ARYNews.tv | Urdu – Har Lamha Bakhabar

Tag: karachi weather

کراچی کا موسم گرم اور مرطوب ہوتا ہے۔ گرمیوں میں درجہ حرارت 40 ڈگری سینٹی گریڈ تک پہنچ سکتا ہے اور نمی کی سطح بھی بہت زیادہ ہوتی ہے۔ مون سون کے موسم میں بارش ہوتی ہے لیکن یہ بارش اکثر تیز اور طوفانی ہوتی ہے۔ سردیوں میں درجہ حرارت 10 سے 20 ڈگری سینٹی گریڈ کے درمیان رہتا ہے۔

کراچی میں گرمی اور نمی کی وجہ سے لوگوں کو بہت مشکلات کا سامنا کرنا پڑتا ہے۔ لوگوں کو گرمی سے بچنے کے لیے زیادہ پانی پینا چاہیے اور ٹھنڈی جگہوں پر رہنا چاہیے۔ مون سون کی بارشوں کے دوران لوگوں کو سیلاب اور بجلی گرنے کے خطرے سے بچنے کے لیے احتیاط کرنی چاہیے۔

  • کراچی میں سمندری ہوائیں بحال ہونا شروع، مطلع ابرآلود رہنے کا امکان

    کراچی میں سمندری ہوائیں بحال ہونا شروع، مطلع ابرآلود رہنے کا امکان

    کراچی : کراچی میں سمندری ہوائیں بحال ہونا شروع ہوگئیں اور درجہ حرارت معمول پر آنے لگا، محکمہ موسمیات کا کہنا ہے کہ بحیرہ عرب میں بننے والا سمندری طوفان مزید کمزور ہوگیا ہے، ہوا کے کم دباؤکے سبب ٹھٹھہ، تھرپارکرمیں گرج چمک کیساتھ بارش کا امکان ہے۔

    تفصیلات کے مطابق وایوطوفان کے اثرات ختم ہوتے ہی کراچی کا موسم بہتر ہونے لگا، سمندری ہوائیں بحال ہونا شروع ہوگئیں ، محکمہ موسمیات نے کہا سائیکلون طوفان ختم ہوچکا ،بارش کاامکان نہیں، شہر قائد میں آج موسم گرم اور مطلع ابرآلود رہنے کا امکان ہے۔

    شہر کا موجودہ درجہ حرارت 34 ڈگری سینٹی گریڈ، ہوامیں نمی کاتناسب65 فیصد ہے اور ہوا مغرب کی جانب سے 22 کلو میٹر فی گھنٹہ کی رفتار سے چل رہی ہے۔

    محکمہ موسمیات کے مطابق زیادہ سے زیادہ درجہ حرارت 34 سے 36 ڈگری سینٹی گریڈ رہنے کی توقع ہے۔

    محکمہ موسمیات نے نواں ٹراپیکل سائیکلون الرٹ جاری کردیا ہے ، جس میں کہا گیا بحیرہ عرب میں بننے والاوائیو طوفان مزیدکمزور ہوگیا ہے ، وایوطوفان کراچی کے جنوب میں330کلومیٹر دور ہے ، سائیکلون کے مرکز میں 90 کلومیٹر فی گھنٹہ رفتارسےہوائیں چل رہی ہیں ، طوفان مزید کمزور ہوکر ڈپریشن میں بدل جائے گا۔

    ہوا کے کم دباؤ کے سبب ٹھٹھہ، تھرپارکر میں گرج چمک کیساتھ بارش متوقع ہے جبکہ کراچی میں آج سے سمندری ہوائیں بحال ہوجائیں گی اور درجہ حرارت معمول پر آجائے گا۔

    محکمہ موسمیات کا کہنا ہے سمندرمیں طغیانی کےباعث ماہی گیرآج کھلےسمندرکارخ نہ کریں۔

