ARYNews.tv | Urdu – Har Lamha Bakhabar

Tag: karachi kings

  • لاہور کیخلاف شاندار کامیابی پر سلمان اقبال کی کراچی کنگز کو شاباش

    لاہور کیخلاف شاندار کامیابی پر سلمان اقبال کی کراچی کنگز کو شاباش

    صدر و سی ای او اے آر وائی نیٹ ورک اور کراچی کنگز کے مالک سلمان اقبال نے لاہور قلندرز کے خلاف شاندار کامیابی پر کراچی کنگز کو شاباش دی ہے۔

    سماجی رابطے کی ویب سائٹ ٹوئٹر پر ٹیم کے نام اپنے پیغام میں انہوں نے کراچی کنگز کی جانب سے بہترین پرفارمنس پیش کرنے پر تعریف کرتے ہوئے شاباشی دی۔

    ٹوئٹر پر میچ جیتنے کے بعد کے لمحات کی تصویر شیئر کرتے ہوئے انہوں نے لکھا کہ الحمداللہ ۔۔۔ اچھا کھیلا

    سلمان اقبال نے کراچی کنگز کی جانب سے ڈیبیو کرنے والے عاکف جاوید کی بہترین پرفارمنس کی تعریف کرتے ہوئے ان کی بالنگ کو زبردست قرار دیا۔

    بائیں ہاتھ کے بولر عاکف جاوید نے 3اعشاریہ3 اوورز میں 28 رنز دے کر 4 کھلاڑیوں کو پویلین کی راہ دکھائی۔ انہوں نے 10 ڈاٹ بالز بھی کیں۔

    میچ کے اختتام پر گفتگو کرتے ہوئے عاکف جاوید نے کہا کہ وسیم اکرم اور دیگر نے جو پلان بتایا اس پر عمل کیا مجھے انہوں نے گائیڈ کیا جس سے میری کارکردگی مزید بہتر ہوئی۔

     علاوہ ازیں بوم بوم شاہد آفریدی نے پی ایس ایل میں سخت حریف لاہور قلندرز کے خلاف شاندار فتح پر کراچی کنگز کو مبارکبادی ہے۔ کراچی ٹیم کو سپورٹ کرنے کے لیے شاہدآفریدی بھی میدان میں موجود تھے جنہوں نے جیت کے بعد کراچی کے کھلاڑیوں کو گلے لگایا اور مبارکباد دی۔

    میڈیا سے اپنی مختصر گفتگو میں شاہدآفریدی نے کہا کہ کراچی اچھا میچ جیتا، کراچی کیلئے یہ جیت ضروری تھی۔انہوں نے کہا کہ کراچی کو پی ایس ایل میں رہنا چاہیے کنگز آج اچھی ٹیم کےخلاف جیتی ہے۔

    واضح رہے کہ پاکستان سپر لیگ (پی ایس ایل) سیزن 8 میں کراچی کنگز نے اپنی پہلی کامیابی حاصل کرلی، جس میں لاہور قلندرز کو67 رنز سے ہرا دیا۔

    کراچی کنگز نے پہلے کھیلتے ہوئے مقررہ 20 اوورز میں 185 رنز بنا کر لاہور قلندرز کو جیتنے کے لیے 186 رنز کا ہدف دیا، جس کے جواب میں قلندرز کی پوری ٹیم 18 ویں اوور میں 118 رنز بناکر آؤٹ ہوگئی۔

  • عماد وسیم نے گلیڈی ایٹرز سے شکست کے بعد کیا کہا؟

    عماد وسیم نے گلیڈی ایٹرز سے شکست کے بعد کیا کہا؟

    کراچی کنگز کے کپتان عماد وسیم کا کہنا ہے کہ تینوں میچز جیت کے قریب آکر ہار گئے۔

    پی ایس ایل 8 چھٹے میچ میں کوئٹہ گلیڈی ایٹرز نے کراچی کنگز کو 6 رنز سے شکست دیکر پہلی کامیابی حاصل کی، مارٹن گپٹل کو 117 رنز کی شاندار اننگز کھیلنے پر میچ کا بہترین کھلاڑی قرار دیا گیا۔

    کراچی کنگز کی ٹیم 169 رنز کے تعاقب میں 5 وکٹوں کے نقصان پر 162 رنز بناسکی، شعیب ملک نے 71 رنز کی ذمہ دارانہ اننگز کھیلی۔

    میچ کے بعد کنگز کے کپتان عماد وسیم نے کہا کہ آخری اوورز میں ہم نے زیادہ رنز دیے ہیں، بولنگ متاثر کن ثابت نہیں ہوئی غلطیاں بہت ہوئیں جس پر ہم مرحلہ وار کام کررہے ہیں۔

