ARYNews.tv | Urdu – Har Lamha Bakhabar

Tag: karachi kings

  • کراچی کنگز کے ہیڈ کوچ ڈین جونز کراچی پہنچ گئے

    کراچی کنگز کے ہیڈ کوچ ڈین جونز کراچی پہنچ گئے

    کراچی: پی ایس ایل کی سب سے مقبول ٹیم کراچی کنگز کے ہیڈ کوچ ڈین جونز کراچی پہنچ گئے، ڈین جونز نے کہا کہ مداح آئیں اور ٹیم کو سپورٹ کریں۔

    تفصیلات کے مطابق کراچی کنگز کے ہیڈ کوچ ڈین جونز نے کہا ہے کہ مداح آئیں اور ٹیم کو سپورٹ کریں، پشاور زلمی کے خلاف پہلے مقابلے کے لیے ہم تیار ہیں۔

    ڈین جونز نے کہا کہ میں نیلی جرسی پہننے کے لیے بے قرار ہوں، آپ کے خوبصورت شہر کراچی آنے پر بہت خوش ہوں۔

    کراچی کنگز کے ہیڈ کوچ کا کہنا ہے کہ شائقین کپتان عماد وسیم، بابر اعظم اور اپنی ٹیم کا حوصلہ بڑھائیں۔

    دوسری جانب کراچی کنگز کے اوپنر شرجیل خان کا کہنا ہے کہ میری تمام توجہ پرفارمنس پر ہے، کوشش کروں گا ہر میچ میں بہترین کھیل پیش کروں۔

    واضح رہے کہ پی ایس ایل سیزن فائیو کا آغاز 20 فروری سے کراچی کے نیشنل اسٹیڈیم سے ہوگا، میگا ایونٹ کے لیے کھلاڑیوں کی آمد کا سلسلہ جاری ہے۔

    پی ایس ایل میں کراچی کنگز کی ٹیم کی قیادت عماد وسیم کریں گے دیگر کھلاڑیوں میں بابر اعظم، ایلکس ہیلز، کرس جارڈن، محمد عامر، افتخار، شرجیل خان، کیمرون ڈیلپورٹ، عامر یامین، محمد رضوان، عمید آصف، لارنس، اسامہ میر، علی خان، اویس ضیا، لیام پلنکٹ، عمر خان اور اقبال شامل ہیں۔

  • پی ایس ایل 5: کراچی کنگز کی مہم جوئی، ٹاکرے کے لیے تیار

    پی ایس ایل 5: کراچی کنگز کی مہم جوئی، ٹاکرے کے لیے تیار

    کراچی: پاکستان سپرلیگ کی سب سے مقبول ٹیم کراچی کنگز سیزن 5 میں اپنی مہم جوئی کا آغاز 21 فروری کو پشاور زلمی کے خلاف میچ سے کرے گی۔

    تفصیلات کے مطابق پی ایس ایل کی سب سے مقبول ٹیم کراچی کنگز پاکستان کے میدانوں میں دھوم مچانے کے لیے تیار ہوگئی، 21 فروری کو کراچی کنگز ہوم گراؤنڈ پر پشاور زلمی کے خلاف مہم جوئی کا آغاز کریں گے۔

    23 فروری کو کراچی کا مقابلہ دفاعی چیمپئن کوئٹہ گلیڈی ایٹرز سے ہوگا۔

    جبکہ 28 فروری کو کراچی کنگز ملتان سلطانز سے ٹکرائے گی۔ یکم مارچ کو کراچی کنگز اور اسلام آباد یونائیٹیڈ مد مقابل ہوں گے۔ 2 مارچ کو کنگز زلمی سے پھر ٹکرائیں گے۔ 6 مارچ کو سلطانز سامنے آئیں گے۔

