Tag: کراچی

وزیراطلاعات سندھ شرجیل میمن نے سکھر ایئرپورٹ پر میڈیا سے بات چیت کرتے ہوئے کہا کہ قانون بنانا اور اس میں ترامیم ارکان اسمبلی کا حق ہے، سندھ ہائی کورٹ کا تفصیلی فیصلہ آنے کے بعد حکمت عملی طے کریں گے، بلدیاتی انتخابات اٹھارہ جنوری کو کرانا ناممکن ہوگئے۔

شرجیل میمن کا کہنا ہے کہ بلدیاتی الیکشن پر سندھ ہائی کورٹ کے فیصلے کے خلاف سپریم کورٹ سے رجوع کریں گے، قائم علی شاہ سندھ ہائی کورٹ کا تفصیلی فیصلہ آنے کے بعد وزیراعلی سینئر وکلا پینل سے مشورہ کریں گے۔ سندھ کے بلدیاتی الیکشن ملتوی تو نہیں ہوں گے، تاہم تاریخ میں توسیع ہوسکتی ہے۔

متحدہ قومی موومنٹ کے قائد الطاف حسین نے کہا ہے کہ وہ تاریخی فیصلے پر جج صاحبان کے تہہ دل سے شکرگزار ہیں، صدیق راٹھو کا کہنا ہے بغیرمردم شماری کے انتخابات کرانے کا فائدہ نہیں ہوگا، سندھ حکومت نے فیصلے کو چیلنج کرنے کیلئے سر جوڑ لئے۔

سندھ ہائیکورٹ کے لوکل گورنمنٹ ایکٹ ترامیم کے فیصلے پر متحدہ قومی مومنٹ کے قائد الطاف حسین نے ابتدائی ردعمل دیتے ہوئے فیصلے پر خوشی اور اطمینان کا اظہار کیا ہے۔

الطاف حسین نے کہا کہ تاریخی فیصلے پر سپریم کورٹ اور ہائی کورٹ کے جج صاحبان کا شکرگزار ہوں، پاکستان اور خصوصا سندھ کے عوام کو مبارکباد پیش کرتے ہوئے ایم کیو ایم کے قائد نے کہا کہ بیرسٹرفروغ نسیم سمیت تمام وکلا کو مقدمےکی پیروی کرنے پر زبردست خراج تحسین پیش کرتاہوں، فیصلہ سن کراللہ کے حضور سر بسجود ہوں۔

جمعیت علماء پاکستان کے مرکزی نائب صدر صدیق راٹھور نے کہا کہ دس سال سے زائد ہوگئے، مردم شماری نہیں کرائی گئی، انتخابات کا اصل مقصد مردم شماری کرائے بغیر حاصل نہیں کیا جاسکتا، ذرائع کے مطابق سندھ حکومت ہائی کورٹ کے فیصلے کے خلاف سپریم کورٹ میں اپیل دائرکرنے کے لئے سر جوڑ کر بیٹھ گئی ہے۔
 

بلدیاتی انتخابات کے لئے کراچی سمیت سندھ بھر سے ہزاروں امیدوار سامنے آگئے، ممبرقومی اور صوبائی اسمبلی کی بڑی تعداد بھی مئیر اور ڈپٹی میئر بننے کی دوڑ میں شامل ہے۔

کراچی سمیت سندھ بھرمیں بلدیاتی انتخابات کے لئے کاغذات نامزدگی جمع کرانے کا وقت گزشتہ روز توسیع کے بعد رات بارہ بجے ختم ہوگیا، کراچی سمیت سندھ بھر سے عوام کی خدمت کرنے کے لئے امیدوار ہزاروں کی تعداد میں سامنے آگئے، جن میں بڑی تعداد خواتین کی بھی شامل ہے۔

کئی ممبر قومی اور صوبائی اسمبلی نے بھی میئراور ڈپٹی میئر کے لئے نامزدگی فارم جمع کرادیئے، کراچی میں متحدہ قومی موومنٹ کے فاروق ستار اور خوش بخت شجاعت بھی میئر اور ڈپٹی میئرکے عہدوں کے لئے مضبوط امیدوار ہیں۔

