؤنڈری کے باہر پھینکنے کے چکر میں کیچ آؤٹ ہوکر پویلین لوٹے، روسو نے ایک چھکے اور ایک چوکے کی مدد سے 19 گیندوں پر 18 رنز بنائے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 46 تک پہنچا۔

    شاہد آفریدی نے اپنا پہلا اور اننگز کا آٹھواں اوور کروایا جس میں گلیڈی ایٹرز کی ٹیم صرف ایک رن ہی لے سکی، اوور اختتام پر سرفراز الیون کا مجموعی اسکور تین وکٹوں کے نقصان پر 41 تک پہنچا۔

    ساتویں اوور میں گلیڈی ایٹرز کے بلے باز روسو کے چھکے اور عمر امین کے چوکے کی بدولت ٹیم کا مجموعی اسکور 40 تک پہنچا۔

    چھٹے اوور میں ایک چوکے کی مدد سے گلیڈی ایٹرز نے مجموعی اسکور تین وکٹوں کے نقصان پر 26 تک پہنچایا۔

    پانچویں اوور کی پہلی ہی بال پر پیٹریسن بغیر کھاتہ کھولے پہلی ہی بال پر ملز کا نشانہ بنے اور کیچ دے کر پویلین لوٹے، اوور اختتام پر گلیڈی ایٹرز کا مجموعی اسکور تین وکٹوں کے نقصان پر 22 تک پہنچا۔

    چوتھے اوور میں چار رن اضافے کے بعد مجموعی اسکور 15 تک پہنچا۔

    تیسرا اوور عماد وسیم نے کروایا جس کی پہلی ہی گیند کو باؤنڈری سے باہر پھینکنے کی کوشش میں اسد شفیق ہاتھوں میں کیچ دے کر پویلین روانہ ہوئے، اوپنر بلے باز نے 6 گیندوں پر 2 رنز بنائے، اوور اختتام پر سرفراز الیون کا مجموعی اسکور 2 کھلاڑیوں کے نقصان پر 11 تک پہنچا۔

    کراچی کنگز کے لیے محمد عامر کا پہلا اور اننگز کا دوسرا اوور مؤثر ثابت ہوا کیونکہ چوتھی گیند پر شین واٹسن رن لینے کی ناکام کوشش میں محمد رضوان کے ہاتھوں رن آؤٹ ہوکر پویلین روانہ ہوئے، واٹسن نے 6 گیندوں کا سامنا کرتے ہوئے صرف ایک رن بنایا۔

    سرفراز الیون کی جانب سے اننگز کا آغاز اسد شفیق اور شین واٹسن نے کیا جبکہ کراچی کنگز کے کپتان عماد وسیم نے پہلا اوور کروایا، اوور اختتام پر مجموعی اسکور بغیر کسی نقصان کے 3 رنز تک پہنچا۔

    کراچی کنگز اننگز خلاصہ

    اننگز خلاصہ

    کراچی کنگز نے مقررہ 20 اوورز میں پہلے بیٹنگ کرتے ہوئے کوئٹہ گلیڈی ایٹرز کو جیت کیلئے150 رنزکاہدف دیا، کولن انگرام 41 ، خرم منظور 35 اور روی بوپارا 24 رنز بنا کر نمایاں بلے باز رہے۔

    اننگز کا آخری اور بیسواں اوور کراچی کنگز کے لیے مؤثر ثابت نہ ہوا، شاہد خان آفریدی شین واٹس کی بال پر کلین بولڈ ہوئے جبکہ اگلی ہی بال پر محمد عرفان بھی آؤٹ ہوکر پویلین لوٹے اور پھر محمد رضوان بھی آؤٹ ہوئے، اوور اختتام پر 9 وکٹوں کے نقصان پر کراچی کنگ نے 149 رنز بنائے۔

    انسویں اوور کی چوتھی بال پر عماد وسیم 2 رنز بناکر پویلین روانہ ہوئے، یوں کراچی کنگز کا اوور اختتام پر مجموعی اسکور 6 وکٹوں کے نقصان پر 140 تک پہنچا۔

    اٹھارویں اوور کی تیسری بال پر روی بھوپارا 19 گیندوں پر 25 رنز بناکر پویلین لوٹے، اوور میں صرف چار رنز کا اضافہ ہوا جس کے بعد مجموعی اسکور 5 وکٹوں کے نقصان پر 135 تک پہنچا۔

    سترہویں اوور کی چوتھی بال پر انگرام کیچ آؤٹ ہوکر پویلین لوٹے، اوور اختتام پر ٹیم کا مجموعی اسکور چار وکٹوں کے نقصان پر 131 تک پہنچا۔

    سولہویں اوور میں دو چوکوں کی مدد سے ٹیم کا مجموعی اسکور تین کھلاڑیوں کے نقصان پر 122 رنز تک پہنچا۔

    پندرہویں اوور میں ایک چھکے اور دو چوکوں کی مدد سے مجموعی اسکور 111 تک پہنچا، روی بھوپارا اور کولن انگرام نے جارحانہ بیٹنگ کی۔

    چودہویں اوور میں صرف تین رنز بن سکے، مجموعی اسکور تین وکٹوں کے نقصان پر 93 تک پہنچا۔

    تیرہویں اوور کی دوسری بال پر خرم منظور 39 گیندوں پر 35 رنز بنا کر پویلین لوٹے، اوور اختتام پر مجموعی اسکور تین وکٹوں کے نقصان پر 90 تک پہنچا۔

    بارہویں اوور میں ٹیم کا مجموعی اسکور 2 وکٹوں کے نقصان پر 81 تک پہنچا۔

    گیارہوں اوور میں ایک چھکے اور ایک چوکے کی مدد سے ٹیم کا مجموعی اسکور تک پہنچا۔

    دسویں اوور میں کراچی کنگز کے بلے باز خرم منظور اور کولن انگرام کریز پر موجود رہے، اوور اختتام پر ٹیم کا مجموعی اسکور 2 کھلاڑیوں کے نقصان پر 60 تک پہنچا۔

