Tag: karachi traders

  • کراچی میں ڈاکوؤں کا راج،  تاجروں کا سندھ حکومت کو ایک ہفتے کا الٹی میٹم

    کراچی میں ڈاکوؤں کا راج، تاجروں کا سندھ حکومت کو ایک ہفتے کا الٹی میٹم

    کراچی : چیئرمین آل کراچی تاجراتحاد عتیق میر نے شہر قائد میں روز بروز بڑھتے اسٹریٹ کرائم پر قابو پانے کیلئے صوبائی حکومت کو ایک ہفتے کا الٹی میٹم دےدیا۔

    تفصیلات کے مطابق کراچی میں ڈاکوؤں کا راج ہے ، چیئرمین آل کراچی تاجراتحاد عتیق میر کی جانب سے بیان میں کہا گیا ہے کہ بھتہ خورسرگرم ہوچکے ہیں، حکومتی ادارے تحفظ فراہم کریں۔

    آل کراچی تاجراتحاد نے صوبائی حکومت کو ایک ہفتے کا الٹی میٹم دیتے ہوئے کہا تحفظ فراہم نہیں کیا گیا تو آئندہ ہفتے وزیر اعلی ہاؤس پر دھرنا دیں گے۔

    عتیق میر نے مطالبہ کیا کہ اسٹریٹ کرمنلز،بھتہ خوروں سےنمٹنےپرحکومت اعلیٰ سطح اجلاس بلائے اور کراچی میں رینجرز کے اختیارات میں توسیع کی جائے۔.

    خیال رہے کراچی میں یکم جنوری سے اب تک لوٹ مار کی11ہزار وارداتیں ہوئیں جبکہ رواں سال 15 معصوم شہریوں کو ڈکیتی مزاحمت پر قتل کیا گیا اور 80سے زائد زخمی ہوئے۔

    ذرائع کے مطابق کراچی میں اسٹریٹ کرائم نے ہر عمر طبقہ فکر اور شعبہ ہائے زندگی کے افراد کو متاثر کیا، پولیس اہلکار، صحافی، بچے بوڑھے نوجوان اور خواتین بھی لٹیروں کا نشانہ بنیں۔

  • کراچی میں تاجر برادری کی  بھوک ہڑتال، سندھ حکومت سے بڑا مطالبہ کردیا

    کراچی میں تاجر برادری کی بھوک ہڑتال، سندھ حکومت سے بڑا مطالبہ کردیا

    کراچی : تاجر برادری نے اعلان کیا ہے کہ بھوک ہڑتال مطالبات کی منظوری تک جاری رہے گی، سندھ حکومت ہفتےمیں 6دن کاروبارکی اجازت دے۔

    تفصیلات کے مطابق حکومت سندھ کے ظالمانہ لاک ڈاؤن پر تاجر ایکشن کمیٹی کا علامتی بھوک ہڑتال جاری ہے ، بھوک ہڑتالی کیمپ میں تاجروں کی بڑی تعداد موجود ہے ، اس موقع پر تاجر رہنما شرجیل گوپلانی نے کہا کہ حکومت سےاپیل کرکرکےتھک گئےہیں، بھوک ہڑتال مطالبات کی منظوری تک جاری رہے گی۔

    شرجیل گوپلانی کا کہنا تھا کہ سندھ حکومت نےدہرامعیااپنارکھاہے،وفاقی حکومت بھی تاجردشمنی کامظاہرہ کررہی ہے۔

    تاجر رہنما جمیل پراچہ نے کہا کہ اب بھوک ہڑتال کےسواکوئی اورراستہ نظرنہیں آرہا تھا، کراچی میں 2دن کاروباربند رکھناحکومت کادہرامعیارہے، کراچی کی آبادی زیادہ ہے، 24 گھنٹے کاروبار ہونا چاہیے، 24گھنٹےکاروبار سےبازاروں میں رش نہیں ہوگا، سندھ حکومت ہفتےمیں 6دن کاروبارکی اجازت دے، حالات سےتنگ آکرتاجرخود کشی کررہےہیں۔

    تاجر رہنما فیصان راوت ہڑتالی کیمپ میں اظہار یکجہتی کے لیے پہنچے اور کہا کہ تاجر برداری کو بھوک ہڑتالی کیمپ میں دیکھ کر دل خون کے آنسو رو رہا ہے، تاجر براداری کے مسائلوں کے حل کے لیے حکومت کو بھر پور کردار ادا کرنا چاہیئے۔

