ARYNews.tv | Urdu – Har Lamha Bakhabar

Tag: karachi kings

  • میری بلیو بُک میں بہت سے راز چھپے ہیں، ڈین جونز

    میری بلیو بُک میں بہت سے راز چھپے ہیں، ڈین جونز

    کراچی: پی ایس ایل فائیو میں کراچی کنگز کے ہیڈ کوچ ڈین جونز کا کہنا ہے کہ ان کی بلیو بُک میں بہت سے راز چھپے ہیں۔

    تفصیلات کے مطابق کراچی کنگز کے ہیڈ کوچ ڈین جونز نے میڈیا سے گفتگو کرتے ہوئے کہا کہ ان کی بلیو بُک میں بہت سے راز چھپے ہوئے ہیں، وقت آنے پر راز سب کے سامنے آجائیں گے۔

    دوسری جانب فاسٹ بولر محمد عامر کا کہنا تھا کہ ٹی ٹوینٹی میں کھلاڑی کو تسلسل کے ساتھ کارکردگی دکھانا ہوتی ہے۔ ٹی ٹوینٹی میں پرفارمنس کے حوالے سے کچھ نہیں کہہ سکتے، خواہش ہے کارکردگی برقرار رکھ کر پی ایس ایل کا بہترین بولر بنوں۔

    مزید پڑھیں: ڈین جونز نے مداحوں کے دل جیت لیے، ویڈیو وائرل

    کراچی کنگز کے کپتان عماد وسیم کا کہنا تھا کہ کھلاڑیوں نے بہترین انداز میں کم بیک کیا، امید ہے کہ جیت کا تسلسل برقرار رکھیں گے۔

    کراچی کنگز کے مالک سلمان اقبال کا کہنا تھا کہ پی ایس ایل پہلی بار پاکستان میں آگیا ہے، ایسا کراؤڈ اور سہولتیں ہمیں دبئی، شارجہ میں میسر نہیں تھیں۔

    انہوں نے کہا کہ ملتان سے پہلا میچ ہار گئے مگر لاہور میں انہیں پکڑلیں گے، امید ہے ہم لاہور میں پلے آف اور فائنل بھی کھیلیں گے، پی ایس ایل میں جیت کسی کی بھی ہو فتح پاکستان کی ہوگی۔

    واضح رہے کہ پوائنٹس ٹیبل پر کراچی کنگز کی ٹیم کے 6 پوائنٹس ہیں اور وہ تیسرے نمبر پر موجود ہے۔

  • ایلکس ہیلز اور بابر کا لاٹھی چارج، زلمی کو 6 وکٹوں سے شکست

    ایلکس ہیلز اور بابر کا لاٹھی چارج، زلمی کو 6 وکٹوں سے شکست

    کراچی: پی ایس ایل فائیو کے 15ویں میچ میں ایلکس ہیلز اور بابر اعظم کی شاندار بیٹنگ کی بدولت کراچی کنگز نے پشاور زلمی کو باآسانی 6 وکٹوں سے شکست دے دی، محمد عامر کو میچ کا بہترین کھلاڑی قرار دیا گیا۔

    تفصیلات کے مطابق راولپنڈی میں کھیلے جانے والے میچ میں کراچی کنگز نے پشاور زلمی کی جانب سے دیا جانے والا 152 رنز کا ہدف باآسانی 4 وکٹوں کے نقصان پر18.1 اوور میں حاصل کرلیا، ایلکس ہیلز 49 رنز بنا کر پویلین لوٹ گئے۔

    کراچی کی پہلی وکٹ 4 رنز پر گری جب حسن علی نے شرجیل خان کو ایل بی ڈبلیو آؤٹ کیا، شرجیل خان ریویو لیے بغیر پویلین لوٹ گئے جبکہ گیند لیگ سائیڈ کو مس کررہی تھی۔

    بابر اعظم نے 70 رنز کی ناقابل شکست اننگز کھیلی، ایلکس ہیلز نے 49 رنز کی شاندار اننگز کھیلی، ڈیلپورٹ صرف 2 رنز بنا کر یاسر شاہ کو وکٹ دے بیٹھے، والٹن 22 رنز بنا کر آؤٹ ہوئے۔

