ARYNews.tv | Urdu – Har Lamha Bakhabar

Tag: karachi police muqabla

  • کراچی میں دو مختلف مبینہ پولیس مقابلے، زخمیوں سمیت 4 ملزمان گرفتار

    کراچی میں دو مختلف مبینہ پولیس مقابلے، زخمیوں سمیت 4 ملزمان گرفتار

    شہر قائد میں پولیس اور جرائم پیشہ عناصر کے درمیان دو مختلف مقامات پر مبینہ پولیس مقابلوں کے دوران 2 زخمیوں سمیت چار ملزمان کو گرفتار کر لیا گیا۔

    تفصیلات کے مطابق گرفتار ملزمان کے قبضے سے اسلحہ اور دیگر مسروقہ سامان برآمد ہوا ہے جبکہ زخمیوں کو اسپتال منتقل کر دیا گیا ہے۔

    ڈیفنس فیز سیون شوکت خانم اسپتال کے قریب فائرنگ کے تبادلے میں دو ملزمان زخمی حالت میں پکڑے گئے، ملزمان عبدالوہاب اور سکندر کے قبضے سے اسلحہ اور موٹر سائیکل برآمد ہوئی۔

    دوسری جانب جمشید کوارٹر پولیس نے تین ہٹی کے قریب دوطرفہ فائرنگ میں دو ملزم زخمی حالت میں پکڑلئے، ملزمان حماد اور فیضان سے اسلحہ، موٹرسائیکل برآمد ہوئی۔

    گزشتہ دنوں نارتھ کراچی سیکٹر 2 میں واقع شراب خانے میں اینٹی وہیکل لفٹنگ سیل کی ٹیم نے مشتبہ موٹر سائیکل لفٹر کو روکنے کی کوشش کی، ملزم نے فرار ہونے کی کوشش میں فائرنگ کی، جس پر پولیس کی جوابی کارروائی میں وہ زخمی ہو گیا۔

    پولیس کے مطابق زخمی ملزم کی شناخت محمد حسن کے نام سے ہوئی تھی، جسے ابتدائی طبی امداد کے لیے قریبی اسپتال منتقل کر دیا گیا تھا۔

    https://urdu.arynews.tv/karachi-alleged-police-encounter-news/

  • کراچی: سی ٹی ڈی کی کاروائی، 3دہشتگرد ہلاک، 55 مشتبہ افراد گرفتار

    کراچی: سی ٹی ڈی کی کاروائی، 3دہشتگرد ہلاک، 55 مشتبہ افراد گرفتار

    کراچی: کورنگی میں محکمہ انسداد دہشتگردی فورسزکی کار روائی میں تین دہشتگرد مارے گئے جبکہ پولیس نے دیگر کاروائیوں میں گینگ وار کے دوملزمان کو گرفتار کرکے پچپن مشتبہ افراد کو حرا ست میں لے لیا گیا ہے۔

    کراچی کے علاقے کورنگی کازوے پر دہشتگردوں کی اطلاع پر سی ٹی ڈی نے ٹارگٹڈ کاروائی کی، مقابلے کے دوران تین دہشتگرد ہلاک جبکہ ایک اہلکار زخمی ہوگیا۔

    پولیس حکام کے مطابق ہلاک دہشتگردوں کا تعلق کالعدم تنظیم سے تھا، جن کی لاشیں ضابطے کی کاروائی کیلئے اسپتال منتقل کردی گئیں۔

    اس سے قبل پولیس نے لیاری کے علاقے آگرہ تاج کالونی میں سرچ آپریشن کرکے گینگ وار کے دو ملزمان کو گرفتار کرلیا، پولیس کے مطابق ملزمان جرائم کی متعدد وارداتوں میں مطلوب تھے۔

    مزید پڑھیں : بلدیہ اتحاد ٹاؤن میں رینجرز کا مقابلہ: 3 دہشتگرد ہلاک، دو اہلکار زخمی

    دوسری جانب پولیس نے بلوچ کالونی اور اطراف کے علاقوں دادا بھائی ٹاؤن اور جونیجو ٹاؤن میں سرچ آپریشن کرکے مشکوک گھروں کی تلاشی لی اور سینتیس مشتبہ افراد کو حراست میں لیکر تفتیش شروع کردی ہے جبکہ صدر میں بوہری بازار کے قریب جہانگیر پارک کے اطراف پریڈی پولیس نے سرچ آپریشن کرکے سولہ مشتبہ افراد کو گرفتار کرلیا۔