    دوسری جانب لاہور کے مختلف علاقوں میں بارش سے گرمی کا زور ٹوٹنے سے موسم خوشگوار ہوگیا ہے، محکمہ موسمیات نے آئندہ چوبس گھنٹوں میں راولپنڈی،اسلام آباد،پشاور ،کوہاٹ،ڈی آئی خان،ژوب، کشمیر اور دیگرشہروں میں بارش کی پیشگوئی کی ہے جبکہ کراچی سمیت بیشترعلاقوں میں موسم گرم اور خشک رہےگا۔

  • کراچی میں پورا ہفتے موسم کیسا رہے گا ؟

    کراچی میں پورا ہفتے موسم کیسا رہے گا ؟

    کراچی : محکمہ موسمیات کا کہنا ہے کراچی میں پوراہفتہ موسم گرم اورمرطوب رہےگا، مرطوبیت بڑھنے سے 40 ڈگری محسوس کیا جائے گا جبکہ درجہ حرارت چھتیس سے سینتیس ڈگری سینٹی گریڈ رہنے کی توقع ہے۔

    تفصیلات کے مطابق محکمہ موسمیات کا کہنا ہے کراچی میں پوراہفتہ موسم گرم اورمرطوب رہےگا اور درجہ حرارت چھتیس سے سینتیس ڈگری سینٹی گریڈ رہنے کی امکان ہے۔

    چیف میٹرولوجسٹ عبدلرشید کا کہنا ہے کہ مئی کا پورا مہینہ اسی طرح گرم رہے گا، فلحال رمضان میں ہیٹ ویو کا کوئی بھی امکان نہیں جبکہ 15 جون سے موسم میں تبدیلی آئے گی۔

    کراچی کاموجودہ درجہ حرارت35ڈگری سینٹی گریڈہے، مرطوبیت بڑھنےسے40ڈگری محسوس کیاجارہاہے، ہوا22کلومیٹرفی گھنٹہ کی رفتار سےچل رہی ہے جبکہ ہوا میں نمی کاتناسب 47فیصدہے۔

    دوسری جانب محکمہ موسمیات کا کہنا ہے کہ آج ملک کے بیشترعلاقوں میں موسم گرم اورخشک رہیگا تاہم خیبرپختونخوا، پنجاب اوربالائی علاقوں میں بارش کا امکان ہے، آج ملتان، بہاولپور، فیصل آباد، لاہور، راولپنڈی، اسلام آباد اورکشمیرمیں کہیں کہیں جبکہ کوئٹہ، قلات، ژوب اورگلگت بلتستان میں چند مقامات پرآندھی اور گرج چمک کے ساتھ بارش کا امکان ہے۔

    اندرون سندھ گرمی زور دکھائے گی ، حیدر آباد نوابشاہ میں پارہ تینتالیس ڈگری تک چڑھا رہے گا اور سکھر میں بیالیس ٖ ڈگری سینٹی گریڈ رہنے کا امکان ہے۔

    گزشتہ روزسب سے زیادہ درجہ حرارت نوابشاہ میں چوالیس ڈگری سینٹی گریڈ ریکارڈ کیا گیا۔

  • بدھ سے بارش کے منتظر کراچی کے شہری اب بارش کاانتظارنہ کریں،محکمہ موسمیات

    بدھ سے بارش کے منتظر کراچی کے شہری اب بارش کاانتظارنہ کریں،محکمہ موسمیات

    کراچی : چیف میٹرولوجسٹ عبدالرشید کا کہنا ہے کہ بدھ سے بارش کے منتظر شہری اب بارش کا انتظار نہ کریں، کراچی میں بارش کا کوئی امکان نہیں۔

    تفصیلات کے مطابق ملک کے بیشترعلاقوں بارش کا سلسلہ جاری ہےاور محکمہ موسمیات نے کراچی میں بھی بارش کی پیش گوئی کی تھی تاہم چیف میٹرولوجسٹ عبدالرشید نے کہا کراچی میں بارش کاکوئی امکان نہیں۔

