Tag: karachi police

کراچی : پولیس کا ٹرک ڈرائیورکلینرپرتشدد، ہوائی فائرنگ

کراچی : بوٹ بیسن میں مبینہ طور پر رشوت نہ دینے پر پولیس اہلکار نے ٹرک ڈرائیور اور کلینر پر تشدد کیا اور ہوائی فائرنگ کرکے شیشے توڑ ڈالے۔ایس ایچ او نے دونوں زخمیوں کو تھانے کرانسپکٹر محمد وسیم کو معطل کردیا۔

تفصیلات کے مطابق کراچی میں قانون کے محافظوں نے ہی قانون کو پامال کردیا۔ بوٹ بیسن پر مبینہ طور پر ٹرک ڈارئیور کے خرچہ پانی نہ دینے پر پولیس اہلکار نے ہوائی فائرنگ کردی۔

گولیاں لگنے سےٹرک کے شیشےٹوٹ گئے۔ ڈرائیور اور کلینر نے الزام لگایا ہے کہ پولیس اہلکار نے روکا اور پانچ سو روپے رشوت مانگی۔

مطلوبہ رقم نہ ملنے پر پولیس اہلکارنے تشدد شروع کردیا۔ واقعے کے بعد ایس ایچ او ڈیفنس نےدونوں کو تھانے بلالیا۔ ڈرائیور کا کہنا تھا وہ مک مکا نہیں کریں گے۔

واقعے میں ملوث اہلکاروں کو سزا دی جائے۔ بعد ازاں ایس پی کلفٹن نے اے آر وائی کی خبر کا نوٹس لیتے ہوئے انسپکٹر محمد وسیم کو معطل کردیا۔

جنوری 10, 2016
بارہ ربیع الاوّل:پولیس کے کراچی میں سیکیورٹی کے خصوصی انتظامات

کراچی : کراچی پولیس نے بارہ ربیع الاوّل کے موقع پر مرکزی جلوس کیلئے سیکیورٹی کے انتظامات کو حتمی شکل دے دی ہے،۔

تفصیلات کے مطابق کراچی میں مرکزی جلوس کی سیکیورٹی پر چار ہزار آٹھ سو پچاس سے زائد پولیس اہلکار تعینات کئے گئے ہیں۔

اس حوالے سے آئی جی سندھ غلام حیدر جمالی نے ہدایات جاری کی ہیں کہ بارہ ربیع الاوّل کی سیکیورٹی کے جملہ انتظامات میں ضلعی اور زونل پولیس کے ساتھ پولیس کے اسپیشلائزڈ یونٹس کے تمام تر روابط سمیت قانون نافذ کرنے والے دیگر اداروں کے رابطوں کو بھی ہر سطح پر ممکن بنایا جائے۔

دوسری جانب ترجمان سندھ پولیس نے اپنے اعلامئے میں کہا ہے کہ 12 ربیع الاوّل کے موقع ہر سیکیورٹی کے غیر معمولی انتظامات کے تناظر میں ریپڈ رسپانس فورس کی دو کمپنیز، ایس ایس یو کی تین کمپنیز پر مشتمل کمانڈوز کے علاوہ پی ٹی سی سعید آباد ، شہید بے نظیر بھٹو ایلیٹ پولیس ٹریننگ سینٹر رزاق آباد، ایس آر پی ، اینٹی انکروچمنٹ سیل، اور کرائم برانچ سے دو ہزار پولیس افسران اور جوان بطور اضافی نفری کراچی پولیس کے ڈسپوزیبل پر دیئے گئے ہیں۔

جبکہ کراچی پولیس کے ترتیب کردہ سیکیورٹی پلان کے مطابق اس موقع کی مناسبت سے منعقد کی جانے والی 1115تقاریب اور515 جلوس ، ریلیوں اور اجتماع گاہوں پر 28933 پولیس اہلکاروں کو تعینات کیا جارہا ہے ۔

جبکہ 571 پولیس موبائلز 574 موٹر سائیکل سوار پولیس اہلکار اس کے علاوہ ہیں۔ جو پیٹرولنگ ، اسنیپ چیکنگ کے تحت سیکیورٹی کے مجموعی اقدامات کو انتہائی مؤثر اور مربوط بنا رہے ہیں۔

دسمبر 23, 2015
کراچی میں پولیس کارروائی،5 ملزمان گرفتار

کراچی : پولیس نے رضویہ سوسائٹی میں کارروائی کرتے ہوئے پانچ دہشت گردوں کو گرفتار کرکے ان کے قبضے سے اسلحہ برآمد کرلیا ہے۔

