ARYNews.tv | Urdu – Har Lamha Bakhabar

Tag: karachi-robbery

  • ڈیفنس فیزون طوبیٰ مسجد کے قریب ڈکیتی مزاحمت پر نوجوان قتل

    ڈیفنس فیزون طوبیٰ مسجد کے قریب ڈکیتی مزاحمت پر نوجوان قتل

    کراچی کے علاقے ڈیفنس فیزون طوبیٰ مسجد کے قریب ڈکیتی مزاحمت پر نوجوان کو قتل کردیا گیا۔

    اے آر وائی نیوز کے مطابق ایس ایس پی ساؤتھ مہزور علی کا اس حوالے سے کہنا ہے کہ کراچی کے علاقے ڈیفنس فیزون طوبیٰ مسجد کے قریب ملزمان نے واردات کے دوران مزاحمت پرفائرنگ کی۔

    ایس ایس پی ساؤتھ مہزور علی کے مطابق مقتول نے واردات کرنے والے ایک ڈاکو کو پکڑا اور زمین پر گرایا، ملزم کے ساتھی نے فائرنگ کی ایک گولی مقتول عامر کو لگی۔

    ایس ایس پی نے بتایا کہ واردات کے بعد ملزمان فرار ہوگئے، تفتیش شروع کردی ہے، سی سی ٹی وی فوٹیج اور دیگر شواہد کا جائزہ لے رہے ہیں۔

    عینی شاہد نے بتایا کہ ملزمان نے تین فائر کئے دو مس ہوگئے ایک گولی شہری کو لگی۔

    قبل ازیں سیالکوٹ کے علاقے کوٹلی لوہاراں میں گھریلو جھگڑے پر ماں نے تین بچوں کو زہر دیا جس کے نتیجے میں 7 سال کی بیٹی دم توڑ گئی اور دو بیٹوں کی حالت تشویشناک ہے۔

    ریسکیو حکام کا کہنا ہے کہ بیرون ملک مقیم شوہر سے فون پر جھگڑے پر خاتون نے بچوں کو زہر پلایا۔

    متاثرہ بچوں کی عمریں 3 سے 9 سال کے درمیان ہیں، ملزمہ فرار ہوگئی، دیور کی مدعیت میں واقعے کا مقدمہ درج کرلیا گیا ہے۔

    پولیس کے مطابق افسوسناک طور پر ام عمارہ زہر کے اثر سے جاں بحق ہو گئی جبکہ محمد غازی اور محمد حمزہ کو تشویشناک حالت میں اسپتال منتقل کر دیا گیا ہے۔ ایک بچے کی حالت انتہائی تشویشناک ہے جس کی وجہ سے اہلخانہ شدید غم و غصے میں ہیں۔

    ٹانک میں سیکورٹی خدشات کے باعث کرفیو نافذ

    پولیس کے مطابق ملزمہ سدرہ محسن فرار ہو چکی ہے۔ پولیس کا کہنا ہے کہ ملزمہ کی گرفتاری کے لیے مختلف مقامات پر چھاپے مارے جا رہے ہیں اور جلد ہی گرفتار کر لیا جائے گا۔

  • تھانہ اسٹیل ٹاؤن لنک روڈ پر پولیس وردی پہنے ملزمان لاکھوں لوٹ کر فرار

    تھانہ اسٹیل ٹاؤن لنک روڈ پر پولیس وردی پہنے ملزمان لاکھوں لوٹ کر فرار

    کراچی: شہر قائد میں تھانہ اسٹیل ٹاؤن لنک روڈ پر پولیس وردی پہنے ملزمان دوران ڈکیتی لاکھوں روپے لوٹ کر فرار ہوگئے۔

    اے آر وائی نیوز کے مطابق تھانہ اسٹیل ٹاؤن کی حدود میں لنک روڈپر موجود کانٹا عملے نے بتایا کہ آٹھ ملزمان نے کانٹے کے عملے کو یرغمال بنا کر واردات کی، ملزمان 10 لاکھ روپے، موبائل فون اور دیگر سامان چھین کر فرار ہوگئے۔

    پولیس کا کہنا ہے کہ ملزمان 4 موٹر سائیکلوں پرسوار تھے، معاملے کی تفتیش کا آغاز کردیا گیا ہے۔

