ARYNews.tv | Urdu – Har Lamha Bakhabar

Tag: karachi kings

  • کراچی کنگز کی شاندار فتح : صدر مملکت ، گورنر سندھ سمیت اہم شخصیات کی مبارکباد

    کراچی کنگز کی شاندار فتح : صدر مملکت ، گورنر سندھ سمیت اہم شخصیات کی مبارکباد

    کراچی: صدر مملکت، گورنرز، وزرا، وزرائے اعلیٰ، سمیت فنکاروں اور دیگر اہم شخصیات نے پی ایس ایل سیزن فائیو کا ٹائٹل جیتنے پر کراچی کنگز کو مبارک باد پیش کی ہے۔

    تفصیلات کے مطابق صدر مملکت نے کراچی کنگز کو پی ایس ایل فائیو کا فاتح بننے پر مبارک باد پیش کی ہے، سماجی رابطے کی ویب سائٹ ٹوئٹر پر جاری اپنے پیغام میں عارف علوی نے کہا کہ یہ بہترین فتح ہے۔

    پی ایس ایل فائیو کا ٹائٹل جیتنے پر گورنر سندھ عمران اسماعیل نے کراچی کنگزکو مبارکباد دیتے ہوئے کہا کہ کراچی کنگز کےجیتنے پر بہت خوشی ہوئی ہے، پی ایس ایل کے پاکستان میں کامیاب انعقاد پر منتظمین مبارکباد کےمستحق ہیں، آج پاکستان کی جیت ہوئی ہے، انشااللہ اگلےسیزن میں شائقین بھی ہونگے۔

    وزیراعلیٰ پنجاب سردار عثمان بزدار کی جانب سے بھی پی ایس ایل فائیو کا فائنل جیتنے پر کراچی کنگز کو مبارکباد دی گئی ہے، سماجی رابطے کی ویب سائٹ پر جاری اپنے پیغام میں سردار عثمان بزدار نے کہا کہ پی ایس ایل کا ایک اور بہترین سیزن اختتام کو پہنچا، بابر اعظم کی ٹاپ کلاس بیٹنگ کی مدد سے کراچی کنگز فاتح بنا، انہیں اور پورے پاکستان کو مبارکباد۔

    وزیراعلیٰ پنجاب نے کہا کہ اس سال تمام میچز پاکستان میں ہوئے اور اس کے لئے ہمارے سیکیورٹی اہلکاروں کو کریڈٹ جاتا ہے۔

    وزیرِ اعلیٰ پنجاب سردار عثمان بزدار کی معاونِ خصوصی برائے اطلاعات ڈاکٹر فردوس عاشق کی جانب سے بھی پاکستان سپر لیگ سیزن فائیو کا ٹائٹل جیتنے پر کراچی کنگز کو مبارک باد دی ہے، سماجی رابطے کی ویب سائٹ ٹوئٹر پر جاری اپنے بیان میں ڈاکٹر فردوس عاشق نے کہا کہ پی ایس ایل5 کی فاتح کراچی کنگز اور انکی مینجمنٹ کو مبارکباد! لاہور قلندرز کی کارکردگی اس سیزن متاثر کن رہی۔ دراصل یہ پاکستان کی جیت ہے۔

    صوبائی معاون خصوصی برائے اطلاعات نے کہا کہ کرونا کے مشکل وقت میں پی ایس ایل فائیو کو تکمیل تک پہنچانے میں پاکستان کرکٹ بورڈ کی کاوشیں قابلِ تعریف ہیں، اس کے علاوہ انٹرنیشنل کھلاڑیوں کے پاکستان آنے پر مشکور ہوں۔

     وزیر صحت پنجاب ڈاکٹر یاسمین راشد نے بھی شاندار فتح پر کراچی کنگز کو مبارکباد دی ہے، اپنے بیان میں یاسمین راشد نے کراچی کنگز کے مالک سلمان اقبال کو مبارکباد پیش کرتے ہوئے کہا کہ کراچی کنگزکا جیتنا دراصل پاکستان کی جیت ہے۔

    چیئرمین کشمیر کمیٹی شہریار آفریدی کی جانب سے بھی پی ایس ایل دوہزار بیس کا فائنل جیتنے پر کراچی کنگز کو مبارکباد دی گئی ہے، اپنے ٹوئٹر پیغام میں  شہریارآفریدی نے کہا کہ بابراعظم نےاچھاکھیلا، اس جیت کے بعد کرکٹ گھر آگئی ہے لیکن ٹرافی کراچی میں ہی رہےگی، پاکستان میں تمام میچز کےبعد امن کے ثمرات نظر آرہےہیں۔

    چیئر مین پاک سر زمین پارٹی مصطفیٰ کمال نے بھی سماجی رابطے کی ویب سائٹ ٹوئٹر پر پی ایس ایل کا فائنل جیتنے پر کراچی کنگز اور سی ای او اے آر وائی گروپ سلمان اقبال کو مبارک دی ہے۔

