Tag: karachi press club

کراچی: متحدہ قومی موومنٹ کے ڈپٹی کنونیئر فاروق ستار نے کہا ہے کہ تادم مرگ بھوک ہڑتال سے تاج برطانیہ ہل گیا تھا، ہم اسی بھوک ہڑتال سے پاکستان کے ایوان ہلا دیں گے،یہ ایوان انسانی حقوق کے معاملے میں جس قدر بے حسی کا مظاہرہ کررہے ہیں آج تک ایسا مظاہرہ تاریخ نے کبھی نہیں دیکھا، یہ پاکستان کی سالمیت کو خطرے سے دوچار کررہے ہیں۔

Farooq Sattar laments lack of forum to address… by arynews

اے آر وائی نیوز کے پروگرام الیونتھ آور کے میزبان وسیم بادامی نے متحدہ قومی موومنٹ کے کراچی پریس کلب کے باہر لگے بھوک ہڑتالی کیمپ میں پہنچ کر فاروق ستار اور دیگر رہنمائوں سے ان کا موقف دریافت کیا۔

فاروق ستارکا وسیم بادامی سے کہنا تھا کہ ان کا کہنا تھا کہ پانچ ہزار چھاپوں، چار ہزار گرفتاریوں کے باوجود ہم نے کوئی مزاحمت نہیں کی، ہمارا مطالبہ ہے کہ آپریشن کی سمت درست کی جائے، گرفتار افراد میں سے پانچ فیصد کو بھی عدالتوں میں پیش نہیں کیا گیا،ہمارے جو کارکنان رہا ہور کر آئے ہیں ان کی کہانیاں ہم ابھی نہیں بتارہے، آرمی چیف راحیل شریف ملیں تو ضرور بتائیں گے۔

ایم کیو ایم کے ڈپٹی کنونیئر نے کہا کہ ایم کیو ایم کے اندر کرمنل ہیں تو ضرور پکڑیں ایم کیو ایم اس معاملے میں حکومت کے ساتھ ہے، یہ امن مصنوعی ہے، ریاستی جبر کےذریعے امن قائم کیا گیا ہے، ریاست اگر جبر کرے اور خوش فہمی میں ہو کہ امن قائم ہوگیا ہے تو یہ اس کی بھول ہے۔

انہوں‌ نے کہا کہ ہماری جائز شکایات کو بھی نہیں سنا گیا، وقاص قتل کیس میں ہمارے ہی کارکن کو ملوث کرکے سزائے موت دے دی گئی، دہرا ظلم کیا گیا، ہمیں سپریم کورٹ کے فیصلے کا انتظار ہے۔

ان کا کہنا تھا کہ وقاص قتل کیس میں اگر کسی سویلین نے پسٹل سے وقاص کو مارا تو رینجرز نے اسے اسی وقت گرفتار کیوں نہ کیا؟دو ورز بعد کیوں پکڑا؟ حکیم سعید قتل کیس میں سترہ سال تک ہمارے کارکنان جیل میں رہے بعد میں رہا بھی ہوئے تو ان کے سترہ سال کون واپس کرے گا اسی طرح کیا آصف بھی سترہ سال جیل میں رہے گا؟

انہوں نے کہا کہ نوے فیصد فیصلے ملزمان کے خلاف اور استغاثہ کے حق میں ہورہے ہیں، رینجرز کہتی ہے کہ وقاص کو ہم نے نہیں مارا تو پھر وہ بتائے کہ اسے کس نے مارا؟ وہ ایسے بری الذمہ نہیں ہوسکتی، یہاں ماورائے عدالت قتل ہورہے ہیں انہیں بند کیا جائے۔

رہنما متحدہ قومی موومنٹ فاروق ستار نے کہا کہ مہاجروں میں بڑھتے ہوئے احساس محرومی کا نوٹس لینے کی ضرورت ہے، ٹارگٹ کلنگ میں ہمارے شہید کارکنوں کے قاتل آج تک نہیں پکڑے گئے۔

قومی اسمبلی کے پارلیمانی لیڈر خورشید شاہ کے بھوک ہڑتال کے دورے پر انہوں نے کہا کہ پارلیمانی لیڈر سے ہمارا یہ مطالبہ تھا کہ ہماری شکایات کو سنا جائے جس پر انہوں نے تسلیم کیا کہ متحدہ قومی موومنٹ کی شکایات کو سنا جائے۔

فاروق ستار کاکہنا تھاکہ پاکستان کی سیاسی تاریخ جب مرتب کی جائے گی مورخ لکھے گا کہ آخری جماعت جس نے نظریاتی سیاست کی وہ ایم کیو ایم تھی،ہماری شکایات سننے کے لیے ایک فورم تشکیل دیا گیا تاہم فورم نے ابھی تک ہمارے شکایات کا ازالہ ہی نہیں کیا، تادم بھوک ہڑتال سے تو تاج برطانیہ بھی ہل گیا تھا اسی تادم بھوک ہڑتال سے پاکستان کے بھی ایوان ہلیں گے،اگر مانیٹرنگ کمیٹی متحرک ہوجاتی تو یہ دن دیکھنا نہ پڑے۔

MQM to decide whether to stay in assemblies… by arynews

سندھ اسمبلی میں ایم کیو ایم کے پارلیمانی لیڈر خواجہ اظہار الحسن نے کہا کہ میں ایم پی اے ہو کر بے اختیار ہوچکا ہوں، پانی و بجلی گیس دینا دور کی بات ہم تو گرتی ہوئی لاشیں نہیں روک پا رہے۔

انہوں نے کہا کہ کراچی میں امن قائم کرنے کے حامی ہیں، کراچی میں امن قائم ہوگا تو سب سے بڑا فائدہ ہمیں ہوگا، ،ہمیں کسی سے حب الوطنی کا سرٹیفکیٹ نہیں چاہئے، یہ ہمارا شہر ہے، ہم یہیں بیٹھے ہیں،کراچی میں امن کا مطلب ایم کیو ایم کے خلاف آپریشن نہیں ہے۔