اسلام آباد: وزیر اعظم شہباز شریف نے دہشت گردوں کے خلاف کامیاب آپریشن پر سیکیورٹی فورسز کو خراج تحسین پیش کرتے ہوئے کہا ہے کہ دہشت گردی کا ناسور ختم کرنے کے لیے پوری ریاستی قوت اور اشتراک عمل کو بروئے کار لانا ہوگا۔
تفصیلات کے مطابق وزیر اعظم شہباز شریف نے کراچی پولیس آفس پر دہشت گردوں کے خلاف کامیاب آپریشن پر سیکیورٹی فورسز کو خراج تحسین پیش کیا۔
وزیر اعظم نے دہشت گردوں کے خلاف کارروائی میں شہید ہونے والوں کو خراج عقیدت پیش کرتے ہوئے آپریشن میں جام شہادت نوش کرنے والوں کو شہدا پیکج دینے کا اعلان کیا۔
انہوں نے کہا کہ ایک گھنٹہ طویل آپریشن میں فورسز نے پیشہ وارانہ مہارت کا مظاہرہ کیا۔
وزیر اعظم کا کہنا تھا کہ آپریشنل تیاری اور پولیس کی استعداد میں اضافے پر فوری توجہ دینا ہوگی، دہشت گردی کا ناسور ختم کرنے کے لیے پوری ریاستی قوت اور اشتراک عمل کو بروئے کار لانا ہوگا۔
وزیر اعظم نے آپریشن میں زخمیوں کو بہترین سہولیات فراہم کرنے کی ہدایت بھی کی۔
خیال رہے کہ گزشتہ روز کراچی میں پولیس چیف آفس پر دہشت گردوں نے حملہ کیا تھا، سیکیورٹی فورسز کے بروقت آپریشن میں تمام دہشت گرد ہلاک ہوگئے۔
آپریشن میں 2 پولیس اہلکار اور ایک رینجرز اہلکار شہید اور ایک خاکروب جان کی بازی ہار گیا جبکہ 10 افراد زخمی بھی ہوئے۔
کراچی: رینجرز نے شہر قائد کے علاقے گارڈن میں کارروائی کرتے ہوئے لیاری گینگ وار کے وقاص عرف منجن نامی ملزم کو گرفتار کرلیا جو ٹارگٹ کلنگ کی متعدد وارداتوں میں ملوث ہے۔
ترجمان رینجرز کی جانب سے جاری ہونے والے اعلامیے کے مطابق کراچی کے علاقے گارڈن نبی بخش میں رینجرز نے خفیہ اطلاع پر کارروائی کرتے ہوئے ٹارگٹ کلنگ،بھتہ خوری اور ڈکیتیوں کی متعدد وارداتوں میں ملوث ملزم وقاص عرف منجن گرفتار کرلیا۔
رینجرز کے مطابق ملزم وقاص عرف منجن کاتعلق لیاری گینگ وار سے ہے جس نے سیاسی جماعت کے کارکنان کو قتل کرنے اور مختلف علاقوں میں ڈکیتی کی 170 سے زائد وارداتوں کا اعتراف کیا۔
ترجمان رینجرز کے مطابق کارروائی کے دوران ملزم سےغیرقانونی اسلحہ،گولیاں اور دیگر مسروقہ سامان بھی برآمد ہوا۔
رینجرز کی جانب سے جاری ہونے والے اعلامیے کے مطابق ابتدائی تفتیش میں ملزم نے سیاسی و مذہبی جماعتوں کے کارکنان کی ٹارگٹ کلنگ اور کراچی کے مختلف علاقوں میں ڈکیتی کی 170 سے زائد وارداتوں میں ملوث ہے جن کی تفصیلات درج ذیل ہیں۔
کارروائیوں کا اعتراف
الف : 22فروری 2012کو ملزم نے لیاری گینگ وار کمانڈر علی کے حکم پر MQM کے کارکن علی برہان کو قتل کیا اور دوسرے کارکن وقاص علی کو زخمی کیا۔