    چیف میٹرولوجسٹ عبدالرشید کا کہنا تھا بدھ سےبارش کےمنتظرشہری اب بارش کاانتظارنہ کریں، کراچی میں آج مطلع جزوی ابرآلودرہےگا، بارش کاسسٹم بلوچستان میں موجودہے ، بادل بلوچستان اورسندھ کےدیگرشہروں میں کھل کربرسیں گے۔

    کراچی شہر کا موجودہ درجہ حرارت 33 ڈگری سینٹی گریڈ ، ہوا میں نمی کا تناسب 43 فیصد ہے جبکہ 14 کلو میٹر کی رفتار سے ہوا چل رہی ہے۔

    مزید پڑھیں : ملک کے مختلف شہروں میں بارش اور ژالہ باری کا امکان

    محمکہ موسمیات کا کہنا ہے آج خیبرپختونخوا (مالاکنڈ، ہزارہ، پشاور، مردان،کوہاٹ، بنوں، ڈی آئی خان ڈویژن)، پنجاب (راولپنڈی،گوجرانوالہ، لاہور، سرگودھا، فیصل آباد، ساہیوال، ملتان، ڈی جی خان، بہاولپور ڈویژن)، اسلام آباد، بلوچستان (کوئٹہ، ژوب، قلات، مکران، سبی، نصیرآباد ڈویژن)، سندھ (سکھر، لاڑکانہ، شہیدبینطیرآباد، کراچی ڈویژن)،گلگت بلتستان اور کشمیر میں کہیں کہیں تیزہواوٗں / آندھی اور گرج چمک کے ساتھ بارش اورچند مقامات پر ژالہ باری کا امکان ہے۔

    دوسری جانب ملک کے مختلف شہروں میں گرج چمک کے ساتھ تیز بارش نے تباہی مچادی ہے، بلوچستان میں بارشوں سے حادثات میں تین افراد جاں بحق ہو گئے ۔ ندی نالوں میں طغیانی سے شاہراہیں بند ہوگئیں جبکہ پنجاب اور سندھ میں بھی تیز ہواؤں کے ساتھ موسلادھار بارش نشیبی علاقے زیرآب آگئے

    کئی علاقوں میں سیلابی صورتحال ہے ، کوئٹہ میں دیوار اور چھت گرنے کے واقعات میں خاتون اور بچے سمیت سمیت دو افراد جاں بحق ہو گئے، موسیٰ خیل خان محمدکوٹ کےقریب ندی کے سیلابی پانی میں نوجوان بہہ گیا۔

    بارشو ں نے کوہلو میں بھی تباہی مچادی، نشیبی علاقے زیرآب آگئے، ژالہ باری سےگندم کی فصل تباہ ہوگئی۔ پُل بہہ جانے سے کوہلو اور کوئٹہ کا زمینی رابطہ کٹ گیا۔

    سندھ میں گرج چمک کیساتھ تیز بارش خیرپور اورگردونواح میں کئی فیڈرزٹرپ کرگئے، ٹنڈو الہ یارمیں طوفانی ہواؤں نےدرخت اکھاڑ دیئے۔

  • رمضان کے پہلے عشرے میں کراچی کا موسم خوشگوار رہے گا

    رمضان کے پہلے عشرے میں کراچی کا موسم خوشگوار رہے گا

    کراچی : محکمہ موسمیات نے کراچی والوں کو اچھی سنادی ، رمضان المبارک کے پہلے عشرے میں درجہ حرارت پینتیس سے چھتیس ڈگری سینٹی گریڈ تک رہنے کا امکان ہے۔

    تفصیلات کے مطابق ماہ صیام کے شروع ہوتے ہی ملک بھر میں سورج نے بھی رنگ دکھانا شروع کردیئے تاہم کراچی میں رمضان المبارک کے پہلے عشرے میں درجہ حرارت پینتیس سے چھتیس ڈگری سینٹی گریڈ تک رہنے کا امکان ہے۔