    فیضان راوت کا کہنا تھا کہ کارروباری اوقات میں اصافہ تاجر کا جائز مطالبہ ہے، اور حکومت کو یہ مطالبہ فوری مان لینا چاہیئے، کراچی میں کارروبار پورے ملک میں خوشحالی کی ضمانت ہیں۔

    تاجر رہنما نے مزید کہا کہ سندھ حکومت کراچی کے تاجروں کے ساتھ زیادتی بند کرے، تاجر براداری کے جائز مطالبات اور ان کے حق کے لیے ہر ممکن عملی اقدامات کریں گے۔

  • لاک ڈاون سے متعلق نیا نوٹیفکیشن، تاجر برادری کا سندھ حکومت سے بڑا مطالبہ

    لاک ڈاون سے متعلق نیا نوٹیفکیشن، تاجر برادری کا سندھ حکومت سے بڑا مطالبہ

    کراچی : تاجر برادری نے سندھ حکومت سے لاک ڈاون سے متعلق نئے نوٹیفکیشن میں عائد پابندیوں پر نظر ثانی کا مطالبہ کرتے ہوئے کہا انڈور ڈائننگ فوری کھولی جائے ۔

    تفصیلات کے مطابق محکمہ داخلہ سندھ کے لاک ڈاون سے متعلق نوٹیفکیشن پر تاجر برادری نے شدید احتجاج کیا ، آل کراچی ریسٹورنٹ ایسوسی ایشن کے رہنما فیضان راوت نے ردعمل کا اظہار کرتے ہوئے کہا انڈور ڈائننگ فوری کھولی جائے، سندھ حکومت نے نوٹفکیشن جاری کرکے تاجر دشمنی کا ثبوت دیا ہے۔

    فیضان راوت کا کہنا تھا کہ کراچی اور حیدرآباد کے لیے الگ قانون منظور نہیں ، کراچی اور حیدرآباد کے تاجروں سے امتیازی سلوک کیا جارہا ہے ، کراچی اور حیدرآباد کے تاجروں سے امتیازی سلوک برداشت نہیں کیا جائے گا۔

    تاجر رہنما نے کہا کہ کراچی اور حیدرآباد سے متعلق الگ نوٹیفکیشن کو مسترد کرتے ہیں ، لاک ڈاون کےنام پر بہت نقصان ہوچکا ہے ، سندھ حکومت سے مطالبہ کرتا ہوں کے فیصلے پر نظر ثانی کریں اور وزیر اعلی سندھ محکمہ داخلہ کو ترمیمی نوٹیفکیشن جاری کرنے کے احکامات دیں۔

    خیال رہے محکمہ داخلہ کے نئے احکامات میں حیدرآباد ،کراچی میں انڈورڈائننگ پرپابندی برقرار رکھی گئی ، جاری نوٹیفکیشن میں کہا گیا کہ آؤٹ ڈورڈائننگ کی رات 10بجے تک اجازت ہے جبکہ سندھ کےدیگرکے اضلاع میں 50فیصد آؤٹ ڈور اور انڈور ڈائننگ کی اجازت ہے۔

    محکمہ داخلہ سندھ نے نئےنوٹیفکیشن کے ذریعے گزشتہ احکامات میں مذکورہ ترمیم کی۔

  • کراچی میں لاک ڈاؤن ختم ہونے میں ایک دن باقی،  تاجروں کا سندھ حکومت سے بڑا مطالبہ

    کراچی میں لاک ڈاؤن ختم ہونے میں ایک دن باقی، تاجروں کا سندھ حکومت سے بڑا مطالبہ

    کراچی : آل کراچی انجمن تاجران کے چیئرمین الیاس میمن نے سندھ حکومت سے مطالبہ کیا ہے کہ فوری طور پر پیر 9 آگست سے کاروبار کو صبح 10بجے سے رات8بجے تک کھولنے کا اعلان کرے۔

    تفصیلات کے مطابق آل کراچی انجمن تاجران کے چیئرمین اور طارق روڈ ٹریڈرز الائنس کے صدر الیاس میمن نے میڈیا سے گفتگو کرتے ہوئے کہا سندھ حکومت کے سخت اقدامات کی وجہ سے کاروباری سرگرمیوں کو شدید دھچکہ لگ رہا ہے۔