    انہوں نے کہا کہ ہم نے بری کرکٹ نہیں کھیلی کچھ اوورز میں کوئٹہ گلیڈی ایٹرز کو بیک فٹ پر لے گئے تھے ابھی سات میچز ہمارے باقی ہیں جس کے بعد پلے آف میں جانا ہے ایک مرتبہ جیت کا سلسلہ شروع ہوا تو آگے بڑھیں گے۔

    ایک سوال کے جواب میں عماد وسیم نے کہا کہ میڈیا میں جو بات آتی ہے کچھ سچ ہوتی ہے میں بابر اعظم کے حوالے سے کوئی بات نہیں کرنا چاہوں گا۔

    عماد وسیم نے شعیب ملک کی اننگز کی تعریف کرتے ہوئے کہا کہ شعیب ملک اس عمر میں ایک بہترین مڈل آرڈر بیٹر ثابت ہورہے ہیں۔

    انہوں نے کہا کہ لاہور قلندرز اچھی ٹیم ہے کوشش کریں گے کہ اگلے میچ میں کامیابی حاصل کریں۔

    واضح رہے کہ کراچی کنگز کو تینوں میچز میں شکست ہوئی ہے جبکہ کراچی کنگز اپنا چوتھا میچ کل لاہور قلندرز کے خلاف کھیلے گی۔

  • عماد وسیم نے بابر اعظم سے متعلق کیا کہا؟

    عماد وسیم نے بابر اعظم سے متعلق کیا کہا؟

    پی ایس ایل میں کراچی کنگز کے کپتان عماد وسیم کا کہنا ہے کہ پشاور زلمی کے خلاف کل کے میچ میں اچھا کھیل پیش کریں گے۔

    پی ایس ایل میں کراچی کنگز کے کپتان عماد وسیم نے نیوز کانفرنس کرتے ہوئے کہا کہ بابر اعظم اچھے کھلاڑی ہیں ان کی ہماری ٹیم کے لیے کافی خدمات ہیں۔

    انہوں نے کہا کہ پی ایس ایل پاکستان کے ہر کھلاڑی کے لیے بہت اہم ہے، پی ایس ایل دنیا کی سب سے مشکل لیگ سمجھی جاتی ہے۔

    عماد وسیم کا کہنا تھا کہ گزشتہ سیزن میں عامر انجری کا شکار ہوگئے تھے لیکن وہ اب بہترین فارم میں ہیں ہم شعیب ملک کے تجربے سے بھی فائدہ اٹھائیں گے۔

    آل راؤنڈر نے کہا کہ پی ایس ایل ہمارے لیے اہمیت کا حامل ہے بہترین کھلاڑیوں کے ساتھ کمبی نیشن بنائیں گے کراچی میں میچز ہورہے ہیں کراؤڈ ہمارا 12 واں کھلاڑی ہوگا۔

    انہوں نے کہا کہ لاہور کراچی کا مقابلہ مزے دار رہتا ہے کھلاڑیوں کے درمیان کبھی کوئی مسئلہ نہیں رہتا ہمیں گراؤنڈ میں سپورٹ ملتی ہے کوشش یہی ہے کہ افتتاحی میچ کا سفر جیت سے شروع کریں۔

  • بابر ہو یا کوئی اور میرا کام وکٹ لینا ہے، محمد عامر

    بابر ہو یا کوئی اور میرا کام وکٹ لینا ہے، محمد عامر

    کراچی: پی ایس ایل میں کراچی کنگز کے مایہ ناز فاسٹ بولر محمد عامر کا کہنا ہے کہ سامنے بابر اعظم ہو یا کوئی اور میرا کام وکٹ لینا ہے۔

    اے آر وائی نیوز کے پروگرام ’باؤنسر‘ میں گفتگو کرتے ہوئے فاسٹ بولر محمد عامر نے کہا کہ جارح مزاجی فاسٹ بولر کی خوبصورتی ہوتی ہے تاہم اللہ ہی جانتا ہے کہ ٹیم میں واپسی کب ہوگی۔

    انہوں نے کہا کہ میرے لیے روزی روٹی کرکٹ ہے پوری توجہ پی ایس ایل پر ہے۔

    محمد عامر نے کہا کہ شعیب ملک کا کراچی کنگز میں آنا خوش آئند ہے، عماد وسیم اچھے کپتان ہیں وہ ٹی 20 فارمیٹ سے متعلق کافی سمجھ بوجھ رکھتے ہیں۔