    ڈاکٹر فاروق ستار کی جانب سے پی ایس ایل فائیو میں کراچی کنگز کی کامیابی پر مبارکباد دی گئی ہے۔

    پاکستان شوبز انڈسڑی کے معروف اداکار و میزبان فیصل قریشی نے بھی پی ایس ایل میں شاندار فتح پر کراچی کنگز کے مالک سلمان اقبال اور ٹیم کو مبارک باد پیش کرتے ہوئے کہا کہ آج کا میچ دیکھ کر مزا آگیا۔

    سینئر وزیر پنجاب عبدالعلیم خان کی جانب سے کراچی کنگز کو شاندار فتح پر مبارک باد دی گئی ہے۔

    پی ٹی آئی کراچی کی جانب سے کراچی کنگز کو پی ایس ایل فائنل جیتنےپر مبارکباد دی گئی ہے، تحریک انصاف کراچی کی جانب سے جاری بیان میں کہا گیا ہے کہ لاہور قلندرز نے بھی بھرپور انداز میں مقابلہ کیا، بہترین ایونٹ منعقدکرنے پر انتظامیہ کو مبارکباد پیش کرتےہیں۔

    تحریک انصاف کراچی کا کہنا تھا کہ سیکیورٹی اداروں کی کاوشیں لائق تحسین ہیں، اگلے میچز حیدرآباد، سکھر سمیت دیگر شہروں میں بھی کرائےجائیں۔

    پی ٹی آئی ایم این اے آفتاب جہانگیر نے بھی کراچی کنگز کی فتح پر مبارک باد دی ہے۔

    ڈی آئی جی ایس ایس یو کی جانب سے بھی پی ایس ایل میں تاریخی کامیابی پر کراچی کنگز کو مبارکباد دی گئی ہے، میڈیا سے گفتگو میں مقصود میمن نے کہا کہ سب سےپہلے کراچی کنگز کو مبارکباد دیتا ہوں، پی ایس ایل کی سیکیورٹی کے بہت اچھےاقدامات کیےگئےتھے، عوام کو کم سےکم پریشانی کو مدنظر رکھا گیا تھا۔

    ،ڈی آئی جی ایس ایس یو مقصود میمن نے کہا کہ شائقین کرکٹ کی کمی محسوس ہوئی دعا ہےجلدک وروناختم ہو، پولیس کےپاس جو ذمہ داری تھی اس کو بھرپور طریقےسے نبھایا، انٹرنیشنل پلیئرز کی واپسی تک سیکیورٹی کاخاص خیال رکھاجائےگا۔

  • پی ایس ایل : "سپر اوور” میں میری کیا کیفیت تھی؟ محمد عامر نے بتا دیا

    پی ایس ایل : "سپر اوور” میں میری کیا کیفیت تھی؟ محمد عامر نے بتا دیا

    کراچی : پی ایس ایل کی ٹیم کراچی کنگز کے بالر محمد عامر نے کہا ہے کہ کراچی کنگز کیلئے ہم جتنا کرسکتے ہیں ضرور کریں گے، میچ کے سپر اوور میں سب کی نظریں مجھ پر تھیں۔

    یہ بات انہوں نے اے آر وائی نیوز کے نمائندے سے خصوصی گفتگو کرتے ہوئے کہی۔ انہوں نے کہا کہ کراچی کنگز کے ساتھ گزشتہ پانچ سال سے منسلک ہوں، یہ فرنچائز ہمارے لیے فیملی بن چکی ہے، سلمان اقبال اور ان کی فیملی سے ہم جڑے ہوئے ہیں۔

    ایک سوال کے جواب میں ان کا کہنا تھا کہ کراچی کنگز کیلئے جتنا کرسکتے ہیں ہم ضرور کریں گے، گزشتہ چند سالوں میں کراچی کنگز کی پرفارمنس میں اتار چڑھاؤ آتا رہا، کراچی کنگز کی ٹیم دو مرتبہ فائنل کے قریب پہنچی لیکن کھیل نہ سکی تھی۔

    محمد عامر نے کہا کہ ہم پر مسلسل بھروسہ کیا گیا جس کا نتیجہ اب فائنل کھیلنے میں آیا ہے، کوالیفائر میں مجھے دباؤ کا سامنا تھا لیکن میں چیلنج قبول کرنا پسند کرتا ہوں میرے سپر اوور پر ٹیم کا انحصار تھا کہ فائنل کھیل سکیں گے یا نہیں؟

    کراچی کنگز کے فاسٹ بالر کا قومی ٹیم کے سابق بالر سے متعلق کہنا تھا کہ وسیم اکرم جیسے لیجنڈ کھلاڑی ایسے ہی نہیں بن جاتے، پاکستان میں لیفٹ آرم پیسر وسیم اکرم کی صورت میں صرف ایک ہی آیا ہے۔