    الیاس میمن نے کہا کہ کراچی کے لوگوں نے ذمہ داری کو محسوس کرتے ہوئے بڑی تعداد میں ویکسنیشن کرارہے ہیں جس کی تصدیق حکومت سندھ نے خود کی ہے کہ ویکسنیشن سینٹروں سے روزانہ ایک لاکھ سے زائد لوگ ویکسین کرارہے ہیں۔

    ان کا کہنا تھا کہ کہ ویکسینشن کے بعد اب کاروبار بند کرنے کا کوئی جواز نہیں ہے لہذا حکومت سندھ فوری طور پر کاروبار کو صبح 10بجے سے رات8بجے تک کھولنے کا اعلان کرے۔

    آل کراچی انجمن تاجران کے چیئرمین نے مزید کہا کہ جو نجی ادارے ویکسینشن کررہے ہیں انہیں مزید سہولیات اور ذیادہ سے ذیادہ ویکسین فراہم کی جائے تاکہ ویکسینشن کا عمل جلد مکمل ہوسکے ۔

    انہوں نے کہا کہ کراچی کا شمار پاکستان کے بڑے تجارتی حب میں ہوتا ہے جہاں زیادہ دن کاروباری سرگرمیوں کو بند رکھنے سے ملک کی معاشی صورتحال خراب ہوگی ، سندھ حکومت فوری طور پر کاروبار کھولنے کا علان کرے۔

    الیاس میمن کا کہنا تھا کہ جس طرح این سی او سی نے دیگر صوبوں میں کاروبار کو مخصوص اوقات کے ساتھ ساتھ شادی ہال اور ریسٹورنٹ کو کام کرنے کی اجازت دی گئی ہے، سندھ میں اسی طرح کا اعلان کیا جائے۔

  • کراچی میں لاک ڈاؤن اورکاروباری صورتحال ، تاجر آج اہم پریس کانفرنس کریں گے

    کراچی میں لاک ڈاؤن اورکاروباری صورتحال ، تاجر آج اہم پریس کانفرنس کریں گے

    کراچی : شہر قائد میں لاک ڈاؤن اور کاروباری صورتحال پر تاجر آج پریس کانفرنس کریں گے، جس میں اپنے لائحہ عمل کا اعلان کریں گے۔

    تفصیلات کے مطابق کراچی میں لاک ڈاؤن اور کاروباری صورتحال کے حوالے سے تاجر آج پریس کانفرنس کریں گے، کراچی الیکٹرونکس ڈیلرز کا کہنا ہے کہ ہفتہ وار 2 چھٹیوں کا فیصلہ واپس لے کرایک چھٹی کی جائے اور کاروباری اوقات کو 6 کے بجائے 8 بجے کیا جائے۔

    رضوان عرفان کا کہنا تھا کہ کراچی کےتاجروں کیساتھ پولیس کارویہ انتہائی افسوسناک ہے ، موجودہ صورتحال میں پولیس، اسسٹنٹ کمشنرزکارویہ ناقابل قبول ہے، حکومت سندھ تاجروں سےکی جانےوالی زیادتی کانوٹس لیں۔

    تاجر رہنما نے کہا موحودہ بحران کے خاتمے کیلئے مشترکہ فیصلہ کرکے دکھانا ہوگا کہ تمام تاجر ‏برادری ایک پلیٹ فارم پر متحد ہے ، پورے ملک میں سیاحت، تجارت اور کھیلوں کی سرگرمیوں ‏سمیت تمام شعبوں کوایس او پی کے ساتھ کھول دیا گیا ہے

    ان کا مزید کہنا تھا کہ کراچی سمیت سندھ میں کورونا وبا کے پھیلاو کی شرح سب سے کم ہے، ‏سندھ حکومت نے تاجروں کو سڑکوں پر آنے پر مجبور کر دیا ہے۔

    دوسری جانب  اے آر وائی نیوز کے پروگرام باخبر سویرا میں کورونا ایس او پیز پر عملدرآمد کے سوال پر صدر انجمن تاجران سندھ جاوید ہاشمی نے کہا  تھا سندھ حکومت کی جانب سے کاروبار کے محدود اوقات رکھے گئے ہیں ، محدود اوقات میں رش بڑھے گا کم نہیں ہوگا، یہ بات حکومت کی سمجھ میں نہیں آتی۔