    نویں اوور میں راحت علی کی بال پر بابر اعظم 12 گیندوں پر 10 رنز بناکر آؤٹ ہوئے۔

    پانچواں اوور: شین واٹسن

    0-4-w-0-0-1

    شین واٹسن نے ڈینلی کو رن آؤٹ کیا، انہوں نے 14 گیندوں کا سامنا کرتے ہوئے 1 چوکے کی مدد سے 14 ہی رن بنائے۔

    چوتھا اوور: محمد نواز

    1,1,0,1,1,1

    تیسرا اوور: شین واسٹن

    1.1.0.2.1.1

    دوسرا اوور: جوفرا

    1LB,1,4,2,1,4,

    پہلا اوور: انور علی

    1,4B,0,0,0,1,0

    کوئٹہ گلیڈی ایٹرز سے کراچی کنگز پاکستان سپر لیگ کا اپنا پہلا میچ کھیلے گی۔ ٹیم کراچی کنگز فاتحانہ آغاز کے لیے پرعزم ہے۔ پی ایس ایل سیزن تھری کی فیورٹ دلوں کے بادشاہ کراچی کنگز کی یہ پہلی آزمائش ہے۔

    مزید پڑھیں: پی ایس ایل کی افتتاحی تقریب

    کراچی کنگز کوئٹہ گلیڈی ایٹرز سے صف آرا ہونے کے لیے مکمل تیار ہیں۔ بیٹنگ، بولنگ اور فیلڈنگ کا شعبہ مضبوط ہوگیا اس حوالے سے ٹیم ڈائریکٹر راشد لطیف کا کہنا ہے کہ کراچی کنگز کا کامبینیشن مضبوط ہے۔

    یاد رہے کہ سرفراز احمد کی کپتانی میں کوئٹہ گلیڈی ایٹرز مسلسل دو بار ایونٹ کی رنراپ ٹیم رہ چکی ہے۔ کوئٹہ گلیڈی ایٹرز آسان حریف نہیں ہیں، دونوں ٹیموں کے درمیان دبئی کرکٹ اسٹیڈیم میں گھمسان کا رن پڑنے جارہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • انشاء اللہ!! کراچی کنگز پی ایس ایل کی ٹرافی جیتے گی، سلمان اقبال

    انشاء اللہ!! کراچی کنگز پی ایس ایل کی ٹرافی جیتے گی، سلمان اقبال

    دبئی: کراچی کنگز کے صدر اور اے آر وائی ڈیجیٹل کے سی ای او سلمان اقبال کا کہنا ہے کہ پی ایس ایل دنیا کی بہت بڑی لیگ بن چکی، انشاء اللہ کراچی کنگز فائنل میں پہنچ کر ٹرافی جیتے گی۔

    اے آر وائی کے پروگرام ہر لمحہ پرجوش میں دبئی سے بذریعہ کال گفتگو کرتے ہوئے سلمان اقبال کا کہنا تھا کہ کراچی کنگز دلچسپ مقابلوں کے لیے تیار ہے، انشاء اللہ ہم کراچی میں فائنل کھیل کر ٹرافی اپنے نام کریں گے۔

    اُن کا کہنا تھا کہ ہم کوالیفائنگ راؤنڈ کے تمام میچز جیتیں گے کیونکہ ہماری ٹیم متوازن ہے اور کھلاڑیوں نے پریکٹس شروع کردی، تمام ٹیمیں مقابلوں کے لیے بالکل تیار ہیں۔

    یہ بھی پڑھیں: ’پی ایس ایل کی افتتاحی تقریب شائقین مدتوں یاد رکھیں گے‘

    سلمان اقبال کا کہنا تھا کہ دبئی کی ہر گلی میں پی ایس ایل کی باتیں ہورہی ہیں، اب کھیل جمے گا جس کی تیاریاں مکمل ہیں، ہم فائنل کے لیے کراچی پہنچ گئے تو کراچی والے ہی ہمیں فتح دلوائیں گے۔

    واضح رہے کہ پی ایس ایل سیزن تھری کے حوالے سے اے آر وائی نیوز کا خصوصی شو ہرلمحہ پرجوش کا آغاز ہوگیا جو فائنل تک جاری رہے گا، شو کے میزبان وسیم بادامی ہیں جبکہ باسط علی اور تنویر احمد میچز پر تبصرے کریں گے۔

    یہ بھی پڑھیں: سب ٹھیک رہا تو اگلا پی ایس ایل پاکستان میں کرائیں گے، نجم سیٹھی

    پروگرام میں معروف کامیڈین شکیل صدیقی، حسن علی اور عرفان ملک طنز و مزاح کی پھلجھڑیاں چھوڑیں گے جبکہ ستاروں کا حال اور پیش گوئیاں کرنے والے بھی اپنی اپنی رائے دیں گے۔

    واضح رہے کہ پی ایس ایل سیزن تھری کی افتتاحی تقریب 22 فروری جمعرات کے روز دبئی اسٹیڈیم میں منعقد کی جائے گی جس میں معروف فوک گلوکارہ عابدہ پروین اپنی آواز کا جادو جگائیں گی جبکہ راک اسٹار شہزاد رائے اور علی ظفر بھی پرفارمنس دیں گے۔

    مزید پڑھیں: پی ایس ایل 3: پی سی بی نے کھلاڑیوں‌ کی فہرست جاری کردی

    افتتاحی تقریب کے بعد پہلا میچ ملتان سلطان اور پشاور زلمی کے درمیان کھیلا جائے گا جبکہ کراچی کنگز کا پہلا مقابلہ 23 فروری کو کوئٹہ گلیڈی ایٹرز سے ہوگا۔

    خیال رہے کہ پی ایس ایل میں کراچی کنگز، لاہور قلندرز، کوئٹہ گلیڈی ایٹرز، اسلام آباد یونائیٹڈ اور پشاور زلمی کی ٹیمیں تھیں تاہم تیسرے سیزن میں ایک ملتان سلطان کی چھٹی ٹیم کو بھی شامل کیا گیا ہے۔