    انہوں نے بتایا کہ میں ذہنی طورپر میں تیار تھا اور وسیم اکرم نے بھی کہہ دیا تھا کہ سپر اوور تمھارا ہے، سپر اوور کیلئے مجھ پر سب کا اعتماد تھا اور ہم یہ کرگئے، فائنل میں شائقین سمیت سب کو دلچسپ میچ دیکھنے کو ملے گا۔

    محمد عامر نے کہا کہ گیم پلانز پر کام کرتے ہوئے دباؤ کم ہوجاتا ہے، ڈین جونز اور مکی آرتھر کے ساتھ کام کرنے کا بہترین تجربہ رہا ہے، ڈین جونز کی تکینک ہمارے بہت کام آرہی ہے، ہم فائنل کھیل رہے ہیں اس کا سہرا ڈین جونز کو ہی جاتا ہے۔

    اپنی کارکردگی سے متعلق گفتگو کرتے ہوئے محمد عامر نے بتایا کہ میری خراب پرفارمنس پر ڈین جونز نے میرا اعتماد بحال کیا تھا وہ مجھے کھل کر بولنگ کرنے کا کہا کرتے تھے۔

    کراچی کنگز کے فاسٹ بالر کا کہنا ہے کہ سال دوہزار بیس کسی کے لیے بھی زیادہ اچھا ثابت نہیں ہوا ہے لیکن پھر بھی میں صحت مند ہوں اور اچھی کرکٹ کھیل رہا ہوں یہی میرا سال ہے۔

  • پی ایس ایل فائیو : ملتان سلطان کا کراچی کنگز کو جیت کیلئے 142رنز کا ہدف

    پی ایس ایل فائیو : ملتان سلطان کا کراچی کنگز کو جیت کیلئے 142رنز کا ہدف

    کراچی : پی ایس ایل فائیو کے ملتوی شدہ پہلے میچ میں ملتان سلطانز  نے کراچی کنگز کو 142 رنز کا ہدف دیا ہے، ملتان سلطان نے 7وکٹ پر141رنزبنائے، کراچی کنگز نے ٹاس جیت کر پہلے بولنگ کا فیصلہ کیا تھا۔ 

    پی ایس ایل فائیو کوالیفائر میچ میں ملتان سلطانزنے پہلے بیٹنگ کرتے ہوئے کراچی کنگز کو142رنزکا ہدف دیا ہے، ملتان سلطانز نے مقررہ اوورز میں7وکٹ پر141رنز بنائے۔

    ملتان سلطان کے روی بوپارہ40،ذیشان اشرف21رنز بنا کر نمایاں رہے، وقاص مقصود اور ارشد اقبال نے 2،2،جبکہ عماد وسیم نے1وکٹ اپنے نام کی۔

     پاکستان سپر لیگ (پی ایس ایل) کے پلے آف مرحلے کے کورونا کی وجہ سے ملتوی شدہ میچز کا آغاز آج سے کراچی میں ہوا، پلے آف کے پہلے میچ میں کراچی کنگز نے ٹاس جیت کر ملتان سلطانز کو پہلے بیٹنگ کی دعوت دی۔

    نیشنل اسٹیڈیم کراچی میں کھیلے جا نے والے میچ میں کراچی کنگز کے کپتان عماد وسیم نے ٹاس جیت کر ملتان سلطانز کو بیٹنگ کی دعوت دی۔

    ملتان سلطان کی جانب سے ذیشان اشرف اور ایڈم لیتھ نے اننگز کا آغاز کیا تو تیسرے اوور کی تیسری گیند پر ایڈم لیتھ 9 رنز بنا کر وقاص مقصود کی گیند پر شیڈوک والٹن کے ہاتھوں آؤٹ ہوکر پویلین روانہ ہوگئے۔

    ملتان سلطانز کی کراچی کنگز کیخلاف دوسری وکٹ 23 کے مجموعی اسکور پر گری جب شان مسعود صرف 3 رنز بنا کر محمد  عامر کی ہٹنگ سے رن آؤٹ ہوئے۔

    ملتان سلطان کی تیسری وکٹ مجموعی طور پر 36رنز پر گر گئی جب ریلی روسو بھی5 رنز بنا کر ارشد اقبال کی تھرو پر شیڈوک
    والٹن کے ہاتھوں رن آﺅٹ ہوکر میدان سے واپس چلے گئے۔

    اس کے بعد صرف 4 رنز کے اضافے کے بعد ذیشان اشرف بھی 21 رنز بنا کر عماد وسیم کی گیند پر آؤٹ ہوگئے ان کا کیچ ایلکس ہیلز نے پکڑا۔

    حالیہ سیزن میں عمدہ کارکردگی دکھانے والے خوشدل شاہ نے بھی خاطر خواہ کارکردگی نہ دکھائی اور17رنز ہی بنا سکے وہ ارشد اقبال کی گیند پر شرفین ردرفورڈ کے ہاتھوں کیچ آؤٹ ہوئے۔

