Tag: کراچی

کراچی: گلشن حدید میں گھر میں ڈکیتی کی بڑی واردات میں ملزمان 10 تولہ سونا اور لاکھوں روپے نقدی لوٹ کر فرار ہوگئے۔

تفصیلات کے مطابق کراچی کے علاقے گلشن حدید میں ملزمان نے گھر میں گھس کر ڈکیتی کی واردات انجام دی اور فرار ہوگئے۔

پولیس کے مطابق ملزمان گھر والوں کو اسلحے کے زور پر یرغمال بنا کر 10 تولہ سونا اور 15 لاکھ روپے نقدی لوٹ کر لے گئے۔

پولیس کا کہنا ہے کہ ملزمان واردات کے دوران جدید ہتھیاروں سے لیس تھے اور موٹر سائیکلوں پر ڈکیتی کے لیے آئے تھے۔

حکام نے بتایا کہ واردات کے بعد فرار ہونے والے ملزمان کی تلاش کے لیے کارروائی شروع کر دی گئی ہے

یاد رہے کراچی میں ایک گھریلو ملازمہ گھر کا صفایا کر کے فرار ہوگئی تھی، شہید ملت روڈ پر رہائشی اپارٹمنٹ کے فلیٹ میں 48 تولے سونا اور ڈیڑھ لاکھ روپے نقدچوری کرلیے گئے تھے۔

پولیس نے بتایا تھا کہ متاثرہ خاندان نے پندرہ روز قبل خاتون کو گھر پر ملازمہ رکھا تھا، ملازمہ ایک دوسری خاتون کو ساتھ لائی تھی، متاثرہ خاندان دوپہر میں کھانا کھانےگھر سے باہر گیا تھا۔

کراچی : معرکہ حق اورجشن آزادی کے سب سے بڑے ایونٹ میں نیشنل اسٹیڈیم آنے والے شہریوں کے لئے ہدایات جاری کردی گئیں۔

تفصیلات کے مطابق حکومتِ سندھ کی جانب سے جشنِ آزادی اور "معرکہ حق” کے سلسلے کا سب سے بڑا ایونٹ آج کراچی کے نیشنل اسٹیڈیم میں منعقد ہوگا، جہاں معروف گلوکار راحت فتح علی خان، سجاد علی، حدیقہ کیانی سمیت دیگر فنکار پرفارم کریں گے۔

وزیرِ بلدیات سندھ سعید غنی نے پریس کانفرنس میں بتایا کہ ایونٹ میں شرکت کے لیے شہریوں کو اصل شناختی کارڈ ساتھ لانا لازمی ہوگا اور ہر شہری صرف قومی پرچم ساتھ لاسکے گا۔

ان کا کہنا تھا کہ نیشنل اسٹیڈیم کے کچھ انکلوژرز صرف فیملیز کے لیے مختص کیے گئے ہیں جن میں یونس خان اور جاوید میانداد سمیت پانچ انکلوژرز شامل ہیں۔

صوبائی وزیر نے کہا کہ اسٹیڈیم میں آمد کے لیے دو اطراف سے راستے ہوں گے، ڈسٹرکٹ سینٹرل سے آنے والے شہریوں کے لیے ایکسپو سینٹر میں پارکنگ کا انتظام کیا گیا ہے، جہاں سے نیشنل اسٹیڈیم تک شٹل سروس فراہم کی جائے گی، شٹل سروس مردوں اور خواتین کے لیے علیحدہ ہوگی۔

انہوں نے بتایا کہ گیٹ نمبر 12، 13 اور 14 مردوں کی انٹری کے لیے مختص ہوں گے، جبکہ سیکیورٹی کے خاطر خواہ انتظامات مکمل کر لیے گئے ہیں۔

کراچی : عائشہ منزل پر شہری نے فائرنگ کر کے ڈاکو کو موت کی نیند سلا دیا، موٹرسائیکل پر دو ملزمان شہری سے لوٹ مارکر رہے تھے۔

تفصیلات کے مطابق کراچی میں پولیس اور شہریوں کی بروقت کارروائی کے نتیجے میں دو مختلف واقعات میں دو ڈاکو ہلاک جبکہ ان کے ساتھی فرار ہوگئے۔

پہلا واقعہ عائشہ منزل کے قریب پیش آیا، جہاں موٹر سائیکل پر سوار دو ملزمان شہری سے لوٹ مار کر رہے تھے۔

پولیس کا کہنا تھا کہ شہری نے مزاحمت کرتے ہوئے فائرنگ کی جس کے نتیجے میں راجہ نامی ڈاکو موقع پر ہلاک ہوگیا، جبکہ اس کا ساتھی فرار ہوگیا۔ ہلاک ڈاکو سے اسلحہ اور موبائل فون برآمد کر لیے گئے۔

دوسرا واقعہ سائٹ کے علاقے نورس چورنگی کے قریب پیش آیا، جہاں مبینہ پولیس مقابلے میں حسن رضا نامی ڈاکو مارا گیا۔

پولیس نے کہا کہ ہلاک ڈاکو سے اسلحہ اور موبائل فونز برآمد ہوئے جبکہ اس کی لاش اسپتال منتقل کردی گئی، واقعے کے دوران ڈاکو کا ساتھی موقع سے فرار ہونے میں کامیاب ہوگیا۔

کراچی(13 اگست 2025): سائیٹ ایریا حبیب بینک چورنگی میں پولیس مقابلے میں ہلاک ملزم احسن کا کریمنل ریکارڈ سامنے آگیا ہے۔

