Tag: Karachi targeted operation

کراچی : جرائم کے خاتمے کیلئے رات گئے ٹارگٹڈ کارروائیاں کی گئی ، جس میں دو گینگ وار کارندوں سمیت نو ملزمان دھرلیے گئے جبکہ فائرنگ کے تبادلے میں ڈاکو مارا گیا اور دو ملزمان زخمی بھی ہوئے، ٹارگٹڈ کاروائیاں پرانا گولیمار،لیاری، نارتھ ناظم آباد، مومن آباد، ڈیفنس اور محمود آباد میں کی گئیں۔

کراچی میں جرائم کے خاتمے کیلئے قانون نافذ کرنے والے ادارے متحرک ہوگئے، رات گئے شہر کے مختلف علاقوں میں قانون نافذ کرنیوالے ادارے کے اہلکاروں نے پرانا گولیمار میں چھاپہ مار کر گینگ وار کے کارندہ کو گرفتارکرلیا، ملزم کی نشاندہی پر زیر زمین دفن کلاشنکوف اور دو پستول برآمد کرلیے گئے.۔

لیاری کے علاقے سنگولین سے بھی گینگ وار کارندے ارسلان عرف مواچھ گوٹھ کو تین ساتھیوں سمیت حراست میں لے لیا گیا، ملزمان کے قبضے سے اسلحہ اور منشیات برآمد کرلی گئیں۔

دوسری جانب نارتھ ناظم آباد کے قریب پولیس مقابلے میں ڈاکو مارا گیا جبکہ اس کا ایک ساتھی زخمی حالت میں گرفتار کرلیا گیا، پولیس کےمطابق ملزمان کا تیسرا ساتھی فرار ہونے میں کامیاب ہوگیا، اورنگی ٹاؤن کے علاقے مومن آباد میں پولیس نے مقابلے کے بعد اسٹریٹ کرائم میں ملوث ملزم کو زخمی حالت میں گرفتار کرکے اسلحہ اور مسروقہ سامان برآمد کرلیا۔

پولیس نے ڈیفنس ،محمودآباد اور ناظم آباد سے بھی لوٹ مارمیں ملوث تین ملزمان حراست میں لے لیا، پاک کالونی میں ڈکیتی کے دوران مزاحمت پر فائرنگ سے ڈاکٹر پریتم داس زخمی ہوگئے، جنہیں تشویشناک حالت میں اسپتال منتقل کردیا گیا۔

کراچی : مختلف علاقوں میں پولیس نے کارروائیاں کرکےتین ٹارگٹ کلر سمیت چھ ملزمان کو گرفتار کرلیا۔

کراچی میں امن کیلئے پولیس کی ٹارگٹڈ کارروائیاں جاری ہے، کرائم برانچ پولیس نے مختلف علاقوں سے تین ملزمان کو گرفتار کرلیا، ایس ایس پی اکرم ابڑو کے مطابق ریحان،عارف اور دانش قتل اور بھتہ خوری سمیت پولیس موبائل پر دستی بم حملوں میں بھی ملوث ہیں۔

گرفتار ملزمان کے خلاف تھانہ اتحاد ٹاون میں مقدمہ درج کرلیا گیا۔

دوسری جانب گارڈن پولیس نے کارروائی کرکے تین ملزمان شاکر،کامران اور وقار کو گرفتار کرلیا، اے ایس پی شہلا قریشی کے مطابق گرفتار ملزمان دوہزارنو میں محرم الحرام میں بم دھماکے کے دوران مارکیٹ نظر آتش کرنے میں ملوث تھے۔