ARYNews.tv | Urdu – Har Lamha Bakhabar

Tag: Karachi Test

  • دوسرا ٹیسٹ، نیوزی لینڈ‌ نے پاکستان کیخلاف 6 کٹوں‌ کے نقصان پر 309 رنز بنالیے

    کراچی: پاک نیوزی لینڈ دوسرے ٹیسٹ کے پہلے روز کھیل کے اختتام پر مہمان ٹیم نے 6 وکٹوں کے نقصان پر 309 رنز بنالیے ہیں۔

    کراچی میں کھیلے جارہے دوسرے ٹیسٹ میچ کے پہلے روز نیوزی لینڈ نے ڈیوون کونوے کی شاندار سنچری کی بدولت 6 وکٹوں کے نقصان 309 رنز بنالیے، ٹام بلنڈل 30، ایش سوڈھی 11 رنز کے ساتھ کریز پر موجود ہیں۔

    ڈیوون کونوے نے شاندار 122 رنز کی اننگز کھیلی۔ اوپنر ٹام لیتھم نے 71 رنز کی عمدہ اننگز کھلی، کین ولیمسن 36، ہینری نکلولز 26 جبکہ ڈٰیرل مچل تین رنز بناسکے۔

    قومی ٹیم کی جانب سے آغا سلمان نے شاندار بولنگ کرتے ہوئے تین کھلاڑیوں کو پویلین کی راہ دکھائی، نسیم شاہ نے دو جبکہ ابرار احمد ایک وکٹ حاصل کرسکے۔

    کیوی ٹیم کی تیسرے اور آخری سیشن میں 5 وکٹیں گریں جبکہ قومی ٹیم نے سنچری میکر ڈیوون کونوے کو دو چانس ملے۔

  • ‘میرے کھلاڑیوں کو ‘میچ فکسنگ’ پر بھاری رقوم کا لالچ دیا جارہا ہے’

    ‘میرے کھلاڑیوں کو ‘میچ فکسنگ’ پر بھاری رقوم کا لالچ دیا جارہا ہے’

    اسلام آباد: کراچی ٹیسٹ میں قومی ٹیم کے کپتان بابر اعظم کی دلیرانہ اننگز پر وزیراعظم نے مبارک باد دیتے ہوئے سیاسی صورت حال پر ‘دل کی بات’ کہہ ڈالی۔

    تفصیلات کے مطابق سماجی رابطے کی ویب سائٹ ٹوئٹر پر جاری بیان میں وزیراعظم نے قومی ٹیم کے کپتان بابراعظم کو بہترین کھیل پیش کرنے پر مبارکباد دیتے ہوئے کہا کہ رضوان اور عبداللہ شفیق نے اچھی کارکردگی دکھائی۔

    اپنے ٹوئٹ میں وزیراعظم نے کہا کہ بہترین فائٹ بیک پر بابر اعظم کو مبارکباد دیتا ہوں ساتھ ہی قومی ٹیم کو بھی مبارکبادکی مستحق ہے جس نےشاندار کھیل پیش کیا۔

    وزیراعظم عمران خان نے اپنی ٹوئٹ میں کہا کہ بدقسمتی سے یہ ٹیسٹ میچ نہیں دیکھ سکا کیونکہ میچ فکسنگ کیخلاف دوسرے محاذ پرجنگ لڑرہا ہوں، میرےکھلاڑیوں کولالچ دینےکےلیےبھاری رقم استعمال کی جا رہی ہے۔

    واضح رہے کہ گذشتہ روز اپوزیشن کی جانب سے حکومتی ارکان کو سندھ ہاؤس میں چھپا کر رکھنے کا انکشاف ہوا تھا۔

    گذشتہ روز جب وزیر اعظم نے سوات جلسے میں سندھ ہاؤس میں ضمیر فروشی کا ذکر کیا تو ان کا اشارہ بھی اسی طرف تھا۔