    ’کراچی کنگز کو فائنل سے روک سکتے ہو تو روک کے دکھاؤ‘

    8 اور 12 مارچ کو پی ایس ایل کے روایتی حریف لاہور سے دو دو ہاتھ کریں گے۔

    خیال رہے کہ پاکستان کرکٹ بورڈ (پی سی بی) کی جانب سے پی ایس ایل 5 کا شیڈول جاری کیا گیا جس پر کراچی کے شائقین نے ہوم گراؤنڈ پر اپنی ٹیم کو کم میچز ملنے پر سوشل میڈیا کا سہارا لیتے ہوئے شدید احتجاج کیا اور اپنی آواز پی سی بی حکام تک پہنچانے کی کوشش بھی کی۔

    پی سی بی کی جانب سے جاری کردہ شیڈول میں لاہور قلندرز کو ہوم گراؤنڈ پر سب سے زیادہ 8 میچز دیے گئے جبکہ کراچی کنگز لیگ کے دس میں سے صرف 5 میچز ہی ہوم گراؤنڈ پر کھیل سکے گی۔

  • پی ایس ایل 5 شیڈول، کراچی کے شائقین مایوس، برہمی کا اظہار

    پی ایس ایل 5 شیڈول، کراچی کے شائقین مایوس، برہمی کا اظہار

    کراچی: پاکستان سپر لیگ (پی ایس ایل) فائیو کے شیڈول پر کراچی کنگز کے شائقین نے مایوسی کا اظہار کیا ہے۔

    تفصیلات کے مطابق پاکستان کرکٹ بورڈ (پی سی بی) کی جانب سے پی ایس ایل فائیو کا شیڈول جاری کیا گیا ہے جس پر کراچی کے شائقین نے کم میچز ملنے پر سوشل میڈیا پر سخت برہمی کا اظہار کیا ہے۔

    پی ایس ایل فائیو میں لاہور قلندرز کو ہوم گراؤنڈ پر سب سے زیادہ میچ دے دئیے گئے ہیں، کراچی کنگز 10 میں سے صرف 5 اور لاہور قلندرز 8 میچز ہوم گراؤنڈ پر کھیلے گی۔

    نمائندہ اے آر وائی نیوز شاہد ہاشمی کے مطابق سب سے بڑے شہر کے شائقین اپنی ٹیم کے صرف 5 میچ ہوم گراؤنڈ پر دیکھ سکیں گے۔

    مزید پڑھیں: پاکستان سپر لیگ 2020 کا شیڈول جاری، کراچی کنگز کا پہلا میچ 21 فروری کو ہوگا

    ہر ٹیم تین سے 4 ڈے میچز جبکہ لاہور قلندرز صرف ڈے میچ کھیلے گی، پی ایس ایل شیڈول پر کراچی کے شائقین پی سی بی کو آڑے ہاتھوں لے رہے ہیں۔

    واضح رہے کہ پاکستان سپر لیگ 2020 کا شیڈول جاری کردیا گیا، کراچی کنگز اپنا پہلا میچ 21 فروری کو پشاور زلمی کے ساتھ کھیلے گی۔

    پی ایس ایل 2020 کا آغاز 20 فروری سے ہوگا، 4 مقامات پر 34 میچز کھیلے جائیں گے، ایونٹ کے 14 میچز لاہور، 9 کراچی، 8 راولپنڈی اور 3 ملتان میں ہوں گے۔

    دونوں ایلی منیٹر میچز بھی لاہور کے قذافی اسٹیڈیم میں کھیلے جائیں گے جبکہ پی ایس ایل 5 کا فائنل بھی 22 مارچ کو قذافی اسٹیڈیم لاہور میں ہوگا۔ ٹکٹوں کی فروخت 20 جنوری سے شروع ہوگی۔

  • ملک سے پولیو کے خاتمے کا مشن، لیجنڈ کرکٹر بھی میدان میں آگئے

    ملک سے پولیو کے خاتمے کا مشن، لیجنڈ کرکٹر بھی میدان میں آگئے

    لاہور: ملک سے پولیو کے خاتمے کا مشن لیے لیجنڈ کرکٹر اور کراچی کنگز کے صدر وسیم اکرم نے انسداد پولیو مہم کی حمایت کردی۔

    تفصیلات کے مطابق وسیم اکرم بھی اس بڑے مشن کی تکمیل کے لیے میدان میں آگئے، اور شہریوں سے بھی تعاون کی اپیل کی ہے، ان کا کہنا تھا کہ ملکی شہری پولیو ورکرز سے تعاون کریں۔