    اس کے بعد کافی عرصے بعد ایکشن میں نظر آنے والے شاہد خان آفریدی بھی کوئی خاص کارکردگی دکھانے میں ناکام  رہے انہوں نے ایک چھکا تو لگالیا مگر اگلی ہی گیند پر کیچ دے کر واپس پویلین لوٹ گئے، وہ 12 گیندوں پر صرف12 رنز ہی بناسکے۔

    روی بوپارا نے ذمہ دارانہ بلے بازی کرتے ہوئے 40 رنز بنا کر ملتان سلطانز کی ڈوبتی کشتی کو سہارا دینے کی کوشش کی تاہم 111کے مجموعی اسکور پر وہ بھی وقاص محمود کی گیند پر افتخار احمد کے ہاتھوں کیچ ہو گئے۔

    سہیل تنویر نے اننگز کے آخری حصے میں خوب جلوے دکھائے اور 13 گیندوں پر 2 چھکوں اور 1 چوکے کی مدد سے 25 رنز جڑ کر ٹیم کا مجموعی اسکور 141 تک پہنچانے میں اہم کردار ادا کیا۔

    واضح رہے کہ میچ کیلئے کراچی کنگز کی قیادت عماد وسیم کر رہے ہیں جبکہ دیگر کھلاڑیوں میں بابراعظم، شرجیل خان، ایلکس ہیلز، وین پارنیل، شیڈوک والٹن، محمد عامر، وقاص مقصود، شرفین ردرفورڈ، افتخار احمد اور ارشد اقبال شامل ہیں۔

    ملتان سلطانز کی قیادت شان مسعود کر رہے ہیں جبکہ دیگر کھلاڑیوں میں ذیشان اشرف، ایڈم لیتھ، ریلی روسو، روی بوپارا، خوشدل شاہ، شاہد آفریدی، سہیل تنویر، محمد الیاس، عمران طاہر اور محمد عرفان شامل ہیں۔

    کورونا وائرس کی وجہ سے پی ایس ایل کا آخری مرحلہ مارچ میں ملتوی کر دیا گیا تھا۔ ملتوی شدہ میچز اب بغیر تماشائیوں کے نیشنل اسٹیڈیم کراچی میں ہو رہے ہیں۔

    پی ایس ایل 5 کا آخری میچ سات ماہ قبل 15 مارچ کو کراچی کنگز اور کوئٹہ گلیڈی ایٹرز کے درمیان کھیلا گیا تھا جس میں کوئٹہ نے 5 وکٹوں سے کامیابی حاصل کی۔

    پلے آف مرحلے میں شریک غیرملکی کھلاڑیوں کو بائیو سیکیور ماحول میں رکھا گیا ہے اور انہیں کھلاڑیوں کے علاوہ کسی سے بھی ملنے کی اجازت نہیں ہے۔

  • کراچی کنگز اور ملتان سلطانز کا ڈین جونز کو خراج عقیدت

    کراچی کنگز اور ملتان سلطانز کا ڈین جونز کو خراج عقیدت

    کراچی : نیشنل اسٹیڈیم میں پی ایس ایل 2020کے ملتوی شدہ میچز کے آغاز پر کراچی کنگز اور ملتان سلطانز کی ٹیموں نے ڈین جونز کو خراج عقیدت پیش کیا۔

    عالمی شہرت یافتہ آسٹریلین بلے باز اور کراچی کنگز کے ہیڈ کوچ آنجہانی ڈین جونز کو خراج عقیدت پیش کرتے ہوئے کراچی کنگز اور ملتان سلطانز کے کھلاڑیوں نے ڈی فارم میں لائن بنائی اور ایک منٹ کی خاموشی اختیار کی۔

    ڈین جونز کا انتقال 24 ستمبر کو بھارت کے شہر ممبئی میں دل کا دورہ پڑنے کے باعث ہوا جہاں وہ انڈین پریمیئر لیگ (آئی پی ایل) کے سلسلے میں کمنٹیٹر کی حیثیت سے فرائض انجام دے رہے تھے۔

    انہوں نے 59 ٹیسٹ اور 164 ون ڈے میچوں میں آسٹریلیا کی نمائندگی کی جبکہ وہ 1987 میں آسٹریلیا کے لیے پہلی مرتبہ ورلڈ کپ جیتنے والی ٹیم کے اہم رکن بھی تھے۔

    1997-98میں ریٹائرمنٹ کے بعد وہ کمنٹری کے شعبے سے وابستہ ہوگئے اور پاکستان سپر لیگ سمیت دنیا کی مختلف لیگوں میں کوچنگ کے فرائض بھی انجام دیتے رہے۔

