کراچی: اسٹاک مارکیٹ میں نئےکاروباری ہفتےکا آغاز بھی تیزی کےرجحان سے ہوا، میوچل فنڈز نےبڑے پیمانے پرحصص خریدے۔
پیرکوکراچی اسٹاک مارکیٹ میں تیزی کا رجحان برقرار رہا اور مارکیٹ تین سو اڑتیس پوائنٹس بڑھکر اکتیس ہزار سات سو پچاس پوائنٹس کی سطح پر پہنچ گئی۔
تاہم جمعےکی طرح غیرملکی سرمایہ کاروں کی جانب سےشئیرزکی فروخت کا سلسلہ پیرکو بھی جاری رہا جنھوں نےسینتیس لاکھ ڈالرکے شئیرز بیچ دیئے۔جبکہ میوچل فنڈز نےچھیتر لاکھ ڈالرکےحصص خرید لئے، جس سےمارکیٹ میں تیزی برقرار رہی۔
کراچی : اسٹاک مارکیٹ میں تیزی کی لہرتاحال برقرار ہے اور ٹریڈنگ کے دوران ہنڈریڈ انڈیکس میں چھ سو سے زائد پوائنٹس کی تیزی ریکارڈ کی گئی۔
تفصیلات کے مطابق ہفتے کے آغاز پر شدید مندی کے بعد سے گزشتہ دو روز سے کراچی اسٹاک مارکیٹ میں تیزی دیکھی جارہی ہے۔ گزشتہ روز بھی اسٹاک مارکیٹ میں تیرہ سو پوائنٹس کی تیزی ریکارڈ کی گئی۔
آج بھی ٹریڈنگ کے دوران ہنڈریڈ انڈیکس میں چھ سو سے زائد پوائنٹس کی تیزی دیکھی گئی۔ اسٹاک مارکیٹ تجزیہ کاروں کے مطابق بیرونی سرمایہ کاروں کی جانب سے سرمایہ کاری کے باعث اسٹاک مارکیٹ میں تیزی دیکھی جارہی ہے۔
کراچی: ٹریڈنگ کے دروان کراچی اسٹاک مارکیٹ تاریخ کی بلند ترین سطح پر پر پہنچ گئی۔ ٹریڈنگ کے دوران انڈیکس نے تیس ہزار چھ سو پوائنٹس کی سطح کراس کرلی ۔
او جی ڈی سی ایل کی نجکاری اور آئی ایم ایف سے مذاکرات میں مثبت پیش رفت کے باعث کراچی اسٹاک مارکیٹ میں سرمایہ کاروں کی جانب سے دلچسپی دیکھی گئی۔
ٹریڈنگ کے دوران ایک موقع پر انڈیکس ڈھائی سو سے زائد پوائنٹس اضافے کے بعد تیس ہزار چھ سو پوائنٹس کی سطح کراس کرگیا۔
اسٹاک امارکیٹ تجزیہ کاروں کے مطابق ملک میں جاری سیاسی اتار چڑھاؤ میں کمی سے غیر ملکی سرمایہ کار بھی اسٹاک مارکیٹ میں کافی سرگرم نظر آرہے ہیں۔
سیاسی بحران کےحل ہونےکے حوالےسے پیشرفت کی خبر پرکراچی اسٹاک مارکیٹ گرکر سنبھل گئی۔کولیشن سپورٹ فنڈکےڈالرز ملنےسےروپےکا زوال بھی رک گیا۔ جمعرات کو بازار حصص کراچی میں کاروبارکا آغاز مسلسل چوتھےروز بھی مندی سےہوا اور دوران ٹریڈنگ مارکیٹ کو 450 پوائنٹس تک نیچےجاتے ہوئےبھی دیکھاگیا۔
تاہم سیاسی حلقوں کی جانب سےبحران حل ہونےکے حوالےسےمثبت خبریں آنےپرمارکیٹ بندہونےسےقبل سرمایہ کاروں نے شئیرز واپس خریدنا شروع کردیئےجس سےمندی کے اثرات زائل ہوگئے۔ کاروبارکےاختتام پر 450 پوائنٹس کی مندی صرف 37 پوائنٹس تک محدودہوگئی اورہنڈری انڈیکس 27774 پوائنٹس پر بند ہوا۔