    اپوزیشن نے جن ارکان کو چھپایا ، حکومت کو ان کے نام پتا چل گئے ہیں، مذکورہ ارکان میں 3 خواتین ایم این ایز بھی شامل ہیں، پیپلز پارٹی نے اسی سبب سے سندھ ہاؤس میں سندھ پولیس کی اضافی نفری بھی تعینات کر رکھی ہے۔

    دوسری جانب حکومت نے ارکان کی رضا کارانہ واپسی کے لیے اپوزیشن سے بیک ڈور رابطے بھی کیے ہیں، ذرائع نے بتایا کہ حکومت نے اپوزیشن کو پیغام دیا کہ ان کے ارکان رضا کارانہ طور پر واپس کیے جائیں، اگر ارکان واپس نہ کیے گئے تو دن دہاڑے بازیاب کرائیں گے۔

  • تاریخی اننگز: بابراعظم کے ہاتھوں کئی ریکارڈ پاش پاش

    تاریخی اننگز: بابراعظم کے ہاتھوں کئی ریکارڈ پاش پاش

    قومی ٹیم کے کپتان اور کراچی ٹیسٹ کے مرد آہن بابراعظم نے تاریخی اننگز کھیلتے ہوئے متعدد ریکارڈ اپنے نام کرلئے ہیں۔

    تفصیلات کے مطابق قومی کرکٹ ٹیم کراچی ٹیسٹ میں تاریخ رقم کرنے کے قریب ہیں، پاکستان کو تاریخی ٹیسٹ میچ جیتنے کے لئے 15 اوورز میں 124 رنز درکار ہیں جبکہ اس کی 6 وکٹیں باقی ہیں۔

    کراچی ٹیسٹ میں قومی ٹیم کو عبرتناک شکست سے بچانے میں اہم کردار ماسٹر کلاس بلے باز بابراعظم نے ادا کیا، جنہوں نے کئی ریکارڈ پاش پاش کردئیے۔

    چوتھی اننگز میں ہائی اسکور کے ساتھ ناٹ آؤٹ رہنے کا ریکارڈ

    پاکستان کرکٹ ٹیم کے کپتان بابر اعظم نے کسی بھی ملک کے خلاف چوتھی اننگز میں سب سے زیادہ رنز بنانے کا ریکارڈ اپنے نام کرلیا ہے، کپتان 191 رنز ناٹ آؤٹ کے ساتھ کریز پر موجود ہیں اور ابھی میچ ختم ہونے میں 15 اوورز باقی ہیں۔

    اس سے قبل یہ ریکارڈ سابق مڈل آرڈ بیٹر یونس خان کو حاصل تھا جو انہوں نے سری لنکا کے خلاف ریکارڈ 377 رنز کے ہدف کے کامیاب تعاقب میں بنائے تھے۔

    چوتھی اننگز میں سب سے بڑی اننگز کھیلنے والے کپتان

    بابر اعظم ٹیسٹ میچ کی چوتھی اننگز میں 500 منٹ بیٹنگ کرنے والے پہلے پاکستانی بن گئے ہیں، کپتان بابر اعظم سے پہلے چوتھی اننگز میں پاکستان کی جانب سے طویل بیٹنگ کا اعزاز شعیب ملک کے پاس تھا، شعیب ملک نے 2006 میں سری لنکا کیخلاف 488 منٹ بیٹنگ کی تھی۔

    چوتھی اننگز میں پچاس اوورز سے زائد کھیلنے والا کھلاڑی

    بابراعظم نے ایک اور تاریخی ریکارڈ اپنے نام کیا، جہاں وہ ٹیسٹ کرکٹ کی چوتھی اننگز میں 400 سے زائد گیندوں کا سامنا کرنے والا واحد پاکستانی بلے باز بن گئے، اس کے ساتھ ہی وہ مائیکل ایتھرٹن، سنیل گواسکر اور ہربرٹ سٹکلف کے ہم پلہ ہوگئے۔

     