    اسے بھی پڑھیں: پی ایس ایل کے تیسرے سیزن میں 20 عالمی کرکٹر شامل

    دریں اثناء پہلے دو سیزن میں ٹوٹل 24 میچز منعقد کیے گئے تھے تاہم تیسرے سیزن میں مقابلوں کی تعداد بڑھا کر 34 کردی گئی ہے، ابتدائی دو سیزن کے میچ دبئی میں منعقد کیے گئے تھے جبکہ فائنل لاہور کے قذافی اسٹیڈیم میں کھیلا گیا تھا۔

     خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نجم سیٹھی سلمان اقبال کے معترف، ٹیم کے لیے معروف شخصیات کی نیک خواہشات

    نجم سیٹھی سلمان اقبال کے معترف، ٹیم کے لیے معروف شخصیات کی نیک خواہشات

    دبئی: پاکستان کرکٹ بورڈ کے چیئرمین نجم سیٹھی نے کراچی کنگز کے مالک سلمان اقبال کی کرکٹ کے لیے کی جانے والی خدمات کو سراہتے ہوئے کہا ہے کہ نوجوان کرکٹر عماد وسیم کو کپتان بنا کر کراچی کنگز نے بڑا قدم اٹھایا، سیاسی و شوبز شخصیات نے بھی اپنی پسندیدہ ٹیم کے لیے نیک خواہشات کا اظہار کیا ہے۔

    تفصیلات کے مطابق پی ایس ایل کے تیسرے سیزن کی تیاریاں زور و شور سے جاری ہیں اور شائقین کرکٹ بھی اپنی ہر دل عزیز ٹیم کو ایکشن میں دیکھنے کے لیے بے تاب ہیں۔

    کراچی کنگز کی ٹیم نے دبئی پہنچنے کے بعد آج دوسرے روز بھی ہیڈ کوچ مکی آرتھر کی نگرانی میں سخت ٹریننگ کی، باؤلرز نے وکٹیں لینے کی پریکٹس کی تو بلے باز بھی جیت کی چال کھیلتے نظر آئے۔

    ہیڈ کوچ مکی آرتھر نے کھلاڑیوں کو سپر فٹ کرنے کے لیے اسٹیڈیم کی خوب دوڑیں لگوائیں، پی ایس ایل کا آغاز جمعرات سے ہوگا مگر کراچی کنگز کے پاس ابھی دو روز باقی ہیں کیونکہ عماد الیون 23 فروری کو پہلا مقابلہ کوئٹہ گلیڈی ایٹرز سے کھیلے گی۔

    پاکستان کرکٹ بورڈ کے چیئرمین نجم سیٹھی نے عماد وسیم کو کپتان بنانے کو بڑا اقدام قرار دیتے ہوئے کہا کہ کراچی کنگز کے مالک نے کرکٹ کے لیے بہت سی خدمات سرانجام دیں جو قابلِ تعریف ہیں۔

    دوسری جانب ملک کی نامور شخصیات خصوصا کراچی سے تعلق رکھنے والے سیاستدانوں اور فنکاروں نے اپنی پسندیدہ ٹیم کے لیے نیک خواہشات کا اظہار کیا۔

    مراد علی شاہ


    صوبائی وزیر ناصر حسین شاہ

    اداکارہ حریم فاروق

    اداکارہ ندا یاسر


    دینو علی

    کراچی کنگز کا آفیشل گانے کو لوگوں نے اس قدر سراہا کہ انٹرنیشنل ویڈیو شیئرنگ کی ویب سائٹ پر یہ نغمہ ٹاپ ٹرینڈ بن گیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی کنگز کے فاسٹ بولر عثمان شنواری نے شعیب اختر کو اپنا رول ماڈل قرار دے دیا

    کراچی کنگز کے فاسٹ بولر عثمان شنواری نے شعیب اختر کو اپنا رول ماڈل قرار دے دیا

    کراچی: کراچی کنگز کے پیسر، باصلاحیت کھلاڑی عثمان خان شنواری نے دنیا کے تیز تر بولر شعیب اختر کو اپنا رول ماڈل قرار دے دیا۔

    ان خیالات کا اظہار انھوں نے اے آر وائی اسپورٹس کو خصوصی انٹرویو دیتے ہوئے کیا۔ ان کا کہنا تھا کہ رفتار کے میدان میں وہ عظیم شعیب اختر کی پیروی کرتے ہیں۔ یاد رہے کہ شعیب اختر کو سو میل فی گھنٹے کی رفتار سے بولنگ کا انوکھا اعزاز حاصل ہے۔

    عثمان شنواری گذشتہ برس نومبر میں سری لنکا کے خلاف سیریز میں بیک انجری کا شکار ہوگئے تھے، جس کی وجہ سے چھ ماہ کرکٹ سے دور رہے، مگر اب وہ دوبارہ اپنی صلاحیتوں کا مظاہرہ کرنے کے لیے پر تول رہے ہیں۔ بائیں ہاتھ کے تیر رفتار بولر نے اپنی فٹنس حاصل کرلی ہے اور وہ کراچی کنگز کی جیت میں کلیدی کردار ادا کرنے کے لیے پر عزم ہیں۔

    اے آروائی اسپورٹس سے بات چیت کرتے ہوئے انھوں کہا،’میں سخت محنت کر رہا ہوں، کوشش ہے، خود کو زیادہ سے زیادہ بہتر بناﺅں، جب کپتان اور کوچ مجھے کھیلانے کا فیصلے کریں گے، میں بھرپور ایکشن میں نظر آﺅں گا۔‘

    23 سالہ پیسر عماد آل رائونڈر وسیم کی کپتانی میں کھیلنے کے لیے پرجوش ہیں۔ وہ ان کے ساتھ قومی ٹیم میں بھی کھیل چکے ہیں اور امید رکھتے ہیں کہ یہ تجربہ متاثر کن رہے گا۔ ’میں پہلے بھی ان کے خلاف اور ان کے ساتھ کھیل چکا ہوں، تو ان کے ساتھ کھیل کر مزہ آئے گا، وہ ایک جارح کپتان ہیں، امید ہے کہ نتائج مثبت رہیں گے۔‘