ب: 22جون 2012 کوملزم نے سنی تحریک یونٹ 26کے یونٹ انچارج عمران کے آرڈر پر جوڑیا بازار میں MQM کے کارکن محمد گلریز آسمانی عرف چمبر کو قتل کیا۔
ج: 28مارچ 2013 کو ملزم نے لیاری گینگ وار کمانڈر علی بلوچ کے آرڈر پر مرچی گلی جوڑیا بازار میں قذافی عرف پپی کو قتل کیااور اس کے دو ساتھیوں وقاص اور عبدالقادر کو زخمی کیا۔
د: ملزم نے انکشاف کیا کہ2016 سے لے کر گرفتاری تک اُس نے کھاردار، ایم جناح روڈ ،صدر اور آئی آئی چندریگر روڈکے علاقوں میں تقریباً 170سے زائد ڈکیتی ، موبائل فون اور نقدی چھیننے کی وارداتوں میں ملوث رہاہے۔
یاد رہے کہ شہر میں امن و امان قائم کرنے کے لیے قانون نافذ کرنے والے اداروں نے نیشنل ایکشن پلان کے تحت کراچی میں آپریشن کا آغاز کیا تھا جس کے دوران دہشت گردی، ٹارگٹ کلنگ اور بھتہ خوری سمیت ڈکیتی کی وارداتوں میں نمایاں کمی آئی۔
رینجرز نے گزشتہ دنوں ایم کیو ایم لندن سے تعلق رکھنے والے 8 ملزمان کو گرفتار کیا تھا جو ایم کیو ایم پاکستان اور پی ایس پی کے دفاتر ، محفل میلاد پر حملوں میں ملوث تھے۔
رینجرز کے کرنل نے پریس کانفرنس میں انکشاف کیا تھا کہ ملزم ایم کیو ایم لندن کے بیرونِ ملک مقیم سلیم بیلجیئم کی ٹارگٹ کلنگ کی ٹیم کا حصہ ہیں اور تمام ملزمان آپس میں رابطے کے لیے موبائل فون کے بجائے واٹس ایپ کا استعمال کرتے تھے۔
کراچی: سندھ رینجرز نے ٹارگٹ کلنگ کی حالیہ وارداتوں میں ملوث ایم کیو ایم لندن کے 8 ملزمان کو گرفتار کرلیا جو واٹس ایپ کے ذریعے بیرون ملک مقیم سلیم بلیجیئم کے احکامات پر کارروائیاں کرتے تھے۔
کراچی رینجرز ہیڈکوارٹر میں پریس کانفرنس کرتے ہوئے کرنل فیصل کا کہنا تھا کہ حالیہ ٹارگٹ کلنگ میں ملوث ایم کیوایم لندن کے 8ملزمان کو گرفتار کرلیا جبکہ ابھی 7 مفرور ہیں جن کو جلد قانون کی گرفت میں لایا جائے گا، حراست میں لیے گئے تمام ملزمان لندن میں مقیم رہنما سلیم بیلجیئم کی ٹارگٹ کلنگ کا حصہ تھے۔
کرنل فیصل کا کہنا تھا کہ بانی ایم کیوایم کی ہدایت پر سلیم ٹارگٹ کلنگ ٹیم کو کنٹرول کرتا تھا اور انہیں ایم کیو ایم لندن کے حکم پر اسلحہ و مالی امداد فراہم کرتا تھا، ملزمان گرفتاری کے خوف سے موبائل نمبر سے نہیں بلکہ واٹس ایپ استعمال کر کے ایک دوسرے سے رابطے میں رہتے تھے جس کے دوران وہ مختلف چیزوں کے لیے خفیہ الفاظ استعمال کرتے تھے۔
رینجرز حکام کا کہنا تھا کہ ملزمان آئی ای ڈی کے لیے ڈبہ،دستی بم کیلئے آلو کوڈ ورڈ استعمال کرتے تھے،ٹارگٹ کلنگ کی ٹیم آصف پاشا نامی ملزم چلا رہا تھا جنہوں نے حالیہ وارداتوں کا اعتراف کیا اور پی ایس پی کے دفتر پر حملے کو بھی قبولا، حالیہ ٹارگٹ کلنگ کامقصدکراچی کے امن کو خراب کرنا تھا۔