  • نیو کراچی انڈسٹریل ایریا میں پولیس مقابلہ، 2ملزمان مارے گئے

    نیو کراچی انڈسٹریل ایریا میں پولیس مقابلہ، 2ملزمان مارے گئے

    کراچی : نیو کراچی انڈسٹریل ایریا میں پولیس مقابلے میں دو ملزمان مارے گئے جبکہ دس ملزمان کو گرفتار کیا گیا۔

    ہجرت کالونی میں قانون نافذ کرنے والے اداروں نے بھتے میں ملوث پولیس اہلکار کو گرفتار کرلیا، رات گئے پولیس کی بھاری نفری نے ملیر شاہ لطیف ٹاؤن میں بھی سرچ آپریشن کیا، جس میں دو ملزمان گرفتار ہوئے جبکہ پانچ مشتبہ افراد کو بھی حراست میں لیتے ہوئے تحقیقاتی عمل شروع کردیا گیا ہے۔

    ایس ایس پی ویسٹ کے مطابق اتحاد ٹاؤن میں پولیس مقابلے کے دوران دو ملزمان پکڑے گئے۔

  • کراچی: پولیس، رینجرز کا ٹارگٹڈ آپریشن، 7مشتبہ افراد گرفتار

    کراچی: پولیس، رینجرز کا ٹارگٹڈ آپریشن، 7مشتبہ افراد گرفتار

    کراچی: قانون نافذ کرنے والےاداروں نے جرائم پیشہ افراد کے خلاف اپنی کارروائیاں تیز کردیں، پولیس اور رینجرز نے ٹارگٹڈ آپریشن کے دوران کئی افراد کو حراست میں لے لیا۔

    ملک کے سب سے بڑے تجارتی شہر کراچی میں امن قائم کرنے کی کوششوں میں تیزی آگئی ہے، پولیس اور رینجرز جرائم پیشہ افراد اور دہشتگردوں کے خلاف متحرک ہوگئے ہیں۔

    پولیس نے طارق روڈ پر لبرٹی چوک کے قریب ٹارگٹڈ آپریشن کیا اور اس دوران سات مشتبہ افراد کو حراست میں لیا، اسی طرح رینجرز نے بلدیہ ٹاؤن کےعلاقے مہاجرکیمپ کی مخصوص گلیوں کا محاصرہ کرکے تلاشی لی اور کئی افراد سے پوچھ گچھ کی۔

    دوسری جانب کراچی کے علاقے اورنگی ٹاؤن پیرآباد میں پولیس موبائل پر حملہ کرنے والے دو ملزمان فائرنگ کے تبادلے میں ہلاک ہوگئے۔

    پولیس ذرائع کے مطابق موبائل پیر آباد میں معمول کے گشت پر تھی کہ ملزمان نے پولیس موبائل پر اندھادھند فائرنگ کردی، پولیس کی جوابی کارروائی میں دو ملزمان مارے گئے۔

    ڈی آئی جی ویسٹ کے مطابق ہلاک ملزمان کے قبضے سے موٹر سائیکل، دو گرنیڈ اوراسلحہ برآمد ہوا۔

  • کراچی: کھارادر،جمشید کوارٹر میں پولیس مقابلے، 4ملزمان گرفتار

    کراچی: کھارادر،جمشید کوارٹر میں پولیس مقابلے، 4ملزمان گرفتار

    کراچی: کھارادر اور جمشید کوارٹر کے علاقوں میں مبینہ پولیس مقابلے کے بعد چار ملزمان کو زخمی حالت میں گرفتار کرلیا، دوسری جانب گلشن اقبال تیرہ ڈی میں پولیس نے سرچ آپریشن کے بعد متعدد افراد کو حراست میں لے لیا۔

    پولیس کے مطابق اولڈ سٹی ایریا کھارادر کے علاقے میں شہریوں سے لوٹ مارکرنے والے ڈاکوؤں کی اطلاع پر پولیس موقع پر پہنچی، جہاں ملزمان نے پولیس پر فائرنگ کردی، جوابی فائرنگ کے بعد تین ملزمان کو زخمی حالت میں گرفتارکرلیا۔

    پولیس کے مطابق گرفتار ملزمان تاجروں سے لوٹ مار سمیت بسوں میں سفر کرنے والے مسافروں کو اسلحے کے زور پر لوٹتے تھے، ملزمان کے قبضے سے اسلحہ اور موٹر سائیکل بھی برآمد ہوئی۔