    معروف اداکارعدنان صدیقی کراچی کنگزکی حمایت میں میدان میں آگئے

    کراچی کنگز کے تمام نوجوانوں کھلاڑیوں کی طرح وہ بھی لیجنڈ کھلاڑی شاہد خان آفریدی کے ساتھ کھیلنے کے لیے پرجوش ہیں۔ انھیں خوشی ہے کہ وہ کراچی کنگز کا حصہ ہیں۔عثمان کے بہ قول،’شاہد بھائی لیجنڈ ہیں۔ ان کی ٹیم میں موجودگی ہی سے دوسری ٹیم دباﺅ میں آجاتی ہے۔ تو ہمیں خوشی ہے کہ وہ کراچی کنگز کی نمائندگی کر رہے ہیں۔‘

    انھیں اس بات کی بھی خوشی ہے کہ پی ایس ایل تھری کا فائنل کراچی میں ہورہا ہے اور انھیں یقین ہے کہ اگر کراچی کی ٹیم فائنل میں پہنچی تو عوام کی بڑی تعداد اسٹیڈیم کا رخ کرے گی۔

    پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    شنواری کہتے ہیں،’یہ کراچی والوں کے لیے اچھی خبر ہے کہ میگا ایونٹ کا فائنل کراچی میں ہوگا۔ اگر کراچی کنگر فائنل تو پہنچی، تو یہ سونے پر سہاگہ ہوگا اور مجھے امید ہے کہ ہم اچھا پرفام کریں گے۔‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • معروف اداکارعدنان صدیقی کراچی کنگزکی حمایت میں میدان میں آگئے

    معروف اداکارعدنان صدیقی کراچی کنگزکی حمایت میں میدان میں آگئے

    کراچی: معروف اداکارعدنان صدیقی نے کراچی کنگز اوراے آر وائی ڈیجیٹل کے سی ای او سلمان اقبال کے لیے نیک تمناؤں کا اظہار کرتے ہوئے کہا کہ پی ایس ایل میں کراچی کنگز کے شیر ڈھاریں گے۔

    تفصیلات کے مطابق پاکستان کے معروف اداکارعدنان صدیقی نے سوشل میڈیا کی ویب سائٹ فیس بک پر اپنے پیغام میں دلوں کے بادشاہ کراچی کنگز کا حصہ بننے پرخوشی کا اظہار کیا۔

    عدنان صدیقی نے اے آر وائی ڈیجیٹل کے سی ای او اور کراچی کنگز کے مالک سلمان اقبال کا بالخصوص شکریہ ادا کیا۔

    معروف اداکار نے پی ایس ایل میں کھیلنے والی تمام ٹیموں اورخاص کرکراچی کنگز کے لیے نیک خواہشات کا اظہار کرتے ہوئے کہا کہ لڑکوں جاؤ اور ہمارے لیے کپ اٹھاؤ، خوشی کو دوبالا بلکہ سہہ بالا کردو کیونکہ بین الاقوامی کرکٹرز کراچی آرہے ہیں۔

    انہوں نے کہا کہ کرکٹ ایک ایسا کھیل ہے جو ہماری قوم کو متحد کرتا ہے اور پی ایس ایل پاکستان کرکٹ کے لیے گیم چینجر ہے، اس کے ذریعے نیا ٹیلنٹ سامنے آرہا ہے۔

    عدنان صدیقی نے کہا کہ پاکستان سپرلیگ کا تھرڈ ایڈیشن پورے آب وتاب سے شروع ہونے کو ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    تجزیہ: شاہد ہاشمی

    پاکستان سپر لیگ کا تیسرا ایڈیشن اپنے جلو میں بے شمار ہنگامہ خیزی اوررنگینیاں لیے آیا ہی چاہتا ہے۔ اس بار ہوگا پہلے سے زیادہ ایکشن، تھرل اور پہلے سے زیادہ میچز، کیونکہ اس بار چھ ٹیمیں مدمقابل ہیں۔ ملتان سلطانز بھی میدان میں اتر چکے ہیں۔

    پاکستان کرکٹ بورڈ اس کو نئے افق پر لے جاکر ٹی ٹوئنٹی کرکٹ کو نئی دنیاؤں سے روشناس کرانے کے لیے پرعزم ہے۔ پاکستان کے سب سے بڑے اسٹیڈیم، نیشنل اسٹیڈیم کراچی میں بالآخر نو سال بعد ایک عالمی سطح کا ایونٹ منعقد ہوگا۔ سیزن کا فائنل اسی گرائونڈ میں کھیلا جائے گا۔ اس مقابلے کے لیے زور وشور سے تیاریاں جاری ہیں۔

    آئیں جائزہ لیتے ہیں کہ پی ایس ایل کی چھ ٹیموں میں سے کس کی کتنی استعداد ہے اور ان میں سے کون فائنل تک پہنچنے کی صلاحیت رکھتی ہے۔

    پشاور زلمی

    پشاور زلمی میں کامران اکمل، حارث سہیل ، تمیم اقبال، تیمور سلطان اور ابتسام شیخ جلوے دکھائیں گے، جب کہ آل راؤنڈرز میں محمد حفیظ، شکیب الحسن، ڈیوین براوو ، ڈیرن سیمی، حماد اعظم اور سعد نسیم اپنی صلاحیتوں کا مظاہرہ کریں گے۔

    باؤلنگ سائیڈ دیکھی جائے، تو اسپنرز میں محمد اصغر جب کہ فاسٹ باؤلرز میں وہاب ریاض ، حسن علی، کرس جارڈن اور سمین گل اپنے جوہر دکھائیں گے۔ دیگر اہم کھلاڑیو ں میں اینڈرے فلیچر، ایوین لوئیس، خالد عثمان اور محمد عارف کے نام موجود ہیں۔

    پشاور زلمی جو اس سال اپنے ٹائٹل کا دفاع کرے گی، وہ اس بار اسٹا رکرکٹر شاہد خان آفریدی سے محروم ہے۔ سپراسٹار کراچی کنگز میں شمولیت اختیار کرچکے ہیں۔ البتہ زلمی کے پاس ویسٹ انڈیز کو دو بار ورلڈ ٹی ٹوئنٹی جتوانے والے کپتان ڈیرن سیمی موجود ہیں۔

