ARYNews.tv | Urdu – Har Lamha Bakhabar

Tag: karachi weather

کراچی کا موسم گرم اور مرطوب ہوتا ہے۔ گرمیوں میں درجہ حرارت 40 ڈگری سینٹی گریڈ تک پہنچ سکتا ہے اور نمی کی سطح بھی بہت زیادہ ہوتی ہے۔ مون سون کے موسم میں بارش ہوتی ہے لیکن یہ بارش اکثر تیز اور طوفانی ہوتی ہے۔ سردیوں میں درجہ حرارت 10 سے 20 ڈگری سینٹی گریڈ کے درمیان رہتا ہے۔

کراچی میں گرمی اور نمی کی وجہ سے لوگوں کو بہت مشکلات کا سامنا کرنا پڑتا ہے۔ لوگوں کو گرمی سے بچنے کے لیے زیادہ پانی پینا چاہیے اور ٹھنڈی جگہوں پر رہنا چاہیے۔ مون سون کی بارشوں کے دوران لوگوں کو سیلاب اور بجلی گرنے کے خطرے سے بچنے کے لیے احتیاط کرنی چاہیے۔

  • کراچی میں بارش سے متعلق محکمہ موسمیات کا اہم بیان

    کراچی میں بارش سے متعلق محکمہ موسمیات کا اہم بیان

    کراچی: محکمہ موسمیات کا اپنے بیان میں کہنا ہے کہ کراچی میں رواں ہفتے تیز بارش کا کوئی امکان نہیں ہے، شہر کا موسم مرطوب، مطلع ابر آلود ہے۔

    تفصیلات کے مطابق محکمہ موسمیات کا کہنا ہے کہ سمندری ہوائیں بحال ہوچکی ہیں، جبکہ ہوا میں نمی کا موجودہ تناسب 78 فیصد ہے۔

    دن کے اوقات میں درجہ حرارت 33 ڈگری تک جا سکتا ہے، ہوا میں نمی کا تناسب زیادہ ہونے سے گرمی محسوس کی جائے گی، جبکہ کراچی میں رواں ہفتے تیز بارش کا کوئی امکان نہیں ہے۔

    سیلاب کا ایک اور الرٹ جاری، شدید طغیانی کا خطرہ، این ڈی ایم اے

    اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے یکم سے 3 ستمبر ممکنہ بارشوں کے باعث متعدد علاقوں کے لیے سیلاب کا الرٹ جاری کر دیا۔

    این ڈی ایم اے کی جانب سے جاری الرٹ کے مطابق مشرقی دریاؤں کے بہاؤ میں شدید اضافے کا خدشہ ہے۔

    دریائے ستلج میں اس وقت 2 لاکھ 53 ہزار کیوسک کا غیر معمولی بہاؤ ہے، مزید 3 لاکھ کیوسک کا سیلابی ریلہ دریائے ستلج میں متوقع ہے۔

    دریائے راوی جسر کے مقام پر بہاؤ60ہزار کیوسک ہے جو 1.5 لاکھ تک جاسکتا ہے جبکہ نالہ بین، ڈیک اور بسنتَر میں شدید طغیانی کا خدشہ ہے۔

    این ڈی ایم اے کا کہنا ہے کہ دریائے چناب مرالہ پر بہاؤ 94 ہزار کیوسک ہے جس میں مزید اضافہ متوقع ہے۔

    مقبوضہ کشمیر، جموں و ڈیموں سے اخراج دریاؤں میں سیلاب کا سبب بن سکتا ہے، دریائے چناب کے معاون نالوں پلکو، جموں توی، منورتوی میں بھی شدید طغیانی خطرہ ہے۔

    سیلاب کے باعث نشیبی علاقے زیر آب آنے، فصلیں و بستیاں متاثر ہونے کا قوی امکان ہے مقامی آبادی و کسان ہائی الرٹ رہیں، حفاظتی اقدامات کریں۔