  • پی ایس ایل 5: کراچی کنگز، سلطانز کو ہرا کر فائنل میں جانے کے لیے پُر عزم

    پی ایس ایل 5: کراچی کنگز، سلطانز کو ہرا کر فائنل میں جانے کے لیے پُر عزم

    کراچی: پاکستان سپر لیگ سیزن فائیو کے پلے آف مرحلے کا آج سے آغاز ہوگا۔

    اے آر وائی نیوز کے مطابق پی ایس ایل فائیو کا 8 ماہ بعد آج سے دوبارہ آغاز ہو رہا ہے، یہ ایونٹ کرونا وائرس کی عالمگیر وبا کے باعث ملتوی ہوگیا تھا، پی ایس ایل فائیو کے پلے آف مرحلے کے لیے چاروں ٹیموں نے پریکٹس میچز کےذریعے تیاریوں کو حتمی شکل دے دی ہے۔

    آج پہلے کوالیفائر میں سہ پہر 3 بجے کراچی کنگز اور ملتان سلطانز میں زور کا جوڑ پڑے گا، کوالیفائر جیتنے والی ٹیم فائنل میں جائے گی جب کہ ہارنے والی ٹیم ایک اور قسمت آزمائے گی، شام ساڑھے 7 بجے ایلیمنیٹر ون میں لاہور قلندر اور پشاور زلمی ٹکرائیں گے۔

    کرونا وائرس کے باعث شائقین کو اسٹیڈیم آنے کی اجازت نہیں، ٹیمیں بائیو سیکیورببل میں ہوٹل اور اسٹیڈیم میں رہیں گی، طبی امداد کے لیے موبائل اسپتال بھی اسٹیڈیم میں بنا دیاگیا ہے۔

    پی ایس ایل فائیو میں کراچی کنگز کو ملتان سلطانز پر برتری حاصل ہے، ایونٹ میں دونوں ٹیمیں 7 ویں بار مدِ مقابل آ رہی ہیں۔ مجموعی طور پر دونوں ٹیمیں 6 بار آمنے سامنے آئی ہیں، جس میں کراچی کنگز نے 3 میچز میں سلطانز کو شکست دی، جب کہ 2 میچز بغیر نتیجے کے ختم ہوئے، اور صرف ایک میچ سلطانز کے نام رہا۔

    پی ایس ایل فائیو سے متعلق اہم معلومات

    کراچی کنگز کے کپتان عماد وسیم کوالیفائر میں سلطانز کے خلاف جیت کے لیے پُرعزم ہیں، ویڈیو کانفرنس میں انھوں نے کہا ہم ملتان سلطانز کو ہرا کر فائنل میں جگہ بنائیں گے، کراچی اور لاہور کا فائنل ہو جائے تو مزہ آ جائےگا، ٹائٹل جیت کر ڈین جونز کو خراج عقیدت پیش کرنا چاہتے ہیں۔

    کراچی کنگز کے بہترین بلے بازوں میں ایلکس ہیلز، چیڈوک والٹن، بابر اعظم، کیمرون ڈیل پورٹ، شرجیل خان شامل ہیں اور اگر ملتان سلطانز کی بولنگ اٹیک کی بات کی جائے تو عمران طاہر، سہیل تنویر، محمد عرفان اور شاہد خان آفریدی میچ کا پانسہ پلٹنے کی صلاحیت رکھتے ہیں۔

    کوالیفائرز جیتنے والی ٹیم براہ راست فائنل میں اپنی جگہ پکی کرلے گی جب کہ ہارنے والی ٹیم کو ایلیمنیٹر ٹو تک انتظار کرنا پڑے گا، آج شامل ایلیمنیٹر ون میں لاہور قلندرز اور سابق چیمپیئن پشاور زلمی کی ٹیمیں مد مقابل آئیں گی۔ اس میچ کی فاتح ٹیم کو کوالیفائرز کی شکست خوردہ ٹیم کا سامنا کرنا پڑے گا تب جا کر دوسری فائنلسٹ کا فیصلہ ہوگا۔ میگا ایونٹ کا فائنل مقابلہ 17 نومبر کو شیڈول ہے۔

    واضح رہے کہ پاکستان سپر لیگ سیزن فائیو کے اہم مرحلے میں کراچی کنگز بہترین کوچ ڈین جونز کی خدمات سے محروم ہوگا، ڈین جونز 24 ستمبر کو ممبئی میں دل کا دورہ پڑنے سے انتقال کرگئے تھے۔ کراچی کنگز کے کھلاڑیوں کا کہنا ہے کہ وہ ڈین جونز کی کمی شدت سے محسوس کریں گے۔

    ڈین جونز کی جگہ کراچی کنگز کے صدر وسیم اکرم ہیڈ کوچ کی ذمہ داریاں انجام دے رہے ہیں، سلطانز کے خلاف اہم میچ سے قبل وسیم اکرم نے کھلاڑیوں کو ٹپس بھی دی ہیں۔