    پشاور کی جانب سے یاسر شاہ نے دو اور حسن علی اور بریتھ ویت نے ایک، ایک وکٹ حاصل کی۔

    اس جیت کے ساتھ کراچی کنگز کی ٹیم پوائنٹس ٹیبل پر 6 پوائنٹس کے ساتھ تیسرے نمبر پر آگئی ہے، پہلے نمبر پر ملتان سلطانز اور دوسرے نمبر پر کوئٹہ گلیڈی ایٹرز موجود ہے۔

    اس سے قبل پشاور زلمی نے مقررہ اوورز میں 8وکٹوں کے نقصان پر 151 رنز بنائے اور کراچی کنگز کو جیت کے لیے 152 رنز کا ہدف دیا، شعیب ملک نے مشکل وقت میں شاندار نصف سنچری اسکور کی۔

    پشاور زلمی کی ابتدائی تین وکٹیں 10 رنز پر گرنے کے بعد شعیب ملک اور لیونگ اسٹون کے درمیان معمولی شراکت قائم ہوئی ، لیونگ اسٹون کی25 رنز بنا کر پویلین لوٹ گئے، کپتان وہاب ریاض 2 رنز پر پویلین لوٹ گئے۔شعیب ملک نے 68 رنز کی ذمہ دارانہ اننگز کھیلی۔

    کامران اکمل اور حیدر علی صرف 4، 4 رنز بنا کر پویلین لوٹ گئے، ٹام بینٹن کو محمد عامر نے میچ کی پہلی گیند پر پویلین لوٹا دیا۔گریگوری 25 رنز بنا کر نمایاں رہے۔کارلوس بریتھ ویت 8 رنز بنا کر محمد عامر کا نشانہ بنے۔

    کراچی کنگز کی جانب سے محمد عامر نے چار اور کرس جارڈن نے دو کھلاڑیوں کو پویلین کی راہ دکھائی جبکہ عمر خان، اور عامر یامین نے ایک، ایک وکٹ حاصل کی۔

    اس سے قبل کراچی کنگز نے ٹاس جیت کر پشاور زلمی کو پہلے بیٹنگ کی دعوت دی ہے، عماد وسیم کا کہنا تھا کہ کراچی کنگز کی ٹیم میں ایک تبدیلی کی ہے.

    عماد وسیم کا کہنا تھا کہ عمید آصف کی جگہ عامر یامین کو فائنل الیون میں‌ شامل کیا گیا ہے.

    ڈیرن سیمی کی جگہ کپتانی کرنے والے وہاب ریاض‌ کا کہنا تھا کہ ڈیرن سیمی آرام کررہے ہیں، ٹیم میں‌ 3 تبدیلیاں‌ کی گئی ہیں.

    واضح‌ رہے کہ کراچی کنگز ایونٹ کے پہلے میچ میں‌ پشاور زلمی کو شکست دے چکی ہے، اگر آج پشاور زلمی کو کراچی کنگز سے شکست ہوتی ہے تو کنگز کی ٹیم پوائنٹس ٹیبل پر تیسرے نمبر پر پہنچ جائے گی.

    فائنل الیون

  • کراچی کنگز کا پلٹ کر وار، اسلام یونائیٹڈ شکست سے دوچار

    کراچی کنگز کا پلٹ کر وار، اسلام یونائیٹڈ شکست سے دوچار

    راولپنڈی: پی ایس ایل فائیو کے 14ویں میچ میں کراچی کنگز نے اسلام آباد یونائیٹڈ کو سنسنی خیز مقابلے کے بعد 5 وکٹوں سے شکست دے دی۔

    تفصیلات کے مطابق راولپنڈی میں کھیلے جانے میچ میں کراچی کنگز نے اسلام آباد یونائیٹڈ کو شکست دے کر ایونٹ میں دوسری کامیابی اپنے نام کرلی، ایلکس ہیلز نے شاندار نصف سنچری اسکور کی۔

    کراچی کنگز نے اسلام آباد یونائیٹڈ کی جانب سے دیا جانے والا 184 رنز کا ہدف 18.4 اوورز میں 5 وکٹوں کے نقصان پر حاصل کرلیا، شرجیل خان 38 رنز بنا کر نمایاں رہے، بابر اعظم بغیر کوئی رن بنائے شاداب خان کے ہاتھوں رن آؤٹ ہوئے۔