    محکمہ موسمیات کا کہنا ہے کراچی کا مطلع آج جزوی ابر آلود رہنےکاامکان ہے، سمندری ہوائیں چلتی رہیں گی اور آج زیادہ سےزیادہ درجہ حرارت32 سے34 ڈگری سینٹی گریڈ رہے گا۔

    کراچی کاموجودہ درجہ حرارت 32 ڈگری سینٹی گریڈ اور ہوامیں نمی کاتناسب 60 فیصد ہے جبکہ شام کے اوقات میں ہوا میں نمی کا تناسب 45 سے 55 فیصد ہوسکتا ہے۔

    دوسری جانب محکمہ موسمیات کے مطابق جنوبی پنجاب اوراندرونِ سندھ میں شدید گرمی پڑے گی، لاہورسمیت پنجاب میں بھی گرمی روزے داروں کے صبر کا امتحان لیتی رہے گی، فیصل آباد میں درجہ حرارت تینتالیس سرگودھا اور ملتان میں پارہ بیالیس تک جا سکتاہے۔

    محکمہ موسمیات نےآئندہ چوبیس گھنٹوں میں کراچی، کوئٹہ، لاہور، اسلام آباد، پشاورسمیت ملک کےبیشترعلاقوں میں موسم گرم اورخشک رہنےکی پیشن گوئی کی ہے، جیکب آباد میں پارہ اڑتالیس ڈگری تک جا نے کا امکان ہے۔

  • کراچی میں صبح ہی صبح گرمی کی شدت میں اضافہ

    کراچی میں صبح ہی صبح گرمی کی شدت میں اضافہ

    کراچی: ملک بھر میں شدید سردی کے بعد آج موسم گرما نے اپنی جھلک دکھا دی۔ صوبہ سندھ کے دارالحکومت کراچی میں صبح کے اوقات میں گرمی کی شدت میں واضح اضافہ دیکھا گیا۔

    تفصیلات کے مطابق کراچی میں آج صبح ہی درجہ حرارت 25 ڈگری سینٹی گریڈ ریکارڈ کیا گیا۔ محکمہ موسمیات کے مطابق آج زیادہ سے زیادہ درجہ حرارت 35 ڈگری سینٹی گریڈ تک پہنچنے کا امکان ہے۔

    محکمہ موسمیات کا کہنا ہے کہ شہر میں آج دن بھر مطلع صاف رہے گا۔ آج کے دن ہوا میں نمی کا تناسب 66 فیصد ریکارڈ کیا گیا۔

    دوسری جانب بالائی علاقوں میں سردی کی شدت باقی ہے، گزشتہ رات کالام میں منفی 04 اور استور میں منفی 01 ڈگری سینٹی گریڈ ریکارڈ کیا گیا۔

    آج بھی بالائی علاقوں میں موسم سرد اور خشک رہے گا، سب سے کم درجہ حرارت اسکردو میں ہوگا جہاں کم سے کم درجہ حرارت صفر اور زیادہ سے زیادہ سے 3 ڈگری سینٹی گریڈ رہے گا۔

    اس سے قبل ملک بھر میں موسم سرما اپنے عروج پر تھا اور ملک کے مختلف حصوں میں برف باری اور شدید بارشیں جاری تھیں۔ کراچی میں بھی موسم جزوی طور پر ابر آلود تھا جبکہ خشک ہوائیں بھی چل رہی تھیں۔

  • کراچی میں درجہ حرارت10 ڈگری سینٹی گریڈ تک گرنے کا امکان

    کراچی میں درجہ حرارت10 ڈگری سینٹی گریڈ تک گرنے کا امکان

    کراچی :محکمہ موسمیات نے خبردار کیا ہے کہ کراچی میں کل سے سرد اور تیز ہواؤں کا آغاز متوقع ہے، جس سےدرجہ حرارت دس ڈگری تک گر سکتا ہے  جبکہ  ملک کے دیگر شہروں میں ایک بار پھر بارش کی پیش گوئی کردی ہے۔