  • کراچی ٹیسٹ: کون ہوگا فاتح؟ فیصلہ آج ہوگا

    کراچی ٹیسٹ: کون ہوگا فاتح؟ فیصلہ آج ہوگا

    بابراعظم اور عبداللہ شفیق کی ذمے دارانہ اننگز کے باعث کراچی ٹیسٹ دلچسپ مرحلے میں داخل ہوگیا ہے، کینگروز کو فتح کے لئے 8 وکٹ جبکہ قومی ٹیم کو 314 رنز درکار ہیں۔

    تفصیلات کے مطابق کراچی ٹیسٹ کے آخری روز پاکستان 192 رنز سے اپنی دوسری نامکمل اننگز شروع کرے گا، کپتان بابر اعظم 102 اور اوپنر عبداللہ شفیق 71 رنز کے ساتھ کریز پر موجود ہیں۔

    دونوں بیٹرز کے درمیان 171 رنز کی عمدہ شراکت داری قومی ٹیم کو میچ میں واپس لے آئی ہے، پہلی اننگز میں 53اوورز میں قومی ٹیم کو ٹھکانے لگانے والے کینگروز 59 اوور سے وکٹ لینے سے محروم ہیں۔

    آج پاک آسٹریلیا کے درمیان کھیلے جارہے تاریخی ٹیسٹ سیریز میں تاریخ رقم ہوسکتی ہے، اگر قومی ٹیم مزید 314 رنز بنانے میں کامیاب ہوگئی تو یہ کرکٹ کی تاریخ کا سب سے بڑا ہدف حاصل کرنے کا ریکارڈ ہوگا تاہم آسٹریلیا کامیاب ہوا تو پاکستان کو کراچی میں پہلی ٹیسٹ شکست ہوگی۔

    یاد رہے کہ کپتان بابراعظم نے دو سال کے طویل عرصے کے بعد ٹیسٹ کرکٹ میں سینچری اسکور کی، بابراعظم نے7 فروری 2020 کو راولپنڈی کرکٹ اسٹیڈیم میں میں بنگلادیش کے خلاف 143 رنز کی اننگز کھیلی تھی۔

    یہ بھی پڑھیں: بابراعظم نے کل کا پلان بتا دیا

    قومی ٹیم کے کپتان کی مجموعی طور پر یہ چھٹی ٹیسٹ سینچری جبکہ آسٹریلیا کے خلاف دوسری تھی۔

    چوتھے دن کھیل کے اختتام پر سنچری میکر بابراعظم کا کہنا تھا کہ ابھی میچ ختم نہیں ہوا پانچویں روز کا یہی پلان ہے کہ اس پارٹنرشپ کو آگے لے کر چلیں جو مومنٹم بنا ہوا ہے اسے برقرار رکھیں۔

    انہوں نے کہا کہ ٹیم کو ایک اچھی شراکت داری کی ضرورت تھی جو لگی ہوئی ہے کوشش کریں گے آج والی کارکردگی کو کل بھی برقرار رکھیں۔

  • کراچی ٹیسٹ میں آسٹریلیا کی گرفت مضبوط

    کراچی ٹیسٹ میں آسٹریلیا کی گرفت مضبوط

    کراچی ٹیسٹ میں پاکستان کے خلاف آسٹریلیا کی گرفت مضبوط ہوگئی، آسٹریلیا نے قومی ٹیم کے خلاف 489 رنز کی برتری حاصل کرلی۔

    کراچی ٹیسٹ کے تیسرے روز کھیل کے اختتام پر آسٹریلیا نے اپنی دوسری اننگز میں ایک وکٹ کے نقصان پر 81 رنز بنالیے، عثمان خواجہ 35 اور مارنوس لبوشین 37 رنز کے ساتھ کریز پر موجود ہیں، آسٹریلیا کی مجموعی برتری 489 رنز ہوگئی ہے۔

    ڈیوڈ وارنر 7 رنز بنا کر آؤٹ ہوئے، پاکستان کی جانب سے واحد وکٹ حسن علی حاصل کرسکے۔

    اس سے قبل آسٹریلوی بولرز نے پاکستانی بیٹنگ لائن اپ کو تہس نہس کرڈالا، 556 رنز کے جواب میں قومی ٹیم اپنی پہلی اننگز میں محض 148  رنز پر آؤٹ ہوکر فالوآن کا شکار ہوگئی تھی۔

