کراچی: پولیس سے مشابہت رکھنے والے پی کیو آر اہلکار پولیس کے لیے درد سر بن گئے ہیں، جن کی جانب سے غیر مجاز سرگرمیوں کے تسلسل کے بعد آئی جی سندھ نے ایک اہم حکمنامہ جاری کر دیا ہے۔

آئی جی سندھ غلام نبی میمن نے پولیس حکام کو ہدایت کی ہے کہ سندھ بھر میں پی کیو آر آپریشن فوری طور پر بند کر دیا جائے، انھوں نے تمام رینج زون کے اعلیٰ حکام کو احکامات پر فوری عمل کرنے کا حکم بھی دیا۔

حکم نامے میں کہا گیا ہے کہ پی کیو آر (پولیس قومی رضاکار) کا کوئی کمانڈر یا اہلکار متعلقہ علاقوں میں سرگرم نہ رہے، اور آپریشنز تعیناتیاں اور انتظامی سرگرمیاں فوری بند کی جائیں۔

آئی جی سندھ نے خبردار کیا ہے کہ پی کیو آر کے تحت کام کرنے والا اہلکار سخت تادیبی کارروائی کا ذمہ دار ہوگا، تمام فیلڈ کمانڈرز متعلقہ ڈپٹی کمشنرز سے رابطہ کر کے پی کیو آر کی این او سی منسوخ کروائیں۔

علیحدگی پسند جماعت سے تعلق رکھنے والے 2 ملزمان گرفتار

آئی جی سندھ نے کہا ہم پی کیو آر سرگرمیوں کے غیر مجاز تسلسل کو شدید تشویش سے دیکھتے ہیں، اس لیے کسی بھی خلاف ورزی پر قواعد و ضوابط کے تحت کارروائی کی جائے گی، اور اس حکم پر سختی سے عمل پیرا ہونا ضروری ہے۔

پولیس حکام کا کہنا ہے کہ چند ماہ کے دوران متعدد پی کیو آر اہلکار غیر قانونی سرگرمیوں پر گرفتار ہو چکے ہیں، یہ اہلکار شارٹ ٹرم اغوا سمیت دیگر وارداتوں میں بھی ملوث ہیں، متعدد اہلکار زمان ٹاؤن، شارع نور جہاں اور ساؤتھ پولیس کے ہاتھوں پکڑے جا چکے ہیں۔

کراچی: شہر قائد کے علاقے اورنگی ٹاؤن مومن آباد میں پولیس اہلکار نے موٹر سائیکل ٹکرانے پر نوجوان کو گولی مار دی، واقع سے متعلق ایک فوٹیج بھی سامنے آئی ہے۔

تفصیلات کے مطابق اورنگی ٹاؤن مومن آباد میں جھگڑے کے دوران پولیس اہلکار کی فائرنگ سے ایک نوجوان جاں بحق اور ایک زخمی ہو گیا ہے، اے آر وائی نیوز کو حاصل فوٹیج میں پولیس اہلکار کو اپنے دوست کے ساتھ موٹر سائیکل پر گلی میں آتے دیکھا جا سکتا ہے۔

پولیس اہلکا رنے موٹر سائیکل سے اتر کرنوجوان کو تشدد کا نشانہ بنانا شروع کیا، عوام جمع ہوئی تو پولیس اہلکار نے اسلحہ نکال لیا اور تلخ کلامی کے دوران اس نے فائرنگ کر دی، جس سے گلی میں بھگدڑ مچ گئی۔

فائرنگ کے نتیجے میں نوجوان فہیم اور اس کا دوست انس زخمی ہوئے، شہریوں نے زخمیوں کو اسپتال منتقل کرنے کی کوشش کی لیکن اس دوران فہیم زخموں کی تاب نہ لاتے ہوئے چل بسا۔

شہر قائد میں موٹر سائیکل اور گاڑیوں پر اصل یا اصل جیسی نمبر پلیٹ لگانا لازمی قرار