سندھ میں بلدیاتی انتخابات کا پہلا مرحلہ مکمل ہونے کے بعد یکم سے پانچ جنوری تک کاغذات کی جانچ پڑتال کی جائےگی، جبکہ کاغذات منظور یا مسترد کئے جانے کے خلاف اپیلیں چھ اور سات جنوری کو دائر کی جاسکیں گی۔

امیدواروں کو نشانات کی الاٹمنٹ کے ساتھ حتمی فہرست سات جنوری کو جاری کی جائے گی، صوبے میں پولنگ اٹھارہ جنوری کو اور حتمی نتائج کا اعلان اکیس جنوری کو کیا جائے گا۔

ایم کیو ایم نے تین جنوری سے بلدیاتی انتخابات کے حوالے سے انتخابی مہم شروع کرنے کا فیصلہ کر لیا، انتخابی مہم کےسلسلے میں ایم کیوایم کی جانب سے سندھ بھرمیں جلسے منعقد کیے جائیں گے۔

جلسوں سے ایم کیو ایم کے قائدالطاف حسین خطاب کریں گے، تین جنوری کو حیدر آباد کے علاقے لطیف آباد اور پانچ جنوری کو مزار قائد سے متصل باغ جناح میں جلسےہوں گے، جلسوں میں الطاف حسین بلدیاتی امیدواروں کے حتمی ناموں کا اعلان اور ایم کیو ایم کے بلدیاتی منشور کے حوالے سے عوام کو آگاہ کریں گے۔

سندھ میں بلدیاتی انتخابات کے لئے کاغذات نامزدگی جمع کرانے کا کل آخری روز ہے، امیدواروں کی بڑی تعداد الیکشن کمیشن کے دفاتر کے باہر موجود ہے۔

کراچی سمیت سندھ بھرمیں بلدیاتی انتخابات کے لئے کاغذات نامزدگی جمع کرانے کا سلسلہ زوروشور سے جاری ہے، الیکشن کمیشن کے جاری کردہ شیڈول کے مطابق انتیس دسمبرتک نامزدگی فارم وصول کئے جائیں گے۔

کراچی کے چھ اضلاع میں ہزاروں کی تعداد میں امیدوارسامنے آگئے ہیں، الیکشن کمیشن جمع کرائے گئے کاغذات سے متعلق نوٹی فیکیشن تیس دسمبرکو جاری کرے گا۔

جس کے بعد یکم جنوری سے پانچ جنوری تک کاغذات کی جانچ پڑتال کی جائے گی، منظور یا مسترد کاغذات کی خلاف اپیلیں دائر کرنے کے لئے چھ اور سات جنوری کی تاریخ مقررکی گئی ہے۔

اپیلوں پر فیصلے آٹھ سے گیارہ جنوری تک سنائے جائیں گے، بارہ جنوری کو امیدوارانتخابات سے دستبردارہوسکتے ہیں، امیدواروں کی حتمی فہرست تیرہ جنوری کو نشانات کے ساتھ جاری کی جائے گی جبکہ صوبے بھرمیں پولنگ اٹھارہ جنوری کو ہوگی۔

کراچی سمیت سندھ بھرکے تمام ریٹرننگ افسران اور ڈسٹرکٹ ریٹرننگ افسران نے بلدیاتی انتخابات کے حوالے سے پبلک نوٹس جاری کردیا۔

صوبے کی واحد میٹروپولیٹین کارپوریشن کراچی کے ضلع وسطی میں اکسٹھ،شرقی میں اڑسٹھ،جنوبی میں سینتالیس غربی میں چوالیس اور کورنگی کی چالیس یونین کمیٹیوں پر رائے دہندگان حق رائے دہی استعمال کریں گے۔