    دریائے ستلج میں اونچے درجے کا سیلاب، ضلع بہاولنگر میں صورت حال سنگین ہو گئی

    الرٹ میں کہا گیا ہے کہ دریا کے کنارے اور واٹر ویز پر رہنے والے فوری محفوظ مقامات پر منتقل ہوجائیں، انخلا کے بعد واپسی کیلئے اداروں کی ہدایات پر عمل کریں۔

    علاوہ ازیں ترجمان کا کہنا ہے کہ وزیراعظم کی ہدایت پر این ڈی ایم اے افسران ریسکیو و ریلیف سرگرمیوں کی کڑی نگرانی کر رہے ہیں۔

  • کراچی میں سمندری ہوائیں بحال ہونے سے موسم بہتر، بوندا باندی کا امکان

    کراچی میں سمندری ہوائیں بحال ہونے سے موسم بہتر، بوندا باندی کا امکان

    کراچی(یکم ستمبر2025):شہر میں  سمندری ہوائیں بحال ہونے سے موسم بہتر ہوگیا، درجہ حرارت 30 ڈگری تک جانے کا امکان ہے۔

    تفصیلات کے مطابق شہر میں سمندری ہوائیں بحال ہونے سے موسم بہتر ہوگیا محکمہ موسمیات کی جانب سے کہا گیا کہ 24 گھنٹے کے دوران موسم گرم اور مرطوب رہے گا ساتھ ہی شام اور رات میں بوندا باندی متوقع ہے۔

    محکمہ موسمیات کا کہنا ہے کہ سمندری ہوائیں بحال ہونے سے موسم بہتر ہے جبکہ ہوا میں نمی زیادہ ہونے سے دن میں گرمی کی شدت محسوس کی جائے گی۔

    محکمہ موسمیات کا کہنا ہے کہ کراچی میں آج زیادہ سے زیادہ درجہ حرارت 34 ڈگری تک پہنچ سکتا ہے جبکہ شہر میں رواں ہفتے تیز بارش کا کوئی امکان نہیں ہے۔

    دوسری جانب محکمہ موسمیات کا کہنا ہے کہ اسلام آباد اور گردونواح میں آج مطلع ابر آلود رہے گا جبکہ تیز ہواؤں اور گرج چمک کے ساتھ بارش کا امکان ہے۔

    محکمہ موسمیات کے مطابق زیادہ سے زیادہ فرجہ حرارت 33 ڈگری سینٹی گریڈ تک جانے کا امکان ہے، اسلام آباد اور راولپنڈی میں تیز اور موسلادھار بارش سے نشیبی علاقے زیر آب آنے کا خدشہ ہے۔

    https://urdu.arynews.tv/flood-threat-in-sindh-monitoring-cell-updates-9-1-2025/

    پنجاب کے مختلف اضلاع میں گرج چمک کے ساتھ بارش، کہیں کہیں موسلادھار بارش متوقع ہے، لاہور، گجرانوالہ، گجرات، سیالکوٹ اور نارووال میں نشیبی علاقے زیر آب آنے کا خدشہ ہے، مری اور گلیات سمیت شمال مشرقی پنجاب میں لینڈ سلائیڈنگ سے ٹریفک متاثر ہونے کا امکان ہے۔

    خیبرپختونخوا کے بیشتر اضلاع میں بارش، دیر، سوات اور مانسہرہ میں موسلادھار بارش کی توقع ہے، پشاور، نوشہرہ اور مردان کے نشیبی علاقوں میں بارش کے باعث پانی جمع ہونے کا خدشہ ہے۔

    سندھ کے سانگھڑ، گھوٹکی، تھرپارکر اور عمرکوٹ میںں رات کو بارش کا امکان ہے، بلوچستان کے ژوب، موسیٰ خیل اور بارکھان میں گرج چمک کے ساتھ بارش متوقع ہے اس کے علاوہ کشمیر میں تیز ہواؤں اور گرج چمک کے ساتھ بارش، چند مقامات پر موسلادھار بارش کا بھی امکان ہے۔