    تفصیلات کے مطابق محکمہ موسمیات نے کراچی میں موسم مزید سرد ہونے کی پیش گوئی کردی ہے اور کہا بدھ سے سرد اور تیزہواؤں کا آغاز متوقع ہے، شمال مشرق سے چلتی ہوائیں سردی بڑھائیں گی اور درجہ حرارت دس ڈگری سینٹی گری تک گرسکتا ہے۔

    محکمہ موسمیات کا کہنا ہے کہ کل سے شروع ہونے والی سردی کی نئی لہر 3 دن رہےگی۔

    کراچی کا موجودہ درجہ حرارت 24 ڈگری اور ہوا میں نمی کا تناسب 42 فیصد ہے جبکہ آج کم سےکم درجہ حرارت 14 ڈگری سینٹی گریڈ ریکارڈ کیا گیا۔

    دوسری جانب ملک بھر میں سردی کی شدت برقرار ہے، محکمہ موسمیات نے ایک بار پھر ملک کے مختلف شہروں میں بارش اور برفباری کی پیش گوئی کر دی ہے، آج اورکل بالائی خیبرپختونخوا، شمال مشرقی پنجاب، اسلام آباد اوربالائی سندھ میں برکھا رنگ جمائے گی۔

    کوئٹہ، مکران، گوادر، تربت، جیوانی اور دالبدین سمیت بلوچستان کے مختلف اضلاع میں بارش سے سردی کی شدت میں اضافہ ہوگیا ہے، جس سے شہری ٹھٹھر کر رہ گئے۔

    اسکردو میں پارہ منفی گیارہ ،کالام منفی سات،استور منفی پانچ ،ہنزہ، مالم جبہ منفی تین ،مری منفی دو اور گلگت میں منفی ایک ریکارڈ کیا گیا۔

    گذشتہ 24 گھنٹوں میں ملک کے بیشتر علاقوں میں موسم سرد اور خشک رہا، تاہم مکران، کوئٹہ، مالاکنڈ ڈویژن اور گلگت بلتستان میں کہیں کہیں بارش اور پہاڑوں پر برفباری ہوئی۔

    سب سے زیادہ بارش خیبرپختونخوا:  میرکھانی10، چترال05، کالام03، دیر، دروش02، بلوچستان: جیوانی07،  کوئٹہ 06،  گوادر 01،  گلگت بلتستان: بگروٹ 05  ، اسکردو 02، ہنزہ،  گلگت01  ملی میٹر  ریکارڈ کی گئی۔

  • کراچی میں ایک بار پھر بارش کا امکان

    کراچی میں ایک بار پھر بارش کا امکان

    اسلام آباد : محکمہ موسمیات کا کہنا ہے بارش برسانے والا نیا سسٹم کل سے پاکستان میں داخل ہوگا، کراچی میں آئندہ 24 گھنٹے میں ہلکی بارش کا امکان ہے ، جس سے سردی کی شدت میں اضافہ متوقع ہے۔

    تفصیلات کے مطابق  محکمہ موسمیات نےملک بھر میں کل سے موسلا دھار بارشوں کی پیش گوئی کردی ہے جبکہ ملک کے بیشتر شہروں میں موسم سرد اور خشک ہے۔

    محکمہ موسمیات کا کہنا ہے کہ بارش برسانے والا نیا سسٹم کل سے پاکستان میں داخل ہوگا، جس سے بدھ سےجمعرات کے دوران کراچی ،لاہور، کوئٹہ، پشاور، اور اسلام آباد سمیت ملک کے بیشتر علاقوں میں ہلکی اور تیز بارش کا امکان ہے۔

    کراچی میں آج موسم سرد اور خشک رہے گا تاہم آئندہ 24 گھنٹےمیں بوندا باندی کاامکان ہے، مغرب سےبارش برسانےوالےسسٹم کےباعث بونداباندی ہوگی۔