    اس کے علاوہ شاہ فیصل نمبر 2 ہائی اسکول کے قریب فائرنگ اور لوٹ مار کی واردات میں مسلح ملزمان گلی میں کھڑے نوجوانوں سے موبائل فونزچھین کر فرار ہوگئے۔

    گزشتہ روزکراچی کے علاقے سہراب گوٹھ میں عید کی شاپنگ اور موٹر سائیکل میں پیٹرول ڈلوانے کیلئے ڈکیتی کرنے والے کم عمر ملزمان کو دھر لیا گیا۔

    پولیس کے مطابق سہراب گوٹھ میں ڈکیتی مقابلے کے دوران ایک زخمی سمیت 4 ملزمان کو گرفتار کیا گیا ہے جبکہ 2 ملزمان اسلحہ سمیت فرار ہوگئے اور ان 3 ملزمان کی عمر 16 سال اور ایک کی 18 سال ہے۔

    کراچی میں ٹریفک کے بڑھتے حادثات پر قابو پانے کیلئے نیا شعبہ قائم

    پولیس کا کہنا ہے کہ گرفتار ہونے والا ایک ملزم آٹھویں اور دوسرا نویں جماعت کا طالب علم ہے، گرفتار ملزم نے پولیس کو بیان میں بتایا کہ سہراب گوٹھ میں ڈکیتی کرنے نکلے تھے۔

    ملزم نے بیان دیا کہ 2 لوگوں سے ڈکیتی کررہے تھے پولیس آگئی، پولیس کو دیکھ کر ہمارے 2 ساتھی فرار ہوگئے، واردات کے بعد عید کی شاپنگ کرنی تھی، ایک ملزم کے مطابق موٹر سائیکل میں پیٹرول ڈلوانا تھا۔

  • کراچی : ڈکیتی مزاحمت پر باپ کو قتل اور بیٹے کو زخمی کرنے والے ملزمان گرفتار

    کراچی : ڈکیتی مزاحمت پر باپ کو قتل اور بیٹے کو زخمی کرنے والے ملزمان گرفتار

    کراچی : کورنگی بلال چورنگی کے قریب گزشتہ روز ڈکیتی مزاحمت پر فائرنگ کا واقعے میں اہم پیشرفت سامنے آئی ہے، دو ملزمان کو گرفتار کرلیا گیا۔

    ڈکیتی مزاحمت پر فائرنگ کے واقعے میں باپ جاں بحق اور اس کا بیٹا زخمی ہوگئے تھے، اسپیشل انویسٹی گیشن یونٹ نے ڈکیتی میں ملوث2ملزمان عمران اور مظہر کو گرفتار کرلیا۔

    ایس ایس پی شعیب میمن کے مطابق شہری عبدالمالک بینک سے10لاکھ روپے نکلوا کر آرہا تھا کہ اس دوران 2موٹر سائیکلوں پر3ملزمان نے اسلحہ نکالا اور انہیں لوٹنے کی کوشش کی۔

    ملزمان کو دیکھتے ہی عبدالمالک نے رقم دور پھینک دی تھی، ڈکیتی میں مزاحمت کرنے پر ملزمان نے طیش میں آکر فائرنگ کرکے عبدالمالک کو قتل اور بیٹے کو زخمی کیا تھا۔

    ایس ایس پی نے بتایا کہ مقتول عبدالمالک کے بیٹے نے موٹرسائیکل سوار ڈاکو پر فائرنگ کی، فائرنگ میں ایک ڈاکو کو گولی لگی جو دوران علاج ہلاک ہوگیا تھا، واردات میں ملوث 2ملزمان موقع سے فرار ہوگئے تھے۔

  • ڈاکوؤں اور عوام نے لاکھوں روپے لوٹ لیے، فوٹیج سامنے آگئی

    ڈاکوؤں اور عوام نے لاکھوں روپے لوٹ لیے، فوٹیج سامنے آگئی

    کراچی: شہر قائد کے علاقے کورنگی میں ڈکیتی مزاحمت پر ایک شخص جاں بحق، اور ان کا بیٹا زخمی ہو گیا، فائرنگ کے واقعے کے بعد ڈاکو تو 3 لاکھ روپے کیش لے گئے، تاہم عوام نے 7 لاکھ روپے لوٹ لیے۔