    والٹن نے 23 اور عماد وسیم نے 32 رنز کی ناقابل شکست اننگز کھیلی، ڈیلپورٹ 38 رنز بنا کر اسٹین گن کا نشانہ بنے۔

    اسلام آباد کی جانب سے ڈیل اسٹین ، رومن رئیس اور احمد صفی عبداللہ نے ایک، ایک وکٹ حاصل کی۔

    اس سے قبل اسلام آباد یونائیٹڈ کی ٹیم نے مقررہ اوورز میں 3 وکٹوں کے نقصان پر 183 رنز بنالیے، شاداب خان اور لک رانکی نے ناقابل شکست شاندار نصف سنچریاں اسکور کیں۔

    اسلام آباد یونائیٹڈ کی پہلی وکٹ 2 رنز پر گرنے کے باوجود شاداب خان اور لک رانکی نے ٹیم کو سنبھالا اور شاندار 106 رنز کی شراکت قائم کرکے ٹیم کا اسکور بڑھانے میں اہم کردار ادا کیا۔

    کولن منرو ایک رن بنا کر پویلین لوٹ گئے، رضوان حسین 22 رنز بنا کر چلتے بنے، کولن انگرام نے 16 رنز کی اننگز کھیلی۔لک رانچی نے 85 اورکپتان شاداب خان نے ناقابل شکست 54 رنز کی اننگز کھیلی۔

    کراچی کنگز کی جانب سے محمد عامر، عماد وسیم اور عمر خان نے ایک، ایک وکٹ حاصل کیں۔

    اس سے قبل کراچی کنگز نے شاداب خان الیون کو ٹاس جیت کر پہلے بیٹنگ کی دعوت دی ہے، عماد وسیم کا کہنا ہے کہ پچ پر نمی ہے اس کا فائدہ اٹھانے کی کوشش کریں‌ گے.

    عماد وسیم کا کہنا ہے کہ کوشش کریں‌ گے غلطیاں‌نہ دہرائیں، تمام کھلاڑیوں‌کو اچھا کھیلنا پڑے گا.

    شاداب خان کا کہنا تھا کہ ٹیم میں‌ دو تبدیلیاں‌ کی گئی ہیں، عماد بٹ اور ڈیوڈ‌ ملان کی جگہ ڈیل اسٹین اور رضوان کو شامل کیا گیا ہے.

    واضح‌ رہے کہ ایونٹ میں‌ کراچی کنگز صرف ایک میچ جیت سکی ہے اور اس کے دو پوائنٹس ہیں‌ جبکہ اسلام آباد یونائیٹڈ‌ نے دو میچز میں‌ کامیابی حاصل کی ہے اور ایک بارش کی نذر ہوا، یونائیٹڈ‌ کے 5 پوائنٹس ہیں.

    فائنل الیون

  • پی ایس ایل 5: کراچی کنگز آج اسلام آباد یونائیٹڈ سے ٹکرائیں گے

    پی ایس ایل 5: کراچی کنگز آج اسلام آباد یونائیٹڈ سے ٹکرائیں گے

    راولپنڈی: پاکستان سپر لیگ سیزن 5 میں آج کراچی کنگز اور اسلام آباد یونائیٹڈ کی ٹیمیں ٹکرائیں گی، میچ شام 7 بجے شروع ہوگا۔

    تفصیلات کے مطابق پی ایس ایل 5 میں آج کراچی کنگز اور اسلام آباد یونائیٹڈ کی ٹیمیں راولپنڈی کرکٹ اسٹیڈیم میں ٹکرائیں گی۔

    کراچی کنگز اب تک 3 میچز کھیل چکی ہے جن میں سے ایک میں فتحیاب اور 2 میں شکست کھا چکی ہے۔ پوائنٹس ٹیبل پر کراچی کنگر کے 2 پوائنٹس ہیں۔

    اسلام آباد یونائیٹڈ 5 میچز کھیل چکی ہے جن میں سے 2 میں جیت اور 2 میں شکست اس کا مقدر بنی۔ ایک میچ منسوخ ہونے کی وجہ سے پوائنٹس ٹیبل پر اسلام آباد یونائیٹڈ 5 پوائنٹس کے ساتھ تیسرے نمبر پر ہے۔

