Tag: Karachi Operation

عامرخان سمیت ایم کیو ایم کے متعدد کارکنان 90روزہ ریمانڈ پر رینجرز کے حوالے

کراچی:متحدہ قومی موومنٹ کے مرکزنائن زیروپرچھاپے کے دوران رابطہ کمیٹی کے ممبراورسینئر رہنماء عامرخان سمیت دیگرگرفتارملزمان رینجرزنے انسدادِ دہشت گردی کی خصوصی عدالت میں پیش کردیا۔

گزشتہ روز سندھ رینجرز نے ایم کیو ایم کے مرکزنائن زیرو اوراطراف کی گلیوں میں سرچ آپریشن کیا تھا اوراس آپریشن کے نتیجے میں خورشید میموریل ہال اور اطراف کی گلیوں سے عامر خان اور ایم کیو ایم کے سابق ایم پی اے یوسف مجیب سمیت متعدد افراد کو حراست میں لیا گیا تھا۔

ایم کیوایم کے مرکز نائن زیرو پر رینجرز کا چھاپہ

گزشتہ روز رینجرز کے ترجمان کرنل طاہر نے میڈیا سے گفتگوکرتے ہوئے کہا تھا کہ عامرخان کو پوچھ گچھ کے لئے لے جایا جارہا ہے۔

انسدادِدہشت گردی کی عدالت نے رینجرزکوعامرخان سمیت دیگر ملزمان کا نوے روز کا ریمانڈ دے دیا ہے۔

رینجرز نے انسدادِ دہشت گردی کی عدالت میں جگہ کی کمی کے باعث ملزمان کو دو ٹکڑوں میں عدالت کے روبرو پیش کیا جارہا ہے۔

پہلے مرحلے میں 26 ملزمان کو پیش کیا گیاہے جبکہ دوسرے مرحلے میں27 ملزمان کو پیش کیا جائے گا۔

ملزمان پرقتل، اقدامِ قتل اورممنوعہ اسلحہ سمیت سنگین جرائم کے الزامات ہیں۔

رینجرز کے وکلاء نے عدالت میں چارج شیٹ پیش کی جس میں آپریشن کے دوران پکڑے گئےاسلحے کی تفصیل بھی درج کی گئی ہے۔

رینجرز کے وکلاء نے عدالت سے ملزمان کو اپنی حفاظتی تحویل میں لینے کے لئے نوے روزکاریمانڈ طلب کیا ہے۔

ملزمان کو آنکھوں پرکالی پٹی اورہاتھوں کو پسِ پشت باندھ کر عدالت لایا گیا تھا۔

متحدہ قومی موومنٹ کے مرکز پر چھاپے کی مکمل تفصیل جاننے کے لئے مندرجہ ذیل لنک پر کلک کریں

مارچ 12, 2015
کورکمانڈرکراچی کی رینجرز کو کسی تفریق کے بغیر کارروائی کی ہدایت

کراچی: کورکمانڈر کراچی لیفٹیننٹ جنرل نوید مختار نے رینجرز کو دہشت گردوں کے خلاف کسی تفریق کے بغیر کارروائی کی ہدایت کردی ہے۔

کور کمانڈر کراچی لفٹیننٹ جنرل نوید مختار نے رینجرز ہیڈکواٹرز کا دورہ کیا، ڈی جی رینجر میجرجنرل بلال اکبر نے کور کمانڈر کراچی کو بریفنگ دی۔

جنرل بلال اکبر نے لیفٹیننٹ جنرل نوید مختار کوامن وامان کی صورتحال سے آگاہ کرتے ہوئے گزشتہ روز پکڑے جانے والا غیر ملکی جدید اسلحہ بھی دکھایا۔

بلال اکبر نے بتایا کہ شہر میں بلا امتیاز کارروائیاں کی جارہی ہیں۔

لیفٹیننٹ جنرل نوید مختار نے رینجرز کی کارروائیوں کو سراہتے ہوئے ہدایت کی شہر میں دہشتگردوں کے خلاف بلاامتیاز کارروائی کا سلسلہ جاری رکھا جائے، جرائم پیشہ عناصر کا خاتمہ یقینی بنایا جائے۔