اُن کا کہنا تھا کہ سلیم بیلجیئم عرف جنرل نے ملزمان کو موبائل فون استعمال نہ کرنے اور انڈر گراؤنڈ رہنے کی ہدایت کی، مالی معاونت اور رقم کی فراہمی کے لیے خواتین کو بھی استعمال کیا گیا جس کا اعتراف تفتیش کے دوران ملزمان نے خود کیا۔
کرنل فیصل کا کہنا تھا کہ ملزمان نےگزشتہ چندماہ کےواقعات میں ملوث ہونےکا اعتراف کیا، سلیم بیلجیئم نارتھ کراچی کارہائشی اور ٹارگٹ کلنگ میں ملوث رہا ہے، اُسے 2011میں رینجرز نےگرفتار کرکے پولیس کو حوالے کیا تھا جس کے بعد ملزم مقدمات کا سامنا کرکے بیرون ملک فرار ہوگیا تھا۔
رینجرز حکام کا کہنا تھا کہ ملزم سلیم جنوبی افریقا سمیت دیگر ممالک میں فرار ملزمان کو جمع کرتا ہے اور اُس نے کراچی میں آصف پاشا عرف میجر کو بانی ایم کیو ایم کی ہدایت پر ٹارگٹ کلنگ ٹیم کا سربراہ بنایا، الطاف حسین نے اپنی حالیہ تقاریر میں علیحدگی اختیار کرنے والے ارکان کو نشانہ بنانے کا ذکر بھی کیا۔
کرنل فیصل کا کہنا تھا کہ ایم کیوایم لندن ارکان کو واضح کرتا ہوں کہ اب کراچی میں کوئی نوگوایریا نہیں ہے، متحدہ لندن کے بقیہ رہ جانے والے اراکین بھی قانون کی گرفت سے بچ نہیں سکیں گے، پاکستان رینجرز سندھ کراچی کا امن برقرار رکھنے کے لیے ہر ممکن اقدامات کرےگی۔
اُن کا کہنا تھا کہ بانی ایم کیوایم اپنی تقاریر میں فرقہ واریت پھیلانے کی کوشش کررہےہیں، ایم کیوایم پاکستان اور پی ایس پی کے دفاتر پر ہونے والے حملوں میں زیر استعمال اسلحہ ملزم رضا علی کے گھر سے برآمد ہوا جبکہ آصف پاشا کے گھر سے بھی نائن ایم ایم پستول برآمد کیا گیا۔
رینجرز کے کرنل کا کہنا تھا کہ ملزمان ایم کیو ایم پاکستان کے ممبر شکیل انصاری کے قتل میں بھی ملوث ہیں، اُن کے قتل کے خلاف ایم کیو ایم نے 14 فروری کو احتجاج کا اعلان کیا جس میں بم دھماکا کرنے کی منصوبہ بندی بھی سلیم اور اُس کے ساتھیوں نے کی تاہم وہ سخت سیکیورٹی کی وجہ سے ناکام رہے جبکہ ملزمان نےفاروق ستار پر حملےکے لیے بھی آئی ای ڈی بنائی لی تھی جسے کارروائی کے دوران برآمد کرلیا گیا۔
ملزمان نے اعتراف کیا کہ انہوں نے 23 دسمبر کو پی ایس پی کے دفتر پر حملہ، ایم کیو ایم کے محفل میلاد پر بم دھماکے کا منصوبہ بھی آصف پاشا اور رحمان عرف شارق نامی ملزم نے بنایا۔
کرنل فیصل کا کہنا تھاکہ ’ آپریشن کےذریعےکراچی میں امن قائم ہوا مگر ملک دشمن عناصر کو شہر کا امن قبول نہیں، ہم شہریوں اور شہر کے حق میں ہر قسم کے اقدامات کریں گے‘۔