    فاسٹ بولر نے کہا کہ پچ کو سمجھ کر اس کے مطابق بولنگ کرتا ہوں کوشش ہوتی ہے کہ پاور پلے میں بیٹرز پر دباؤ برقرار رکھوں اور رنز کم بنیں۔

    ایک سوال کے جواب میں محمد عامر نے کہا کہ پلیئرز اور بورڈ میں کمیونی کیشن گیپ نہیں ہونا چاہیے فٹنس کے بغیر کوئی کھلاڑی پرفارم نہیں کرسکتا، پیسرز کے لیے تینوں فارمیٹ کھیلنا مشکل کام ہے میں نے فٹنس کی وجہ سے ٹیسٹ کرکٹ چھوڑی جس پر باتیں بنائی گئیں۔

    محمد عامر نے کہا کہ پی ایس ایل میں تگڑے مقابلے ہوں گے شاہین آفریدی اور میرا کوئی مقابلہ نہیں ہے، کراچی کنگز کے مداحوں کو اچھی کرکٹ دیکھنے کو ملے گی۔

  • ’بابر اعظم کے خلاف بولنگ کرنے کیلیے پرجوش ہوں‘

    ’بابر اعظم کے خلاف بولنگ کرنے کیلیے پرجوش ہوں‘

    پاکستان سپر لیگ (پی ایس ایل) سیزن 8 میں کراچی کنگز کی نمائندگی کرنے والے بین کٹنگ کا کہنا ہے کہ بابر اعظم کے خلاف بولنگ کرنے کے لیے پرجوش ہوں۔

    کراچی کنگز کے بین کٹنگ نے میڈیا سے گفتگو کرتے ہوئے کہا کہ کراچی کنگز میں بابر اعظم کی کمی محسوس ہوگی، پی ایس ایل میں اچھے اسپنرز اور بہترین بیٹسمین موجود ہیں اور یہ دوسری لیگز سے کافی مختلف ہے۔

    انہوں نے کہا کہ پی ایس ایل سے ہمارا ایک گہرا تعلق ہے میں اور ایرن پاکستان اور یہاں کے لوگوں کو پسند کرتے ہیں۔

    بین کٹنگ نے کہا کہ پی ایس ایل میں ہر بولر 140 سے تیز رفتار سے بولنگ کرتا ہے۔

    واضح رہے کہ پی ایس ایل میں بین کٹنگ نے کراچی کنگز کی نمائندگی کررہے ہیں جبکہ ان کی اہلیہ ایرن ہولینڈ پریزینٹر ہیں۔

    پی ایس ایل میں کراچی کنگز اپنا پہلا میچ 14 فروری کو پشاور زلمی کے خلاف کھیلے گی۔

  • ’ویلنٹائن ڈے پر کنگز کے مداحوں کو تحفہ دیں گے‘

    پاکستان سپر لیگ (پی سی ایل) میں کراچی کنگز کے کپتان عماد وسیم کا کہنا ہے کہ ویلنٹائن ڈے پر کنگز کے مداحوں ویلنٹائن ڈے پر تحفہ دیں گے۔

    اے آر وائی نیوز کے مطابق قومی ٹیم کے آل راؤنڈر اور کراچی کنگز کے کپتان عماد وسیم نے کہا کہ پی ایس ایل میں دلیری سے کھیلیں گے اور ویلنٹائن ڈے پر زلمی کے خلاف میت جیت کر کنگز کے شائقین کو تحفہ دیں گے۔

    عماد وسیم نے کہا کہ کرکٹ میں دوستی یاری پر یقین نہیں رکھتا کنگز کو چیمپئن بنانا ہدف ہے۔

    واضح رہے کہ ایونٹ میں کراچی کنگز اپنا پہلا 14 فروری کو پشاور زلمی کے خلاف کھیلے گی۔

    پی ایس ایل 8 شیڈول

    پی ایس ایل کی افتتاحی میچ 13 فروری کو سیزن سات کے چمپیئن لاہور قلندرز اور ملتان سلطانز کے درمیان ہوگا۔

    میگا ایونٹ 13 فروری سے 19 مارچ تک 4 وینیوز پرکھیلا جائے گا، پی ایس ایل ایٹ 2 مرحلوں میں کھیلا جائےگا، 13 سے 26 فروری تک ملتان اور کراچی میں مقابلے ہوں گے، جبکہ 26 فروری سے 19 مارچ تک لاہور، راولپنڈی میں میچز کھیلے جائیں گے۔

    پی ایس ایل کی افتتاحی تقریب 13 فروری کو ملتان میں ہوگی، افتتاحی میچ لاہور قلندرز اور ملتان سلطانز کے درمیان ہوگا، ایونٹ کا فائنل 19 مارچ کو قذافی اسٹیڈیم لاہور میں ہوگا۔