    یہ بات بھی پیش نظر رہے کہ بنگلا دیش کے تمیم اقبال اور شکیب الحسن پی ایس ایل کے کتنے میچز کھیل پائیں گے، کیوں کہ انہیں 8 تا 18 مارچ بنگلا دیش، سری لنکا اور بھارت کے مابین منعقدہ سہہ فریقی سیریز میں بھی شریک ہونا ہے، شاید یہ دونوں اہم کھلاڑی ابتدائی پانچ میچز کے بعد دستیاب نہ ہوں۔ ان کی جگہ کامران اکمل اور محمد حفیظ کو ٹاپ آرڈر جب کہ ڈیوین براوو اور حارث سہیل کو مڈل آرڈر پر ذمہ داری کا مظاہرہ کرنا ہوگا۔

    باؤلنگ سائیڈ میں اس سال ایک روزہ میچز میں سب سے زیادہ وکٹیں لینے والے حسن علی کی موجودگی پشاور زلمی کو مضبوط کرے گی۔ ان کے ہمراہ وہاب ریاض اور کرس جارڈن بھی اپنا بھرپور کردار ادا کرنے کا ارادہ رکھتے ہیں۔ اسپن اٹیک کے لیے حفیظ کا کردار اہم ہے۔

    لاہور قلندرز

    لاہور قلندرز کے پاس بلے بازی کے لیے برینڈن میک کیلم، فخر زمان، عمر اکمل، کرس لین، کیمرون ڈیل پورٹ اور سہیل اختر موجود ہیں، آل راؤنڈرز میں عامر یامین، امید یوسف اور بلال آصف سے امیدیں وابستہ ہیں۔

    باؤلنگ کی جانب نگاہ کی جائے تو سنیل نارائن، یاسر شاہ ،رضا حسن اور آغا سلمان جیسے مضبوط نام سامنے آتے ہیں، فاسٹ باولرز میں سہیل خان، مستفیظ الرحمان، شاہین شاہ آفریدی، غلام مدثر اور سلمان ارشان موجود ہیں۔ دیگر کھلاڑیوں میں مشعل میک کلنگھم اور گلریز صدف موجود ہیں۔

    بد قسمتی سے پی ایس ایل کی نمایاں ٹیموں میں شامل لاہور قلندرز گذشتہ دو ایڈیشنز میں کوئی خاطر خواہ کارکردگی نہیں دکھا سکی۔ البتہ اس بار ان کے پاس کرس لین جیسا کھلاڑی موجود ہے، جوٹی ٹوئنٹی میچز کو سنسنی خیز بنانے کا ہنر اچھی طرح جانتے ہیں۔ محمد رضوان کی جگہ آنے والے سہیل خان بھی یقیناً ٹیم میں ایک اچھا اضافہ ثابت ہوں گے۔

    کراچی میں پاکستان سپر لیگ کے انعقاد سے مثبت پیغام جائے گا: شاہد آفریدی

    اسپننگ سائیڈ بھی ٹیم میں سنیل نارائین اور یاسر شاہ کی موجود گی کے سبب مضبوط ہوئی ہے، تاہم بلال آصف فی الحال انجرڈ ہیں اور انہیں ریکور ہونے کے لیے وقت درکار ہے، فاسٹ باؤلنگ میں سہیل اور عامر یامین بھی اپنا جادو جگائیں گے۔ البتہ بلاول بھٹی کی انجری اور عرفان جونیئر کے کراچی کنگز جانے کے سبب یہ شعبہ مشکلات کا شکار رہے گا۔ کشمیر سے تعلق رکھنے والے سلمان ارشاد کی پرفارمنس کو اہم تصور کیا جارہا ہے۔

    لاہور کی خامی ان کا مڈل آرڈر ثابت ہوگی، تاہم اس سے عمر اکمل کو موقع ضرور ملے گا کہ وہ پی ایس ایل 2 کی طرح دھواں دھار کاکردگی دکھا کر قومی ٹیم میں اپنی واپسی کی راہ ہموار کریں۔

    ملتان سلطانز

    پی ایس ایل میں پہلی بار شامل ہونے والی ٹیم ملتان سلطانز کے پاس بلے بازوں کی فہرست میں جو نام ہیں، ان میں شعیب ملک، کمار سنگا کارا، صہیب مقصود، ڈیرن براوو، احمد شہزاد، شان مسعود، نک پوراںِ عبداللہ شفیق، سیف بدر اور عرفان خان شامل ہیں۔

    آل راؤنڈر کے طور پراس ٹیم میں صرف سہیل تنویر ہیں جب کہ باؤلنگ کی بات کی جائے تو عمران طاہر بطور اسپنر ہوں گے اور محمد عرفان، جنید خان اور محمد عباس بطور فاسٹ باؤلر اپنا جلوہ دکھائیں گے، دیگر کھلاڑیوں میں ہارڈس ول جوائن، عمر گل، عمر صدیق اور روز وائٹلے شامل ہیں۔

    کراچی !! پھر ملیں گے فائنل میں، کراچی کنگز کے روی بوپارہ پُرعزم

    پی ایس ایل کی یہ نئی فرنچائز سابقہ مہنگی ترین ٹیم، یعنی کراچی کنگز سے دگنی مالیت کی ہے۔ وسیم اکرم اور ٹام موڈی کے مشوروں پر متوازن ٹیم منتخب کی گئی ہے۔ شعیب ملک بھی اسی ٹیم کا حصہ ہیں، جنھوں نے سابق دو ایڈیشنز میں کراچی کنگز کی نمائندگی کی تھی، مگر ان کی کارکردگی غیر تسلی بخش رہی. اس بار انھیں اپنی پرفارمنس ثابت کرنی ہوگی۔ کیرن پولارڈ اور براوو ٹاپ آرڈر پر ٹیم کے لیے ایک اچھا کمبنی نیشن ثابت ہوں گے۔ احمد شہزاد اور صہیب مقصود کو بھی اپنی پرفارمنس ثابت کرنا ہوگی۔

    ملتان سلطان کی لائن اپ کا سقم یہ ہے کہ ان کے پاس محض ایک اسپنر ہے، یو اے ای کی وکٹ پر انھیں اسپینر کی کمی محسوس ہوگی۔

    کراچی کنگز

    کراچی کنگز کو پی ایس ایل کی سب سے زیادہ مقبول ٹیم تصور کیا جاتا ہے، ان کے پاس بلے بازی کےمیدان میں کولن انگرام، جو ڈینلے، خرم منظور، بابر اعظم اور محمد رضوان جیسے کھلاڑی موجود ہیں، جب کہ آل راؤنڈرز میں اسٹار کرکٹر شاہد آفریدی، روی بوپارا، عماد وسیم، ڈیوڈ ویزے اور حسن محسن جیسے اہم نام موجود ہیں، جن سے پی ایس ایل شائقین کو خاصی امیدیں‌ ہیں.