تفصیلات کے مطابق ڈی آئی جی ساؤتھ اسد رضا نے سائیٹ ایریا حبیب بینک چورنگی میں پولیس مقابلے میں ہلاک ہونیوالے ملزم احسن رضا سے متلعق بتایا کہ وہ پہلے بھی دو بار گرفتار ہوچکا ہے۔

ڈی آئی جی ساؤتھ کے مطابق ملزمان شہری زاہد کے ساتھ واردات کررہے تھے، پولیس جائے واردات پر پہنچی تو ملزمان نے دیکھتے ہی فائرنگ کردی۔

ڈی آئی جی ساؤتھ اسد رضا نے بتایا کہ پولیس کی جوابی فائرنگ سے احسن رضا موقع پر ہی ہلاک ہوگیا، ملزم کا ساتھی موٹرسائیکل پر فرار ہوگیا جبکہ ہلاک ملزم سے اسلحہ، موبائل برآمد ہوا۔

 دوسری جانب شہر قائد میں عزیز آباد پولیس نے عائشہ منزل فلائی اوور پر کارروائی کی اس دوران مبینہ مقابلے میں ایک ڈاکو ہلاک ہوگیا جبکہ اس کا ساتھی فرار ہونے میں کامیاب ہو گیا۔

چھیپا ذرائع کے مطابق واقعہ عزیزآباد تھانے کی حدود میں عائشہ منزل فلائی اوور پر پیش آیا، جہاں پولیس نے مشکوک موٹرسائیکل سواروں کو رکنے کا اشارہ کیا، تاہم انہوں نے فائرنگ کر دی۔ جوابی کارروائی میں ایک ڈاکو مارا گیا جبکہ دوسرا موقع سے فرار ہو گیا۔

پولیس حکام کا کہنا ہے کہ ہلاک ڈاکو کی لاش عباسی شہید اسپتال منتقل کر دی گئی، جہاں اس کی شناخت محمد راجا کے نام سے کی گئی۔

کراچی (12 اگست 2025): گورنر سندھ کامران ٹیسوری نے کہا ہے کہ شہر قائد میں چلنے والے ڈمپر خونی ہیں جو دہشتگردی کر رہے ہیں۔

اے آر وائی نیوز کے مطابق گورنر سندھ کامران ٹیسوری نے گزشتہ دنوں ٹریفک حادثے میں جاں بحق بہن بھائی کے گھر نیو کراچی پہنچ کر اہلخانہ سے افسوس اور تعزیت کا اظہار کیا۔ انہوں نے حادثے کے زخمی کا کراچی کے سب سے بڑے اسپتال میں علاج کرنے کا بھی اعلان کیا۔

اس موقع پر میڈیا سے گفتگو کرتے ہوئے گورنر سندھ کامران ٹیسوری نے کہا کہ کراچی کی سڑکوں پر خونی ڈمپر دہشتگردی کر رہے ہیں۔ شہر قائد میں تواتر سے ایسے واقعات ہو رہے ہیں، لیکن کوئی پرسان حال نہیں۔

گورنر سندھ نے کہا کہ ابھی جن والدین سے مل کر آ رہا ہوں، ان کی بیٹی کی ایک ماہ بعد شادی تھی۔ جاں بحق ہونے والے شاہ رخ کی ماں اس کے بغیر سوتی نہ تھی۔ اس حاثے کے ذمہ دار ڈمپر ڈرائیور کے پاس لائسنس نہیں تھا۔

کامران ٹیسوری نے کہا کہ حادثات کے بعد گاڑیوں کو نہیں جلانا چاہیے۔ یہاں سے لسانی فساد شروع ہوتا ہے، یہ قانون کا کام ہے۔ حادثات کو لسانیت کا رنگ دیا جا رہا ہے۔ یہ لسانیت نہیں بلکہ کھلی دہشتگردی ہے اور سیدھا سیدھا 16 وہیلر کا مقابلہ 2 وہیلر سے ہے۔

انہوں نے کہا کہ یہ نہیں ہوگا کہ دو پہیوں والے کو 16 پہیے والا کچل دے اور پھر بدمعاشی دکھائے۔ کسی کا باپ ہمیں نہ بتائے کہ بدمعاشی کیا ہوتی ہے۔ ہمیں کسی نے ٹھیک نہیں کیا ہم خود ٹھیک ہوئے ہیں۔ ہم ایسی قانون سازی کریں گے کہ کوئی موٹر سائیکل سوار نہ کچلا جائے۔

انہوں نے کہا کہ ہم نے پہلے بھی کہا کہ جو بھی قانون سازی کرنا ہے، اس پر ساتھ ہیں۔ میں ٹریلر ایسوسی ایشن کے ساتھ بیٹھ کر بت کرنے کو بھی تیار ہوں اور ڈمپرایسوسی ایشن کو بھی مذاکرات کی دعوت دیتا ہوں۔ یہ جو عوام کو مار کر بھاگ جاتے ہیں اس پر کوئی تو ایس اوپیز بنائیں۔

گورنر سندھ نے سندھ حکومت کو مخاطب کرتے ہوئے کہا کہ وہ میری تقریروں اور باتوں کا جواب نہ دیں بلکہ کام کریں۔ وہ کام کریں گے تو ہم سراہیں گے۔

https://urdu.arynews.tv/karachi-heavy-traffic-accident-168-citizens-killed/