اس موقع پر رینجرز حکام نے ملزمان اور سلیم بیلجیئم کے درمیان ہونے والی واٹس ایپ گفتگو بھی سنائی جس میں واضح طور پر احکامات دیے گئے ہیں۔
کراچی: رینجرز حکام کا کہنا ہے کہ کراچی آپریشن سے مختلف جرائم میں نمایاں کمی ہوئی، منظم مسلح گروپ اب کسی بھی سیاسی جماعت میں نہیں ہیں۔
تفصیلات کے مطابق رینجرز حکام نے کراچی آپریشن کے ذریعے سیاسی جماعتوں کے اندر سے منظم مسلح گروپس ختم کرنے کے سلسلے میں کہا کہ پولیس اور رینجرز اب اس پوزیشن میں ہیں کہ منظم جرائم نہ ہونے دیں۔
[bs-quote quote=”بین الاقوامی کرائم انڈیکس میں کراچی چھٹے نمبر سے 68 ویں نمبر پر آ گیا” style=”style-7″ align=”left” color=”#dd3333″][/bs-quote]
رینجرز حکام نے کہا کہ لیاری گینگ وارکے زاہد لاڈلہ اور وصی لاکھو ایران میں ہیں، گینگ وار کارندے بیرون ملک سے گروپس فعال کرنے کی کوششوں میں لگے ہوئے ہیں۔
تاہم رینجرز حکام نے گینگ وار کارندوں کو واضح اور سخت پیغام دیا ہے کہ اگر یہ کارندے واپس آ گئے تو ان کا انجام بھی غفار ذکری اور بابا لاڈلہ جیسا ہی ہوگا۔
رینجرز حکام نے بتایا کہ بین الاقوامی کرائم انڈیکس میں کراچی 68 ویں نمبر پر آ گیا ہے، جب کہ 2014 میں کراچی انٹرنیشنل کرائم انڈیکس میں چھٹے نمبر پر تھا۔
ان کا کہنا تھا کہ اسٹریٹ کرائمز ہر دور میں ہوتے رہے ہیں، ان کے خاتمے کے لیے سب کو مل کر کوششیں کرنا ہوں گی، اسٹریٹ کرائمز روکنے کے لیے سی سی ٹی وی کیمروں کا جال بچھانا چاہیے۔
رینجرز حکام نے کہا کہ 2500 سے زائد اسٹریٹ کرمنلز پکڑ کر پولیس کے حوالے کیے، تاہم 72 فی صد ملزمان ایک ماہ سے بھی کم وقت میں ضمانتوں پر رہا ہو گئے۔
واضح رہے کہ تین دن قبل ڈی جی رینجرز سندھ میجر جنرل محمد سعید نے بھی ایک انٹرویو میں کہا تھا کہ کراچی میں سیاست اور جرائم کا گٹھ جوڑ تھا، آپریشن کے ذریعے اس کا خاتمہ کر دیا گیا۔
رینجرز کی کارروائیوں کی تفصیلی رپورٹ
رینجرز کی طرف سے جاری کردہ ستمبر 2013 تا 25 اکتوبر 2018 تک رینجرز کی کارروائیوں پر مبنی رپورٹ میں کہا گیا ہے کہ 14 ہزار 964 کارروائیوں میں 11 ہزار 140 ملزمان گرفتار کیے گئے۔ آپریشن میں 13 ہزار 30 اقسام کا اسلحہ، 3 لاکھ 24 ہزار 432 گولیاں بر آمد ہوئیں۔
[bs-quote quote=”ٹارگٹ کلنگ میں 97 فی صد کمی، بھتہ خوری میں 96 فی صد کمی ہوئی” style=”style-7″ align=”right” color=”#dd3333″][/bs-quote]
رینجرز رپورٹ کے مطابق آپریشن میں 2 ہزار 201 دہشت گرد، 1 ہزار 847 ٹارگٹ کلرز پکڑے گئے، 799 بھتہ خور، 200 اغوا کار گرفتار، 155 مغوی بازیاب ہوئے۔ 5 سال میں رینجرز کے 28 جوان شہید، 100 سے زائد زخمی ہوئے، کراچی آپریشن میں 8 ہزار 231 جدید ہتھیار بر آمد ہوئے۔