    آسٹریلوی بولرز کے سامنے قومی ٹیم کا مڈل آرڈر بُری طرح ناکام ہوا اور کوئی بھی بیٹر ڈبل فیگر میں داخل نہ ہوسکا، کپتان بابراعظم 36 رنز بناکر نمایاں رہے۔

    راولپنڈی ٹیسٹ کے سینچری میکر عبداللہ شفیق 13 رنز پر رن آؤٹ ہوئے، امام الحق کی انفرادی اننگز 20 رنز تک محدود رہی،اظہر  علی 14 رنز پر ہمت ہار بیٹھے، فواد عالم کھاتہ کھولے بغیر پویلین لوٹے، محمد رضوان 13 رنز سے آگے اپنی اننگز نہ بڑھاسکے جبکہ آل راؤنڈر فہیم اشرف 4 رنز بناکر آؤٹ ہوئے۔

    ساجد خان 5، حسن علی 0 اور شاہین شاہ آفریدی 19 رنز بناسکے۔

    آسٹریلیا کی جانب سے مچل اسٹارک نے 3 کھلاڑیوں کو آؤٹ کیا، ڈبییو کرنے والے سیمپئسن 2 وکٹیں لے اڑیں جبکہ پیٹ کمنز، لیتھن لیون ،کیمرون گرین کےحصے میں ایک ایک وکٹ آئی۔

    اس سے قبل آسٹریلیا نے اپنی پہلی اننگز556 رنز 9 وکٹوں کے نقصان پر ڈیکلیئر کرنے کا اعلان کیا تھا۔

    واضح رہے کہ پاکستان اور آسٹریلیا کے درمیان راولپنڈی میں کھیلا گیا پہلا ٹیسٹ ہار جیت کے بغیر ختم ہوگیا تھا، دونوں ٹیموں کے درمیان تیسرا اور آخری ٹیسٹ 21 مارچ سے لاہور کےقذافی اسٹیڈیم میں کھیلا جائے گا۔

  • کراچی ٹیسٹ: آسٹریلیا نے اننگز ڈکلیئر کردی

    کراچی ٹیسٹ: آسٹریلیا نے اننگز ڈکلیئر کردی

    کینگروز ٹیم نے کراچی ٹیسٹ میں 556 رنز کا پہاڑ کھڑا کرنے کے بعد اپنی پہلی اننگز ڈکلیئر کردی ہے۔

    آج کراچی کے نیشنل اسٹیڈیم میں ٹیسٹ کے تیسرے روز کا آغاز ہوا تو 505 رنز پر آسٹریلیا کی نویں وکٹ گرگئی، مچل اسٹارک اپنے گذشتہ روز کے اسکور میں بغیر کوئی اضافہ کئے پویلین لوٹ گئے۔

    بعد ازاں کراچی ٹیسٹ میں ڈیبیو کرنے والے مچل سوئپسن نے کپتان پیٹ کمنز کے ساتھ مل کر ٹیم کے اسکور کو آگے بڑھایا، ٹیل اینڈر نے پاکستانی بولنگ اٹیک پر کرارا حملے کئے اور تیز رفتاری سے اسکور کرنے لگے۔

    کپتان پیٹ کمنز نے 34 رنز کی تیز اننگز کھیلی جس میں 3 بلند و بالا چھکے بھی شامل تھے، بعد ازاں 555 رنز پر کینگروز قائد نے اپنی پہلی اننگز ڈیکلیئر کرنے کا اعلان کیا۔

    یہ بھی پڑھیں: رضوان اور اسمتھ کی دلچسپ ویڈیو وائرل

    پہلی اننگز میں آسٹریلیا کی جانب سے عثمان خواجہ نے 160 رنز کی شاندار اننگز کھیلی جب کہ ایلکس کیری نمایاں رہے مگر7رنزکی کمی سے سنچری نہ بناسکے وہ93 بنا کر بابر اعظم کی گیند پر بولڈہوئے۔