اسی طرح کرنسی مارکیٹس میں بھی کاروبارکے آغاز پر روپےکی قدر دبائو کاشکار نظر آئی۔تاہم امریکہ سےکولیشن سپورٹ فنڈ کے تحت 37کروڑ ڈالر ملنےکی خبر آنےکےبعد روپےکی قدر میں بہتری آئی اور انٹربینک میں امریکی ڈالر کی قیمت صرف بارہ پیسےبڑھکر ایک سو دو روپے30پیسےپر بند ہوئی جو دوران ٹریڈنگ 103روپےکےقریب جاپہنچی تھی۔
واضح رہے کہ بدھ کو بازار حصص کراچی میں مسلسل تیسرے روز بھی مندی کا رجحان دیکھا گیاتھا۔مثبت آغاز اور چند لمحات کی تیزی کےبعد فوراً ہی مارکیٹ مندی کا شکار ہوگئی تھی اور پھرتمام دن منفی زون میں رہی۔ایک موقع پر مارکیٹ میں ساڑھے چھے سو پوائنٹس کی گراوٹ بھی دیکھی گئی اور انڈیکس میں اٹھائیس ہزار پوائنٹس کی اہم حد برقرار نہ رہ سکی۔
بدھ کو شئیرمارکیٹ 432 پوائنٹس کی حتمی کمی کا شکار ہوکر ستائیس ہزار آٹھ سو گیارہ پوائنٹس پر بند ہوئی تھی۔ادھر مرکزی بینک کے نوٹس لینےکےبعد دوسرے روز بھی کرنسی مارکیٹس میں صورتحال سنبھلی رہی۔انٹربینک مارکیٹ میں ڈالر کی قیمت پندرہ پیسےکم ہوکر 102 روپے18 پیسے پر بند ہوئی جبکہ اُوپن کرنسی مارکیٹ میں ڈالر 102 روپےسےنیچےآگیا۔
کراچی: سیاسی حدت کم کرنےکیلئے سیاسی رابطوں میں تیزی آنے سےحصص بازار میں بھی تیزی کا رجحان واپس لوٹ آیا، لڑکھڑاتی کراچی اسٹاک مارکیٹ سنبھل گئی۔
مسلسل دبائو کا شکار اور گرتی کراچی اسٹاک مارکیٹ جمعرات کو سنبھل گئی، مارکیٹ میں اُنتیس ہزار پانچ سو پوائنٹس کی نفسیاتی حد بحال ہونے پر سرمایہ کاروں نے سکھ کا سانس لیا،تجزیہ کاروں مزمل اسلم اور خرم شہزاد کے مطابق ملک کو کسی بھی بحران سے بچانے کیلئے سیاستدانوں کےمابین ہونےوالےرابطوں کا بازار حصص میں خیرمقدم کیاگیا،اُتار چڑھائو کےبعد بالاآخر کاروبار کےاختتام پر مارکیٹ کےبینچ مارک ہنڈریڈ انڈیکس میں ایک سو چوون پوائنٹس کا خاطرخواہ اضافہ ہوا اور مارکیٹ اُنتیس ہزار پانچ سو سینتیس پوائنٹس پر بند ہوئی۔
کراچی: کراچی اسٹاک مارکیٹ سےسرمایہ کار غائب، مندی کی ایک اوربڑی لہررونما،مارکیٹ مزید تین سوپوائنٹس گرگئی۔
بدھ کو کراچی اسٹاک مارکیٹ پھر مندی کی لپیٹ میں آگئی۔۔پیرکو چھے سو چھیاسٹھ پوائنٹس کی بدترین مندی کےبعد منگل کو مارکیٹ میں صورتحال میں بہتری دیکھی گئی تھی تاہم بدھ کو مارکیٹ میں مندی کی ایک اور بڑی لہر رونما ہوئی، تجزیہ کاروں کےمطابق میوچل فنڈز اور انفرادی سرمایہ کاروں کی جانب سےسیاسی صورتحال کو دیکھتےہوئےبڑےپیمانے پرحصص کی آف لوڈنگ کی جارہی ہےجس کےباعث حصص بازار سنبھل نہیں پارہی، جبکہ فارن فنڈزکی مسلسل خریداری کےمثبت اثرات بھی اس وجہ سےزائل ہورہےہں، بدھ کوکاروبار کےاختتام پرمحدود کاروباری حجم کےساتھ مارکیٹ کابینچ مارک ہنڈریڈ انڈیکس دو سو ترانوے پوائنٹس گرکر 29383 پوائنٹس پر بند ہوا۔