بر آمد ہتھیاروں میں راکٹ لانچر اور مشین گنیں بھی شامل ہیں، 1 ہزار 744 دستی بم، 900 کلو سے زائد بارودی مواد بر آمد ہوا،2013 کے مقابلے میں 2018 میں دہشت گردی میں 100 فی صد کمی آئی۔ ٹارگٹ کلنگ میں 97 فی صد کمی، بھتہ خوری میں 96 فی صد کمی ہوئی، اغوا برائے تاوان کے واقعات میں 92 فی صد کمی آئی۔
کراچی : قانون کی دھجیاں بکھرنے والے اعجاز مغل نامی پولیس افسر کو شاہ لطیف ٹاؤن پولیس نے نیوائیر نائیٹ کے موقع پر ہوائی فائرنگ کرنے کے الزام میں گرفتارکرلیا،اعجازمغل ڈی آئی جی، ایس آر پی کے پرسنل اسٹاف افسر ہیں۔
تفصیلات کے مطابق کراچی میں رات گئے پولیس کی کارروائیوں میں نیوائیر نائیٹ کے موقع پر ہوائی فائرنگ کرنے کے الزام میں اعجاز مغل نامی پولیس افسر کو گرفتار کرکے مقدمہ درج کرلیا ہے۔
شاہ لطیف ٹاؤن پولیس کے ہاتھوں گرفتار ہونے والے ملزم سب انسپکٹر اعجازمغل ڈی آئی جی، ایس آر پی کے پرسنل اسٹاف افسر ہیں۔
گرفتار ملزم سب انسپکٹر اعجاز مغل نے نئے سال کے جشن کی خوشی میں ہوائی فائرنگ کی تھی اور ہوائی فائرنگ کی وڈیو سوشل میڈیا پر ڈال دی تھی۔
آئی جی سندھ اے ڈی خواجہ نے شاہ لطیف ٹاوٴن میں سب انسپکٹر اعجاز احمد مغل کی ہوائی فائرنگ کے حوالے سے میڈیا رپورٹس پر نوٹس لیتے ہوئے فوری طور پر مذکورہ سب انسپکٹر کو معطل کرنے اور گرفتار کرنے کے احکامات جاری کئے تھے۔
خیال رہے کہ سندھ حکومت نے نیو ائیر نائٹ پرہوائی فائرنگ پرپابندی لگائی تھی۔
دوسری جانب کراچی میں پولیس نے رات گئے مختلف علاقوں میں کارروائیاں کرتے ہوئے 4 ملزمان کو گرفتار کرلیا ، کارروائیاں شرافی گوٹھ ، گارڈن اور نیوکراچی کے علاقوں میں کی گئیں۔
کارروائیوں کے نتیجے میں گرفتارملزمان کے قبضے سے اسلحہ ، مسروقہ سامان اور موٹرسائیکل برآمد کی گئیں۔
کراچی کے علاقے لانڈھی زمان آباد میں مبینہ پولیس مقابلے میں 2ملزمان زخمی حالت میں گرفتار کرلئے گئے ،اسلحہ برآمد ، پولیس کے مطابق ملزمان اسٹریٹ کرائم کی وارداتوں میں ملوث ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی والپرشیئر کریں۔
اسلام آباد : گورنر سندھ محمد زبیر کا کہنا ہے کہ کراچی آپریشن کا سو فیصد کریڈٹ نواز شریف کو جاتا ہے، راحیل شریف ایک عام انسان اور عام جنرل تھے۔
تفصیلات کے مطابق اسلام آباد میں تقریب سے خطاب میں گورنرسندھ کا کہنا تھا کہ یہ حقیقت ہے کراچی میں تبدیلی نواز شریف کے آنے سے آئی، کراچی آپریشن کا 100فیصد کریڈٹ نواز شریف کو جاتا ہے، جب تک ضروری ہوا رینجرز کراچی میں موجود رہے گی۔ تمام سیاسی جماعتیں مل کر بھی اب کراچی کو بند نہیں کراسکتیں۔