    انہوں نے کہا کہ پولیو ورکرز اپنی جان پر کھیل کر اس بیماری کے خاتمے کے لیے کام کررہے ہیں۔

    ان کا مزید کہنا تھا کہ مجھے اور پورے پاکستان کو پولیو ورکرز پر فخر ہے، جو اپنی جان پر کھیل کر ملک کو پولیو سے پاک کرنا چاہتے ہیں۔ خیال رہے کہ لیجنڈ کرکٹر اور کراچی کنگز کے صدر وسیم اکرم ملک میں فلاحی کاموں میں بھی بڑھ چڑھ کر حصہ لیتے ہیں۔

    وزیر اعلیٰ سندھ کا انسداد پولیو مہم کا افتتاح

    واضح رہے کہ صوبہ پنجاب، خیبرپختونخوا اور سندھ میں پولیو مہم کا آغاز ہوچکا ہے۔

    خیال رہے کہ رواں برس ملک بھر میں پولیو کیسز میں تشویشناک اضافہ دیکھنے میں آیا ہے اور اب تک سامنے آنے والے پولیو کیسز کی تعداد 100 ہوگئی ہے، یہ شرح سنہ 2015 سے بھی زیادہ ہے جب ملک میں 54 پولیو کیسز رپورٹ کیے گئے۔

  • آل راؤنڈرعماد وسیم کی تقریب ولیمہ میں ملک کی ممتاز شخصیات کی شرکت

    آل راؤنڈرعماد وسیم کی تقریب ولیمہ میں ملک کی ممتاز شخصیات کی شرکت

    اسلام آباد : پاکستان کرکٹ ٹیم کے آل راؤنڈر عماد وسیم اور برطانوی نژاد پاکستانی ثانیہ اشفاق کے ولیمہ میں ملک کی ممتاز شخصیات نے شرکت کی۔

    اسلام آباد میں ہونے والی اس تقریب میں ڈی جی آئی ایس پی آر میجرجنرل آصف غفور، کراچی کنگز کےمالک
    سی ای او اے آر وائی نیٹ ورک سلمان اقبال بھی شریک تھے۔

    اس کے علاوہ سینیٹر فیصل جاوید، بابراعوان اور دیگر اہم شخصیات نے دولہا دلہن کو ان کی نئی زندگی کیلئے دعائیں دیں۔

    سینیٹر فیصل جاوید کا کہنا تھا کہ کراچی کنگز کے کپتان اپنی کوئین لے آئے ہیں انہیں دل کی گہرائیوں سے مبارکباد دیتا ہوں۔ تقریب میں عماد وسیم کے عزیز و اقارب کے علاوہ پی سی بی سے تعلق رکھنے والے افراد بھی موجود تھے۔

    واضح رہے کہ24اگست کو عماد وسیم اور ثانیہ کا نکاح اسلام آباد کی فیصل مسجد میں ہوا تھا، نکاح کے لیے سادہ تقریب کا اہتمام کیا گیا۔

    عماد وسیم کی جانب سے ولیمے کی تقریب میں وزیراعظم عمران خان، چیئرمین پی سی بی اور وسیم اکرم سمیت اعلٰی شخصیات کو کومدعو کیا گیا تھا۔

    ورلڈ کپ میں افغانستان کے خلاف میچ میں عماد وسیم نے شاندار کارکردگی کا مظاہرہ کرتے ہوئے ٹیم کی جیت میں اہم کردار ادا کیا تھا، ہیڈنگلے میچ کے ہیرو عماد وسیم نے ناقابل شکست 49 رنز بنائے تھے اور دو وکٹیں بھی حاصل کی تھیں۔

    ورلڈ کپ میں افغانستان کے خلاف میچ میں عماد وسیم نے شاندار کارکردگی کا مظاہرہ کرتے ہوئے ٹیم کی جیت میں اہم کردار ادا کیا تھا۔ ہیڈنگلے میچ کے ہیرو عماد وسیم نے ناقابل شکست49 رنز بنائے تھے اور دو وکٹیں بھی حاصل کی تھیں۔