    اسکواڈ:

    آج کے میچ میں کراچی کنگز کے اسکواڈ میں عماد وسیم (کپتان)، بابر اعظم، محمد رضوان، افتخار احمد، محمد عامر، عامر یامین، اسامہ میر، عمر خان، الیکس ہیلز، کرس جورڈن، شرجیل خان، کیمرون ڈلپورٹ، علی خان، عمید آصف، مچل مک کلینگھن، چاڈ وک والٹن، اویس ضیا اور ارشد اقبال شامل ہیں۔

    اسلام آباد یونائیٹڈ کے اسکواڈ میں شاداب خان (کپتان)، لیوک رونچی، احمد بٹ، فہیم اشرف، آصف علی، حسین طلعت، محمد موسیٰ، ڈیل اسٹین، کولن انگرام، کولن منرو، رومان رئیس، ظفر گوہر، فل سالٹ، عاکف جاوید، ڈیوڈ ملان، رضوان حسین، سیف بدر اور احمد صفی عبداللہ شامل ہیں۔

  • کراچی کنگز کا شنیرا اکرم کے لیے خصوصی تحفہ

    کراچی کنگز کا شنیرا اکرم کے لیے خصوصی تحفہ

    کراچی کنگز کی انتظامیہ نے ٹیم کے صدر وسیم اکرم کی اہلیہ شنیرا اکرم کو خصوصی شرٹ کا تحفہ دیا۔

    کراچی کنگز کی جانب سے وسیم اکرم کی اہلیہ کو جو شرٹ دی گئی اُس کی پشت پر 01 نمبر درج ہے جبکہ اُس پر ’بھابھی‘ نام لکھا گیا ہے۔

    کراچی کنگز کی جانب سے ملنے والی شرٹ ایک روز قبل شنیرا اکرم نے سماجی رابطے کی ویب سائٹ پر شیئر کی اور انتظامیہ کا شکریہ بھی ادا کیا۔

    شنیرا اکرم نے لکھا کہ ’یہ پہلا موقع ہے کہ مجھے ٹی شرٹ تحفے میں ملی، میرے لیے یہ بہت زیادہ فخر کی بات ہے‘۔ انہوں نے کراچی کنگز کا شکریہ ادا کرتے ہوئے جیت کی دعا بھی کی۔

    یاد رہے کہ پی ایس ایل سیزن فائیو میں وسیم اکرم کراچی کنگز کے صدر جبکہ ڈین جونز ہیڈ کوچ ہیں۔

    کراچی کنگز نے اب تک ٹورنامنٹ میں دو میچز کھیلے جن میں سے ایک میں فتح اور ایک میں شکست کا سامنا رہا۔ پوائنٹس ٹیبل پر اس وقت کراچی کنگز دو پوائنٹس کے ساتھ پانچویں نمبر پر ہے۔

    کراچی کنگز کا پہلا میچ پشاور زلمی کے ساتھ ہوا جس میں ٹیم کو فتح ملی تھی جبکہ دوسرا میچ کوئٹہ گلیڈی ایٹرز کے ساتھ کراچی کے نیشنل اسٹیڈیم میں ہی کھیلا گیا تھا۔

  • ہوم گراؤنڈ پر پشاور زلمی سے مقابلے کے لیے تیار ہیں، عماد وسیم

    ہوم گراؤنڈ پر پشاور زلمی سے مقابلے کے لیے تیار ہیں، عماد وسیم

    کراچی: کراچی کنگز کے کپتان عماد وسیم کا کہنا ہے کہ ہوم گراؤنڈ پر پشاور زلمی سے مقابلے کے لیے تیار ہیں۔

    تفصیلات کے مطابق پی ایس ایل میں کراچی کنگز کے کپتان عماد وسیم نے میڈیا سے گفتگو کرتے ہوئے کہا کہ کراچی کی وکٹ بیٹنگ کے لیے سازگار ہوتی ہے، پشاور زلمی کے خلاف مقابلے کے لیے تیار ہیں۔