راحیل شریف ایک عام انسان اور عام جنرل تھے
گورنرسندھ زبیرعمر نے کہا کہ راحیل شریف ایک عام انسان اور عام جنرل تھے، ایسے کہا جاتا ہے جیسے اقبال کی طرح راحیل شریف نے کراچی میں امن کا خواب دیکھا، کراچی میں امن کے بعد نہیں پتہ امن خراب کرنے والے کہیں چھپ تو نہیں گئے۔
زبیرعمر کا کہنا تھا کہ آج کا پاکستان 2013 سے بہت مختلف ہے، زرمبادلہ کے ذخائر خطرناک حد تک کم تھے ٹیکس آمدن 19سو ارب تھی آج اس سے دگنی ہے، کراچی میں رینجرز معاشی بہتری تک رہے گی، معاشی ترقی کے لیے رینجرز کی تعیناتی ضروری ہے۔
گورنرسندھ کا کہنا ہے کہ امریکا نے افغانستان پر حملہ کرکے سمجھ لیا طالبان ختم ہوگئے۔
متحدہ قومی موومنٹ کے بانی کے حوالے سے گورنر سندھ کا کہنا تھا کہ متحدہ بانی اب تاریخ کا حصہ بن چکے ہیں،متحدہ بانی کی دہلی میں تقریب تباہ کن تھی۔
حیدرآباد : پیپلز پارٹی کے رہنما مولا بخش چانڈیو نے کہا ہے کہ ہم کے الیکٹرک کےنہیں بلکہ عوام کے ساتھ ہیں، کراچی میں جو کچھ ہوا اس کی مذمت کرتے ہیں۔
ان خیالات کا اظہار انہوں نے حیدرآباد میں صحافیوں سے گفتگو کرتے ہوئے کیا، مولابخش چانڈیو نے کہا کہ وزیراعلیٰ سندھ مراد علی شاہ نے کراچی میں ہونے والے احتجاج کا سختی سے نوٹس لیا ہے۔
حیسکو اور کے الیکٹرک عوام دشمنی پراترے ہوئے ہیں، کراچی میں لوگ نکلے اس کا کے الیکٹرک کے ارباب اختیارکو نوٹس لینا چاہئیے۔
ان کا کہنا تھا کہ حیسکو کے انچارج وزیراعظم سے بھی دو ہاتھ آگےہیں، انہیں صرف راناثناء اللہ ہی پہچانتے ہیں، ایک سوال کے جواب میں مولا بخش چانڈیو نے کہا کہ ہم پنجاب میں سرگرم ہونا چاہتےہیں۔
پنجاب ہماراگھر ہے، ہم پنجاب فتح کرنے نہیں گئے نہ ہی ایسی سوچ رکھتے ہیں، ان کا کہنا تھا کہ سندھ سے نوازشریف کو اچھی امیدیں نہیں رکھنی چاہئیں، سندھ میں ن لیگ کہاں ہے؟
کراچی آپریشن اور کے فور منصوبے کےفنڈز ابھی تک نہیں ملے، ہم احتجاج کرتے کرتے تھک گئے لیکن وفاق نے سندھ کو این ایف سی نہیں دیا۔
کراچی: کورکمانڈرکراچی لیفٹیننٹ جنرل شاہد بیگ مرزا نے کہا کہ انشا اللہ کراچی کا امن عارضی ثابت نہیں ہوگا، دھرتی کے سپوت کراچی میں پائیدارامن کے لئے متحرک اور کامیاب کاروائیاں کر رہے ہیں۔
پاک افواج کے شعبہ تعلقات عامہ آئی ایس پی آر کے مطابق کورکمانڈرکراچی لیفٹیننٹ جنرل شاہد بیگ مرزاکی صدر فیڈریشن آف پاکستان چمبر آف کامرس اینڈانڈسٹری (ایف پی سی سی آئی ) کی ملاقات ہوئی، اس موقع پر کور کمانڈرکراچی کا کہنا تھا کہ شہر میں مکمل امن تک آپریشن جاری رہے گا.