  • ڈین جونز کو پاکستانی کرکٹ سے بہت پیار تھا، سلمان اقبال

    ڈین جونز کو پاکستانی کرکٹ سے بہت پیار تھا، سلمان اقبال

    کراچی: پی ایس ایل کی فرنچائز کراچی کنگز کے مالک سلمان اقبال کا کہنا ہے کہ ڈین جونز کے انتقال کی خبر میرے لیے شدید صدمہ ہے، ڈین جونز کو پاکستانی کرکٹ سے بہت پیار تھا۔

    تفصیلات کے مطابق کراچی کنگز کے مالک سلمان اقبال نے سابق آسٹریلوی کرکٹر ڈین جونز کے انتقال پر افسوس کا اظہار کرتے ہوئے کہا کہ آج صبح ہی ڈین جونز سے فون پر بات ہوئی تھی، ان سے پنجاب کے ابھرتے کھلاڑی سے متعلق گفتگو ہوئی تھی۔

    کراچی کنگز کے مالک اور اے آر وائی ڈیجیٹل نیٹ ورک کے صدر اور سی ای او سلمان اقبال نے کہا کہ ڈین جونز نئے ٹیلنٹ کی گرومنگ کے لیے ہمیشہ کوشاں رہے، ان کے لیے ہمیشہ دعاگو رہیں گے۔

    کراچی کنگز کے مالک سلمان اقبال نے ڈین جونز کا بھیجا گیا آخری آڈیو پیغام بھی سماجی رابطے کی ویب سائٹ ٹویٹر پر شیئر کیا۔

    مزید پڑھیں: سابق آسٹریلوی کرکٹر اور کراچی کنگز کے ہیڈ کوچ ڈین جونز انتقال کرگئے

    واضح رہے کہ سابق آسٹریلوی کرکٹرز اور کراچی کنگز کے ہیڈ کوچ ڈین جونز ممبئی میں دل کا دورہ پڑنے سے انتقال کرگئے۔

    سابق آسٹریلوی کرکٹر ڈین جونز کی عمر 59سال تھی، وہ 24مارچ 1961 میں میلبرن میں پیدا ہوئے ،ڈین جونز 1987 کا ورلڈ کپ جیتنے والی آسٹریلوی ٹیم کے اہم رکن تھے، ڈین جونز نے اپنے کرکٹ کیریئر میں 52ٹیسٹ اور164ون ڈے میں آسٹریلیا ٹیم کی نمائندگی کی۔

    30 جنوری 1984 میں پاکستان کے خلاف ایک روزہ میچوں میں ڈیبیو کرنے والے ڈین جونز نے 6 اپریل 1994 میں اپنا آخری میچ جنوبی افریقا کے خلاف کھیلا اور اور انہیں سر ڈان بریڈ مین کی ٹیم کا اہم کھلاڑی تصور کیا جاتا تھا۔

  • سابق آسٹریلوی کرکٹر اور کراچی کنگز کے ہیڈ کوچ ڈین جونز انتقال کرگئے

    سابق آسٹریلوی کرکٹر اور کراچی کنگز کے ہیڈ کوچ ڈین جونز انتقال کرگئے

    ممبئی : سابق آسٹریلوی کرکٹر اور کراچی کنگز کے ہیڈ کوچ ڈین جونز انتقال کرگئے، سابق ٹیسٹ کرکٹر کا انتقال ممبئی میں دل کا دورہ پڑنے سے ہوا۔

    تفصیلات کے مطابق پی ایس ایل کی مایہ ناز ٹیم کراچی کنگز کے ہیڈ کوچ دنیا سے رخصت ہوگئے، وہ ان دنوں بھارت مقیم تھے، ان کا انتقال بھارت کے شہر ممبئی میں دل کا دورہ پڑنے سے ہوا۔

    سابق آسٹریلوی کرکٹر ڈین جونز کی عمر 59سال تھی،  وہ 24مارچ 1961 میں میلبرن میں پیدا ہوئے ،ڈین جونز 1987 کا ورلڈ کپ جیتنے والی آسٹریلوی ٹیم کے اہم رکن تھے، ڈین جونز نے اپنے کرکٹ کیریئر میں 52ٹیسٹ اور164ون ڈے میں آسٹریلیا ٹیم کی نمائندگی کی۔

    کراچی کنگز کے ہیڈ کوچ ڈین جونز کے انتقال کی خبر ملک بھر میں جنگل کی آگ کی طرح پھیل گئی، کراچی کنگز کے اوپنر شرجیل خان نے خبر سن کر اپنے گہرے دکھ اور رنج کا اظہار کیا۔

    اے آر وائی نیوز سے گفتگو کرتے ہوئے شرجیل خان نے کہا کہ ڈین جونز کے انتقال کا سن کر بہت افسوس ہوا،  ان سے بہت کچھ سیکھنے کو ملتا تھا، ڈین جونز مجھے جتنا سپورٹ کرتے تھے میں بیان نہیں کرسکتا۔