  • کراچی میں بارش کب ہوگی؟ محکمہ موسمیات نے بتادیا

    کراچی میں بارش کب ہوگی؟ محکمہ موسمیات نے بتادیا

    کراچی(31 اگست 2025): محکمہ موسمیات کا کہنا ہے کہ آئندہ چند روز تک شہر کا موسم مرطوب اور سمندری ہوائیں بحال رہیں گی۔

    محکمہ موسمیات کے مطابق کراچی میں مطلع جزوی ابر آلود، موسم مرطوب رہےگا جبکہ شہر میں صبح ورات کے اوقات میں بوندا باندی متوقع ہے۔

    محکمہ موسمیات نے بتایا کہ رواں ہفتے کراچی میں تیز بارش کا کوئی امکان نہیں ہے تاہم آئندہ چند روز تک شہر کا موسم مرطوب، سمندری ہوائیں بحال رہیں گی۔

    محکمہ موسمیات کے مطابق کراچی میں آج کم سےکم درجہ حرارت 27.8 ڈگری سینٹی گریڈ ریکارڈ کیا گیا ہے جبکہ ہوا میں نمی کا تناسب 78 فیصد، 11 کلو میٹر فی گھنٹہ کی رفتار سے  چل رہی ہیں۔

    دوسری جانب پاکپتن، اوکاڑہ، وہاڑی، ملتان، لاہور سمیت پنجاب اور خیبر پختونخوا کے متعدد علاقوں میں کہیں تیز کہیں ہلکی بارش ہوئی۔

    محکمہ موسمیات کے مطابق آج بھی اسلام آباد، پنجاب، خیبر پختونخوا اور کشمیر میں کہیں کہیں موسلادھار بارش کا امکان ہے، شام یا رات میں بلوچستان، سندھ اور گلگت بلتستان کے چند مقامات پر تیز ہواؤں اور گرج چمک کے ساتھ بارش ہو سکتی ہے۔

    فلڈ فورکاسٹنگ ڈویژن لاہور کے مطابق دریائے چناب میں ہیڈ خانکی اور قادر آباد پر اونچے درجے کے سیلاب ہیں، خانکی پر 2 لاکھ 29 ہزار جبکہ قادر آباد پر 2 لاکھ 3 ہزار کیوسک پانی ریکارڈ کیا گیا ہے۔

    دریائے راوی میں ہیڈ بلوکی پر پانی کے بہاؤ میں اضافہ ہوکر 2 لاکھ 11 ہزار 395 کیوسک ہوگیا۔ ہیڈ بلوکی پر اب بھی انتہائی اونچے درجے کا سیلاب ہے جبکہ ہیڈ سدھنائی پر نچلے درجے کا سیلاب آگیا، شاہدرہ پر بہاؤ کم ہوکر 90 ہزار کیوسک ہوگیا۔

  • کراچی میں تیز بارش، محکمہ موسمیات کا اہم بیان سامنے آگیا

    کراچی میں تیز بارش، محکمہ موسمیات کا اہم بیان سامنے آگیا

    کراچی(28 اگست 2025): کراچی کا مطلع ابر آلود اور موسم مرطوب ہت جبکہ گرمی کی شدت محسوس کی جا رہی ہے۔

    تفصیلات کے مطابق شہر کی ہوا میں نمی کا تناسب زائد ہونے کے باعث گرمی کی شدت محسوس کی جا رہی ہے، سمندری ہوائیں بحال ہے اور 15 کلو میٹر فی گھنٹہ کی رفتار سے ہوائیں چل رہی ہیں۔

    محکمہ موسمیات کا کہنا ہے کہ آج درجہ حرارت 34 ڈگری سینٹی گریڈ تک ریکارڈ کیا جاسکتا ہے، محکمہ موسمیات نے پیشگوئی کی ہے کہ شہر قائد میں آئندہ چند روز تک تیز بارش کا کوئی امکان نہیں ہے۔