    مزید پڑھیں: معروف آل راؤنڈرعماد وسیم اورثانیہ اشفاق رشتہ ازدواج میں منسلک

    عماد وسیم52 ون ڈے میچز میں940رنز اسکور کر چکے ہیں جب کہ اس فارمیٹ میں انہوں نے41 وکٹیں اپنے نام کیں۔ انہوں نے35 ٹی ٹوینٹی میچز میں اپنی صلاحیتوں کے جوہر دکھائے، جس میں 39 وکٹیں ان کے حصے میں آئیں۔ عماد وسیم کراچی کنگز کی کپتانی کا فریضہ بھی انجام دے رہے ہیں۔

  • پی ایس ایل : کراچی کنگز کے مالک سلمان اقبال نے مداحوں سے معافی مانگ لی

    پی ایس ایل : کراچی کنگز کے مالک سلمان اقبال نے مداحوں سے معافی مانگ لی

    کراچی : پی ایس ایل کی ٹیم کراچی کنگز کے مالک سلمان اقبال نے سیزن فور کے فائنل میں نہ پہچنے پر مداحوں سے معافی مانگ لی، ان کا کہنا ہے کہ آئندہ سال نئے عزم کے ساتھ میدان میں اتریں گے۔

    تفصیلات کے مطابقکراچی کنگز کے مالک سلمان اقبال نے ٹیم کے فائنل میں نہ پہنچنے پر اپنے پیغام میں کہا ہے کہ شکست ہر کراچی کنگز کے پرستاروں کو مایوسی ہوئی اس پر معذرت چاہتا ہوں۔

    یہ بات انہوں نے سماجی رابطے کی ویب سائٹ ٹوئٹر پر اسلام آباد یونائیٹڈ کے ہاتھوں کراچی کنگز کی شکست کے بعد اپنے پیغام میں کہی۔

    سلمان اقبال کا مزید کہنا تھا کہ اسلام آباد یونائیٹڈ نے بہتر کھیل کا مظاہرہ کیا، کراچی کنگز کی ٹیم پی ایس ایل سے باہر ہوگئی لیکن مجھے پورا یقین ہے کہ جیت پاکستان کی ہوئی، پی ایس ایل کے اگلے سیزن میں نئے عزم کے ساتھ میدان میں اتریں گے۔

    واضح رہے کہ پی ایس ایل سیزن فور کے ایلیمینیٹر میچ میں کراچی کنگز کو سخت مقابلے کے بعد اسلام آباد یونائیٹڈ کے ہاتھوں چار وکٹوں سے شکست کا سامنا کرنا پڑا۔

    کراچی کنگز نے پہلے بیٹنگ کرتے ہوئے مقررہ 20 اوورز میں نو وکٹوں کے نقصان پر161رنز بنائے تھے ۔اسلام آباد یونائیٹڈ نے 162 رنز کا ہدف تین گیندیں پہلے ہی 6 وکٹوں کے نقصان پر حاصل کیا۔

  • سلمان اقبال کی کراچی کنگز کے لیے نیک تمنائیں

    سلمان اقبال کی کراچی کنگز کے لیے نیک تمنائیں

    کراچی: کراچی کنگز کے مالک سلمان اقبال نے کراچی کنگز کے لیے نیک تمناؤں کا اظہار کرتے ہوئے کہا ہے کہ جو ٹیم اچھا کھیلے گی وہی جیتے گی۔

    تفصیلات کے مطابق کراچی کنگز کے مالک اور اے آر وائی نیٹ ورک کے سربراہ سلمان اقبال نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایلی منیٹر کا وقت آگیا ہے،کراچی کے عوام پرجوش ہیں۔

    انہوں نے کراچی کنگز کے لیے نیک تمناؤں کا اظہار کرتے ہوئے کہا کہ جو ٹیم اچھا کھیلے گی وہی جیتے گی۔

    خیال رہے کہ پاکستان سپر لیگ کے چوتھے سیزن میں آج پہلے ایلی منیٹر میں کراچی کنگز اور اسلام آباد یونائیٹڈ مدمقابل ہوں گے۔ میچ شام 7 بجے کراچی کے نیشنل اسٹیڈیم میں کھیلا جائے گا۔