    شرجیل خان نے مزید کہا کہ ڈین جونزسے3،2دن پہلے ہی بات ہوئی تھی، انہوں نے مجھے کھیل کے حوالے سے اچھے مشورے بھی دیئے تھے۔

    قومی ٹیم کے فاسٹ بولر محمد عامر نے کہا کہ ڈین جونز کے ساتھ پہلی بار کام کیا تھا وہ بہت اچھے انسان تھے، ان کے انتقال کی خبر سن کر بہت دھچکا لگا، ڈین جونز سے رابطہ رہتا تھا،ان کے ساتھ کمیونی کیشن بہت اچھا تھا۔

    اے آر وائی نیوز سے گفتگو کرتے ہوئے بھارتی صحافی چندریش نارائن کا کہنا تھا کہ ڈین جونز زندہ دل انسان تھے ان کو اچانک دل کا دورہ پڑا اور وہ انتقال کر گئے، کمنٹری کے سلسلے میں ڈین جونز ان دنوں ممبئی میں رہائش پذیر تھے جبکہ ڈین جونز کی فیملی آسٹریلیا میں ہے۔

    ڈین جونز کا شمار 1980 اور 1990 کی دہائی میں بہترین آسٹریلین بلے بازوں میں ہوتا تھا، کرکٹ سے ریٹائرمنٹ کے بعد وہ کرکٹ مصبر اور کوچ کی حیثیت سے کھیل سے وابستہ تھے، پاکستان سپر لیگ میں انہوں نے اسلام آباد یونائیٹڈ اور کراچی کنگز کے ہیڈ کوچ کے طور پر بھی ذمہ داریاں نبھائی تھیں۔

    ڈین جونز ایک سادہ لوح انسان تھے اور کبھی کوئی چھوٹا کام کرنے میں بھی خود کو بڑی شخصیت نہیں سمجھا، اس کی ایک زندہ مثال پی ایس ایل کے دوران کے نیشنل اسٹیڈیم میں دیکھی گئی، جہاں کھیلے جانے والے میچ میں کامیابی کے بعد ہیڈ کوچ ڈین جونزنے ڈگ آؤٹ میں موجود کچرا ڈسٹ بین میں اٹھا کر ڈالا جس کی ویڈیو سوشل میڈیا پر وائرل ہوگئی۔

    قومی ٹیم کے سابق فاسٹ بولر شعیب اختر نے بھی ڈین جونز کے انتقال پر اپنے گہرے دکھ اور افسوس کا اظہار کیا ہے سماجی رابطے کی ویب سائٹ ٹوئٹر پر اپنے پیغام میں ان کا کہنا ہے کہ ابھی افسوسناک خبر ملی کہ دل کا دورہ پڑنے سے ان کا انتقال ہوگیا، وہ انتہائی شریف اور ملنسار انسان تھے۔

  • پی ایس ایل فائیو کے بقیہ میچز اسی سال ہوں گے، سلمان اقبال

    پی ایس ایل فائیو کے بقیہ میچز اسی سال ہوں گے، سلمان اقبال

    کراچی : پی ایس ایل فرنچائز کراچی کنگز کے مالک سلمان اقبال نے کہا ہے کہ عین ممکن ہے کہ ٹی ٹونٹی ورلڈ کپ کے بعد اسی سال پی ایس ایل فائیو کے بقییہ میچز کا انعقاد کیا جائے۔

     برطانوی نشریاتی ادارے بی بی سی کو انٹرویو دیتے ہوئے سلمان اقبال کا کہنا تھا کہ پی ایس ایل کے ناک آؤٹ  مرحلے کے میچز اسی سال ہوں گے اور  ممکن ہے کہ آسٹریلیا میں ٹی ٹونٹی ورلڈ کپ کے اختتام بعد ان  میچز کا انعقاد کیا جائے۔

    واضح  رہے کہ پاکستان کرکٹ بورڈ نے کورونا وائرس کے خدشے کے پیش نظر پاکستان سپر لیگ سیزن فائیو کے بقیہ میچز ملتوی کر دیے تھے، پی سی بی کا کہنا تھا کہ پی ایس ایل فائیو کے نئے شیڈول کے بارے میں مزید تفصیلات بعد میں جاری کی جائیں گی۔

    اس سے قبل پاکستان کرکٹ بورڈ نے کرونا وائرس کے خطرے کے پیش نظر غیر ملکی کھلاڑیوں کو پاکستان سپر لیگ سے دستبردار ہونے کی اجازت دے دی تھی۔

  • کرونا وائرس سے متاثر نہیں، خبریں بے بنیاد ہیں، ایلیکس ہیلز

    کرونا وائرس سے متاثر نہیں، خبریں بے بنیاد ہیں، ایلیکس ہیلز

    لندن: پی ایس ایل فائیو میں کراچی کنگز کے بیٹسمین ایلیکس ہیلز کا کہنا ہے کہ مجھ سے متعلق کرونا وائرس ٹیسٹ کی خبریں بے بنیاد ہیں۔