فہیم کے ورثا کا کہنا ہے کہ مقتول فہیم نجی اسپتال میں وارڈ بوائے تھا، فائرنگ کے واقعے میں 2 پولیس اہلکار اور 3 سادہ لباس افراد ملوث ہیں، نامزد افراد کے خلاف مومن آباد تھانے میں مقتول کے والد محمد یاسین کی مدعیت میں مقدمہ بھی درج کروا لیا گیا ہے، تاہم واقعے میں ملوث کسی شخص کو تا حال گرفتار نہیں کیا گیا، لواحقین نے مطالبہ کیا کہ تمام افراد کو گرفتار کر کے سخت سے سخت سزا دی جائے۔

واضح رہے کہ یہ افسوس ناک واقعہ گزشتہ روز توحید کالونی میں پیش آیا تھا، مدعی مقدمہ محمد یاسین نے بتایا کہ ان کے بیٹے فہیم کا اشتیاق سے موٹر سائیکل آپس میں ٹکرانے پر جھگڑا ہوا تھا، جس پر اشتیاق نے اپنے دیگر ساتھیوں کے ساتھ مل کر فہیم پر فائرنگ کر دی، گولی فہیم اور اس کے دوست انس کو لگی، فہیم اسپتال پہنچنے سے قبل ہی راستے میں دم توڑ گیا

پولیس حکام کے مطابق مقدمے میں ملزم اشتیاق، آصف، ذیشان، ثاقب اور تنزیل کو نامزد کیا گیا ہے، مرکزی ملزم اشتیاق اپنے دیگر ساتھیوں کے ساتھ فرار ہے جس کی تلاش جاری ہے، جب کہ ملزم اشتیاق پولیس اہلکار ہے اور وہ عزیز آباد تھانے میں تعینات ہے۔

کراچی: شہر قائد کے علاقے شاہراہ نور جہاں پر گزشتہ روز پولیس اہلکاروں نے ایک پھل فروش پر اس کی ننھی بیٹی کے سامنے تشدد کیا تھا، اس واقعے کی ویڈیو سامنے آ گئی ہے۔

پولیس کے ہاتھوں پھل فروش پر تشدد اور گالیوں پر مبنی ویڈیو میں دیکھا جا سکتا ہے کہ ننھی بچی سہمی نظروں سے اپنے باپ کو پٹتا دیکھتی رہی، یہ کراچی میں پولیس گردی کا ایک اور واقعہ ہے، جس میں بیٹی کے سامنے پھل فروخت کرنے والے باپ کو مارا پیٹا گیا، اور گالیاں دی گئیں۔

رپورٹ کے مطابق غریب پھل فروش نے اہلکاروں کو خربوزہ بغیر پوچھے اٹھانے پر ٹوک دیا تھا، تاہم اچھی بات یہ ہوئی ہے کہ ویڈیو وائرل ہونے پر ایس ایس پی سینٹرل نے واقعے کا نوٹس لیتے ہوئے پھل فروش کو مارنے اور گالیاں دینے والے پولیس اہلکار کانسٹیبل ظفر کو نوکری سے نکال دیا ہے جب کہ دیگر 3 اہلکاروں کو معطل کر دیا گیا ہے۔

کراچی: پھل فروش پر تشدد کرکے مفت پھل لینے والے پولیس اہلکار معطل

واضح رہے کہ اہلکار نے پیسے دیے بغیر خربوزہ اٹھایا تو پھل فروش نے کہا پوچھ کر تو اٹھاؤ، جس پر اہلکار نے بدتمیزی سے کہا تیرے سامنے ہی تو اٹھایا ہے، کون سا اپنے گھر لے جا رہا ہوں۔ معطل ہونے والوں میں ذوالفقار، نسیم، اور ڈرائیور عبداللہ شامل ہیں۔

 

View this post on Instagram

 

A post shared by ARY News (@arynewstv)