تفصیلات کے مطابق کراچی میں امن کی بحالی کیلئے دہشت گردوں کیخلاف پولیس کی کاروائیوں کا سلسلہ جاری ہے، کراچی کے علاقے رضویہ سوسائٹی میں پولیس نے کارروائی کرتے ہوئے محمد ظہیر، محسن اختر، شیرین گل عرف استاد ، محمد اختر اور یار ربانی نامی پانچ ملزمان کو گرفتار کرلیا ہے۔

پولیس نے کاروائی میں اسلحہ اور بارودی مواد برآمد کیا، جسمیں دو ٹی ٹی پستول اور تین اوان بم برآمد ہوئے ہیں، ایس پی لیاقت آباد کا کہنا ہے کہ گرفتار دہشت گردوں کا تعلق کالعدم تنظیم سے ہے، جو متعدد وارداتوں میں ملوث ہیں۔

ستمبر 8, 2015
کراچی: سیکیورٹی اداروں کی کارروائی،2دہشتگرد ہلاک

کراچی: ناردرن بائی پاس پر محکمہ انسداد دہشت گردی اور حساس اداروں نے مشترکہ کارروائی کی جس کے دوران پولیس اہلکاروں کی ٹارگٹ کلنگ میں ملوث دو دہشت گرد مارے گئے۔

کراچی کے علاقے ناردرن بائی پاس پر حساس اداروں سمیت پولیس کی جانب سے کاروائی کی گئی۔ کاروائی میں کالعدم تحریک طالبان پاکستان سے تعلق رکھنے والے دو دہشت گرد ہلاک ہوگئے، ذرائع کے مطابق کاروائی خفیہ اطلاع پر کی گئی تھی۔

محکمہ انسداد دہشت گردی کے انچارج علی رضا کا کہنا ہے کہ کاروائی کے دوران دہشتگردوں نے پولیس پر فائرنگ کردی ۔

دوطرفہ فائرنگ کے تبادلے میں ہلاک ہونے والے دہشت گردوں نے بارہ سے زائد پولیس اہلکاروں کو قتل کیا تھا جب کہ ہلاک دہشت گرد ساجد کے سر کی قیمت دس لاکھ اورظفرکے سرکی قیمت قیمت پانچ لاکھ روپے رکھی گئی تھی۔

اگست 31, 2015
کراچی پولیس نے 10غیر ملکیوں سمیت 21 ملزمان کو گرفتار کرلیا

کراچی: شہرکےمختلف علاقوں میں پولیس نے سرچ آپریشن کے دوران تین ٹارگٹ کلرزاوردس غیرملکیوں سمیت اکیس ملزمان کوحراست میں لے کر اسلحہ اور دستی بم برآمد کرلئے۔

تفصیلات کے مطابق بلدیہ میں خفیہ اطلاع پر پولیس کا سرچ آپریشن کیا پولیس نے کارروائی کے نتیجے میں سولہ مشتبہ افراد کو حراست میں لے لیا۔

پولیس حکام کے مطابق گرفتار ملزمان میں دس غیرملکی باشندے بھی شامل ہیں۔ پولیس کا کہنا ہے کہ زیرِحراست ملزمان اسٹریٹ کرائم اور منشیات فروشی میں ملوث ہیں۔

دوسری جانب کھارادر میں پولیس نے کارروائی کے دوران تین ٹارگٹ کلرزکوگرفتار کرلیاجن کی شناخت عمران عرف ماربل، کاشف عرف کمانڈو اور ناصرعرف امیر کے نام سے ہوئی۔

پولیس نے ملزمان سے اسلحہ اوردستی بم بھی برآمد کئیے ہیں، گرفتار ٹارگٹ کلرز کاتعلق سیاسی جماعت سے بتایاجاتا ہے۔

کراچی کے ہی علاقے شاہراہ فیصل پر پولیس نے مقابلے کے بعد اسٹریٹ کرائم میں ملوث دو ڈاکوؤں کو گرفتار کے اسلحہ برآمد کرلیا۔

اگست 12, 2015
کراچی میں پولیس متحرک، 3 ٹارگٹ کلرزگرفتار

کراچی: سعید آبادمیں مبینہ پولیس مقابلےمیں کالعدم تنظیم کےتین مبینہ دہشتگردزخمی حالت میں گرفتار،اسلحہ، اوربم بنانے کاسامان برآمد کرلیا جبکہ ملیر سے گرفتار ٹارگٹ کلر نے فرقہ وارانہ بنیاد پرٹارگٹ کلنگ کرنے کااعتراف کرلیا۔