    پاکستان کی جانب سے فہیم اشرف اور ساجد خان نے 2، 2 وکٹ حاصل کیے جبکہ شاہین آفریدی ، نعمان علی،حسن علی اور کپتان بابر اعظم نے 1،1 وکٹ حاصل کی۔

     

  • ایسی کوئی بات نہیں کہ ہم آسٹریلیا سےڈر رہے ہیں، بابراعظم

    ایسی کوئی بات نہیں کہ ہم آسٹریلیا سےڈر رہے ہیں، بابراعظم

    کراچی: قومی ٹیم کے کپتان بابراعظم کا کہنا ہے کہ ایسی کوئی بات نہیں کہ ہم آسٹریلیا سےڈر رہے ہیں۔

    تفصیلات کے مطابق کراچی میں ورچوئل کانفرنس قومی ٹیم کے کپتان بابراعظم نے کہا کہ کراچی کی وکٹ اسپنرز کو مدد کرے گی، دو اہم کھلاڑیوں کی واپسی ہوئی ہے ممکن ہے کہ وہ پلیئنگ الیون میں شامل ہوں۔

    بابراعظم نے کہا کہ آسٹریلیا کے جس اسپنر کا ڈیبیو ہو رہا ہے اس کو دیکھا نہیں، اس کی ویڈیو دیکھ کر تیاری کریں گے، پنڈی ٹیسٹ میں انفرادی اور بحیثیت ٹیم کی کارکردگی اچھی رہی، کوشش کریں گے تسلسل کو برقرار رکھیں۔

    قومی ٹیم کے قائد کا کہنا تھا کہ کراچی کا موسم گرم اور کنڈیشنز مختلف ہے پچھلے ٹیسٹ میچ میں ہمارے فارمنس اچھی رہی، بولرز نے دس وکٹیں حاصل کیں اور بیٹرز نے اپنا کردار نبھایا کوشش یہی ہے کہ کراچی ٹیسٹ میچ جیتیں کیونکہ ٹیسٹ چیمپیئن شپ کے پوائنٹس بہت اہمیت رکھتے ہیں۔

    بابر اعظم نے کہا کہ کنڈیشنز دونوں ٹیموں کیلئے اہم ہیں، پنڈی کی نسبت کراچی میں گرمی زیادہ ہے، یہ تاثر غلط ہے ہم آسٹریلیا سے ڈر رہے ہیں، یہ تاثر بھی غلط ہے کہ پاکستانی بلے باز سست کھیلے، یہ کسی نے نہیں دیکھا کہ پنڈی میں امام الحق کم بیک اور عبداللّٰہ شفیق کیرئیر کا چوتھا ٹیسٹ کھیل رہے تھے۔

    واضح رہے کہ بینو قادر ٹرافی سیریز کا دوسرا ٹیسٹ میچ کل سے کراچی کے نیشنل اسٹیڈیم میں شروع ہورہا ہے، راولپنڈی میں کھیلا جانے والا پہلا ٹیسٹ ڈرا ہوگیا تھا۔

  • کراچی ٹیسٹ، آسٹریلوی ٹیم میں اہم ہتھیار شامل

    کراچی ٹیسٹ، آسٹریلوی ٹیم میں اہم ہتھیار شامل

    کراچی ٹیسٹ کے لیے آسٹریلیا کے گیارہ رکنی اسکواڈ کا اعلان کردیا گیا ہے، فاسٹ بولر ہیزل ووڈ کراچی ٹیسٹ بینچ پر بیٹھ کر دیکھیں گے۔

    کراچی میں پری میچ پریس کانفرنس کرتے ہوئے آسٹریلوی کپتان پیٹ کمنز نے بتایا کہ کراچی کی پچ کو مدنظر رکھتے ہوئے ٹیم میں ایک تبدیلی کی ہے، فاسٹ بولر ہیزل ووڈ کی جگہ مچل سوئیپ سن ٹیم کا حصہ ہوں گے۔