    میچ کے شائقین کو اسٹیڈیم پہنچانے کے لیے شٹل سروس جاری ہے اور نیشنل اسٹیڈیم کے دروازے کھول دیے گئے ہیں۔

    آج کی فاتح ٹیم فائنل میں رسائی کے لیے کل بروز جمعہ پشاور زلمی سے پنجہ آزمائی کرے گی۔ کل ہونے والے میچ کی ٹیم فائنل میں پہنچے گی جہاں اس کا مقابلہ کوئٹہ گلیڈی ایٹرز سے ہوگا۔

    پی ایس ایل کے آخری مرحلے میں کراچی کنگز نے کوئٹہ گلیڈی ایٹرز کو 1 رن سے شکست دی تھی۔ 191 رنز کے جواب میں کوئٹہ کی ٹیم 7 وکٹوں کے نقصان پر 189 رنز بنا سکی تھی۔

    کراچی کنگز کا اگلا میچ پشاور زلمی کے ساتھ تھا جس میں زلمی نے کنگز کو 61 رنز سے شکست دے کر فتح اپنے نام کی۔

  • کراچی پی ایس ایل 4: بارش سے میچ متاثر نہیں ہوگا، محکمہ موسمیات

    کراچی پی ایس ایل 4: بارش سے میچ متاثر نہیں ہوگا، محکمہ موسمیات

    کراچی: محکمہ موسمیات کے ترجمان نے کہا ہے کہ بارش کے بعد شہر کے مختلف علاقوں میں دھوپ نکل آئی تاہم سسٹم موجود ہے، برسات کی وجہ سے پاکستان سپرلیگ کا میچ متاثر نہیں ہوگا۔

    تفصیلات کے مطابق بارش کا نیا سسٹم بلوچستان کے راستے پاکستان کی حدود میں داخل ہوا جس کے بعد کراچی اور بلوچستان کے مختلف علاقوں میں ہلکی اور تیز بارش ہوئی۔

    شہرقائد کے مختلف علاقوں میں بوندا باندی اور ہلکی بارش کے بعد ٹھنڈی ہوائیں چلنے سے  موسم خوشگوار ہوا۔ کراچی کے علاقے ناظم آباد، شادمان ٹاؤن، نارتھ کراچی، سرجانی ٹاؤن، نارتھ ناظم آباد، لیاقت آباد اور سائٹ کے علاقوں میں ہلکی اور تیز بارش ہوئی۔

    مزید پڑھیں: کراچی کے مختلف علاقوں میں بارش‘ موسم خوشگوار

    دوسری جانب بلوچستان کے دارالحکومت کوئٹہ سمیت مختلف علاقوں میں بھی بارش ہوئی جس کے بعد درجہ حرارت منفی ہوگیا، گزشتہ 24 گھنٹوں کے دوران پنچگور میں 4 اور ماڑہ میں تین ملی میٹر بارش ہوئی۔

    بلوچستان میں ہونے والی بارشوں کے باعث کوئٹہ کا درجہ حرارت 3، قلات 2، سبی 14، گوادار اور ژوت 16 جبکہ زیارت کے علاقے میں منفی 6 سینٹی گریڈ تک پہنچ گیا۔

    محکمہ موسمیات کے مطابق بادلوں کا نیا سسٹم مغربی ہواؤں کا نیا سلسلہ ایران سے بلوچستان میں داخل ہوچکا جس کے باعث آئندہ چوبیس گھنٹوں کے دوران سرحدی علاقو اور کراچی میں بارش ہوسکتی ہے۔

    کراچی کے حوالے سے پیش گوئی کرتے ہوئے محکمہ موسمیات کے ترجمان کا کہنا تھا کہ ’بارش کاموجودہ سسٹم میچ کو متاثرنہیں کرےگا، برسات کے بعد دھوپ نکل آئی ہے تاہم سسٹم موجود ہے‘۔