تفصیلات کے مطابق سعید آباد میں دہشتگردوں کی موجودگی اطلاع پرپولیس نے چھاپہ ماراتو ملزمان نے فرار ہوتے ہوئے پولیس پر دستی بموں سے حملہ کردیا۔

پولیس کی جوابی کارروائی میں تینوں ملزمان زخمی حالت میں گرفتار کرلیے گئے، پولیس حکام کے مطابق گرفتار ملزمان کا تعلق کالعدم تحریک طالبان پاکستان سے ہے۔

پولیس نے ملزمان کے قبضے سے بم بنانے کا سامان، ڈیٹونیٹر، بیٹریاں اوردستی بم برآمد کرلیے ہیں۔ ملزمان کی شناخت ذکریا عرف بھائی جان، محمد عمران عرف ہمایوں اور یونس عرف بابا کے نام سے ہوئی ہے۔

دوسری جانب ملیر سے گرفتار ٹارگٹ کلر نے فرقہ ورانہ بنیاد پر ٹارگٹ کلنگ کا اعتراف کرلیا ہے۔ اپنے اعترافی بیان میں ٹارگٹ کلر نے نمائش ،شاہ فیصل ،غازی ٹاؤن سمیت دومنٹ کی چورنگی پر فرقہ ورانہ بنیادپرقتل کی وارداتیں کرنے کا اعتراف کیا ہے۔

جولائی 27, 2015
کراچی پولیس نے موٹرسائیکلوں میں ٹریکر لگانے کی سفارش بھی کر دی

کراچی: پولیس آج کل موٹر سائیکلوں کے پیچھے پڑی ہوئی ہے ، موٹر سائیکل پر بیٹھنے والے ہر فرد کیلئے ہیلمٹ کی پابندی کے بعد اب موٹرسائیکلوں میں ٹریکر لگانے کی سفارش بھی کر دی ہے۔

موٹرسائیکلوں کی چوری اور جرائم کی روک تھام کی ذمہ داری پولیس حکام موٹرسائیکل رکھنے والوں کے سر پر ڈالنے کیلئے تیار ہیں، ایڈیشنل آئی جی کراچی کی جانب سے محکمہ ایکسائز اینڈ ٹیکسیشنز کو خط بھیجا گیا ہے۔

جس میں کہا گیا ہے کہ نئی موٹر سائیکلوں میں ٹریکر لگوانے کے احکامات جاری کیے جائیں جب کہ رجسٹریشن کے وقت موٹر سائیکل میں ٹریکر لگانا لازمی قرار دیا جائے، اس کے ساتھ ساتھ کراچی میں موٹر سائیکل چلانےوالے اور اس کے پیچھے بیٹھنے والوں کو چاہے وہ بچہ ہو خاتون ہو یا بزرگ جون کی آٹھ تاریخ سے ہیلمٹ لازمی پہننا ہوگا۔

ڈی آئی جی ٹریفک کراچی امیرشیخ کا کہنا ہے کہ شہرمیں ساٹھ فیصد حادثات موٹرسائیکل سواروں کے ہوتے ہیں اس لئے ہیلمٹ لازم کیا ہے۔

کراچی کے شہریوں کی رائےاس کے برعکس ہے، شہریوں کا کہنا ہے کہ پابندی سےصرف اہلکاروں کی چاندی ہوگی اور ہیلمٹ بیچنے والے مال کمائیں گے۔

عوام کا کہنا ہے کہ موٹر سائیکل پر بیٹھے دونوں لوگ اگر ہیلمٹ میں ہوں گے تو جرم کم ہونے کے بجائے اس کے بڑھ جانے کا امکان زیادہ ہے۔

مئی 29, 2015
کراچی: لیاری میں پولیس مقابلہ،3ملزمان ہلاک

کراچی : لیاری میں مبینہ پولیس مقابلوں کے دوران تین ملزمان ہلاک جبکہ دو کو زخمی حالت میں گرفتارکرلیا گیا ہے جبکہ رینجرز نے پانچ مشتبہ ٹارگٹ کلرز سمیت دس ملزمان کو گرفتار کرلیا۔

پولیس کا کہنا ہے کہ ہلاک ملزمان کا تعلق عزیر بلوچ گروپ سے تھا، ملزمان کے قبضے سے اسلحہ اور دستی بم برآمد ہوئے ہیں، ملزمان متعدد وارداتوں میں مطلوب تھے۔