مارچ 12, 2015
وزیرِاعظم نوازشریف آج کراچی پہنچ رہےہیں

کراچی : وزیرِاعظم نواز شریف نے آج کراچی پہنچ رہے ہیں، جہاں وہ کراچی کی صورتحال کے حوالے سے اہم اجلاس کی صدارت کریں گے جبکہ ایم کیوایم کے مقتول کارکن کے اہل خانہ سے تعزیت کریں گے ۔

وزیرِاعظم نے کراچی کی صورتحال پر آج اجلاس طلب کرلیا ہے، جس میں صوبائی سیکیورٹی حکام شریک ہوں گے ،اجلا س میں کراچی میں جاری آپریشن کی پیش رفت پر غور کیا جائے گا اور ایم کیو ایم کے تحفظات کا جائزہ لیا جائے گا۔

اس قبل وزیرِاعظم نے ایم کیو ایم کے رہنماء بابر غوری سے ٹیلی فونک رابطہ کیا اور ایم کیو ایم کے کار کن سہیل احمد کے قتل پر تعزیت کی۔

نواز شریف نے بابرغوری کو بتایا کہ وہ جمعے کو کراچی میں سہیل احمد کے اہل خانہ سے ملاقات کریں گے اور تعزیت کریں گے۔

دوسری جانب ایم کیو ایم نے کارکن سہیل احمد کے قتل کیخلاف سینیٹ میں تحریک التواء جمع کرادی ہے، تحریک التواء سینیٹر بار خان غوری نے جمع کرائی، جس میں کہا گیا ہے کہ ماورائےعدالت قتل میں ملوث اہلکاروں کو معطل کرکے گرفتار کیا جائے۔

واضح رہے کہ بدھ کے روز سوسائٹی سیکٹر کے یونٹ انچارچ سہیل احمد کی لاش موچکو سے ملی تھی، انہیں 15دسمبرکو سادہ کپڑوں میں ملبوس افراد اغوا کرکے لے گئے تھے۔

جس کے بعد ایم کی ایم نے سہیل احمد کے ماورائے عدالت قتل پر یومِ سوگ کا اعلان کیا ، گزشتہ روز کراچی سمیت سندھ کے بیشتر شہروں میں ہڑتال رہی۔

جنوری 30, 2015
سال دو ہزار چودہ میں کتنے کرائم ہوئے

کراچی: کئی خاندانوں کے لئے دوہزار چودہ کا سال یادیں چھوڑے جارہا ہے، شہر میں آپریشن جاری ہے اور نئےسال میں یہ آپریشن جاری رہے گا۔

شہرِ کراچی میں اس سال بھی ٹارگٹ کلنگ کرنے والوں نے 1822 خاندانوں سے ان کے پیاروں کو چھین لیا، پولیس رپورٹ کے مطابق 1822 میں سے 912 ٹارگٹ کلنگ میں مارے گئے، باقی 910 ڈکیتی اور زاتی جھگڑوں کے دوران مارے گئے۔

ٹارگٹ کلرز نے پولیس کے 142 جوانوں کو بھی شہید کیا۔

پولیس مقابلوں میں 696 ملزمان مارے گئے، پولیس نے دو سو چھیانوے ٹارگٹ کلرز کو گرفتار کیا، مجموعی طور پر انیس ہزار چار سو چھالیس ملزمان گرفتار کئے گئے۔

اس سال بھتہ کی وارداتیں بھی گزشتہ سال کی طرح عروج پر رہیں، تاوان کے لئے ایک سو سترہ افراد کو اغواء کیا گیا، منشیات کی اسمگلنگ کی روک تھام پر بھی کچھ نہیں ہوسکا۔

قانونی ماہرین کے مطابق اس سال کے آخری مہینوں کے دوران ٹارگٹ کلنگ کی وارداتوں میں کمی آئی ہے، آپریشن کے اچھے نتائج سامنے آرہے ہیں، امید ہے نئے سال کے دوران یہ آپریشن تیز کرکے حالات کو مزید بہتر بنایا جاسکے گا۔

دسمبر 29, 2014
کراچی: رینجرزمقابلوں میں7 دہشت گرد ہلاک

کراچی: شہر کے مختلف علاقوں میں رینجرزکی دو کارروائیوں کے دوران کالعدم تنظیم سے تعلق رکھنے والے سات دہشت گرد ہلاک ہو گئے
۔
ترجمان رینجرزکے مطابق خفیہ اطلاع پررینجرز نے سرجانی ٹاوٗن نادرن بائی پاس کے قریب چھاپہ مارا، ملزمان نے رینجرزکو دیکھتے ہی فائرنگ شروع کر دی، مبینہ مقابلے میں تین دہشت گرد ہلاک ہو گئے جبکہ مقابلے کے دوران فائرنگ سے رینجرز کا ایک اہلکار بھی زخمی ہوا۔