    محکمہ موسمیات کے مطابق کراچی میں صبح و رات میں بوندا باندی ہوسکتی ہے، نمی کا تناسب اس وقت 78 فیصد ہے۔

    دوسری جانب فلڈ فورکاسٹنگ ڈویژن نے پنجاب میں دریائے چناب، راوی اور ستلج میں سیلاب کی تازہ ترین صورت حال جاری کی ہے۔

    دریائے چناب خانکی بیراج پر پانی کا بہاؤ 8 لاکھ 59 ہزار کیوسک ریکارڈ کیا گیا ہے، قادرآباد بیراج پر پانی کا بہاؤ 9 لاکھ 96 ہزار کیوسک ہے، دونوں مقامات پر انتہائی خطرناک اونچے درجے کا سیلاب ہے جس کے لیے فلڈ وارننگ جاری کی گئی ہے۔

    دریائے چناب ہیڈ مرالہ پر پانی کا بہاؤ 1 لاکھ 91 ہزار کیوسک ہے، اسے بھی اونچے درجے کا سیلاب بتایا گیا ہے اور عوام سے محتاط رہنے کی اپیل کی گئی ہے۔

  • کراچی میں بارش، محکمہ موسمیات کا اہم بیان سامنے آگیا

    کراچی میں بارش، محکمہ موسمیات کا اہم بیان سامنے آگیا

    کراچی: محکمہ موسمیات کا اپنے بیان میں کہنا ہے کہ کراچی میں رواں ہفتے فی الحال بارش کا کوئی امکان نہیں، شہر میں آئندہ چند روز تک موسم مرطوب، مطلع جزوی سے مکمل ابر آلود رہے گا۔

    محکمہ موسمیات کے مطابق صبح و رات میں بوندا باندی متوقع ہے، کراچی کا مطلع ابر آلود، موسم مرطوب ہے۔

    بیان کے مطابق سمندری ہوائیں بند ہیں، مغرب جنوب مغربی سمت سے 7 کلومیٹر فی گھنٹہ کی رفتار سے ہوائیں چل رہی ہیں، آج زیادہ سے زیادہ درجہ حرارت 34 ڈگری سینٹی گریڈ تک جانے کا امکان ہے۔

    بارش برسانے والا سسٹم پاکستان میں داخل، الرٹ جاری کردیا گیا

    اسلام آباد: بارش برسانے والا سسٹم پاکستان میں داخل ہوگیا، جس کے پیش نظر محکمہ موسمیات نے بارشوں کے حوالے سے الرٹ جاری کردیا۔

    تفصیلات کے مطابق محکمہ موسمیات کی جانب سے کہا گیا ہے کہ بارش برسانے والا سسٹم بلوچستان، خیبر پختونخوا، شمال مشرقی پنجاب اور کشمیر میں داخل کیا، جس کے باعث اگلے 2 سے 4 گھنٹوں کے دوران قلات، خضدار، خاران، آواران، پنجگور اور گوادر میں بارش کا امکان ہے۔

    محکمہ موسمیات کا کہنا ہے کہ کوہلو، ڈیرہ بگٹی، قلعہ سیف اللہ، بارکھان اور ڈیرہ غازی خان سمیت قریبی پہاڑی علاقوں میں بھی بارش متوقع ہے۔

    اسی طرح خیبر پختونخوا کے مختلف اضلاع میں تیز ہواؤں کے ساتھ بارش کی پیشگوئی کی گئی ہے، جبکہ مالاکنڈ، سوات، بونیر اور دیر میں گرج چمک کے ساتھ بارش کا امکان ظاہر کیا گیا ہے۔

    غذر میں گلیشیئر پھٹنے سے بننے والی جھیل سے پانی کا اخراج جاری، متبادل گاؤں بنانے کا فیصلہ

