Tag: karachi Rain

کراچی: شہر قائد کے مختلف علاقوں میں رات سے ہی ہلکی اور تیز بارش کا سلسلہ جاری ہے، جس کے باعث موسم خوشگوار ہوگیا۔

اے آر وائی نیوز کے مطابق محکمہ موسمیات کا کہنا ہے کہ شہر میں مطلع ابر آلود ہے جبکہ بارش کا سلسلہ دن بھر جاری رہے گا۔

موسمیاتی تجزیہ کار کے مطابق بحیرہ عرب سے آنے والے بادلوں کے باعث گزشتہ رات اور صبح رم جھم برسی، مزید بادل شہر کی جانب گامزن ہیں۔ شہر میں 20 کلو میٹر کی رفتار سے ہوائیں چل رہی ہیں۔

بیان میں مزید کہا گیا کہ شہر کا درجہ حرارت صبح کے وقت 28 ڈگری سینٹی گریڈ ریکارڈ کیا گیا ہے جبکہ شہر میں زیادہ سے زیادہ درجہ حرارت 33 ڈگری سینٹی گریڈ رہ سکتا ہے۔

دوسری جانب ملک بھر میں ابر رحمت برسنے کا سلسلہ جاری ہے، تربیلا ڈیم میں 57 لاکھ 66 ہزار ایکڑ فٹ پانی ذخیرہ کر لیا گیا، ڈیم میں پانی کی سطح ایک ہزار550فٹ ہے۔

مسلسل بارشوں کے باعث تربیلا ڈیم مکمل بھرگیا، ڈیم میں پانی کی سطح ایک ہزار550فٹ ہے، تربیلا کی جھیل میں اس وقت 57 لاکھ 66 ہزار ایکڑ فٹ قابلِ استعمال پانی موجود ہے۔

مظفر آباد اور گردو نواح میں زلزلہ

تربیلا ڈیم میں پانی کا اپنی پوری صلاحیت کے مطابق بھرنا زرعی شعبے اور کم لاگت اور ماحول دوست بجلی کی پیداوار کے لئے نہایت خوش آئند ہے۔

کراچی: مون سون ہواؤں کا سلسلہ آج سے سندھ میں داخل ہوجائے گا، جس کے باعث کراچی سمیت سندھ کے مختلف شہروں میں گرج چمک کے ساتھ بارشیں ہوسکتی ہے۔

محکمہ موسمیات کے بیان کے مطابق ملک میں مون سون کا اسپیل 25 اگست تک جاری رہنے کا امکان ہے۔

بیان میں کہا گیا ہے کہ 19 اگست تک کراچی، گھوٹکی، میرپورخاص، عمرکوٹ، سانگھڑ، ٹھٹہ اور سکھر سمیت سندھ کے مختلف شہروں میں گرج چمک کے ساتھ بارش کا امکان ہے۔

دوسری جانب حافظ آباد، گوجرانوالا اور چنیوٹ میں بھی موسلا دھار بارش کی پیش گوئی کی گئی ہے، جس کے باعث این ڈی ایم اے نے پنجاب کے بڑے شہروں میں اربن فلڈنگ کا امکان ظاہر کیا ہے۔

وزیراعظم شہباز شریف نے موسلا دھار بارشوں کے باعث متعلقہ اداروں کو ہائی الرٹ رہنے کی ہدایت جاری کردی ہیں۔

وزیر اعظم نے بتایا کہ 25 اگست تک مون سون کے متوقع شدید اسپیل کی ڈیش بورڈ سے خود نگرانی کروں گا، ہنگامی صورتحال میں لوگوں کے انخلا، نکاسی آب کی تیاری یقینی بنائی جائے۔

پاکستان میں مون سون کی بارشوں کا دورانیہ اور اہمیت

پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

کراچی کی سڑکوں کو بارشوں نے ادھیڑ کر رکھ دیا

تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔

کراچی: محکمہ موسمیات کا کہنا ہے کہ شہر میں موسم ابرآلود، گہرے بادلوں کاراج برقرار ہے، جبکہ کراچی میں آج بھی کہیں ہلکی اور کہیں تیز بارش کا امکان ہے۔

محکمہ موسمیات کے مطابق شہر کا موجودہ درجہ حرارت 28 ڈگری سینٹی گریڈ ہے، کم سے کم درجہ حرارت 27 ڈگری سینٹی گریڈ ریکارڈ کیا گیا ہے۔