    کورنگی میں ڈکیتی مزاحمت پر فائرنگ کی سی سی ٹی وی فوٹیج بھی سامنے آ گئی ہے، جس میں مقتول عبدالمالک کو بیٹے کے ساتھ گاڑی میں آتے دیکھا جا سکتا ہے، مقتول بینک سے 10 لاکھ لا رہا تھا کہ عقب سے 2 موٹر سائیکلوں پر 3 ڈاکو آ گئے۔

    فوٹیج کے مطابق ڈاکوؤں نے اسلحے کے زور پر لوٹ مار کی کوشش کی تو مقتول نے رقم کا بیگ دور پھینک دیا، اور ڈاکو سے الجھ گیا، جس پر ڈاکوؤں نے عبدالمالک پر فائرنگ کر دی۔

    فائرنگ کے بعد جب ایک ڈاکو نے بیگ اٹھایا تو اس میں آدھی رقم زمین پر گر گئی، جسے وہاں موجود لوگ اٹھانے لگے، اس دوران مقتول کے بیٹے نے گاڑی سے نکل کر فائرنگ کی تو ایک ڈاکو زمین پر گر پڑا۔

    موٹر سائیکل سوار ڈاکو بھاگے تو مقتول کے بیٹے نے ان کا تعاقب کیا، لیکن تعاقب کے دوران ڈاکوؤں کی فائرنگ سے مقتول کا بیٹا زخمی ہو گیا اور ڈاکو فرار ہو گئے۔

  • 2 کروڑ کی ڈکیتی، زخمی گارڈ جاں بحق ہونے کے بعد تفتیش ایس آئی یو منتقل کرنے کا فیصلہ

    2 کروڑ کی ڈکیتی، زخمی گارڈ جاں بحق ہونے کے بعد تفتیش ایس آئی یو منتقل کرنے کا فیصلہ

    کراچی: شہر قائد میں رواں سال کی سب سے بڑی ڈکیتی کے واقعے کی تفتیش اسپیشل انویسٹیگیشن یونٹ (ایس آئی یو) کو منتقل کی جا رہی ہے۔

    پولیس حکام کا کہنا ہے کہ کراچی میں چند دن قبل اسٹاک ایکسچینج کے قریب شہری سے ہونے والی 2 کروڑ روپے کی ڈکیتی کیس میں زخمی گارڈ جاں بحق ہو گیا ہے، جس کے بعد تفتیش ایس آئی یو منتقل کرنے کا فیصلہ کیا گیا ہے۔

    پولیس حکام کے مطابق اس کیس میں موجود سی سی ٹی وی فوٹیجز سمیت تمام شواہد آج ایس آئی یو کے حوالے کیے جائیں گے، تاہم کیس پر ایس آئی یو کے ساتھ ضلع پولیس بھی تفتیش جاری رکھے گی۔

    واردات کے وقت ڈکیتوں نے شناخت چھپانے کے لیے ہیلمٹ پہن رکھے تھے، جس راستے پر وہ فرار ہوئے تھے، ان روٹس کی کوئی مؤثر سی سی ٹی وی فوٹیج پولیس کو نہیں مل سکی ہے۔

    پولیس رپورٹ کے مطابق ڈکیت کراچی کے علاقے لیاری کی طرف فرار ہوئے تھے، سی سی ٹی وی کیمروں میں آخری بار وہ کتیانہ اسپتال کے قریب دیکھے گئے تھے، جب کہ روٹس پر لگے زیادہ تر کیمرے خراب یا لوڈ شیڈنگ کی وجہ سے بند تھے۔

  • مومن آباد فٹبال چورنگی کے قریب گھر میں ڈکیتی کی فوٹیج سامنے آ گئی

    مومن آباد فٹبال چورنگی کے قریب گھر میں ڈکیتی کی فوٹیج سامنے آ گئی

    کراچی: شہر قائد کے علاقے مومن آباد، فٹبال چورنگی کے قریب گھر میں ڈکیتی کی فوٹیج سامنے آ گئی۔

    تفصیلات کے مطابق کراچی میں مومن آباد فٹبال چورنگی کے قریب گھر میں ڈکیتی کی واردات کی سی سی ٹی وی فوٹیج اے آر وائی نیوز نے حاصل کر لی۔

    6 سے زائد ملزمان نے گھر میں گھس کر اہل خانہ کو یرغمال بنا کر اسلحہ کے زور پر واردات کی، فوٹیج میں ملزمان کو گھر کے اندر بنائی گئی موبائل شاپ میں لوٹ مار کرتے دیکھا جا سکتا ہے۔