    صدر انجمن تاجران سندھ نے  سندھ حکومت سے اپیل  کی تھی  کہ جلد کاروبار بحال کرنے کی اجازت دی جائے۔

  • کاروباری اوقات ، کراچی کے تاجروں کا سندھ حکومت سے بڑا مطالبہ

    کراچی : تاجروں نے سندھ حکومت سے ہفتہ میں دو کے بجائے ایک دن کاروبار بند کرنے اور کاروباری اوقات بھی تبدیل کرنے کا مطالبہ کردیا اور کہا ایس او پیز کے تحت ہفتے میں 6 روز کاروبار کرنے کی اجازت دی جائے۔

    تفصیلات کے مطابق صوبائی وزیر برائے صنعت و تجارت اور انسداد بدعنوانی و محکمہ امداد باہمی جام اکرام اللہ دھاریجو کی زیرِ صدارت کراچی کے تاجروں کا اجلاس ہوا، جس میں سیکریٹری صنعت و تجارت ریاض الدین، سندھ تاجر اتحاد کے چیئرمین جمیل احمد پراچہ، آل سٹی تاجر کے صدر محمد شرجیل گوپلانی ، آل کراچی تاجر اتحاد کے چیئرمین عتیق میر اور کراچی سندھ تاجر تحاد کے حبیب شیخ دیگر تاجر تنظیموں کے عہدیداران موجود تھے۔

    کورونا وائرس کے پھیلاؤ کو روکنے کیلئے تجارتی مراکز بند کرنے کے معاملے پر کراچی کے تاجروں کا ہفتہ میں دو کے بجائے ایک دن کاروبار بند کرنے اور کاروباری اوقات بھی تبدیل کرنے کا مطالبہ کردیا۔

    تاجر وفد نے کہا تجارتی مراکز میں کاروبار کرنے کے اوقات صبح دس سے رات دس بجے تک کی جائے جبکہ کاروباری اوقات دوپہر 12 بجے سے رات 12 بجے تک کرنے کی بھی تجویز دی گئی۔

    صوبائی وزیر جام اکرام اللہ دھاریجو نے کہا کورونا وائرس کی تیسری لہر کے پیشِ نظر ایس او پیز پر عمل سب کے لئے ضروری ہے ، تاجر برادری حکومت سندھ کے ساتھ تعاون کرے، انسانی زندگیاں سب سے قیمتی ہیں، عوام حکومت سندھ اور تاجر برادری کے ساتھ تعاون کریں، احتیاطی تدابیر پر عمل پیرا ہوکر ہی ہم کورونا وائرس سے نمٹ سکتے ہیں۔

    صوبائی وزیر نے کہا کہ حکومت تاجروں کے مسائل سے بخوبی واقف ہے، ایس او پیز کی خلاف ورزی کرنے والوں پر جرمانے عائد کئے جائیں گے اور این سی او سی کی ہدایت ہے کہ ڈسٹرکٹ ایسٹ کو مکمل طور پر سیل کیا جائے۔

    ان کا کہنا تھا کہ کورونا وائرس کی صورتحال سے متاثرہ تاجروں کو سندھ بینک کے ذریعے آسان شرائط پر قرضے فراہم کئے جائیں گے، پیر کو کورونا ٹاسک فورس کے اجلاس میں تاجروں کے مطالبات وزیر اعلیٰ سندھ کے سامنے رکھوں گا۔

    شرجیل گوپلانی تاجر راہنما نے کہا تاجر برادری حکومت سندھ کے ساتھ ہر سطح پر تعاون کرے گی، یکم مئی کوکراچی کی تمام مارکیٹیں معمول کے مطابق کھلیں گی، جمعہ اوراتواردودن تعطیل کی وجہ سے یکم مئی یوم مزدوروالے دن بھی یومیہ اجرت والے مزدوروں کی روزگار کے لیئے مارکیٹیں کھلی رہیں گی۔