    محکمہ موسمیات کے مطابق کراچی میں صبح کے وقت درجہ حرارت 13 ڈگری ریکارڈکیاگیا، جبکہ موجودہ درجہ حرارت 23 ڈگری اور ہوامیں نمی کا تناسب 28 فیصدہے جبکہ ہوا 3 ناٹیکل میل فی گھنٹہ کی رفتارسےچل رہی ہے۔

    دوسری جانب سوات، چترال، مری، گلگت بلتستان اور کشمیر میں شدید برفباری کی توقع ہے ،اس دوران مالاکنڈ، ہزارہ ڈویژن، گلگت بلتستان اور کشمیر میں لینڈ سلائیڈ کا خدشہ ہے۔

    محکمہ موسمیات نے رواں ہفتےکےوسط میں ملک میں بارش اورپہاڑوں پربرفباری کی پیشگوئی بھی کی ہے ، مغربی علاقوں میں آج رات مغربی ہواؤں کا سلسلہ داخل ہوگا، بدھ کومغربی ہواؤں کاسلسلہ مختلف علاقوں میں پھیل جائےگا اور یہ سلسلہ جمعرات تک بالائی علاقوں میں برقراررہےگا،مغربی ہواؤں کےزیراثر بارشیں اوربعض مقامات پربرفباری متوقع ہے۔

    واضح رہے یاد رہے کہ ہفتے کو رات گئے کراچی کے مختلف علاقوں میں ہلکی بارش کے باعث سردی کی شدت میں اضافہ ہوا تھا۔

  • کراچی میں شمال مشرقی ہوائیں چلنےسےسردی کی شدت میں اضافے کا امکان

    کراچی میں شمال مشرقی ہوائیں چلنےسےسردی کی شدت میں اضافے کا امکان

    کراچی : محکمہ موسمیات کا کہنا ہے کہ کراچی میں شمال مشرقی ہوائیں چلنےسےسردی کی شدت میں اضافےکاامکان ہے، ہوا 8 کلومیٹر فی ناٹیکل میل کی رفتار سے چل رہی ہے، بارش کاامکان نہیں، مطلع جزوی ابرآلود رہےگا۔

    تفصیلات کے مطابق کراچی سرد ہوائوں کی لپیٹ میں ہے، محکمہ موسمیات کا کہنا ہے کہ شمال مشرقی ہوائیں چلنےسےسردی کی شدت میں اضافےکاامکان ہے، آج کم سے کم درجہ حرارت 10 ڈگری ریکارڈ کیا گیا جبکہ زیادہ سے زیادہ درجہ حرارت 23 ڈگری تک رہنے کا امکان ہے۔

    محکمہ موسمیات کا کہنا ہے کہ شہر کا موجودہ درجہ حرارت 18 ڈگری سینٹی گریڈ ہے ، ہوا 8 کلومیٹر فی ناٹیکل میل کی رفتارسےچل رہی ہے جبکہ بارش کاامکان نہیں،مطلع جزوی ابرآلودرہےگا۔

    دوسری جانب لاہورسمیت پنجاب میں شدید دھند کی لہربرقرار ہے، جس کے باعث قومی شاہراہوں اورموٹرویز پر شدیددھند سےحد نگاہ کم ہونےسےسفر دشوار ہوگیا ہے جبکہ شمالی علاقوں میں برفباری اور بارش کے بعد موسم شدید سرد ہے۔

    بلوچستان میں بھی سردی کی شدت برقرار ،قلات میں درجہ حرارت منفی چھ ریکارڈ کیا گیا جبکہ کالام میں درجہ حرارت منفی تیرہ اسکردو میں منفی بارہ تک گرگیا۔