    باؤلنگ سائیڈ پر دیکھا جائے، تو اسپنرز میں اسامہ میر جب کہ فاسٹ باؤلرز میں محمد عامر، تیمل ملز، عثمان شنواری، تابش خان اورمحمد عرفان جونیئر جیسے نام شامل ہیں۔ دیگر کھلاڑیو میں لینڈل سائمنز، ایوین مورگن اور سیف اللہ بنگش موجود ہیں۔

    کراچی کنگز پی ایس ایل کی وہ ٹیم ہے، جس نے سب سے زیادہ تبدیلیاں کی گئیں، کرس گیل اور سہیل خان کو ڈراپ کرکے ان کی جگہ شاہد خان آفریدی جیسے سپراسٹار کو ٹیم میں شامل کیا گیا ہے۔ اس سے نہ صرف تماشائیوں کے جوش و خروش میں اضافہ ہوگا، بلکہ ٹیم کا مورال بھی بلند ہوگا. شاہد خان آفریدی کسی بھی ٹی ٹوئنٹی میچ میں محض چند گیندوں میں مقابلے کا پانسہ پلٹنے کی حیرت انگیز صلاحیت رکھتے ہیں۔

    سہیل خان کی کمی تیمل ملز پوری کریں گے، جب کہ محمد عامر بھی اپنا تیز رفتار فن دکھانے کے لیے میدان میں موجود ہوں گے۔ محمد عرفان جونیئر اور عثمان خان شنواری بھی کراچی کنگز کے حق میں ایک بڑے فیکٹر کا کردار ادا کرسکتے ہیں۔

    کولن انگرام، جو دینلے اور خرم منظور سے امید کی جارہی ہے وہ ٹیم کو ایک اچھا اسٹارٹ فراہم کریں گے تاہم بابر اعظم بھی ٹیم کو سنبھانے میں اہم کردار ادا کریں گے۔ تجزیہ کاروں کے مطابق اس آل راؤنڈرز بھی ٹیم کو کامیابی سے ہمکنار کرنے میں کلیدی کردار ادا کریں گے۔

    ٹیم میں شاہد آفریدی کی موجود گی، جب کہ نئے کپتان عماد وسیم کی مناظر میں آمد کراچی کنگز کی پرفارمنس پر گہرے اور مثبت کردار ادا کرسکتی ہے.

    اسلام آباد یونائیٹڈ

    پہلا سیزن اپنے نام کرنے والی اس ٹیم کے بلے بازوں میں مصباح الحق، افتخار احمد، آصف علی، جے پی ڈومینی، لیوک رونچی، سیم بلنگز، صاحبزادہ فرحان اور طلعت حسین شامل ہیں۔ آل راؤنڈرز میں اینڈرے رسل، شاداب خان اور فہیم اشرف اپنا ہنر آزمائیں گے۔

    اسپن اٹیک میں‌ سیموئل بدری اور ظفر گوہر موجود ہیں، فاسٹ باؤلرز میں محمد سمیع ، رومان رئیس اور عماد بٹ نمایاں‌ ہیں. دیگر کھلاڑیوں میں الیکس ہیلز، سمت پٹیل، اسٹیو فن محمد حسن اور محمد حسنین شامل ہیں۔

    اسلام آباد یونائیٹڈ کے مداح یقیناً شرجیل خان اور خالد لطیف کی کمی محسوس کریں گے، دونوں کھلاڑی گذشتہ سال اسپاٹ فکسنگ کے الزام کے سبب ٹیم سے باہر ہوگئے تھے۔ فرنچا ئز نے ڈیوین اسمتھ کو بھی اس سال ریلیز کردیا ہے، تاہم اینڈرے رسل کی واپسی یقینی طور پر خوش آئند ثابت ہوگی۔

    کراچی کنگزکے آفیشل گانے ’’ دے دھنا دھن ‘‘ کی ویڈیو ریلیز

    شین واٹس تو ٹیم میں‌ نہیں. ان کی جگہ جے پی ڈومنی، لیوک رونچی اور صحبزاداہ فرحان بلے بازی کے جوہر دکھائیں گے۔ سیم بلنگز بھی آخر کےمیچز میں میسر ہوں گے. ٹیم کی سب سے مضبوط اور قابل بھروسہ شخصیت مصباح الحق ہیں. دیکھنا یہ ہے کہ ریٹائرمنٹ کے بعد مصباح الحق کس طرح اپنی صلاحیتوں کا مظاہرہ کرتے ہیں.

    فہیم اشرف کا انتخاب انتہائی اہم ہے، آصف علی، طلعت حسین اور احمد بٹ کو ٹیم میں برقرار رکھا ہے، شاداب خان میچ کے ہر شعبے میں‌ اپنی پرفارمنس کا مظاہرہ کریں گے۔

    کوئٹہ گلیڈی ایٹرز

    پی ایس ایل کے پہلے ایڈیشن میں حیرت انگیز طور پر ابھر کر سامنے آنے والی کوئٹہ گلیڈی ایٹرز کے پاس بلے بازی کے میدان میں سرفراز احمد، کیون پیٹرسن، ریلی روشو، عمرامین، اسد شفیق، رمیز راجا جونیئر، سعد علی اور سعود شکیل شامل ہیں۔ آل راؤنڈرز کے طور پر شین واٹسن، محمد نواز اور انور علی ٹیم کا حصہ ہیں۔