قیام امن کے لئے سیکیورٹی ادارے اپنے فرائض انجام دیتے رہیں گے، سیکیورٹی ادارے کی کامیاب کاروائیوں کی بدولت شہر قائد کے حالات بدل رہےہیں،اب کراچی کی کھوئی ہوئی رونقیں واپس آنا شروع ہوگئی ہیں، ہمارا عزم ہے کہ کراچی کو امن کا گہوارہ بناکر دم لیں گے ، انشا اللہ کراچی کا امن عارضی ثابت نہیں ہوگا.
صدر ایف پی سی سی آئی نے اپنے خیالات کا اظہار کرتے ہوئے کہا کہ کراچی میں بحالی امن کے بعد معاشی سرگرمیوں میںاضافہ ہوا ہے، جس کا سہرا سیکیورٹی اداروں کے سرجاتا ہے.
کورکمانڈرکراچی لیفٹیننٹ جنرل شاہد بیگ مرزا نے کہا کہ دھرتی کے سپوت کراچی میں پائیدارامن کے لئے متحرک اور کامیاب کاروائیاں کر رہے ہیں۔
یاد رہے کہ کور کمانڈر کراچی لیفٹیننٹ جنرل شاہد بیگ مرزا نے چارج سنبھالتے ہی رینجرز ہیڈ کوارٹرز کا دورہ کیا تھا، اس موقع پر انہوں نے کہا تھا کہ کراچی کے امن کو ہرصورت یقینی بنایا جائے گا۔
ان کا کہنا تھا کہ کراچی شہر میں رینجرز کو دیئے گئےخصوصی اختیارات کے بعد ہی امن بحال ہوا، رینجرز عوام کو دہشت گردی کے خلاف تحفظ پہنچانے میں اپنا موثر کردار ادا کرتی رہے گی.
کراچی : حساس اداروں نے کراچی کے گلبہار تھانے کی حدود میں کاروائی کرکے سانحہ بارہ مئی میں ملوث ٹارگٹ کلر فرحان کو گرفتار کرلیا جبکہ شہر کے مختلف علاقوں میں بھی سیکیوٹی فورسز نے متعدد مشتبہ افراد کو حراست میں لے لیا ہے۔
تفصیلات کے مطابق کراچی گلبہار تھانے کی حدود میں حساس اداروں کی کارروائی میں ٹارگٹ کلر فرحان چکنا پکڑا گیا، ذرائع کے مطابق سیاسی جماعت سے تعلق رکھنے والا ملزم لیاقت آباد میں ٹارگٹ کلنگ سمیت سانحہ بارہ مئی اور پختونوں کی قتل وغارت گری میں ملوث رہا ہے۔
کراچی سرچ آپریشن اور چھاپے ، 36 افراد گرفتار
دوسری جانب رات گئے شہر کے مختلف علاقوں میں پولیس نے سرچ آپریشن اور چھاپوں کے دوران 36 افراد کو حراست میں لے لیا، جن میں 4ملزمان بھی شامل ہیں، گرفتارملزمان کے قبضے سے اسلحہ اور ہینڈ گرینیڈ بھی برآمد کئے گئے۔
پیرآباد پولیس نے منگھو پیر روڈ کنواری کالونی میں سرچ آپریشن کرتے ہوئے علاقے کے داخلی اور خارجی راستوں کی ناکہ بندی کرنے کے بعد گھر گھر تلاشی کے دوران 30مشتبہ افراد کو حراست میں لے کر تھانے منتقل کردیا، پولیس کا کہنا ہے کہ آپریشن کے دوران 2پستول بھی برآمد کیے گئے جب کہ زیرحراست افراد سے تفتیش کا سلسلہ جاری ہے۔