  • پی ایس ایل سیزن 8: عماد وسیم کراچی کنگز کے کپتان مقرر

    پی ایس ایل سیزن 8: عماد وسیم کراچی کنگز کے کپتان مقرر

    پاکستان سپر لیگ (پی ایس ایل) کے آٹھویں سیزن میں کراچی کنگز کی کپتانی عماد وسیم کریں گے۔

    2016 میں لیگ کے افتتاحی ایڈیشن میں شعیب ملک کو کپتان مقرر کیا گیا تھا لیکن وہ ایونٹ کے دوران ہی قیادت سے دستبردار ہو گئے تھے جس کے بعد روی بوپارہ کو قیادت کی ذمے داریاں سونپی گئی تھیں۔

    2017 میں کراچی کنگز نے عظیم سری لنکن وکٹ کیپر بلے باز کمار سنگاکارا کو کپتان مقرر کیا تھا۔

    لیگ کے تیسرے ایڈیشن سے قبل کراچی کنگز نے عماد وسیم کو اگلے دو سیزن کے لیے کپتان مقرر کیا، 2020 کے ایڈیشن میں کراچی کنگز نے بہترین کھیل پیش کرتے ہوئے عماد وسیم کی کپتانی میں چیمپیئن بننے کا اعزاز حاصل کیا تھا اس کے بعد 2021 میں بھی ٹیم کی قیادت عماد وسیم نے کی تھی۔

    2022 کی ایڈیشن میں کراچی کنگز کی کپتانی بابر اعظم نے کی تھی۔

    واضح رہے کہ پی ایس ایل سیزن 8 کیلئے ڈرافٹنگ کی تقریب کل کراچی میں ہوگی۔

    کراچی میں ہونے والی اس تقریب میں پی ایس ایل کی تمام فرنچائز کراچی کنگز، اسلام آباد یونائیٹڈ، لاہور قلندرز، کوئٹہ گلیڈی ایٹرز،  ملتان سلطان اور پشاور زلمی اپنے اسکواڈ مکمل کریں گی۔

    پی ایس ایل 8 میں 500 سے زائد غیر ملکی کھلاڑیوں نے پلیئر ڈرافٹ کے لیے رجسڑ کروایا ہے۔

  • بابر اعظم نے کس کھلاڑی کی کمی محسوس کی؟

    بابر اعظم نے کس کھلاڑی کی کمی محسوس کی؟

    کراچی: کپتان کراچی کنگز بابر اعظم نے کوئٹہ گلیڈی ایٹر کے خلاف پی ایس ایل سیزن 7 کے اٹھائیسویں میچ میں شکست پر کہا ہے کہ انھوں نے فاسٹ بولر محمد عامر کی کمی شدت سے محسوس کی۔

    لاہور کے قذافی اسٹیڈیم میں کھیلے گئے میچ میں 23 رنز سے شکست کے بعد کراچی کنگز کے کپتان بابر اعظم نے کہا کہ ‘محمد عامر کی کمی شدت سے محسوس ہوئی’۔

    انھوں نے کہا ہم چیزوں کو پلان کے مطابق سر انجام نہیں دے سکے، انجریز کی وجہ سے کارکردگی پر بہت فرق پڑا، انھوں نے مزید کہا کہ محمد عامر سمیت تجربہ کار کھلاڑیوں کی کمی شدت سے محسوس ہوئی، میر حمزہ نے آ کر بولنگ کو سہارا دیا اور اچھی بولنگ کی۔

    گلیڈی ایٹرز نے کنگز کیخلاف 23 رنز سے میچ جیت لیا

    واضح رہے کہ کوئٹہ گلیڈی ایٹرز نے کراچی کنگز کے خلاف 23 رنز سے میچ جیت لیا ہے، قذافی اسٹیڈیم لاہور میں کراچی کنگز 167 رنز کے تعاقب میں 8 وکٹوں پر 143 رنز بنا سکی۔

    کراچی کنگز کی جانب سے جوکلارک کی نصف سنچری (52 رنز) اور بابر اعظم کے 36 رنز رائیگاں گئے۔

    کوئٹہ گلیڈی ایٹرز نے پہلے کھیل کر 4 وکٹوں پر 166 رنز بنائے، گلیڈی ایٹرز کے جیسن رائے نے 82 رنز کی شان دار اننگز کھیلی، خرم شہزاد نے 4 کھلاڑیوں کو آؤٹ کر کے پلیئر آف دی میچ کا ایوارڈ اپنے نام کیا۔