    کینگروز قائد نے مچل سوئیپ سن کو بہترین اسپنر قرار دیتے ہوئے کہا کہ مجھے امید ہے کہ اپنے ڈیبیو ٹیسٹ میں وہ توقعات پر پورا اتریں گے۔

    آسٹریلوی کپتان پیٹ کمنز نے کہا کہ نیشنل اسٹیڈیم کی تاریخ ہے کہ یہاں اسپنرز زیادہ کامیاب ہوتے ہیں، کراچی میں ریورس سوئنگ ہوسکتی ہے ، ایسا ہوا تو مچل سٹارک خطرناک ثابت ہوں گے، سویپسن کے آنے سے اسپن ڈیپارٹمنٹ مضبوط ہوا لیکن اسٹیو اسمتھ بھی ایک آپشن ہے۔

    پری میچ ورچوئل ویڈیو کانفرنس سے کینگروز کپتان پیٹ کمنز کا کہنا تھا کہ ہم بہت خوش قسمت ہیں کہ پاکستان میں کھیل رہے ہیں، یہاں لوگوں نے بہت زیادہ پیار دیا اور خیال رکھا ہے۔

    پیٹ کمنز کا مزید کہنا تھا کہ راولپنڈی میں ہم نے اچھی بیٹنگ کی، میں نے صرف چار وکٹیں لیں جس میں بہتری کی ضرورت ہے، انہوں نے پچ کے حوالے سے کہا کہ دنیا میں سب ہی ٹیمیں اپنی ہوم کنڈیشنز کا فائدہ اٹھاتی ہیں۔

  • پی ایس ایل کیوں نہیں کھیلتا؟ ڈیوڈ وارنر نے وجہ بتادی

    پی ایس ایل کیوں نہیں کھیلتا؟ ڈیوڈ وارنر نے وجہ بتادی

    کراچی: آسٹریلوی اوپنر ڈیوڈ وارنر نے پاکستان سپر لیگ نہ کھیلنے کی وجہ بیان کردی ہے۔

    تفصیلات کے مطابق کراچی میں ورچوئل پریس کانفرنس کرتے ہوئے آسٹریلوی بیٹرز ڈیوڈ وارنر نے کہا کہ پی ایس ایل میں اب تک اس لئے نہیں کھیلا کیوں کہ اس دوران اکثر نیشنل ڈیوٹی پر ہوتا ہوں۔

    دورہ پاکستان کے حوالے سے ان کا کہنا تھا کہ یہاں سب کچھ مثبت ہے، بہت پیار کرنے والے لوگ ہیں اور کراؤڈ نے بھی ہمیں سپورٹ کیا، اسلام آباد میں بہت انجوائے کیا ہوٹل سے پہاڑوں کے حسین نظاروں نے دل موہ لیا۔

    ورچوئل پریس کانفرنس میں ڈیوڈ وارنر نے کراچی میں سینچری بنانے کی خواہش ظاہر کی۔

    آسٹریلوی بیٹر نے بھی راولپنڈی کی پچ کو بے جان قرار دیتے ہوئے کہا کہ کراچی میں میچ سے قبل کنڈیشن کا جائزہ لیں گے اور کراچی ٹیسٹ میں کتنے اسپنرز کھیلیں گے اس کا مجھے علم نہیں ہے؟ ہم ایسا میچ چاہتے ہیں جس میں باؤلرز کے لیے بھی مواقع ہو۔

    یہ بھی پڑھیں: کرکٹ قوانین پر تنقید کیوں کی؟ سوشل میڈیا صارفین انگلش بولر پر برس پڑے

    انہوں نے کہ اکہ امید ہے کراچی میں وکٹ ایسی ہوگی جس میں فینز کو اچھی کرکٹ ملے گی، ہم ہے کہ ہم اپنے گیم پلان کے مطابق کھیلیں، لگتا ہے کہ یہاں ٹاس جیت کر پہلے بیٹنگ کرنا زیادہ مفید ہوگا۔