    وفد نے صوبائی وزیر اکرام اللہ دھاریجو کو تاجروں کے خلاف ضلعی انتظامیہ کی کاروائیوں پر تحفظات سے بھی آگاہ کیا ، شیخ حبیب کا کہنا تھا کہ کورونا وائرس کی تیسری لہر کی سنگینی کا بخوبی اندازہ ہے، کراچی کے تجارتی مراکز میں لاکھوں لوگوں کا روزگار وابستہ ہے، ایس او پیز کے تحت ہفتے میں 6 روز کاروبار کرنے کی اجازت دی جائے اور تاجروں کے خلاف غیر قانونی جرمانوں سے ضلعی انتظامیہ کو روکا جائے۔

  • کراچی کے تاجر رہنماؤں کا کل سے کاروبار کھولنے کا اعلان

    کراچی کے تاجر رہنماؤں کا کل سے کاروبار کھولنے کا اعلان

    کراچی : شہر قائد کے تاجر رہنماؤں نے کل سے کاروبار کھولنے کا اعلان کردیا اور کہا کل پنجاب میں کاروبار کھل جاتا ہے تو ہم بھی  مارکیٹس کھولیں گے ، وزیراعظم کے اعلان پر فی الفور عملدرآمد کرنا چاہیے۔

    تفصیلات کے مطابق آل پاکستان تاجر اتحادعتیق میر نے کہا ہے کہ اگرکل پنجاب کھل جاتا ہے تو کراچی کےتاجربھی مارکیٹس کھولیں گے جبکہ صدرانجمن تاجران اجمل بلوچ کا کہنا ہے کہ ویں ترمیم کی وجہ سے کراچی پر کڑا وقت ہے ، وزیراعظم نے اعلان کردیا ہے تو فی الفور عملدرآمد کرنا چاہیے۔

    گذشتہ روز کراچی کےتاجروں نے حکومت کی جانب سے مرحلہ وارلاک ڈاؤن کھولنےکےاعلان کاخیرمقدم کیا تھا، صدر آل سٹی تاجر اتحاد شرجیل گوپلانی کا کہنا تھا کہ 9 مئی سے دکانیں اور مارکیٹیں کھول دیں گے، تمام مارکیٹیں سحری سے شام 5 بجے تک کھلی رہیں گی۔

    جمیل پراچہ نے کہا تھا کہ حکومت کی جاری کردہ ایس او پیز پر عمل درآمد کیا جائے گا، سندھ انتظامیہ تعاون کرے، کاروبارکھولنے میں رکاوٹ نہ ڈالے، وزیر اعظم کا فیصلہ معیشت کے لیے مثبت ثابت ہو گا۔

    صدرسٹی تاجراتحاد حماد پونا والا کا کہنا تھا کہ وفاق کی طرح سندھ بھی اسمارٹ لاک ڈاؤن کی طرف جائے، ایس اوپیز جاری کرکے مارکیٹوں کو کھولنے کے اقدامات کو یقینی بنائیں، سندھ حکومت کے مشکور ہیں انہوں نے ہماری آواز وفاق تک پہنچائی۔

    تاجررہنماجاویدبلوانی نے کہا تھا کہ لاک ڈاؤن کھولنا صحیح فیصلہ ہے، لاکھوں افراد بے روزگاری سے بچیں گے، جنرل اورٹیکسٹائل الائیڈ انڈسٹری کو بھی مکمل طور پرکھولا جائے، لاک ڈاؤن سےہونےوالی نقصان کی تلافی کیلئے حکومت مدد کرے۔

  • کراچی کے تاجروں کا کاروبار کھولنے سے متعلق بڑا اعلان

    کراچی کے تاجروں کا کاروبار کھولنے سے متعلق بڑا اعلان

    کراچی : شہر قائد کے تاجروں نے 15 رمضان سے کاروبار کھولنے کا اعلان کردیا جبکہ ناصر حسین شاہ نے تاجروں کو یقین دہانی کرائی کہ مارکیٹیں کھولنے کے حوالے سے ایس او پی فوری تیار کر لی جائیں گی۔

    تفصیلات کے مطابق کراچی میں تاجروں نے مارکیٹیں کھولنے کے حوالے سے نیا اتحاد تشکیل دے دیا، تاجروں کے نئے اتحاد کا پہلا اجلاس صدر کراچی الیکٹرونک ڈیلرز ایسوسی ایشن کے دفتر میں رکھا گیا، اجلاس میں تمام اضلاع سے تاجروں کی مختلف تنظیموں الائنس اور ایسوسی ایشن نے شرکت کی ۔