دوسری جانب سپرہا ئی وے جنجال گوٹھ میں رینجرز نے چھاپہ مارا، ملزمان سےمبینہ مقابلے میں چار دہشت گرد ہلاک ہو گئے جن کے قبضہ سے اسلحہ برآمد ہوا، ترجمان رینجرز کے مطابق تمام ہلاک ملزمان کا تعلق کالعدم تنظیم سے ہے۔ ۔

دسمبر 25, 2014
کراچی: ٹارگٹڈ کارروائیوں کے باوجود ٹارگٹ کلنگ جاری

کراچی: شہرِقائد میں ٹارگٹڈ کارروائیاں بھی خون کی ہولی ختم نہ کرسکیں، علی الصبح پٹیل پاڑہ کے علاقے میں ایک شخص کو فائرنگ کرکے قتل کردیا گیا، پولیس کے مطابق واقعہ ٹارگٹ کلنگ ہے۔

شہرِقائد میں ٹارگٹڈ کارروائیاں بھی خون کی ہولی کم نہ کرسکیں، علی الصبح پٹیل پاڑہ کے علاقے میں معین نامی شخص کو فائرنگ کرکے ہلاک کردیا گیا، پولیس کے مطابق واقعہ ٹارگٹ کلنگ کا شاخسانہ ہے۔

تھانہ بریگیڈ اور تھانہ پریڈی کے علاقے میں پولیس نے ٹارگٹڈ کارروائیاں کرکے سنگین جرائم میں ملوث دو ملزمان کوگرفتارکرلیا جبکہ ملزمان کے قبضے سے اسلحہ اور مسروقہ سامان برآمد ہوا۔

رات گئے کورنگی گودام چورنگی کے قریب پولیس مقابلے میں کالعدم تنظیم کےدو دہشت گرد جلال اورافضل خان ہلاک ہوگئے، ملزمان سےچھینی گئی موٹرسائیکل، اسلحہ اوربارودی مواد بھی برآمدہوا ہے جبکہ سرسید پولیس نے کارروائی کرتے ہوئے آٹھ افراد کے قتل میں ملوث راقب حسین کو گرفتار کرلیا ہے۔

اکتوبر 23, 2014
کراچی: بنارس میں رینجرز کا آپریشن، 11 مشتبہ افراد گرفتار

کراچی : رینجرز نے پیر آباد تھانے کی حدود بنارس کالونی اور اطراف کے علاقوں میں جرائم پیشہ افرادکی موجودگی کی اطلاع پر ٹارگٹڈ آپریشن کے دوران گھر گھر تلاشی لی اور گیارہ مشتبہ افراد کو گرفتار کرلیا ہے۔

رینجرز ترجمان کے مطابق گرفتار شدگان سے ایک ایس ایم جی اور نائن ایم ایم رائفل سینکڑوں کارتوس سمیت چوبیس اقسام کےچھوٹےبڑے ہتھیاراور بارود بھی برآمد کر لیے گئے ہیں، گرفتار ہونے والے ملزمان میں کالعدم تنظیم سے تعلق رکھنے والے کارکنان بھی شامل ہیں۔

تمام گرفتار ملزمان کو مزید تفتیش کیلئے نامعلوم مقام پر منتقل کردیا گیا ہے۔

ٹارگٹڈ آپریشن میں تین سو زائد اہلکاروں نے حصہ لیا، ادھرکورنگی صنعتی ایریا میں پولیس نے مقابلے کے بعد ایک ڈاکو کو زخمی حالت میں گرفتار کرکے اسلحہ اور لوٹا ہوا سامان برآمد کرلیا ہے۔

اکتوبر 4, 2014
محفوظ عرف بھالوکے جرائم کی تفصیلات پولیس نے جاری کردیں

کراچی: سی آئی ڈی پولیس کے ہاتھوں مقابلے میں مارے جانے والے محفوظ عرف بھالوکے جرائم کی تفصیلات پولیس نے جاری کردیں۔

