کراچی: ڈیفنس میں رینجرز سے مبینہ مقابلے میں مطلوب ملزم سلیم ڈالر سمیت تین ملزمان ہلاک ہوگئے، بھاری مقدار میں اسلحہ برآمد کر لیا گیا۔
کراچی کے علاقے ڈیفنس میں خفیہ اطلاع پر کارروائی کے دوران گینگ وار اور ٹارگٹ کلرکو مدد فراہم کرنے والامطلوب ملزم سلیم ڈالر ہلاک ہوگیا، مزید دو ملزمان میں نوازعرف دادا اور زیبرعرف مہاجر شامل ہیں۔
ترجمان رینجرز کے مطابق ہلاک ملزم سلیم ڈالر ایم کیو ایم اور گینگ وارکے ٹارگٹ کلر کی مالی مدد کرتا تھا، سلیم ڈالر ایم کیو ایم کے سعید بھرم اور گینگ وار کے رؤف ناگوری کی مدد کرتا تھا۔
ملزمان کے قبضہ سے بھاری مقدار میں اسلحہ برآمد کیا گیا، جن میں انیس ایس ایم جی، دوایل ایم جی، تین ایم پی فائیو اورتین آوان بم سمیت بھاری مقدارمیں گولیاں بھی شامل ہیں۔
ترجمان رینجرز کے مطابق ہلاک ملزم سلیم ڈالر کے گھر چھاپے کے وقت چالیس گارڈز موجود تھے، چھاپے کے دوران متعدد گارڈز کو حراست میں لے لیا گیا، جن میں سے کچھ گارڈز فرار ہونے میں کامیاب ہوگئے۔