    یہ بھی پڑھیں: کراچی: پی ایس ایل 4 کے آخری مرحلے کا آغاز، اسلام آباد یونائیٹڈ نے لاہور قلندرز کو شکت دے دی

    اُن کا کہنا تھا کہ بارش کا سسٹم ضلع وسطی اور اور ضلع ملیر میں فعال رہا، رات گئے کراچی کے مختلف علاقوں میں ہلکی بارش کا امکان ہے۔

    یاد رہے کہ پی ایس ایل سیزن فور کے پانچویں مرحلے کا آغاز کراچی میں ہوچکا، نیشنل اسٹیڈیم میں گزشتہ روز اسلام آباد یونائیٹڈ اور لاہور قلندرز کی ٹیمیں آمنے سامنے آئیں تھیں جبکہ آج کراچی کنگز اور کوئٹہ گلیڈی ایٹرز کی ٹیمیں مقابلہ کریں گی۔

    نیشنل اسٹیڈیم کی انتظامیہ نے برسات شروع ہوتے ہی پچ کو کور سے ڈھک دیا تھا، دھوپ نکلتے ہی اُس پر سے کپڑا ہٹا دیا گیا۔

  • کراچی آ کر اچھا لگا، کھیل عوام کوقریب لانے کا ذریعہ ہیں: کولن انگرام

    کراچی آ کر اچھا لگا، کھیل عوام کوقریب لانے کا ذریعہ ہیں: کولن انگرام

    کراچی: ساؤتھ افریقا سے تعلق رکھنے والے بلے باز کولن انگرام نے کہا ہے کہ کراچی آکر بہت اچھا لگ رہا ہے.

    ان خیالات کا اظہار انھوں نے کراچی میں خصوصی پریس کانفرنس کرتے ہوئے کیا. کراچی کنگز کی نمائندگی کرنے والے کولن انگرام نے اس موقع پر نیشنل اسٹیڈیم کی بھی تعریف کی.

    جنوبی افریقی بلے باز نے کہا کہ پی ایس ایل میں بولنگ اٹیکس بہترین ہیں، دنیاکی دیگرلیگزکے مقابلے میں پی ایس ایل میں لیگ اسپنرز زیادہ سرگرم ہیں.

    انھوں نے کہا کہ کھیل عوام کوقریب لانے کا ذریعہ ہیں، سیکیورٹی کامسئلہ توپوری دنیامیں ہے، البتہ کراچی میں سیکیورٹی کےبہترین انتظامات ہیں.

    مزید پڑھیں: پاکستان سپرلیگ کا رنگا رنگ میلہ آج سے کراچی میں شروع ہوگا

    کولن انگرام نے امید ظاہر کی کہ آئندہ چند روز میں کراچی میں‌ اچھے مقابلے ہوں گے.

    یاد رہے کہ انتظارکی گھڑیاں ختم ہوگئی ہیں، آج اسلام آباد یونائیٹیڈ اور لاہورقلندرزاہم میچ میں سات بجے مدمقابل ہوں گے۔ پلےآف میں جگہ بنانے کیلئے دونوں ٹیموں کو سر دھڑ کی بازی لگانی ہوگی.

    دوسری جانب شہر قائد کے باسی پرجوش ہیں، شٹل سروس چل پڑی ہے اور نیشنل اسٹیڈیم کے دروازے کھل گئے ہیں.

  • چار سال سے کراچی کنگز کی نمائندگی کررہا ہوں، پہلی بار فینز کے سامنے پرفارم کروں گا، روی بوپارا

    چار سال سے کراچی کنگز کی نمائندگی کررہا ہوں، پہلی بار فینز کے سامنے پرفارم کروں گا، روی بوپارا

    کراچی: غیر ملکی کھلاڑی روی بوپارا نے کہا ہے کہ چار سال سے کراچی کنگز کی نمائندگی کررہا ہوں، پہلی بار فینز کے سامنے پرفارم کروں گا جو میرے لیے فخر کی بات ہے۔

    تفصیلات کے مطابق کراچی کنگز اوراسلام آبادیونائیٹڈ نے نیشنل اسٹیڈیم میں پریکٹس کی جس میں دونوں ٹیموں کے تمام ملکی و غیر ملکی کھلاڑیوں نے حصہ لیا۔