شہر میں ایک یونین کمیٹی نو امیدواروں پر مشتمل ہوگی۔ اقلیتی امیدوار نہ ہونے کی صورت میں آٹھ امیدواروں پر مشتمل پینل الیکشن لڑسکتا ہے۔ الیکشن کمیشن کے مطابق سندھ بھرمیں ایک کروڑ ستاسی لاکھ تیئس ہزار ایک سو اکیس ووٹرزبلدیاتی الیکشن میں ووٹ کا استعمال کریں گے۔

صوبے میں نامزدگی فارم کا اجراآج سے ہوگیاہے۔چھبیس دسمبرسے انتیس دسمبرتک نامزدگی فام جمع کرائے جاسکتے ہیں۔ تیرہ جنوری امیدواروں کی حتمی فہرست نشانات کے ساتھ جاری کردی جائے، صوبے میں پولنگ اٹھارہ جنوری کو ہوگی۔

دوسری جانب پنجاب میں کاغذات نامزدگی جمع کرانے کا آج تیسرا روزہے۔ امیدواروں کی بڑی تعدادمتعلقہ دفاترکے باہرموجود ہے۔ کاغذات نامزدگی ستائیس دسمبرتک وصول کئے جائیں گے۔پنجاب میں بلدیاتی انتخاب کےلئے پولنگ تیس جنوری کو ہوگی۔
   

سندھ اسمبلی میں ایم کیوایم کے ڈپٹی پارلیمانی لیڈرخواجہ اظہارالحسن نے کہاہےکہ شرجیل میمن کے تازہ بیان نے ثابت کردیاہے کہ پیپلز پارٹی ریاستی طاقت کے بل پر سندھ کی شہری بلدیات پر قبضہ کرناچاہتی ہے۔

خواجہ اظہارالحسن نے کہاکہ کراچی میں صوبائی حکومت پہلے ہی ایم کیوایم کے خلاف ریاستی طاقت استعمال کررہی ہے، شرجیل میمن ملکی سلامتی کے اداروں کواپنے سیاسی مخالفین کوکچلنے کے بجائے کراچی اوراندرون سندھ اصل مجرموں اوردہشت گردوں کے خلاف ایکشن لیں ۔

خواجہ اظہار الحسن کا کہنا تھا کہ خیرپور جرائم میں سرفہرست ہے جبکہ بدین ، دادو اوردیگر علاقوں میں بھی جرائم پیشہ افرادکی سرگرمیاں عروج پرہیں، کچے کے علاقے میں ڈاکو راکٹ لانچرز،بموں اوردیگرجدیدترین ہتھیاروں سے مسلح ہیں لیکن ان کے خلاف ایکشن لینے کو کوئی تیار نہیں۔
   

سندھ کے وزیر اطلاعات شرجیل انعام میمن نے کہا ہے کہ ایم کیو ایم ہو یا فنکشنل لیگ بلدیاتی آرڈیننس پر وہ لوگ اعتراض کر رہے ہیں جو آمروں کے دور میں سیاہ قانون کے حامی تھے۔

حید ر آباد میں میڈیا سے بات چیت مین صوبائی وزیر اطلاعات کا کہنا تھا کہ کہ ایم کیو ایم جب کہہ رہی ہے کے اُنہیں عدالتوں کے فیصلے منظور ہیں تو پھر سڑ کوں پر آنے کی ضرور ت کیوں پیش آئی، انہوں نے الزام لگایا کہ عدالت پر دباؤ بڑھانے کی کوشش کی جارہی ہے۔

لیکن ساتھ ہی کہا کہ حکومت کسی دباؤ میں نہیں آئے گی، بات چیت کر نی ہے تو بات چیت کے لئے دروازے کھلے ہیں، سیاسی ڈائیلاگ سے ہی مسائل حل ہوتے ہے، انہوں نے کہا کہ امتیاز شیخ جس جماعت میں بھی جائیں گے اس کا حال ایسا ہی ہو گا، چہلم کے بعد حیدر آباد میں رینجرز اور پولیس کا جرائم پیشہ عناصر کے خلاف ٹارگٹڈ آپر یشن ہو گا ۔