Tag: Karachi police encounter

کراچی: بھینس کالونی میں پولیس مقابلے کے دوران دو ڈاکو ہلاک جبکہ دو پولیس اہلکار بھی شہید ہوگئے۔

ایس ایس پی ملیر راؤ انوار کے مطابق سکھن تھانے کی حدود بھینس کالونی نمبر آٹھ کے علاقے میں لوٹ مار میں مصروف ڈاکوؤں اور پولیس اہلکاروں میں فائرنگ کا تبادلہ ہوا، جس کے نتیجے میں دو ڈاکو ہلاک ہوگئے، ملزمان سے اسلحہ اور لوٹا ہوا سامان بھی برآمد ہوا۔

ہلاک ہونیوالے ڈاکو شہریوں سے لوٹ مار اور مزاحمت پر فائرنگ کی متعدد وارداتوں میں ملوث تھے۔

ملزمان سے فائرنگ کے تبادلے میں اے ایس آئی سعید اور کانسٹبل اعجاز شدید زخمی ہوگئے، جنھیں طبی امداد کیلئے جناح اسپتال منتقل کیا گیا۔ میڈیکو لیگل آفیسر جناح اسپتال نے بتایا کہ دونوں اہلکاروں نے زخموں کی تاب نہ لاتے ہوئے دم توڑ دیا اور لاشوں کو ضابطے کی کاروائی کے بعد جناح اسپتال کے مردہ خانہ منتقل کردیا گیا ہیں۔

اے ایس آئی سعید اور کانسٹیبل اعجاز سکھن تھانے میں تعینات تھے، پولیس کے مطابق ملزمان لوٹ مار کے دوران مزاحمت پر شہریوں کا قتل کر دیتے تھے۔