    عماد وسیم نے کہا کہ شرجیل خان کو موقع دیں گے، ان کو ہماری پوری سپورٹ حاصل ہے۔

    کراچی کنگز کے کپتان کا کہنا ہے کہ بابر اعظم ورلڈ کلاس کھلاڑی اور مستقبل کے سپر اسٹار ہیں، میچ کے دوران ان سے مشاورت کرتا ہوں۔

    مزید پڑھیں: وسیم اکرم کی ڈانٹ سے بھی محبت محسوس ہوتی ہے، عماد وسیم

    واضح رہے کراچی کنگز اپنا پہلا میچ 21 فروری کو پشاور زلمی کے ساتھ کراچی نیشنل اسٹیڈیم میں کھیلے گی۔ کراچی کنگز کے 2 میچز لاہور، 2 راولپنڈی اور ایک ملتان میں ہوگا، اپنے ہوم گراؤنڈ پر کراچی کنگز 4 میچز کھیلے گی۔

    خیال رہے ایسا پہلی بار ہورہا ہے کہ پی ایس ایل کے تمام میچز پاکستان میں کھیلے جارہے ہیں، پی ایس ایل 5 میں 4 مقامات پر 34 میچز کھیلے جائیں گے، ایونٹ کے 14 میچز لاہور، 9 کراچی، 8 راولپنڈی اور 3 ملتان میں ہوں گے۔

    لیگ کی فاتح ٹیم ٹرافی کے ساتھ 5 لاکھ امریکی ڈالرز کی حقدار ٹھہرے گی اور ایونٹ کی رنر اپ ٹیم کو 2 لاکھ امریکی ڈالرز دیے جائیں گے۔

  • اے آر وائی لاگونا: سلمان اقبال کا پاکستان کے پہلے مصنوعی ساحل اور ریزورٹ ہاؤسنگ پراجیکٹ کا اعلان

    اے آر وائی لاگونا: سلمان اقبال کا پاکستان کے پہلے مصنوعی ساحل اور ریزورٹ ہاؤسنگ پراجیکٹ کا اعلان

    کراچی: کراچی کنگز کے مالک اور اے آر وائی ڈیجیٹل نیٹ ورک کے صدر اور سی ای او سلمان اقبال نے پاکستان کے پہلے مصنوعی ساحل اور لاگونا ریزورٹ ہاؤسنگ پراجیکٹ کا اعلان کردیا۔

    تفصیلات کے مطابق کراچی کنگز کی لانچنگ تقریب کا انعقاد گالف کلب میں کیا گیا، جس میں کور کمانڈر کراچی لیفٹیننٹ جنرل ہمایوں عزیز، گورنر سندھ عمران اسماعیل، میئر کراچی وسیم اختر سمیت اہم سیاسی و سماجی شخصیات نے شرکت کی۔

    تقریب میں اے آر وائی لاگونا ڈی ایچ اے سٹی کی لانچنگ او رلوگو کی رونمائی کی گئی، اے آر وائی لاگونا ڈی ایچ اے سٹی کراچی کنگز کا پلاٹینیم اسپانسر ہے۔

    کراچی کنگز کے مالک سلمان اقبال نے تقریب سے خطاب کرتے ہوئے کہا کہ ہم نے 4 اہم چیزوں کو لانے کا فیصلہ کیا تھا، ہم نے سوچا کیا پاکستان میں ریزورٹ ہاؤسنگ دے سکتے ہیں، ایسی رہائش ہو جہاں دنیا دیکھنے آئے اور ہمارے بچے وہاں اسکول جاسکیں۔

    سلمان اقبال نے کہا کہ ہم نے سوچا کہ کیا ہم ریزورٹ سائیڈ کے لیے پانی لاسکتے ہیں ہم نے سوچا پانی کے پاس نہیں جاتے پانی کو اپنے پاس لے آتے ہیں۔

    انہوں نے کہا کہ پروجیکٹ میں استعمال ہونے والا 80 فیصد سامان میڈ ان پاکستان ہوگا، پروجیکٹ کے ذریعے روزگار کے متعدد مواقع میسر آئیں گے، ہم دنیا کی جدید ٹیکنالوجی پاکستان لے کر آئیں گے، پاکستان ناصرف ٹیکنالوجی میں آگے بڑھے گا بلکہ مالی خسارہ بھی کم ہوگا۔