    پریکٹس سیشن کے بعد گفتگو کرتے ہوئے روی بوپارا کا کہنا تھا کہ 4سال سے کراچی کنگز کی نمائندگی کررہا ہوں، پہلی بارکراچی میں فینز کےسامنےکھیلنا میرے لیے بہت فخرکی بات ہے۔

    اُن کا کہنا تھا کہ ہم پروفیشنل کرکٹر ضرور ہیں مگر مجھ سمیت تمام کھلاڑیوں کے لیے  یہ لمحات یادگارہوں گے، ٹیم نے حکمت عملی تیار کرلی اب ہم کوئٹہ گلیڈی ایٹرز اور پشاور زلمی کا سامناکرنےکے لیے تیار ہیں۔

    مزید پڑھیں: آئی سی سی کا کراچی میں پی ایس ایل کے سیکیورٹی انتظامات پر اظہار اطمینان

    دوسری جانب ڈی جی رینجرز میجرجنرل محمد سعید نے نیشنل اسٹیڈیم کا دورہ کیا جہاں انہیں سیکیورٹی انتظامات سے متعلق بریفنگ دی گئی۔

    یاد رہے کہ کراچی میں پی ایس ایل کے کا انعقاد کیا جارہا ہے جس کے لیے تمام انتظامات مکمل ہیں جبکہ تمام فرنچائزز کے ملکی و غیرملکی کھلاڑی بھی کراچی پہنچ گئے۔

    مزید پڑھیں: پی ایس ایل 4 میچز، کراچی کا متبادل ٹریفک پلان جاری

    نیشنل اسٹیڈیم میں ہونے والے میچز کے حوالے سے ٹریفک پولیس نے متبادل ٹریفک روٹ پلان جاری کردیا جبکہ اسٹیڈیم جانے والے شائقین کو تنبیہ کی ہے کہ وہ ٹکٹ کے ساتھ اصل شناختی کارڈ رکھیں۔

    پارکنگ کے مقامات

    پارکنگ مقامات پر 4 مقامات یونیورسٹی روڈ پر ہیں جن میں وفاقی اردو یونیورسٹی گراؤنڈ، حکیم سعید پارک سے متصل گراؤنڈ، بیت المکرم مسجد کے سامنے اتوار بازار والا گراؤنڈ اور ایکسپو سینٹر کا میدان شامل ہے جبکہ پانچواں مقام ڈالمیا پیٹرول پمپ کے نزدیک غریب نواز فٹبال گراؤنڈ ہے۔

    شائقین کس طرح اسٹیڈیم پہنچیں گے؟

    پولیس کی جانب سے پارکنگ کے لیے پانچ مقامات مختص کیے گئے، اسٹیڈیم جانے والے شائقین کو مرحلہ وار تلاشی کروا کے بذریعہ شٹل سروس اسٹیڈیم پہنچایا جائے گا، گراؤنڈ کے دروازے صبح 12 بجے سے کھولے جائیں گے جبکہ میچ شروع ہونے سے دو گھنٹے قبل اسٹیڈیم انہیں بند کردیا جائے گا۔

    یہ بھی پڑھیں: پی ایس ایل 4، کراچی میچز کا سیکیورٹی پلان مرتب، شائقین کے لیے ہدایت نامہ جاری

    شائقین کو اپنے ہمراہ موبائل فون لے جانے کی اجازت ہوگی اس کے علاوہ وہ پانی کی بوتل بھی اپنے ساتھ نہیں رکھ سکتے جبکہ خواتین بھی اپنے ہینڈ بیگس ساتھ نہیں لے جا سکیں گی۔

    یہ بھی یاد رہے کہ  نیشنل اسٹیڈیم میں پی ایس ایل سیزن فور کے شیڈول میچز 9، 10، 11، 13 اور 15 جبکہ فائنل 17 مارچ کو کھیلا جائے گا جس کے تحت مختلف شاہراؤں پر امن و امان کی صورتحال کے پیش نظر ٹریفک کی روانی مکمل بند ہوگی۔