    دوسری جانب جمشید کوارٹر کے علاقے سے پولیس نے شہریوں سے لوٹ مار کرنے والے ڈاکو افضل کو زخمی حالت میں گرفتارکرکے اسلحہ اور موٹر سائیکل برآمد کرلی، پولیس کے مطابق ملزم عادی مجرم ہے، جس کے خلاف مختلف تھانوں میں چھ سے زائد مقدمات درج ہیں۔

    گلشن اقبال بلاک تیرہ ڈی میں پولیس نے جرائم پیشہ افراد کی اطلاع پر سرچ آپریشن کیا اس دوران علاقے کی ناکہ بندی کی گئی، تمام داخلی اور خارجی راستے بند کرکے مخصوص مقامات کی تلاشی کے بعد متعدد افراد کو حراست میں لے لیا گیا۔

  • کراچی: سپرہائی وے پر پولیس مقابلے میں طالبان کا کمانڈر قدرت اللہ ہلاک

    کراچی: سپرہائی وے پر پولیس مقابلے میں طالبان کا کمانڈر قدرت اللہ ہلاک

    کراچی: سپرہائی وے پر پولیس مقابلے میں کالعدم تحریک طالبان کا کمانڈر قدرت اللہ اور اس کے تین ساتھی مارے گئے ۔

     کراچی میں سپر ہائی وے پر جمالی گوٹھ میں ملیر ڈویژن پولیس کا مبینہ دہشت گردوں سے مقابلہ میں کالعدم تحریک طالبان کا مطلوب کمانڈر قدرت اللہ عرف کمانڈر شیر خان تین ساتھیوں سمیت مارا گیا۔

    ایس ایس پی راؤ انوار کا کہنا ہے خفیہ اطلاع پر کارروائی کی گئی، پولیس چھاپے کے دوران ملزمان اور پولیس میں آر پار گولیاں چلیں ۔ پولیس کا کہنا ہے کہ ملزمان نے راکٹ بھی فائر کئے۔

     ایس ایس پی راؤ انوار کے مطابق ملزمان اغوا برائے تاوان ، ٹارگٹ کلنگ اور سیکیورٹی فورسز پر حملوں میں ملوث تھے۔

     ایس ایس پی ملیر کا کہنا ہے ملزمان کے دیگر ساتھی چھاپے کے دوران فرار ہوگئے جن کی تلاش جاری ہے۔

  • کراچی : پولیس مقابلے، 4دہشت گرد گرفتار

    کراچی : پولیس مقابلے، 4دہشت گرد گرفتار

    کراچی:اورنگی ٹاؤن پاکستان بازار میں دہشت گردوں نے پولیس موبائل پر کریکر سے حملہ کیا تاہم پولیس اہلکاروں نے مقابلے کے بعد چار دہشت گردوں کو گرفتار کرکے ان کے قبضے سے بال کریکر بم اور اسلحہ برآمد کرلیا ہے۔

    پولیس کے مطابق اورنگی ٹاؤن کے علاقے پاکستان بازار تھانے کی پولیس موبائل معمول کے گشت پر تھی کہ ملزمان کی جانب سے بال کریکر بم سے حملہ کیا گیا، جس میں پولیس اہلکار محفوظ رہے، حملے کے بعد پولیس کی بھاری نفری کو طلب کیا گیا۔

    جس پر ملزمان نے پولیس اہلکاروں پر فائرنگ کردی، جوابی فائرنگ کے بعد دو زخمیوں سمیت چار ملزمان کو گرفتار کرلیا، گرفتار ملزمان کا تعلق کالعدم تنظیم سے ہے جبکہ ان کے قبضے سے تین بال کریکر بم چار ڈیٹونیٹر تین میٹر ڈیڈ کاڈ اور چار ٹی ٹی پستول برآمد ہوئے۔

    پولیس کے مطابق ملزمان شہر میں کسی بڑی کاروائی کی منصوبہ بندی کررہے تھے، جسے پولیس نے بروقت کاروائی کرکے ناکام بنادیا۔

  • قائد آباد پولیس مقابلے میں ہلاک ملزمان کی شناخت ہوگئی

    قائد آباد پولیس مقابلے میں ہلاک ملزمان کی شناخت ہوگئی

    کراچی: گزشتہ روز کراچی کے علاقے قائد آباد میں پولیس مقابلے میں ہلاک ملزمان کی شناخت ہوگئی۔ پولیس کا دعویٰ ہے کہ ملزمان کالعدم تنظیم کے ارکان جبکہ جمعیت علمائےاسلام ف نے ایک ملزم کو اپنا علاقائی عہدیدار قراردیا ہے اور جعلی مقابلے کا الزام عائد کیا ہے۔