    پولیس حکام کا کہنا ہے کہ گھر کے اندر سے پکوان سینٹر اور موبائل شاپ کا راستہ بھی تھا، اہل خانہ نے بتایا کہ ملزمان تقریباً ایک گھنٹے سے زائد تک گھر میں واردات کرتے رہے۔

  • ویڈیو: گلشن حدید میں چلتی سڑک پر ڈاکو کار روک کر 8 لاکھ روپے کیش لوٹ کر فرار

    ویڈیو: گلشن حدید میں چلتی سڑک پر ڈاکو کار روک کر 8 لاکھ روپے کیش لوٹ کر فرار

    کراچی: شہر قائد کے علاقے گلشن حدید میں چلتی سڑک پر ڈاکو کار روک کر 8 لاکھ روپے کیش لوٹ کر فرار ہو گئے، واردات کی سی سی ٹی وی فوٹیج اے آر وائی نیوز نے حاصل کر لی۔

    تفصیلات کے مطابق کراچی کے علاقے گلشن حدید میں دن دہاڑے مصروف سڑک پر ڈکیتی کی واردات ہوئی ہے، جس میں ڈاکوؤں نے چلتی کار کو روکا اور کار مالک سے لاکھوں روپے لوٹ کر بھاگ گئے، کراچی میں دن دہاڑے دلیری سے لوٹ مار کی وارداتوں میں اضافہ ہو گیا ہے۔

    فوٹیج میں دیکھا جا سکتا ہے کہ 3 ڈاکو چلتی سڑک پر 25 سیکنڈ میں 8 لاکھ روپے لوٹ کر فرار ہو گئے، جب کہ سڑک پر گزرنے والے واردات کو عام روٹین سمجھ کر گزرتے رہے، ڈاکوؤں نے بھی پولیس کے خوف سے بے فکر ہو کر واردات کی۔

    فوٹیج کے مطابق ڈاکو ایک موٹر سائیکل پر تیزی سے آئے اور کار کو روکا، 2 مسلح ڈاکو مصروف ترین سڑک پر اتر کر کار میں گھس گئے، اور شہری سے آٹھ لاکھ روپے کیش چھین لیے۔ واردات کے بعد ڈاکو اسی سڑک پر آگے کی جانب فرار ہو گئے۔

  • گلستان جوہر میں گھر میں 40 منٹ تک واردات کرنے والے ڈکیتوں کی سفاکی، ویڈیو سامنے آ گئی

    گلستان جوہر میں گھر میں 40 منٹ تک واردات کرنے والے ڈکیتوں کی سفاکی، ویڈیو سامنے آ گئی

    کراچی: شہر قائد کے علاقے گلستان جوہر میں ایک گھر میں 40 منٹ تک ڈکیتی کی واردات کرنے والے ڈکیتوں کی دیدہ دلیری اور سفاکی نے محکمہ پولیس کی کارکردگی پر سوال کھڑا کر دیا ہے، مسلح ڈکیتوں نے واردات کے بعد گلی میں چوکیدار کو گولی بھی ماری۔

    تفصیلات کے مطابق کراچی کے علاقے گلستان جوہر بلاک 7 میں تین روز قبل دن دہاڑے 5 ڈاکوؤں نے ایک گھر میں ڈکیتی کی واردات کی تھی، جس کی سی سی ٹی وی فوٹیجز اے آر وائی نیوز نے حاصل کر لی ہیں۔

    واردات کے بعد ڈاکوؤں نے گلی میں شہریوں کی موٹر سائیکلیں بھی چھینیں اور فرار ہونے سے قبل گلی میں موجود چوکیدار کو بھی گولی مار دی، جس سے وہ شدید زخمی ہو گئے۔

    مسلح ڈاکو ایک کے بعد ایک واردات کرتے رہے لیکن پولیس نہ پہنچی، فوٹیج میں دیکھا جا سکتا ہے کہ 5 ڈاکو گھر میں داخل ہوئے اور اہل خانہ کو یرغمال بنا لیا، اہل خانہ نے ایف آئی آر میں لکھوایا کہ 2 ڈاکو پینٹ شرٹ اور 3 شلوار قمیض میں ملبوس تھے، اور انھوں نے گھر والوں کو ایک کمرے میں بند کیا۔