    محکمہ موسمیات نے عوام اور سیاحوں کو ہدایت کی ہے کہ وہ خراب موسم کے دوران احتیاطی تدابیر اختیار کریں تاکہ کسی بھی ناخوشگوار صورتحال سے محفوظ رہا جاسکے۔

    یاد رہے این ڈی ایم اے کے الرٹ میں کہا گیا تھا کہ 30 اگست تک ملک کے مختلف حصوں میں شدید بارشوں، لینڈ سلائیڈنگ اور سیلاب کا خدشہ ہے۔

  • کراچی میں آج موسم کیسا رہے گا؟ محکمہ موسمیات نے بتادیا

    کراچی میں آج موسم کیسا رہے گا؟ محکمہ موسمیات نے بتادیا

    کراچی(25 اگست 2025): شہرِ قائد میں 24 گھنٹوں کے دوران مطلع ابر آلود اور موسم مرطوب رہنے کے ساتھ بوندا باندی اور ہلکی بارش کا امکان ہے۔

    محکمہ موسمیات کے مطابق شہر قائد میں مطلع جزوی ابر آلود اور موسم مرطوب رہے گا، آج شہر کا کم سے کم درجہ حرارت 26.9 ڈگری سینٹی گریڈ ریکارڈ کا امکان ہے جبکہ  ہوا میں نمی کا تناسب 81 فیصد ریکارڈ کیا گیا۔

    محکمہ موسمیات کا کہنا ہے کہ شہر کا موجودہ درجہ حرارت 30 ڈگری سینٹی گریڈ ہے اور جنوب مغربی سمت سے 15 کلو میٹر فی گھنٹہ کی رفتار سے ہوائیں چل رہی ہیں۔

    محکمہ موسمیات کا کہنا ہے کہ آئندہ چند روز مطلع ابر آلود رہنے کے ساتھ بوندا باندی اور ہلکی بارش کا امکان بھی ہے جبکہ دن کے اوقات میں درجہ حرارت 31 سے 33 ڈگری سینٹی گریڈ تک رہنے کی توقع ہے۔

    دوسری جانب ملک کے مختلف حصوں میں آج بارش کا امکان ہے، محکمہ موسمیات کے مطابق سکھر،لاڑکانہ اور نصیرآباد میں بارش متوقع ہے جب کہ آج پنجاب بالائی خیبر پختونخوا اور کشمیر میں چند مقامات پر تیز ہواؤں اور گرج چمک کے ساتھ بارش کا امکان

  • کراچی میں بارش کا اگلا اسپیل کب انٹری لے گا ؟

    کراچی میں بارش کا اگلا اسپیل کب انٹری لے گا ؟

    کراچی (23 اگست 2025): شہر قائد میں صبح سویرے بوندا باندی اور ہلکی بارش سے موسم خوشگوار ہوگیا، جبکہ شہر میں آئندہ چند روز تک موسم مرطوب رہنے کی پیش گوئی کی گئی ہے۔

    محکمہ موسمیات کے مطابق کراچی میں مطلع ابر آلود رہنے کے ساتھ سمندری ہوائیں بحال رہیں گی، شہر میں بارش کا اگلا اسپیل 27 اگست سے انٹری لے گا۔

    محکمہ موسمیات کا کہنا ہے کہ مون سون کے اگلے اسپیل میں بھی شہر میں اچھی بارشیں متوقع ہیں، رواں برس مون سون بارشوں کا سلسلہ ستمبرکے آخر تک جاری رہے گا۔

    آج زیادہ سے زیادہ درجہ حرارت 34 ڈگری تک جانے کا امکان ہے۔

    ہوامیں نمی کا تناسب 85 فیصد ہے، اس وقت جنوب مغربی سمت سے18 کلومیٹر فی گھنٹہ کی رفتار سے ہوائیں چل رہی ہیں۔

    بونیر میں کلاؤڈ برسٹ سے 234 افراد جاں بحق ہوئے، سرکاری رپورٹ:

    خیبرپختونخوا کے علاقے بونیر میں کلاؤڈ برسٹ سے ہونے والی اموات سے متعلق سرکاری رپورٹ جاری کر دی گئی، جس میں کہا گیا ہے کہ بونیر میں 234 افراد جاں بحق ہوئے۔

    بونیر میں کلاؤڈ برسٹ اور سیلاب سے ہونے والے نقصانات پر سرکاری رپورٹ میں کہا گیا ہے کہ سب سے زیادہ بونیر میں دو سو چونتیس افراد جاں بحق ہوئے، کلاؤڈ برسٹ اور سیلاب سے 162 گھر تباہ جب کہ 575 گھر جزوی متاثر ہوئے۔

    رپورٹ کے مطابق سیلاب سے 110 کلو میٹر سڑکیں، پل اور دیگر انفرااسٹرکچر شدید متاثر ہوا ہے، اور 55890 ایکڑ زرعی اراضی سیلاب کی نذر ہو گئی ہے، 825 دکانیں تباہ ہو گئیں، اور 3638 مویشی ہلاک ہوئے۔

    بونیر میں پورے پورے گاؤں دفن، ملبہ اجتماعی قبریں بن گئیں (ویڈیو رپورٹ)

    سرکاری رپورٹ میں کہا گیا ہے کہ ندی نالے ٹوٹنے سے محکمہ پبلک ہیلتھ کو 19 کروڑ 48 لاکھ کا نقصان ہوا، 29 تعلیمی ادارے متاثر ہوئے، جن میں سے 23 میل تعلی ادارے جزوی طور پر، 1 میل مکمل طور پر، اور 5 فیمیل تعلیمی ادارے جزوی متاثر ہوئے۔

    محکمہ زراعت کی 26142 ایکڑ اراضی برباد ہو گئی، جس پر 25 کروڑ سے زائد نقصان ہوا ہے، ہائی وے اتھارٹی کی 4 کلو میٹر سڑک بہہ گئی، جس سے 32 کروڑ سے زائد کا نقصان ہوا ہے۔

  • آج کراچی کا موسم کیسا رہے گا؟ بارش کب ہوگی؟

    آج کراچی کا موسم کیسا رہے گا؟ بارش کب ہوگی؟

    کراچی(9 اگست 2025): محکمہ موسمیات نے بارش کے حوالے سے خوش خبری سنائی ہے کہ کراچی کے مختلف علاقوں میں آج وقفے وقفے سے بوندا باندی متوقع ہے۔

    محکمہ موسمیات کے مطابق کراچی میں مطلع ابر آلود رہے گا اور دن بھر سمندری ہوا کیساتھ موسم مرطوب رہنے کا امکان ہے۔

    محکمہ موسمیات کا کہنا ہے کہ کراچی کے مختلف علاقوں میں ہلکی بارش اور بوندا باندی متوقع ہے، ہوا میں نمی کا تناسب 69 فیصد ہے اور مغربی سمت سے 15کلو میٹر فی گھنٹہ کی رفتار سے ہوا چل رہی ہے۔

    محکمہ موسمیات نے مزید کہا کہ کراچی کا زیادہ سے زیادہ درجہ حرارت 34 ڈگری سینٹی گریڈ رہنے کا امکان ہے، دوسری جانب لاہور اور گردنواح میں آج دن کے اوقات میں بارش کا امکان ہے۔

    محکمہ موسمیات کا کہنا ہے کہ ملک میں آج بھی کہیں ہلکی تو کہیں تیز بارش کا امکان ہے، محکمہ موسمیات نے آئندہ چوبیس گھنٹے کے دوران لاہور، راولپنڈی، اسلام آباد، پشاور، دیر، چترال، سوات، کشمیر، گلگت بلتستان میں کہیں ہلکی تو کہیں تیز بارش کی پیشگوئی کی ہے۔