  • کراچی میں صبح سویرے ٹھنڈی ہواؤں اور دھند کا راج

    کراچی میں صبح سویرے ٹھنڈی ہواؤں اور دھند کا راج

    کراچی: جلھساتی ہوئی دھوپ کے بعد بالآخر ٹھنڈی ہواؤں نے صوبہ سندھ کے دارالحکومت کراچی کا بھی رخ کرلیا اور صبح سویرے چلنے والی ٹھنڈی ہواؤں اور دھند نے موسم خوشگوار بنا دیا۔

    تفصیلات کے مطابق شہر قائد میں بھی سردی آن پہنچی۔ بدھ کی صبح شہر میں ٹھنڈی ہواؤں اور دھند سے موسم خوشگوار ہوگیا۔ ایک روز قبل تک تیز دھوپ شہر قائد کے باسیوں کو جھلسا رہی تھی۔

    محکمہ موسمیات کا کہنا ہے کہ شہر میں موجودہ درجہ حرارت 20 ڈگری سینٹی گریڈ ہے جبکہ ہوا میں نمی کا تناسب 79 فیصد ہے۔

    محکمہ موسمیات کا کہنا ہے کہ آئندہ 48 گھنٹے میں موسم سرد رہنے کا امکان ہے۔

    مزید پڑھیں: پنجاب کے مختلف شہروں میں موسم سرما کی پہلی بارش

    کراچی پولیس نے دھند کے پیش نظر شہریوں کو احتیاط سے ڈرائیونگ کرنے کی ہدایت کی ہے۔

    دوسری جانب ملک کے بالائی علاقوں میں سردی کی شدت جاری ہے۔ سوات میں مسلسل دوسرے روز بھی بارش ہورہی ہے جبکہ دیگر بالائی علاقوں میں برف باری ہورہی ہے۔

  • کراچی میں شدید گرمی/ سمندری طوفان کا اندیشہ

    کراچی میں شدید گرمی/ سمندری طوفان کا اندیشہ

    کراچی: محکمہ موسمیات نے آج شہرِ قائد میں شدید گرمی پڑنے کا اندیشہ ظاہر کیا ہے جبکہ شہر کے ساحلی علاقوں میں رہنے والوں کو آئندہ ہفتے سمندر طوفان کا بھی خدشہ درپیش ہے۔

    تفصیلات کے مطابق محکمہ موسمیات کے ڈائریکٹر شاہد عباس کا کہنا ہے کہ آج سمندری ہوائیں رخ تبدیل کرلیں گی، شمال مغرب سے گرم اور خشک ہوائیں موسم گرم کرنے کا سبب بنیں گی جب کہ ان دنوں ہوا میں نمی کا تناسب بھی زیادہ ہے۔

    انہوں نے مزید بتایا کہ کراچی میں درجہ حرارت 38 سے 40 ڈگری سینٹی گریڈ تک پہنچ سکتا ہے ، جب کہ ہوا کہ کم دباؤ کے باعث آئندہ ہفتے سمندری طوفان کا بھی خدشہ ظاہر کیا جارہاہے۔

    شدید گرمی کے موسم میں احتیاطی تدابیر

    شاہد عباس کے مطابق آج سمندری ہوائیں رخ تبدیل کرلیں گی، شمال مغرب سے گرم اور خشک ہوائیں موسم گرم کرنے کا سبب بنیں گی جب کہ ان دنوں ہوا میں نمی کا تناسب زیادہ ہے۔ دوسری جانب خلیج بنگال اور بحیرہ عرب میں ہوا کا کم دباؤ موجود ہے، آئندہ ہفتے تک ہوا کا کم دباؤ سمندری طوفان میں تبدیل ہوسکتا ہے۔

    ڈائریکٹر محکمہ موسمیات کا کہنا ہےکہ سمندری طوفان کی شدت کا اندازہ 8 اکتوبر سے پہلے لگاناممکن نہیں، طوفان کا رخ کراچی کی جانب ہوا بھی توپہنچنے میں ہفتہ لگ جائےگا، محکمہ موسمیات سمندری طوفان کو قریب سے مانیٹر کررہا ہے۔