    انہوں‌ نے کہا کہ خواب کی تعبیر ہوجائے تو اللہ کا احسان ماننا چاہئے، ایسے بہت سے خواب ہمارے بزرگوں نے بھی دیکھے، اے آر وائی گولڈ کا خواب دیکھا جس کی تعبیر ہوئی، اے آر وائی میڈیا گروپ کا خواب دیکھا جس کی تعبیر ہوئی۔

    سلمان اقبال نے کہا کہ اے آر وائی اردو ورژن کا سب سے بڑا میڈیا نیٹ ورک ہے، پی ایس ایل کے بارے میں کہا جاتا تھا مشکل ہے کامیاب نہیں ہوگا، آج سب دیکھ رہے ہیں پی ایس ایل سب سے کامیاب جارہا ہے، اس مرتبہ تمام غیرملکی کھلاڑی پاکستان آکر کھیل رہے ہیں۔

  • پی ایس ایل کی کامیابی میں میڈیا کا بڑا مثبت کردار ہے، سلمان اقبال

    پی ایس ایل کی کامیابی میں میڈیا کا بڑا مثبت کردار ہے، سلمان اقبال

    کراچی: کراچی کنگز کے مالک سلمان اقبال نے کہا ہے کہ پی ایس ایل کی کامیابی میں میڈیا کا بہت بڑا کردار ہے، اب پورا پی ایس ایل پاکستان آچکا ہے، ان لمحات کا بے صبری سے انتظار تھا۔

    تفصیلات کے مطابق پی ایس ایل کی سب سے مقبول ٹیم کراچی کنگز کے مالک سلمان اقبال نے کہا ہے کہ پاکستان میں لوگ پی ایس ایل کا شدت سے انتظار کررہے ہیں، سب پی ایس ایل کے لیے پرجوش نظر آرہے ہیں، پی سی بی اور احسان مانی کے شکر گزار ہیں۔

    سلمان اقبال کا کہنا ہے کہ ہم نے بڑے مشکل وقت دیکھے تھے، پاکستان میں ابھی سے پی ایس ایل کا جوش دیکھ رہا ہوں، ہم اپنی لیگ کو پاکستان لے کر آگئے ہیں۔

    مزید پڑھیں: پوری کوشش ہے آئندہ سیزن پشاور میں بھی میچ کھیلے جائیں، احسان مانی

    پشاور زلمی کے مالک جاوید اقبال کا کہنا تھا کہ ہم سب کی کوشش ہے پی ایس ایل کو کامیاب بنائیں۔

    اسلام آباد یونائیٹڈ کے مالک علی نقوی نے کہا کہ کرکٹ ملک میں واپس آنے پر پی سی بی کے شکر گزار ہیں، پی ایس ایل کے پاکستان میں انعقاد پر سب کو مبارک باد دیتے ہیں، جہانگیر خان کامیابی کی ایک مثال ہیں۔

    کوئٹہ گلیڈی ایٹرز کے مالک ندیم عمر نے کہا کہ دعا کریں پی ایس ایل کا انعقاد کامیابی کے ساتھ ہو، کرکٹ کا جوش اور جذبہ برقرار رہنا چاہئے۔

    لاہور قلندرز کے سی ای او کا کہنا تھا کہ پاکستان کا مثبت چہرہ دنیا کو دکھانے جارہے ہیں جبکہ نمائندہ ملتان سلطانز کا کہنا ہے کہ پی ایس ایل کا مکمل ایونٹ پاکستان آنا کوئی چھوٹی بات نہیں ہے۔

  • بہت محنت کی ہے، بھرپور کم بیک کروں گا، شرجیل خان

    بہت محنت کی ہے، بھرپور کم بیک کروں گا، شرجیل خان

    کراچی: پی ایس ایل سیزن فائیو میں کراچی کنگز کے اوپنر شرجیل خان نے کہا ہے کہ بہت محنت کی ہے، بھرپور کم بیک کروں گا۔

    تفصیلات کے مطابق کراچی کنگز کے اوپنر شرجیل خان نے اے آر وائی نیوز سے گفتگو کرتے ہوئے کہا کہ میری تمام تر توجہ پی ایس ایل فائیو میں پرفارمنس پر ہے، کوشش کروں گا ہر میچ بہترین کھیل پیش کروں۔