    عماد وسیم، گریگری، میر حمزہ اور عثمان شنواری ایک ایک وکٹ لے سکے۔

  • مسلسل شکست: بابراعظم کے والد میدان میں آگئے

    مسلسل شکست: بابراعظم کے والد میدان میں آگئے

    لاہور: کراچی کنگز کی پے در پے شکستوں پر بابراعظم کے والد ان کی حمایت میں سامنے آگئے۔

    تفصیلات کے مطابق میڈیا سے گفتگو میں پاکستانی ٹیم اور کراچی کنگز کے کپتان بابراعظم کے والد اعظم صدیق نے کہا کہ میری دعا ہے کہ جلد از جلد بابراعظم کی فارم بحال ہو۔

    اعظم صدیق نے کہا کہ بابراعظم نہ گھبراتا ہے اور نہ ہی محنت چھوڑتا ہے، کرکٹ شائقین دل چھوٹا نہ کرے، بابر پہلے جیسی محنت کررہا ہے، بابر جلد اچھا کرے گا۔

    میڈیا سے گفتگو نے کراچی کنگز اور قومی ٹیم کے کپتان بابراعظم کے والد نے کہا کہ وہ پرعزم ہیں کہ آسٹریلیا کے خلاف ہوم سیریز میں بابر کی فارم بحال ہوجائے گی۔

    واضح رہے کہ پی ایس ایل سیزن سیون میں کراچی کنگز مسلسل 8 میچز میں شکست کھاکر ٹورنامنٹ سے آؤٹ ہوچکی ہے، پسندیدہ ٹیم کی بُری کارکردگی پر سوشل میڈیا صارفین بھی اپنے اپنے انداز میں ٹیم پر تنقید کرتے ہوئے اپنے غصہ نکال رہے ہیں۔

    یہ بھی پڑھیں: پشاور زلمی اور اسلام آباد یونائیٹڈ کے لئے بُری خبر

    یاد رہے کہ ٹی ٹوئنٹی ورلڈکپ میں بابراعظم کے والد کی میدان میں بیٹھے اور قومی ٹیم کی جیت کے لئے دعا کرتے تصاویر وائرل ہوئیں تھیں جس کے بعد انہیں شہ سرخیوں میں جگہ ملی تھی۔

    ٹی ٹوئنٹی سیمی فائنل میں گرین شرٹس کی شکست پر اعظم صدیق نے کہا تھا کہ کھلاڑیوں نے کوشش کی ، پر اللہ کو منظور نہیں تھا لیکن میں آپ کو یقین دلاتا ہوں کہ اصل سفر تو اب شروع ہوا ہے، ٹیم بن گئی ہے آگے کرکٹ بھی بڑی ہے اورایک سال بعد پھر آسٹریلیا ورلڈکپ ہے۔

  • پی ایس ایل 7: کراچی کنگز اور دفاعی چیمپئن ملتان سلطانز آج آمنے سامنے

    پی ایس ایل 7: کراچی کنگز اور دفاعی چیمپئن ملتان سلطانز آج آمنے سامنے

    لاہور: پی ایس ایل سیون کی پہلی جیت کی تلاش میں مصروف کراچی کنگز کا آج دفاعی چیمپئن ملتان سلطانز سے مقابلہ ہوگا۔

    تفصیلات کے مطابق لاہور کے قذافی اسٹیڈیم میں پی ایس ایل سیون کا میلہ جاری ہے، ایونٹ کا 23 واں میچ آج دفاعی
    چیمپئن ملتان سلطانز اور کراچی کنگز کے درمیان شیڈول ہے، میچ شام ساڑھے سات بجے کھیلا جائے گا۔

    ملتان سلطانز پہلے ہی 6 میچز جیت کر پلے آف مرحلے میں کوالیفائی کرچکی ہے جبکہ اسے ایونٹ میں صرف 1 میچ میں شکست کا سامنا کرنا پڑا ہے۔

    یہ بھی پڑھیں: یونائیٹڈ‌ نے کراچی کنگز کو سنسنی خیز مقابلے کے بعد شکست دے دی

    کراچی کنگز پلے آف کی دوڑ سے پہلے ہی باہر ہوچکی، کراچی میں کھیلے جانے والے پہلے مرحلے میں ملتان سلطانز ہی فاتح رہے تھے۔

    ایونٹ میں مسلسل سات مرتبہ ہار کا سامنا کرنے والی ٹیم کراچی پہلی جیت کی منتظر ہے، دونوں ٹیموں کے مابین اب تک ہونے والےسات مقابلوں میں کنگز کو برتری حاصل ہے، سلطانز کو 5 مرتبہ شکست کا سامنا کرنا پڑا۔