دوسری جانب لیاری کے ہی علاقے مرزا آدم خان روڈ پر مبینہ پولیس مقابلے کے دوران دو ملزمان کو زخمی حالت میں گرفتار کر لیا گیا۔

پولیس کا کہنا ہے کہ ملزمان کا تعلق گینگ وار سے ہے۔

ادھر رینجرز نے شہر کےمختلف علاقوں میں کارروائیوں کے دوران پانچ مبینہ ٹارگٹ کلرز سمیت دس ملزمان گرفتار کرلیے، ترجمان رینجرزکے مطابق ملزمان کو گودھرا، بلدیہ، انڈسٹریل ایریا ، نارتھ کراچی اور لانڈھی سے گرفتار کیا گیا۔

مئی 23, 2015
کراچی:2 علٰیحدہ پولیس مقابلوں میں 2دہشتگرد، 2ڈاکوہلاک

کراچی: شہرِ قائد میں دوالگ الگ پولیس مبینہ مقابلوں میں دو دہشتگرد اور دوڈاکو ہلاک کردیئے گئے، لسبیلہ میں سرچ آپریشن، اسٹریٹ کرائم میں ملوث تین ملزمان گرفتار کرلیے گئے۔

پولیس کے مطابق ناردرن بائی پاس کے قریب پولیس اور دہشتگردوں کےدرمیان مڈبھیر ہوگئی، فائرنگ کے تبادلے میں دو مشتبہ دہشتگرد ہلاک ہوگئے۔

پولیس کا کہنا ہے کہ ہلاک دہشتگردوں کا تعلق کالعدم تنظیم تحریکِ طالبان سے تھا، ہلاک دہشتگردوں کے قبضے سے بارودی مواد اوراسلحہ بھی برآمد کرنے کا دعویٰ کیا گیا ہے۔

پولیس کے مطابق ہلاک دہشتگرد تخریب کاری کی کئی وارداتوں میں ملوث تھے۔

دوسری جانب کراچی کے پوش علاقے بوٹ بیسن میں پولیس اور مشتبہ ڈاکوؤں کے درمیان فائرنگ کا تبادلہ ہوگیا، جس کے نتیجےمیں دو ڈاکو ہلاک ہوگئے۔

پولیس کے مطابق ہلاک ڈاکوؤں کے قبضے سے اسلحہ اور موٹر سائیکل برآمد کرلی گئی، پولیس کا کہنا ہےکہ دونوں ڈاکوؤں کی لاشیں مزید کارروائی کےلئے ہسپتال پہنچادی گئیں ہیں۔

رات گئے کراچی کےعلاقے لسبیلہ میں پولیس کے سرچ آپریشن کے دوران متعدد افراد سمیت اسٹریٹ کرائم میں ملوث تین ملزمان کو بھی حراست میں لیا گیا ہے۔

اپریل 17, 2015
کراچی : ڈاکٹرزسمیت 26افراد کےقتل میں ملوث ٹارگٹ کلرگرفتار

کراچی: پولیس نے چھبیس افراد کی ٹارگٹ کلنگ میں ملوث ملزم بلال قریشی عرف چنگاری کو گرفتار کرلیا جبکہ رینجرز نے مشرف کالونی سے بارہ ملزمان حراست میں لے لئے۔

کراچی میں سیکیورٹی فورسزاس عزم میں ثابت قدم ہے کہ جرائم پیشہ عناصر کو جڑ سے اکھاڑ پھینکیں گے، کراچی کے علاقے نیوکراچی ڈویژن سے پولیس کو بڑی کامیابی ملی۔

پولیس کارروائی میں چھبیس افراد کو قتل کرنے والا بلال قریشی عرف چنگاری پکڑا گیا، آپریشن میں چار بھتہ خور بھی گرفتار ہوئے۔

ایس پی فیصل نور نے بتایا ملزم نے ڈاکٹرز کو قتل کرنے کا اعتراف کرلیا ہے۔

دوسری جانب رینجرز نے مشرف کالونی میں ٹارگٹڈ آپریشن کرکے بارہ مشتبہ افراد کو حراست میں لے کر اسلحہ برآمد کرلیا ہے ۔

رینجرز ذرائع کے مطابق ملزمان قتل، اقدام قتل، بھتہ خوری سمیت دیگر جرائم میں ملوث ہیں، حراست میں لئے گئے ملزمان کو تفتیش کیلئے نامعلوم مقام پر منتقل کر دیا گیا ہے۔

مارچ 30, 2015