    شرجیل خان نے کہا کہ پہلے سیزن کی طرح اس سیزن میں بھی سنچری کی خواہش ہے، کپتان اور مداحوں کی توقعات پر پورا اترنے کی کوشش کروں گا۔

    کراچی کنگز کے اوپنر نے کہا کہ کوشش ہوگی لاہور قلندرز کے خلاف بڑا اسکور کروں، تمام ٹیموں کے خلاف جارحانہ کھیلنے کا منصوبہ ہے، کراچی کے مداحوں کا مایوس نہیں کروں گا۔

    مزید پڑھیں: پی ایس ایل بڑا ایونٹ ہے، جو پرفارم کرے گا ہیرو بن جائے گا، وسیم اکرم

    شرجیل خان نے کہا کہ ڈین جونز اور وسیم اکرم سے بہت سیکھا ہے، ڈین جونز سے اس سیزن میں بھی اچھی ہم آہنگی ہے، ہوم کنڈیشنز سے فائدہ اٹھانے کے لیے تیار ہوں۔

    انہوں نے کہا کہ مداحوں نے پہلے بھی سپورٹ کیا، امید ہے اس بار بھی کریں گے، کوشش ہے ٹیم کی جیت میں اہم کردار ادا کروں۔

    ایک سوال کے جواب میں شرجیل خان نے کہا کہ بابر اعظم بہترین بیٹسمین ہیں ان کے ساتھ بیٹنگ کرنے میں مزہ آئے گا، عماد وسیم کے ساتھ کافی کرکٹ کھیلی ہے ایک دوسرے کو اچھی طرح سمجھتے ہیں۔

  • پی ایس ایل بڑا ایونٹ ہے، جو پرفارم کرے گا ہیرو بن جائے گا، وسیم اکرم

    پی ایس ایل بڑا ایونٹ ہے، جو پرفارم کرے گا ہیرو بن جائے گا، وسیم اکرم

    کراچی: سابق کپتان اور کراچی کنگز کے صدر وسیم اکرم کا کہنا ہے کہ پی ایس ایل بڑا ایونٹ ہے، جو پرفارم کرے گا وہ ہیرو بن جائے گا۔

    تفصیلات کے مطابق کراچی کنگز کے صدر وسیم اکرم نے اے آر وائی نیوز سے گفتگو کرتے ہوئے کہا کہ پی ایس ایل ایونٹ جو بھی جیتے گا جیت پاکستان کی ہوگی، گزشتہ سال جو غلطیاں کیں کوشش ہوگی وہ نہ دہرائیں۔

    وسیم اکرم نے کہا کہ کراچی کنگز آخری گیند تک لڑتی دکھائی دے گی، پاکستان میں آنے والے انٹرنیشنل کرکٹرز کا شکریہ ادا کرتے ہیں۔

    انہوں نے کہا کہ پہلے ایونٹ سے خواہش تھی کہ پورا ایونٹ پاکستان میں کھیلا جائے، خوشی ہے پانچویں ایڈیشن سے لیگ کا انعقاد ہوم گراؤنڈ پر ہورہا ہے۔

    مزید پڑھیں: ڈین جونز کا وزیراعظم سے نیلی جرسی پہننے کی خواہش کا اظہار

    دوسری جانب کراچی کنگز کے ہیڈ کوچ ڈین جونز کا کہنا ہے کہ پی ایس ایل فائیو کے لیے کراچی کنگز کی ٹیم متوازن ہے، پلے آف سے آگے جائیں گے۔

    ڈین جونز نے کہا کہ ورلڈ کپ کی سلیکشن کے لیے ایونٹ اہم ہے، ہمارے پاس بہت ٹیلنٹ ہے، کھلاڑیوں کو جان لگانا پڑے گی۔

    واضح رہے کہ گزشتہ روز کراچی کنگز کے ہیڈ کوچ ڈین جونز نے وزیراعظم عمران خان سے نیلی جرسی پہننے کی خواہش کا اظہار کیا تھا۔

    ڈین جونز کا کہنا تھا کہ وزیراعظم عمران خان کی ملک کے لیے بے شمار خدمات ہیں، عمران خان کی کوششوں سے انٹرنیشنل کھلاڑی پاکستان میں کھیل رہے ہیں۔