    اسپنرز میں حسن خان، جب کہ فاسٹ بالرز میں میر حمزہ ، راحت علی اور جوفرہ آرکر اپنا جادو جگائیں گے۔ دیگر کھلاڑیوں میں جیسن رائے ، راشد خان، اعظم خان ، فراز احمد خان شامل ہوں گے۔

    کوئٹہ گلیڈی ایٹرز پی ایس ایل کی وہ ٹیم ہے جس کی تمام تر توجہ بڑے ناموں کے بجائے بہترین کمبی نیشن بنانے پر رہی ہے اور معین خان کی کوچنگ نے ٹیم کو یکجا کر رکھتا ہے۔ یہی وجہ ہے کہ پی ایس ایل کے دونوں سیزن میں کوئٹہ گلیڈی ایٹرز رنر اپ رہے۔ اگر یہ ٹیم ٹائٹل جیت جاتی ہے، تو حیرت نہیں ہوگی۔

    پی سی ایل تھری: کراچی کنگز اور معروف برانڈ نورپور میں‌ معاہدہ طے پا گیا

    کوئٹہ کی بیٹنگ لائن کیون پیٹرسن، رلی روشو، سرفراز، اسد شفیق اور محمد اللہ کی موجودگی کے سبب انتہائی مضبوط ہے اور یہی ٹیم کی طاقت ہے۔ سعد علی اور سعود شکیل بھی رن بنانے کی اپنی حیرت انگیز صلاحیت کے سبب ٹیم میں اہم کردار ادا کرسکتے ہیں۔

    شین واٹسن یقیناً پریرا کی جگہ پر کرنے میں اہم کردار ادا کریں گے۔ جبکہ انور علی کے پاس بھی اپنی کارکردگی منوانے کا بے مثال موقع ہے۔ عمر گل اور تیمل ملز کے جانے سے یقیناً ٹیم میں فاسٹ باؤلرز کی کمی محسوس ہو گی تاہم جوفرہ آرکر اگر اپنے گھٹنے کی انجری سے صحت یاب ہوجاتے ہیں تو وہ اس کمی کا مداوا کرتے نظر آئیں گے۔ راحت علی کو منتخب کرنے سے لگ رہا ہے کہ اس بار کوئٹہ زیادہ تر اسپنرز پر انحصارکرنے جارہی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں پاکستان سپر لیگ کے انعقاد سے مثبت پیغام جائے گا: شاہد آفریدی

    کراچی میں پاکستان سپر لیگ کے انعقاد سے مثبت پیغام جائے گا: شاہد آفریدی

    معروف پاکستانی کرکٹر اور کراچی کنگز کے صدر شاہد خان آفریدی کا کہنا ہے کہ پاکستان سپر لیگ کے کراچی میں انعقاد سے دنیا کو مثبت پیغام جائے گا۔ کھیل امن لانے میں اہم کردار ادا کر سکتا ہے۔

    تفصیلات کے مطابق صدر کراچی کنگز شاہد آفریدی نے بھارتی ویب سائٹ کو انٹرویو دیتے ہوئے کہا کہ تمام توجہ پاکستان سپر لیگ پر مرکوز ہے۔

    انہوں نے کہا کہ پاکستان میں کرکٹ کی واپسی خوش آئند ہے۔ پاکستان سپر لیگ کے فائنل کا کراچی میں ہونا شائقین کے لیے بڑا لمحہ ہوگا۔ پاکستان میں حالات اب بہتر ہیں۔

    انہوں نے کہا کہ کرکٹ سے پاک بھارت تعلقات میں بہتری آسکتی ہے۔ سیاست کو کھیلوں سے دور رکھنا چاہیئے۔ کھیل امن لانے میں اہم کردار ادا کر سکتا ہے۔

    یاد رہے کہ کراچی کنگز کی ٹیم پاکستان سپر لیگ کھیلنے کے لیے دبئی روانہ ہوچکی ہے۔ لیگ کا باقاعدہ آغاز 22 فروری سے ہوگا جبکہ فائنل کراچی میں 25 مارچ کو کھیلا جائے گا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پی سی ایل تھری: امتیازسپرمارکیٹ کراچی کنگز کا آفیشل پارٹنربن گیا

    پی سی ایل تھری: امتیازسپرمارکیٹ کراچی کنگز کا آفیشل پارٹنربن گیا

    کراچی: پاکستان سپر لیگ کے تیسرے ایڈیشن کے لیے کراچی کنگز اور امتیاز سپر مارکیٹ کے درمیان معاہدہ طے پا گیا ہے، جس کے بعد امتیاز سپر مارکیٹ کراچی کنگز کا آفیشل پارٹنر بن گیا ہے۔

    تفصیلات کے مطابق پی ایس ایل کے تیسرے ایڈیشن کیلئے امتیازسپرمارکیٹ نے کراچی کنگز کا آفیشل پارٹنر بن کرملک میں کرکٹ کو فروغ دینے کیلئے بھرپورساتھ دینے کے عزم کا اعادہ کیا ہے۔

    معاہدے پر کراچی کنگ کے سی ای او طارق وصی اور امتیاز سپر مارکیٹ کے سی ای او کاشف امتیاز نے دستخط کئے۔

    اس موقع پر امتیاز سپر مارکیٹ کے چیئرمین امتیاز حسین کا کہنا تھا کہ ملک میں کرکٹ کے فروغ کے لئے بھر پور ساتھ دیں گے۔

    انہوں نے کہا کہ امتیاز سپر مارکیٹ پاکستان کی سب سے بڑا ادارہ ہے جس پر صارفین بے حد اعتماد کرتے ہیں اور اب کراچی کنگ کا آفیشل پارٹنر بننے کے بعد ملک میں کرکٹ کے فروغ کے لئے اہم کردار ادا کرے گا۔

    انہوں نے کراچی کنگز کے لیے نیک تمناؤں‌ کا اظہار کرتے ہوئے کہا کہ اس بار فائنل بھی کراچی میں‌ ہے، امید ہے کراچی کنگز پی ایس ایل تھری کا فائنل کھیلے گی۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

     