    مدعی سید احمد حنین کے مطابق ڈاکوؤں نے الماریوں سے 2 لاکھ 5 ہزار نقدی، اور 4 لاکٹ چین سیٹ لوٹے، 3 چین، 16 انگوٹھیاں، 1 قیمتی گھڑی، 1 موبائل فون، مرحوم بھائی کا لائسنس یافتہ پستول بھی لوٹ لیا، مدعی نے بتایا کہ ڈاکو اطمینان سے 40 منٹ تک گھر میں واردات کرتے رہے، اور ڈکیتی کے بعد شور سن کر پیچھے آنے والے چوکیدار کو بھی ٹانگ میں گولی مار دی۔

    فوٹیج میں ڈاکوؤں نے گلی میں موجود شہری سرفراز اور شہزاد سے موٹر سائیکلیں چھینیں، اور اپنی دونوں موٹر سائیکلیں گلی میں پھینک کر فرار ہوتے دیکھا جا سکتا ہے۔ پولیس نے تھانہ گلستان جوہر میں مقدمہ درج کرنے کے بعد کیس تفتیشی پولیس کے حوالے کر دیا ہے۔

     

  • لٹیرے نے واردات کے دوران نوجوان کو تھپڑ مار دیا، ویڈیو

    لٹیرے نے واردات کے دوران نوجوان کو تھپڑ مار دیا، ویڈیو

    کراچی: شہر قائد مکمل طور پر لٹیروں کے رحم و کرم پر آ گیا، واردتیں کرتے ہوئے لٹیرے اب تھپڑ ما کر شہریوں کی مزید تذلیل بھی کرنے لگے ہیں۔

    تفصیلات کے مطابق کراچی کے علاقے عزیز آباد بلاک 8 میں واقع ایک پکوان سینٹر میں ڈکیتی کی واردات کی سی سی ٹی وی فوٹیج سامنے آئی ہے، جس میں لٹیرے کو ایک نوجوان کو تھپڑ مارتے دیکھا جا سکتا ہے۔

    فوٹیج کے مطابق ایک موٹر سائیکل پر سوار 2 لٹیرے پکوان سینٹر کے باہر پہنچے، ایک ڈاکو نے کاؤنٹر کے پاس کھڑے نوجوان کو زوردار تھپڑ رسید کر دیا، جب کہ دوسرے نے بریانی کے انتظار میں بیٹھے ایک اور کسٹمر کو لوٹا۔

    جس نوجوان کو پہلے تھپڑ مارا گیا تھا، اس کا موبائل فون بھی چھین لیا گیا، لٹیروں کی جانب سے پکوان سینٹر کے ملازمین کو لوٹنے کی کوشش نہیں کی گئی، واردات کے دوران ایک لٹیرا مسلسل اپنے ہاتھ میں پستول تھامے کھڑا رہا۔

    واردات کرنے والے دونوں لٹیرے شلوار قمیص میں ملبوس تھے، پولیس نے سی سی ٹی وی فوٹیج کی مدد سے لٹیروں کی تلاش شروع کر دی۔

  • کراچی: مسلح ملزمان کی گھر میں ڈکیتی، 56 لاکھ روپے کیش لوٹ کر فرار

    کراچی: مسلح ملزمان کی گھر میں ڈکیتی، 56 لاکھ روپے کیش لوٹ کر فرار

    کراچی: شہر قائد کے علاقے ڈیفنس میں مسلح ڈاکوؤں نے ایک گھر میں ڈکیتی کر کے 56 لاکھ روپے لوٹ لیے۔

    تفصیلات کے مطابق کراچی کے علاقے ڈیفنس فیز فائیو خیابان مومن کے قریب ڈکیتی کی واردات میں مسلح ملزمان چھپن لاکھ روپے اور موبائل فون لوٹ کر فرار ہو گئے۔

    ڈکیتی کی واردات گزری تھانے کی حدود میں ہوئی، 5 ملزمان دیوار پر لگی خاردار تار کاٹ کر گھر میں داخل ہوئے، اور اہل خانہ کو یرغمال بنا کر لوٹ مار کی۔

    ملزمان گھر میں تقریباً آدھے گھنٹے تک موجود رہے، گھر میں یا اس کے سامنے کسی جگہ سی سی ٹی وی کیمرے موجود نہیں تھے، کرائم سین یونٹ نے موقع واردات سے شواہد اکٹھے کر لیے۔