انچارج سی آئی ڈی راجہ عمرخطاب کے مطابق 2010سے کٹی پہاڑی کے علاقے میں بھالو گروپ کا کنٹرول تھا،بھالو پہلے سیاسی پارٹی سے تعلق رکھتا تھا،جسے بعدمیں پارٹی سے نکال دیا گیا تھا،مجرم نے اپنے ایریے کونوگوایریا بنانے کیلئے گلیوں میں بیریئر لگارکھے تھے،جبکہ پولیس پر نظر رکھنے کیلئے سی سی ٹی وی کیمرے بھی نصب کر رکھے تھے۔

راجہ عمرخطاب کے مطابق بھالو کو تحریک طالبان کے زوال گروپ نے اپنے ساتھ شامل کرلیا تھا،ملزم نے منشیات کے اسمگلر عباس آفریدی کو علاقے میں اڈہ کھول کردیا تھا،بھالو اورنگی ٹاوٴن پائلٹ پروجیکٹس کی ڈائریکٹر پروین رحمان کے قتل میں بھی ملوث تھا۔

ستمبر 24, 2014
سندھ رینجرز کی کراچی میں ٹارگٹڈ آپریشن کی تفصیلات جاری

کراچی : سندھ رینجرز نے ستمبر دو ہزار تیرہ سے کراچی میں جاری آپریشن کی تفصیلات جاری کردیں ، جن کے مطابق مختلف کارروائیوں یک سو اٹھہتر مجرموں کو ہلاک اور دوہزارسات سو سے زائد کو گرفتار کیا گیا۔

سندھ رینجرز کے ترجمان کے مطابق پانچ ستمبر دو ہزار تیرہ میں شروع ہونے والے آپریشن میں تین ہزار دو سو پچاسی چھاپے مارے گئے، جن میں دو ہزار سات سو ستاسی ملزمان کو گرفتار کیا گیا، جن میں ڈیڑھ سو ٹارگٹ کلر، دو سو تیرہ بھتہ خور، ستائیس اغواکار اور بارہ دہشت گردوں کو گرفتار کیا گیا۔

رینجرز سے ایک سو چھبیس مقابلوں میں ایک سو اٹھہتر جرائم پیشہ اور دہشت گرد مارے گئے جبکہ بتیس مغویوں کو بازیاب کرایا گیا، ٹارگٹڈ آپریشن میں پندرہ رینجرز اہلکار شہید اورتینتالیس زخمی ہوئے۔

آپریشن کے دوران چار ہزار آٹھ سو پچانوے ہتھیار برآمد کئے گئے، جن میں مشین گن ، ایل ایم جی، آر پی جی، ایس ایم جی، ہینڈ گرنیڈ ، راکٹ لانچر، آئی ای ڈیزشامل ہیں، ا ن کے علاوہ ایک لاکھ نوے ہزار سے زائد مختلف اقسام کی گولیاں بھی برآمد کی گئیں۔

اگست 6, 2014
کراچی :قائدآباد میں فائرنگ,ڈی ایس پی قائد آباد شدید زخمی

کراچی:شہر قائد کےعلاقےقائدآباد میں ڈی ایس پی چوہدری طارق سعید پرحملہ اور فائرنگ,ڈی ایس پی شدید زخمی،انہیں نجی اسپتال منتقل کردیا گیا ہے۔

پولیس کےمطابق ڈی ایس پی چوہدری طارق سعید پرحملہ اس وقت کیاگیاجب وہ افطاری کے لیے اپنے گھ جارہے تھے،حملہ آور موٹر سائیکل پرسوار تھے اور ہیلمٹ پہنے ہوئے تھے۔

ڈی آئی جی ایسٹ منیرشیخ کےمطابق ڈی ایس پی طارق کی گاڑی پرتین فائر کیے گئے ، جس میں سے ایک گولی ان کے چہرے پر لگی، جس کے بعد انہیں طبی امداد کے لیے نجی اسپتال منتقل کردیا گیا ہے ۔

پولیس حکام کا کہنا ہے کہ ڈی ایس پی الفلاح طارق سعید کا کراچی آپریشن میں اہم کردار رہا ہے،ملزمان کی گرفتاری کے لیےکوششیں کی جارہی ہیں۔

جولائی 25, 2014