  • دعا کریں ہم دبئی سےسرخروہوکرآئیں اورکراچی میں فائنل کھیلیں‘ سلمان اقبال

    دعا کریں ہم دبئی سےسرخروہوکرآئیں اورکراچی میں فائنل کھیلیں‘ سلمان اقبال

    کراچی: کراچی کنگز کے مالک اور اے آر وائی ڈیجیٹل کے سی ای او سلمان اقبال کا کہنا ہے کہ ہمارے ٹیلنٹ ہنٹ سے ڈھونڈے گئے لڑکےعالمی کرکٹ کھیل رہے ہیں۔

    تفصیلات کے مطابق نیا ناظم آباد میں کراچی کنگز کے اعزازمیں تقریب سے خطاب کرتے ہوئے کراچی کنگز کے مالک سلمان اقبال نے کہا کہ بھارت نے بنگلہ دیش اور سری لنکا کے کھلاڑیوں کو پی ایس ایل سے روکنے کے لیے سیریزکا اعلان کردیا۔

    کراچی کنگز کے مالک سلمان اقبال نے کہا کہ ہم نے پاکستان میں کرکٹ واپس لانے کاوعدہ کیا تھا، ہم نے ٹی 10 لیگ شروع کی جوآج بہت مقبول ہوچکی ہے۔

    اے آر وائی ڈیجیٹل کے سی ای او سلمان اقبال نے کہا کہ ہمارے ٹیلنٹ ہنٹ سے ڈھونڈے گئے لڑکےعالمی کرکٹ کھیل رہے ہیں۔

    کراچی کنگز کے مالک سلمان اقبال نے کہا کہ تین سال سے روایت برقرار رکھنے پر عارف حبیب صاحب کا شکرگزار ہوں۔

    اے آر وائی ڈیجیٹل کے سی ای او سلمان اقبال نے سیکیورٹی دینے پرپولیس اورسیکیورٹی اداروں کا شکریہ ادا کیا۔

    کراچی کنگز کے مالک سلمان اقبال نے کہا کہ دعاکریں ہم دبئی سے سرخروہوکرآئیں اور کراچی میں فائنل کھیلیں۔

    ناصرحسین شاہ

    صوبائی وزیربرائے اطلاعات ناصرحسین شاہ نے تقریب سے خطاب کرتے ہوئے کہا کہ کراچی کنگزناصرف فائنل کھیلےگی بلکہ جیتے گی بھی۔

    انہوں نے کہا کہ قیام امن کا سہرا سندھ حکومت ، سیکیورٹی اداروں، عوام کے سر ہے جبکہ وزیراعلیٰ سندھ کا شہر میں امن کے لیے اہم کردار ہے۔

    ناصر حسین شاہ نے کہا کہ پی ایس ایل کی تمام ٹیمیں ہماری ہیں، مگرکراچی کنگزخاص اہم ہے، کراچی کنگز اورپی ایس ایل کے یے بہت محنت کی گئی ہے۔

    صوبائی وزیر نے کہا کہ عارف حبیب صاحب کرکٹ کوبہت پروموٹ کرتے ہیں، نیا ناظم آباد میں ہم بھی کرکٹ کھیل چکے ہیں۔

    کپتان کراچی کنگزعماد وسیم

    کراچی کنگز کے کپتان عماد وسیم نے نیا ناظم آباد میں کراچی کنگز کے اعزازمیں تقریب سے بات چیت کرتے ہوئے کہا کہ کوشش ہے کہ ہم فائنل کراچی میں آکر کھیلیں۔

    عماد وسیم نے کہا کہ پی ایس ایل میں بھرپورکارکردگی دکھانے کی کوشش کریں گی، کراچی کنگز کی کامیابی کے لیے قوم سے دعا کی اپیل ہے۔

    کراچی کنگز کے کپتان نے کہا کہ عوام ہماری فتخ کے لیے دعائیں کریں ، باقی کام ہمارا ہے۔

    راشد لطیف

    کراچی کنگز کے ٹیم ڈائریکٹر راشد لطیف نے تقریب میں تقریب میں شرکت کرنے والوں کا شکریہ ادا کرتے ہوئے کہا کہ پی ایس ایل 3 کی اہم بات یہ ہےکہ فائنل کراچی میں ہے۔

    راشد لطیف نے کہا کہ ملک بھر میں ٹیلنٹ ہے، سامنے لانے کے لیے وسائل کی کمی ہے، ٹیلنٹ کوپلیٹ فارم دے کر سامنے لانے کی کوشش کررہے ہیں۔

    کراچی کنگز کے ٹیم ڈائریکٹر نے کہا کہ اگرسندھ حکومت ساتھ دے تو کرکٹ اکیڈمی بن سکتی ہے، حیدرآباد میں اکیڈمی بنے تو پورے سندھ کو فائدہ ہوگا۔

    راشد لطیف نے کہا کہ پاکستان میں ہرجگہ ٹیلنٹ ہے بس ڈھونڈنے کی ضرورت ہے۔

    وزیراعلیٰ سندھ مراد علی شاہ

    وزیراعلیٰ سندھ مرادعلی شاہ نے تقریب سے خطاب کرتے ہوئے کہا کہ پی ایس ایل 3 کا فائنل انشااللہ کراچی کنگز ہی جیتے گی۔

    انہوں نے کہا کہ کراچی کنگزکا کراچی میں فائنل کھیلنے کا انتظار کروں گا، پی ایس ایل 3 کا فائنل انشااللہ کراچی کنگزہی جیتے گی۔

    جیتو پاکستان میں کراچی کنگز ٹیم لانچ کی تقریب

    مراد علی شاہ نے کہا کہ آپ بس محنت کرکے فائنل میں پہنچیں، پھرجتوانا ہمارا کام ہے۔ انہوں نے کہا کہ کراچی پھرسے پورے پاکستان کو ڈرائیو کرے گا۔

    انہوں نے کہا کہ کراچی میں ٹیسٹ، ون ڈے کرانے کی بھی کوشش کریں گے، جوہمارا کام ہے وہ ہم کریں گے ،ہمیں لوگوں کی مدد کی ضرورت ہے۔

    وزیراعلیٰ سندھ نے کہا کہ عوام سیکیورٹی کے لیے بنائے گئے قوانین کی پابندی کریں، اللہ نے چاہا توکامیابی سے فائنل کا انعقاد کرائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