    پولیس کا کہنا ہے کہ جمعےکی شام مقابلے کےبعد ہلاک کئےگئے تمام افراد دہشت گردی کی متعدد کارروائیوں میں ملوث تھے۔دوسری جانب جمعیت علمائے اسلام ف کاکہناہےکہ ہلاک شدگان میں شامل مفتی شاہ فیصل ان کی جماعت کےعلاقائی عہدیدار تھے۔

    انہیں تین ماہ قبل تیسرٹاؤن سےحراست میں لیا گیاتھا اور کل جعلی پولیس مقابلے میں شہید کردیا گیا۔ جمعیت علمائے اسلام ف نےاعلان کیا کہ مقتول کارکن کی نماز جنازہ آج بعد نمازِظہر وزیراعلیٰ ہاؤس کے سامنےادا کی جائیگی جس کے بعد احتجاج کیا جائےگا۔

  • کراچی :مبینہ پولیس مقابلہ، ایک ملزم ہلاک

    کراچی :مبینہ پولیس مقابلہ، ایک ملزم ہلاک

    کراچی: ماڑی پور میں مبینہ پولیس مقابلے میں ایک ملزم ہلاک ہوگیا ہے۔

    دوسری جانب نارتھ کراچی انڈہ موڑ کے قریب فائرنگ سے باپ بیٹا زخمی ہوگئے، پولیس کے مطابق ماڑی پور پرانا ٹرک اڈے کے قریب شہریوں سے لوٹ مار کرنے والے دو ڈاکوؤں کو پولیس نے روکنے کی کوشش کی، جس پر ملزمان نے فائرنگ کردی ہے۔

    جوابی فائرنگ میں ایک ڈاکو ہلاک ہوگیا جبکہ اس کا ساتھی زخمی حالت میں فرار ہوگیا، ملزم کے قبضے سے اسلحہ بھی برآمد ہوا۔

    نارتھ کراچی شادمان ٹاؤن انڈہ موڑ کے قریب مٹھائی کی دوکان پر نامعلوم مسلح افراد نے فائرنگ کردی، جس کے نتیجے میں دو افراد زخمی ہوگئے، پولیس کے مطابق زخمی دونوں باپ بیٹا ہیں، جن کی شناخت پچیس سالہ اسامہ اور چالیس سالہ زاکر کے ناموں سے ہوئی۔

  • کراچی:اورنگی اوراسٹیل ٹاؤن لنک روڈ پرمبینہ مقابلے،2ملزم ہلاک

    کراچی:اورنگی اوراسٹیل ٹاؤن لنک روڈ پرمبینہ مقابلے،2ملزم ہلاک

    کراچی: مختلف علاقوں میں آج رات بھی مبینہ پولیس مقابلوں کے دوران دو ملزمان ہلاک اور پانچ گرفتارکرلئے گئے۔

    رمضان المبارک کے آغاز سے ہی شہر میں اسٹریٹ کرائم، ڈکیتی اور بھتہ خوری کی بڑھتی وارداتوں نے شہریوں کی زندگی اجیرن کر دی ہےتو دوسری طرف قانون نافذ کرنے والے اداروں کی کارروائیاں بھی جاری ہیں ۔

    کراچی میں اورنگی ٹاؤن ساڑھے گیارہ میں پولیس مقابلہ کے دوران ایک ملزم ہلاک ہوگیا جبکہ اس کے ساتھی کو زخمی حالت میں گرفتار کر لیا گیاہے، ا سٹیل ٹاؤن  لنک روڈ پر پولیس مقابلہ کے دوران ایک ملزم ہلاک ہوگیا، جس کی لاش اسپتال منتقل کر دی گئی ہے۔

    لیاری کے علاقے بغدادی میں پولیس مقابلے کے بعد پولیس نے دو بھتہ خوروں کو زخمی حالت میں گرفتار کرلیا، ملزمان سے پولیس نے اسلحہ بھی برآمد کر لیا ہے، پولیس نے زخمی ملزمان کو اسپتال منتقل کرکے تفتیش کا آغاز کر دیا ہے۔

    پولیس زرائع کے مطابق ملیر لیاقت مارکیٹ میں ڈکیتی کی واردات میں مزاحمت کے دوران فائرنگ کی زد میں آکر ایک بچہ زخمی ہوگیا، جسے طبی امداد کے لئے اسپتال منتقل کر دیا گیا ہے جبکہ ملزمان فرار ہونے میں کامیاب ہوگئے۔