    تفصیلات کے مطابق پی ایس ایل میں کراچی کنگز کی نمائندگی کرنے والے انگلش کھلاڑی ایلیکس ہیلز نے اپنا کرونا وائرس ٹیسٹ مثبت آنے کی خبروں کی تردید کردی۔

    ایلیکس ہیلز کا کہنا ہے کہ عالمی وبا کے باعث برطانیہ اہلخانہ کے پاس آیا ہوں، اتوار کو جب جاگا تو بخار کے باعث خود کو آئسولیٹ کرلیا۔

    انگلش کرکٹر کا کہنا تھا کہ ابھی تک وائرس کا ٹیسٹ نہیں ہوا امید ہے آج ہوجائے گا۔

    مزید پڑھیں: پی ایس ایل میچز ملتوی کرنے کا مقصد کھلاڑیوں اور آفیشلز کا تحفظ کرنا ہے، ،وسیم خان

    واضح رہے کہ معروف کمنٹیٹر اور سابق کرکٹر رمیز راجہ کا کہنا تھا کہ انگلش کرکٹر ایلیکس ہیلز لندن میں کرونا وائرس ٹیسٹ کروارہے ہیں، شاید ایلکس ہیلز میں کرونا وائرس کی کچھ علامات سامنے آئی ہیں۔

    رمیز راجہ کے بیان کے بعد خلیجی اخبار نے دعویٰ کیا تھا کہ ایلیکس ہیلز کا کرونا وائرس کا ٹیسٹ مثبت آیا ہے اور انہوں نے تنہائی اختیار کرلی ہے۔

    ایلیکس ہیلز نے کرونا وائرس کا ٹیسٹ مثبت آنے کی خبروں کی تردید کرتے ہوئے کہا کہ میرے متعلق جھوٹی خبریں مت پھیلائیں۔

    یاد رہے کہ ملک میں کرونا وائرس کیسز کی تعداد بڑھنے کے باعث پی ایس ایل کے سیمی فائنل اور فائنل میچز کو فوری طور پر ملتوی کردیا گیا ہے۔

  • سیمی فائنل میں ہماری پرفارمنس مختلف ہوگی، عماد وسیم

    سیمی فائنل میں ہماری پرفارمنس مختلف ہوگی، عماد وسیم

    کراچی: پی ایس ایل میں کراچی کنگز کے کپتان عماد وسیم کا کہنا ہے کہ وکٹ سوچ سے زیادہ اسپن بولر کو سپورٹ کررہی تھی، سیمی فائنل میں ہماری پرفارمنس مختلف ہوگی۔

    تفصیلات کے مطابق کراچی کنگز کے کپتان عماد وسیم نے میڈیا سے گفتگو کرتے ہوئے کہا کہ غلطیوں سے سیکھنا ضروری ہے، لاہور کے اوورسیز کھلاڑی بہت زبردست ہیں، ناک آؤٹ میں اب ایک ہی موقع ملے گا، اصل مزہ شائقین کرکٹ کے سامنے کھیلنے میں آتا ہے۔

    عماد وسیم نے کہا کہ شرجیل نے عرصے بعد کم بیک کیا، اب وہ تیار ہیں، شرجیل کو اسی لیے ڈراپ نہیں کرتا کیونکہ وہ اچھا کھلاڑی ہے، پریکٹس میچز میں شرجیل کی سوچ اور گیم سمجھ آگئی تھی، امید ہے شرجیل سیمی فائنل اور آگے بھی اچھی اننگز کھیلے گا۔

    انہوں نے کہا کہ کراچی کی وکٹیں شروع میں بڑے اسکور والی ثابت ہوئیں، اب جو وکٹیں مل رہی ہیں اس میں اسکور کم مقابلہ دلچسپ ہوگیا ہے، لگتا یہی ہے لاہور میں وکٹیں فلیٹ تیار کی جائیں گی۔

    مزید پڑھیں: کراچی کنگز کی سیمی فائنل میں رسائی، اسلام آباد یونائیٹڈ کو شکست

    کراچی کنگز کے کپتان کا کہنا تھا کہ رضوان بہتری کھلاڑی ہے لیکن ابھی اس کا چانس بن نہیں پارہا ہے، اوورسیز کھلاڑی کا کمبی نیشن بھی دیکھنا پڑتا ہے، ہوسکتا ہے محمد رضوان کو اگلے میچ میں موقع مل جائے۔

    عماد وسیم کا کہنا تھا کہ ڈین جونز بہت اچھے کوچ ثابت ہوئے ہیں، ڈین جونز کے ساتھ کام کرنے کا بہت مزہ آتا ہے۔

    واضح رہے کہ کراچی کنگز نے اسلام آباد یونائیٹڈ کو 4 وکٹوں سے شکست دے کر سیمی فائنل میں جگہ بنالی، شرجیل خان کو میچ کا بہترین کھلاڑی قرار دیا گیا۔