فیڈرل بی ایریا بلاک16 کےعلاقے یوسف پلازہ کے اطراف میں بھی پولیس نے سرچ آپریشن کیا اور 2 افراد انوار اور نواز کو حراست میں لے کر تھانے منتقل کردیا جب کہ بریگیڈ پولیس نے مقابلے کے بعد 2ملزمان لیاقت علی اور محمد احسان کو گرفتار کرکے ان کے قبضے سے اسلحہ اور 2ہینڈ گرینیڈ برآمد کرلیے۔
اسی دوران الفلاح پولیس نے بھی 2اسٹریٹ کرمنلز کو گرفتار کرکے ان کے قبضے سے اسلحہ برآمد کرلیا۔
کراچی کے علاقے کورنگی صنعتی ایریا کے علاقے میں لوٹ مار کے دوران مزاحمت پر پولیس اہل کار مظہر علی بھٹی فائرنگ سے زخمی ہوگیا۔
کراچی : جہانگیر روڈ بلوچ پاڑہ میں سی ٹی ڈی پولیس سے مقابلے میں دو ملزمان ہلاک ہوگئے جبکہ ایک پولیس اہلکار بھی زخمی ہوا، ملزمان نے چار روز قبل ایک پولیس اہلکار کو قتل کیا تھا۔
تفصیلات کے مطابق رات گئے جہانگیر روڈ بلوچ پاڑہ میں سی ٹی ڈی پولیس کی جانب سے چھاپہ مارا گیا، جہاں ملزمان سے فائرنگ کا تبادلہ ہوا، ملزمان کی فائرنگ سے ایک پولیس اہلکار زخمی ہوا جبکہ جوابی فائرنگ میں دو ملزمان ہلاک ہوگئے، جن کی شناخت سہیل بلوچ عرف شوٹر اور سرفراز عرف کالا کے ناموں سے ہوئی۔
انچارج سی ٹی راجہ عمر خطاب کے مطابق ہلاک ملزمان نے چار روز قبل سی ٹی ڈی پولیس اہلکار شہاب حیدر کو قتل کیا تھا، ملزمان عادی جرائم پیشہ اور منشیات فروش تھے، جو رات کے وقت جہانگیر روڈ سے گزرنے والے افراد کو بھی لوٹتے تھے۔
ملزمان کے قبضے سے برآمد ہونے والا اسلحہ شہاب حیدر کے قتل میں استعمال ہوا تھا۔
دوسری جانب کراچی کے مختلف علاقوں میں سرچ آپریشن کے دوران دس سے زائد مشتبہ افراد کو گرفتار کر لیا گیا ہے، شاہ فیصل کالونی اور الفلاح پولیس نے رات گئے ناتھا خان گوٹھ سے دس سے زائد مشتبہ افراد کو حراست میں لے کر تفتیش کے لیے تھانے منتقل کر دیا۔
ماڑی پولیس نے بھی کارروائی میں لیاری گینگ وار کے کارندے شاہجہاں عرف بھورا کو گرفتارکرلیا جبکہ پیر آباد پولیس نے بھتہ خور شیخ محمد اکبر کو رقم اور اسلحہ کے ساتھ گرفتار دھرلیا ہے۔