    نئے اتحاد سپریم کونسل آف ٹریڈرز نے اتفاق رائے اور مطالبے کے تحت پندرہ رمضان سے مارکیٹیں کھولنے کا اعلان کر دیا، ۔اجلاس کے دوران وزیر بلدیات ناصر حسین شاہ نے تاجروں سے ٹیلیفونک رابطہ کیا اور تاجروں کو یقین دھانی کرائی کہ مارکیٹیں کھولنے کے حوالے سے ایس او پی فوری تیار کر لی جائیں گی۔

    تاجر رہنما رضوان عرفان نے حکومت سے پندرہ رمضان تک مارکیٹس کھولنے کا مطالبہ کرتے ہوئے کہا کہ حکومت کے ساتھ کوئی تصادم نہیں تاجر پریشان ہیں ۔

    جمیل پراچیہ کہا کہنا تھا کہ تاجر خودکشیاں کر رہے ہیں مزید خودکشیاں ہوئی تو مقدمات وزیراعلیٰ ہاؤس کے خلاف درج کروائیں گے جبکہ شرجیل گوپالانی نے کہا تھا کہ کہ آن لائن کی ہماری عوام عادی نہیں ہے اور صرف 15 فیصد لوگوں کو فائدہ ہوا، کاروبار بند رہنے سے بجلی،گیس اور دیگر سرکاری واجبات ادا نہیں کر سکیں گے۔

    دوسری جانب ایم کیوایم پاکستان نے تاجر برادری کے مطالبات کی حمایت کردی، ڈاکٹر خالد مقبول صدیقی کا کہنا ہے کہ تاجر برادری اپنی ایس او پی خود بنا کر فوری اپنے کاروبار کو بحال کرے، لاک ڈاون کا کھیل بہت ہوا، اب اس شہر کو کھلنا ہے، ملکی معیشت کو زندہ رکھنے کے لئے کراچی میں تجارتی و کاروباری سرگرمیوں کا بحال ہونا بے حد ضروری ہے۔

    یاد رہے انجمن تاجران لاہور مجاہد مقصود بٹ نے وزیراعظم عمران خان کوخط لکھا تھا ، جس میں کہا تھا کہ لاک ڈاؤن کی وجہ سے چھوٹے تاجروں کا برا حال ہے، بیشترتاجروں کے پاس جمع پونجی بھی ختم ہوچکی ، 70فیصدکرایہ دار،دکانداروں کےگھروں میں فاقے ہیں۔

    خط میں کہا گیا کہ ہول سیل مارکیٹ کوصبح8بجے سے2بجے تک کھولنے کی اجازت دی جائے اور ریٹیل مارکیٹس کودوپہر3سےرات8بجےتک دکانیں کھولنے کی اجازت دی جائے، حکومت کو یقین دلاتے ہیں ایس اوپیزپرمکمل عمل کریں گے۔

  • لاک ڈاؤن ، کراچی کے تاجروں کا دکانیں کھولنے سے متعلق بڑا اعلان

    لاک ڈاؤن ، کراچی کے تاجروں کا دکانیں کھولنے سے متعلق بڑا اعلان

    کراچی : شہر قائد میں تاجروں نے یکم رمضان سے تمام مارکیٹس کھولنے کا اعلان کردیا اور کہا حکومت کے کسی وزیر ،مذاکرتی ٹیم سے ملاقات نہیں کریں گے، سندھ حکومت وقت ضائع کررہی ہے۔

    تفصیلات کے مطابق کراچی کے تاجروں نے دکانیں کھولنے کے حوالے سے مشترکہ پریس کانفرنس کی، سندھ تاجر اتحادجمیل پراچہ نے اعلان کیا کہ یکم رمضان سے تمام مارکیٹس کھول دیں گے۔

    شرجیل گوبلانی کا کہنا تھا کہ حکومت کے کسی وزیر ،مذاکرتی ٹیم سے ملاقات نہیں کریں گے جبکہ الیکٹرونک ڈیلرزایسوسی ایشن رضوان عرفان نے کہا کہ سندھ حکومت وقت ضائع کررہی ہے، تاجروں اور مزدوروں سے کوئی ہمدردی نہیں ہے۔

