کراچی: شہرقائد کےمختلف علاقوں میں پولیس کی کارروائیوں کےدوران ایک ملزم ہلاک جبکہ تین افراد کو گرفتار کرلیاگیا۔
تفصیلات کےمطابق کراچی میں لیاری کےعلاقے نوالین میں مبینہ پولیس مقابلے کےمیں ایک ملزم ہلاک ہوگیا۔مارے جانے والے ملزم کی شناخت نبی عرف بلا کےنام سے ہوئی ہے۔
پولیس کےمطابق ملزم کاتعلق لیاری گینگ وار عزیر بلوچ گروپ سے بتایاگیاہے۔ہلاک ملزم کےقبضے سے ہینڈ گرینڈ اور اسلحہ برآمد کرلیاگیاہے۔
دوسری جانب کراچی میں یوسف پلازہ میں پولیس نےکاروائی کرتے ہوئےٹارگٹ کلر کو گرفتارکرلیاگیا۔گرفتار ٹارگٹ کلر عارف ٹوٹو پرتھانہ اجمیر نگری،تھانہ سرسید اورشارع نورجہاں میں قتل کے مقدمات درج ہیں۔
پولیس کےمطابق گرفتارملزم سےایک ریپیٹر،ایک ایس ایم جی،پستول اورآوان بم برآمد،کر کہ غیرقانونی اسلحہ،دھماکہ خیزمواداور انسداددہشت گردی کی دفعات کےتحت مقدمہ درج کرلیا گیا۔
ادھرسائٹ بی پولیس نے شیرشاہ کے علاقے میں کارروائی کرکے3ملزمان کو گرفتار کرلیا،گرفتارملزمان میں شاہد،سہیل اورانورعلی شامل ہیں۔،
پولیس حکام کےمطابق ملزمان نادرا میں ملازم ہیں اور ان کے پاس سے35قومی شناختی کارڈ،3پاکستان پاسپورٹ اوربینظیر انکم کارڈز برآمد کیے گئے ہیں۔ملزمان افغان باشندوں کو قومی شناختی کارڈ بناکردیتے تھے۔
پولیس نے ملزمان کے خلاف فراڈ اور جعل سازی کے تحت مقدمہ درج کرلیا ہے۔
سی ٹی ڈی کی پشاور میں کارروائی‘دہشت گرد گرفتار
واضح رہےکہ گزشتہ روز محکمہ انسداد دہشت گردی نے پشاور میں کارروائی کرکے دہشت گرد کوگرفتار کرکے اس کے قبضے سےبم برآمد کرلیاتھا۔