کراچی: کراچی اسٹاک مارکیٹ میں نئے ہفتے کے آغاز پر نیا ریکارڈ قائم ہوا، مارکیٹ تیس ہزارچارسو پوائنٹس کی ریکارڈ سطح بھی عبورکرگئی۔
اسٹیٹ بینک کی جانب سے شرح سود میں کمی نہ کرنے کا فیصلہ بھی کراچی اسٹاک مارکیٹ پر اثرانداز نہ ہوسکا اور نئے ہفتےکے آغاز پربھی مارکیٹ میں تیزی کارحجان برقراررہا، مارکیٹ پلئیرز کےمطابق نجکاری کمیشن سے اُو جی ڈی سی ایل کے دس فیصد شئیرزغیرملکی سرمایہ کاروں کوفروخت کرنےکے اسٹرکچرکی منظوری مارکیٹ میں تیزی کی وجہ بنی، بلوچپ کمپنی اُوجی ڈی سی ایل کےحصص کی قیمت 5 روپےبڑھ گئی، تمام دن تیزی کے رجحان میں ایک موقع پرمارکیٹ میں 268 پوائنٹس کا اضافہ بھی دیکھاگیا، اس کےعلاوہ سیمنٹ اوربینکوں کےشئیرزمیں بھی نمایاں خریداری دیکھی گئی، ہنڈریڈ انڈیکس 188 پوائنٹس اضافےکےساتھ تیس ہزار413 پوائنٹس کی نئی بلند ترین سطح پربند ہوا۔
کراچی اسٹاک مارکیٹ نے بلندترین سطح کا سابقہ ریکارڈ توڑ کر نئی تاریخ رقم کردی۔۔مارکیٹ ملکی تاریخ میں پہلی بار تیس ہزار پوائنٹس کا سنگ میل عبور کرگئی۔
کراچی اسٹاک مارکیٹ نے جمعرات کے روز چار سو پوائنٹس کی نمایاں تیزی کےساتھ بلندترین سطح پر پہنچنےکاسابقہ ریکارڈ توڑ کرنئی تاریخ رقم کی اور مارکیٹ تاریخ میں پہلی بار تیس ہزار پوائنٹس کا سنگ میل عبور کرگئی ،آئل اینڈ گیس،،بینکنگ اور سیمنٹ کمپنیوں کے شئیرز کی خریداری میں سرمایہ کار سرگرم نظر آئے، تجزیہ کاروں کےمطابق عالمیریٹنگ ایجنسی موڈیزکاپاکستانی معیشت اور بینکس کی ریٹنگ میں اضافہ مارکیٹ میں تیزی کی وجہ بنا۔جمعرات کوکاروباری حجم سو فیصد اضافےسےسواگیارہ ارب روپےمالیت کےبیس کروڑ باسٹھ لاکھ شئیرزکے سودوں تک جاپہنچا۔ہنڈریڈ انڈیکس401پوائنٹس کےاضافے سے تیس ہزار 177 پوائنٹس کی ریکارڈ سطح پر بند ہوا۔
کراچی : کراچی اسٹاک مارکیٹ میں ایک ماہ بعد رونما ہونے والی تیزی کی بڑی لہرسے انڈیکس بیک وقت چار نفسیاتی حدیں عبور کرگیا۔
پیر کوکراچی اسٹاک مارکیٹ میں نئےکاروباری ہفتےکا آغاز کافی مثبت اندازمیں ہوا، بڑےعرصےبعد ٹریڈنگ کےدوران مارکیٹ میں چار سو پوائنٹس کا نمایاں اضافہ ہوتےدیکھا گیا، تجزیہ کاروں کے مطابق وزیرخزانہ اسحاق ڈارکی جانب سےاسٹاک مارکیٹ پرٹیکس میں اضافے پر نظرثانی کی اطلاعات اور موڈیز کی جانب سے پاکستانی معیشت کا آؤٹ لک منفی سےمستحکم کرنامارکیٹ میں تیزی کی وجہ بنے، پیر کو مارکیٹ کے کاروباری حجم میں بھی بہتری دیکھی گئی، کاروبارکےاختتام پرمارکیٹ کابینچ مارک ہنڈریڈ انڈیکس تین سو ستاسی پوائنٹس کے اضافے سے29705 پوائنٹس پربند ہوا۔
