کراچی : سچل پولیس نے جرائم پیشہ عناصر کے خلاف کارروائی کرتے ہوئے ڈکیتی اور دیگر جرائم میں ملوث 16 ملزمان کو گرفتار کرلیا۔
شہر قائد میں راہزنی اور دیگر وارداتیں روز بروز اضافہ ہوتا جارہا ہے لیکن عوام کی جانب سے پولیس اہلکاروں پر جرائم پیشہ افراد کو لگام ڈالنے میں ناکامی کا الزام لگایا جاتا جارہا ہے۔
تاہم پولیس نے شہر قائد میں جرائم عناصر کے خلاف مختلف کارروائیوں میں 16 ملزمان کو گرفتار کیا ہے جن سے 20 سے زائد چھینے گئے موبائل فونز اور موٹرسائیکلیں برآمد ہوئی ہیں۔
پولیس کا کہنا ہے کہ پہلی کارروائی فینسی ویو اپارٹمنٹ گلزار ہجری میں کی گئی جب کہ پولیس نے دوران پیٹرولنگ تین اسٹریٹ کرمنلز کو گرفتار کیا۔
ذرائع کے مطابق گرفتار کیے گئے ملزمان بیس سے زائد مقدمات میں پولیس کو مطلوب تھے اور ملزمان نے دوران تفتیش متعدد علاقوں میں وارداتوں کا انکشاف بھی کرلیا ہے۔
پولیس نے گرفتار ملزمان کے قبضے سے اسلحہ بھی برآمد کرلیا ہے۔