    صدر انجمن تاجران سندھ نے کہا کہ وفاق،سندھ حکومت تاجروں کا معاشی دیوالیہ نکالنا چاہتی ہے، مارکیٹس بند ہونے سے لاکھوں مزدور بے روزگار ہوگئے ، بجلی،پانی بل ،ٹیکسز دینےکی پوزیشن میں نہیں رہے۔

    دوسری جانب کمشنر کراچی کا کہنا ہے کہ سندھ حکومت کی اجازت کے بغیر کسی کو کاروبارکی اجاز ت نہیں، جو دکاندار بغیراجازت کاروبار شروع کریں گے، ان کے خلاف کارروائی ہوگی۔

    خیال رہے سندھ حکومت نے منگل تک مارکیٹیں کھولنے سے متعلق وقت مانگا تھا جو کل رات 12 بجتے ہی ختم ہوگیا، تاہم اس محدود مدت میں حکومت نے کوئی پالیسی وضع نہیں کی۔

    یاد رہے وزیراعلیٰ سندھ نے چھوٹے تاجروں کو ہوم ڈیلیوری کے ذریعے کام کرنے کی ہدایت اور روٹیشن کی بنیاد پر دکانیں کھولنے کی تجویز دی تھی۔

  • لاک ڈاؤن کے دوران کراچی کے تاجروں کو بڑا ریلیف مل گیا

    لاک ڈاؤن کے دوران کراچی کے تاجروں کو بڑا ریلیف مل گیا

    کراچی : شہر قائد کے تاجروں کو لاک ڈاؤن کے دوران بڑا ریلیف مل گیا، وزیراعلیٰ سندھ نے چھوٹے تاجروں کو ہوم ڈیلیوری کے ذریعے کام کرنے کی ہدایت اور روٹیشن کی بنیاد پر دکانیں کھولنے کی تجویز دے دی۔

    تفصیلات کے مطابق وزیراعلیٰ سندھ سید مراد علی شاہ سے کراچی کے تاجروں کی ملاقات ہوئی ، جس میں وزیراعلیٰ سندھ سید مراد علی شاہ نے چھوٹے تاجروں کو ہوم ڈیلیوری کے ذریعے کام کرنے کی ہدایت کرتے ہوئے کہا ہوم ڈیلیوری ایس اوی پیز کے تحت ہوگی۔

    وزیراعلیٰ سندھ نے ایس او پی کو مدنظر رکھ کر چھوٹے تاجروں کو روٹیشن کی بنیاد پر دکانیں کھولنے کی تجویز دیتے ہوئے کہا کہ ہفتہ کے روز بانٹ لیتے ہیں کہ کس دن کس شعبے کی دکانیں کھلیں گی۔

    مراد علی شاہ نے تجویز دی کہ جس دن کپڑے کے دکانیں کھلیں اسی روز درزی اور انسے منسلک دکاںیں کھولیں گے اور جس دن اے سیز والوں کی دکاںیں کھلیں گی اس دن الیکٹرانک، اے سیز لگانے والوں کی دکانیں بھی کھولیں گے۔

    وزیراعلیٰ سندھ نے صوبائی وزراء سعید غنی، سید ناصر حسین شاہ، امتیاز شیخ پر کمیٹی قائم کردی اور کہا مجوزہ کمیٹی 24 گھنٹوں میں تاجروں سے ملکر ایس او پیز بنائیں گے۔

    مراد علی شاہ نے ایس آر بی ٹیکسز اور صوبائی ایکسائیز کی ٹیکسز میں کاروباری لوگوں کو بڑی رعایت دینے کا بھی اعلان کرتے ہوئے کہا چھوٹے تاجروں کو قرضے دلانے کیلیے وہ وفاقی حکومت سے بات کریں گے۔

    ان کا کہنا تھا کہ کمیٹی تاجروں سے مل کر تمام تجاویز اور ایس او پیز پر بات کرکے 24 گھنٹوں میں اپنی سفارشات دیں گے، میں ان سفارشات پر وفاقی حکومت سے بات کرکے پھر ایس او پی کے تحت اجازت دیں گے۔

    دوسری جانب حکومتی کمیٹی اور تاجر رہنماوں کی آج شام پانچ بجے کمشنر ہاوس میں پہلا مذاکرات کا دور ہو گا، مذاکرات میں مارکیٹیں کھولنے کے حوالے سے ایس او پیز پر غور کیا جائے گا۔