    آسٹریلوی بیٹر نے مزید کہا کہ 24 برس کے بعد پاکستان کا دورہ خوش آئند اور کرکٹ کی کامیابی ہے، پی سی بی اور کرکٹ آسٹریلیا نے اس دورے کو ممکن بنانے کے لیے بہت کام کیا۔

    ڈیوڈ اورنر نے کہا کہ میں اسپن بولنگ پر راج کرنے والے اپنے ہم وطن آنجہانی شین وارن جیسا بننا چاہتا تھا، وہ عظیم کھلاڑی تھے جنہوں نے دنیا کے بڑے بڑے کھلاڑیوں کو اپنی انگلیوں پر نچایا۔

  • غلطیوں سے جتنا سیکھا جائے وہ بہتر ہوگا، بابر اعظم

    غلطیوں سے جتنا سیکھا جائے وہ بہتر ہوگا، بابر اعظم

    کراچی : پاکستان ٹیم کے کپتان بابر اعظم نے کہا ہے کہ باؤنس کم تھا مگر وکٹ اسپنر کیلئے سازگار رہی، غلطیوں سے جتنا سیکھا جائے وہ بہتر ہوگا۔

    ان خیالات کا اظہار انہوں نے کراچی اسٹیڈیم میں جنوبی افریقہ ٹیم کے ساتھ کھیلے گئے ٹیسٹ میچ کے اختتام پر میڈیا سے گفتگو کرتے ہوئے کیا۔

    ٹیسٹ میچ کے حوالے سے انہوں نے کہا کہ پہلے دن اور پہلی اننگز میں ابتدائی وکٹیں جلد گریں، کراچی کی وکٹیں سلو ثابت ہوتی ہیں، باؤنس کم تھا مگر وکٹ اسپنر کیلئے سازگار رہی۔

    بابر اعظم نے کہا کہ کھلاڑیوں کی پرفارمنس سے ٹیم گروم ہوتی ہے، دوسرے روز سینئر کھلاڑیوں نے بہتر پرفارم کیا۔،
    فہیم اشرف اب ٹیسٹ کرکٹ میں بھی  اچھا پرفارمر ہے۔

    ایک سوال کے جواب میں ان کا کہنا تھا کہ میری سوچ یہ ہے کہ ٹور میں پرفارم کرنا ضروری ہے، ہوم گراؤنڈ کا فائدہ ہمیں مل جاتا ہے، جب ہم دیگر ممالک میں میچز جیتیں گے تو حوصلہ بڑھے گا۔

    بابر اعظم کا کہنا تھا کہ کھلاڑیوں کو یہی کہا جاتا ہے کہ اپنے آپ پر بھروسہ رکھو، کھلاڑیوں کو دباؤ کا شکار ہوئے بغیر کھیلنے کا کہتا ہوں، غلطیوں سے جتنا سیکھا جائے وہ بہتر ہوگا۔

    انہوں نے کہا کہ ٹیم کے ہیڈ کوچ اور بولنگ کوچ مجھے نارمل ہی دکھائی دیئے، نتائج آنے میں تھوڑا وقت لگتا ہے،
    پرفارمنس میں اتار چڑھاو آتا رہتا ہے۔

    قومی ٹیم کے کپتان کا مزید کہنا تھا کہ یہ جیت ہماری ٹیم کیلئے کافی اہمیت رکھتی ہے، نیوزی لینڈ کیخلاف سیریز ہم نے اچھی نہیں کھیلی تھی، اس بار ہماری ٹیم نے ہر شعبے میں اچھی پرفارمنس دکھائی ہے۔

    واضح رہے کہ پاکستان ٹیم نے جنوبی افریقہ کو کراچی ٹیسٹ میں سات وکٹوں سے شکست دے کر دو میچوں کی سیریز میں ایک صفر کی برتری حاصل کرلی ہے۔

    کھیل کے چوتھے روز جنوبی افریقہ نے پاکستان کو جیت کے لئے 88 رنز کا ہدف دیا تھا جو قومی ٹیم نے تین وکٹوں کے نقصان پر حاصل کرلیا۔