بیان میں کہا گیا ہے کہ کراچی میں ہوا میں نمی کا تناسب 88 فیصد ہے، زیادہ سے زیادہ درجہ حرارت 32 ڈگری سینٹی گریڈ رہنے کا امکان ہے۔

واضح رہے کہ محکمہ موسمیات نے اگست میں ہونے والے بارشوں کے حوالے سے خبردار کرتے ہوئے بڑی پیش گوئی کی ہے۔

محکمہ موسمیات کی جانب سے بیان میں کہا گیا ہے کہ ملک بھر میں جولائی میں معمول سے کم بارشیں ہوئیں، تاہم جولائی کے مقابلے اگست میں زیادہ بارشیں ہوں گی۔

محکمہ موسمیات کا کہنا تھا کہ بارشوں کا حالیہ سلسلہ رواں ہفتے وقفے وقفے سے جاری رہیگا،، جبکہ تیرہ اگست سے نیا سسٹم ملک میں داخل ہوگا، جس سے صوبہ بلوچستان اور سندھ زیادہ متاثرہوں گے، دونوں صوبوں کے شہروں میں فلیش فلڈنگ کابھی خدشہ ہے جبکہ اپر سندھ میں تیزبارشیں متوقع ہیں۔

اس کے علاوہ بلوچستان کے شمال مشرقی اضلاع میں بھی شدیدبارشیں ہوسکتی ہے،، پنجاب، خیبرپختو نخوا اورآزاد کشمیربھی میں کہیں معتدل اورکہیں موسلادھاربارشوں کا امکان ہے۔

خیال رہے نیشنل ڈیزاسٹرمینجمنٹ اتھارٹی نے ملک بھرمیں حالیہ بارشوں کے دوران ہونے والے جانی ومالی نقصانات سے متعلق رپورٹ جاری کی۔

یکم جولائی سے یکم اگست تک بارشوں سے مختلف حادثات میں ایک سو سات افراد جاں بحق ہوئے، سب سے زیادہ انتالیس اموات پنجاب میں رپورٹ ہوئیں۔

کراچی: کورنگی اللہ والا ٹاؤن میں گھر کی چھت گر گئی، متعدد زخمی

این ڈی ایم اے کے مطابق خیبرپختونخوا میں چونتیس، سندھ میں بائیس، بلوچستان میں بارہ، آزاد کشمیر میں تین، جبکہ گلگت بلتستان میں ایک شخص جاں بحق ہوا جبکہ دوسو سے زائد افراد زخمی ہوئے۔

کراچی: شہر قائد کے مختلف علاقوں میں رات سے ہلکی بارش کا سلسلہ ہے، گزشتہ روز ہونے والی بارش کے بعد شہر کی سڑکوں کی صورتحال ابتر ہوگئی ہے، آج بھی شہر میں بارش کا امکان ہے۔

ٹریفک پولیس نے لیاقت آباد انڈر پاس میں پانی جمع ہونے کے باعث اسے بندکر دیا ہے۔ حسن اسکوائر سے لیاقت آباد جانے والی سڑک عیسیٰ نگری کے قریب 3 سے 4 فٹ دھنس گئی۔

حسن اسکوائر سے لیاقت آباد جانے والا روڈ ٹریفک کیلئے بند کردیا گیا ہے، علاقہ پولیس نے موبائلیں لگا کر عیسیٰ نگری روڈ کو ٹریفک کیلئے بند کر دیا ہے۔ لیاقت آبادسے حسن اسکوائرجانے والے ٹریک کو ڈبل چلایاجا رہا ہے۔

شہر میں تیز بارش کے بعد کچھ مقامات پر تاحال بارش کا پانی موجود ہے، لیاقت آباد 10 نمبر پر بھی بارش کا پانی کھڑا ہے۔

اس کے علاوہ ملیر ہالٹ کے قریب بھی بارش کا پانی جمع ہے جبکہ نیپا چورنگی پر پانی کی نکاسی کی جا رہی ہے۔

گلستان جوہر چورنگی، شارع فیصل، ناظم آباد اور ڈالمیاں روڈ سے بھی پانی کی نکاسی کر دی گئی ہے۔

پاکستان میں مون سون کی بارشوں کا دورانیہ اور اہمیت

پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

کراچی کے قبرستانوں میں گونجنے والی آواز خاموش ہو گئی

تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