  • کراچی کے موسم سے متعلق محکمہ موسمیات کی اہم پیشگوئی

    کراچی کے موسم سے متعلق محکمہ موسمیات کی اہم پیشگوئی

    کراچی: محکمہ موسمیات کا کہنا ہے کہ شہرکا مطلع جزوی ابرآلود ہے، آج شہر کا موسم مرطوب رہنے کا امکان ہے۔

    تفصیلات کے مطابق محکمہ موسمیات کا کہنا ہے کہ کراچی کا موجودہ درجہ حرارت 29 ڈگری سینٹی گریڈ ریکارڈ کیا گیا ہے، جبکہ آج پارہ 34 ڈگری سینٹی گریڈ تک ریکارڈ کیا جا سکتا ہے۔

    محکمہ موسمیات کے مطابق سمندری ہوائیں بحال ہونے سے نمی کا تناسب 78 فیصد ہے، جنوب مغربی سمت سے16 کلومیٹر فی گھنٹہ کی رفتار سے ہوائیں چل رہی ہیں۔

    دوسری جانب واضح رہے کہ وفاقی دارالحکومت اسلام آباد میں بارش پھر امتحان بن گئی، نیوچٹھہ بختاور کا علاقہ زیرآب آگیا اور نالے بپھر گئے۔

    مارگلہ کی پہاڑیوں سے آنے والے تیز ریلے کے باعث برساتی نالے بپھر گئے، جس کے نتیجے میں نیو چٹھہ بختاور سمیت کئی نشیبی علاقے زیر آب آ گئے۔

    نیو چٹھہ بختاور کا علاقہ شدید موسلا دھار بارش کے بعد تالاب کا منظر پیش کرنے لگا۔ گلی نمبر 6، 7، 8، 9، 10 اور 11 میں گھروں میں پانی داخل ہو گیا، جس سے مکینوں کو شدید مشکلات کا سامنا کرنا پڑا۔

    علاقہ مکینوں کے مطابق، نالے کے کنارے غیرقانونی تعمیرات اور نکاسی آب کا ناقص نظام نقصان کی بڑی وجہ بنے۔

    کراچی کے موسم سے متعلق محکمہ موسمیات کا اہم بیان

    چک شہزاد اور پارک روڈ کے اطراف میں بھی برساتی نالے اوور فلو ہو گئے، جہاں کئی کئی فٹ پانی جمع ہونے سے معمولات زندگی مفلوج ہو کر رہ گئے۔

    راول ڈیم میں پانی کی سطح ایک بار پھر بلند ہونا شروع ہو گئی، جس کے بعد اسپل وے کھول دیے گئے تاکہ اضافی پانی کا دباؤ کم کیا جا سکے۔

  • شہر قائد کے مختلف علاقوں میں صبح سویرے بوندا باندی، موسم خوشگوار‎

    شہر قائد کے مختلف علاقوں میں صبح سویرے بوندا باندی، موسم خوشگوار‎

    کراچی کے مختلف علاقوں میں صبح سویرے بوندا باندی سے شہر کا موسم خوشگوار ہوگیا۔

    تفصیلات کے مطابق محکمہ موسمیات کا کہنا ہے کہ چند روز تک کراچی کا موسم مرطوب رہے گا، بادل چھائے رہیں گے۔

    شہر میں صبح اوررات میں بوندا باندی متوقع ہے، جنوب مغربی سے 15 کلومیٹر فی گھنٹہ کی رفتار سے ہوائیں چل رہی ہیں۔

    محکمہ موسمیات کے مطابق شہرمیں ہوا میں نمی کا تناسب 74 فیصد ہے، دن میں زیادہ سے زیادہ درجہ حرارت 32 سے 34 ڈگری سینٹی گریڈ تک رہنے کا امکان ہے۔

    موسم سے متعلق خبریں

    دوسری جانب ملک کے بالائی علاقوں میں آج بھی بارش کا انتباہ جاری کیا گیا ہے جس کے پیش نظر عوام کو غیر ضروری سفر سے گریز کی ہدایات جاری کردی گئیں۔