کراچی: کورنگی میں ڈکیتی مزاحمت پر ایک اور شہری کو قتل کردیا گیا تاہم موقع پر موجود عوام کے ڈاکوؤں پر تشدد ایک ہلاک اور دوسرا زخمی ہوگیا۔

کراچی کے علاقے کورنگی ڈیڑھ نمبر میں ڈکیتی کی واردات کے دوران مزاحمت پر ملزمان کی فائرنگ سے ایک شہری جاں بحق ہوگیا۔

پولیس نے بتایا کہ مقتول کی شناخت غلام محمد کے نام سے ہوئی ہے، جس کی دو ماہ بعد شادی ہونا طے تھی، المناک واقعے کے بعد مقتول کے گھر میں کہرام مچ گیا۔

عینی شاہدین نے بتایا کہ واردات کے بعد ملزمان فرار ہونے لگے تو موقع پر موجود شہریوں نے پیچھا کرکے دو ڈاکوؤں کو پکڑ لیا اور تشدد کا نشانہ بنایا، جس کے نتیجے میں ایک ڈاکو موقع پر ہلاک جبکہ دوسرا شدید زخمی ہوگیا۔

پولیس کا کہنا تھا کہ ملزمان نے ڈکیتی مزاحمت پر شہری پرفائرنگ کےبعدفرارہونےکی کوشش کی لیکن علاقہ مکینوں نےدونوں ڈاکوؤں کوپکڑکرتشددکانشانہ بنایا، تاہم پولیس نے حراست میں لے کر اسپتال منتقل کردیا جبکہ تیسرا ڈاکو موقع سے فرار ہونے میں کامیاب ہوگیا۔

پولیس کا کہنا ہے کہ ڈاکوؤں کی فائرنگ سے جاں بحق شہری کورنگی ڈیڑھ نمبرکارہائشی تھا اور 3 بھائیوں میں سب سےچھوٹا تھا تاہم واقعے کی تحقیقات جاری ہیں۔

مزید پڑھیں : کراچی میں ڈکیتی مزاحمت پر 4 بچوں کے باپ کا قتل

گذشتہ روز بھی شہر قائد میں ڈکیتی مزاحمت پر 4 بچوں کے باپ کو قتل کردیا گیا ، ملزمان موٹرسائیکل پر سوار تھے جس پر پولیس کی نمبر پلیٹ لگی ہوئی تھی۔

مقتول کی شناخت جمیل کے نام سے ہوئی، جو 4 بچوں کا باپ اور منی ایکسچینج کمپنی میں ملازم تھا۔

اہل خانہ نے بتایا تھا کہ جمیل نے حال ہی میں پلاٹ خریدا تھا اور اس کی ادائیگی کے لیے 45 لاکھ روپے لے کر آیا تھا، رقم دو تھیلوں میں رکھی گئی تھی جن میں سے ایک تھیلا، جس میں 28 لاکھ روپے تھے، مقتول کی لاش کے نیچے دب گیا جبکہ 17 لاکھ روپے والا تھیلا ملزمان لے کر فرار ہوگئے۔

کراچی (12 اگست 2025): شہر قائد کے علاقے لیاری میں قاتلوں نے تعاقب کر کے ڈاکٹر شمبو لعل کو گولیاں مار دیں۔

تفصیلات کے مطابق گزشتہ روز لیاری میں دن دہاڑے ڈاکٹر کی ٹارگٹ کلنگ کا واقعہ پیش آیا ہے، کلینک سے نکل کر واک پر جانے والے ڈاکٹر شمبو لعل کو فائرنگ کر کے قتل کر دیا گیا۔

فائرنگ کا واقعہ لیاری کے علاقے بکرا پیڑی کے قریب پیش آیا، پولیس کا کہنا ہے کہ واقعہ ذاتی دشمنی اور مالی تنازع کا شاخسانہ لگتا ہے، واقعے کا مقدمہ قتل کی دفعہ کے تحت 3 نامعلوم ملزمان کے خلاف مقتول کے بیٹے دیپک لعل کی مدعیت میں درج کر لیا گیا ہے۔

بتایا جا رہا ہے کہ ابتدائی تحقیقات میں یہ بات سامنے آئی کہ مقتول کو تعاقب میں آنے والے ملزمان نے نشانہ بنایا، وہ حسب معمول لیاری ایکسپریس وے کے ٹریک پر واک کے لیے جا رہے تھے، پولیس رپورٹ کے مطابق قاتلوں نے ڈاکٹر شمبو لعل کو نام سے پکارا تو انھوں نے بھاگنے کی کوشش کی، تاہم ملزمان نے عقب سے ڈاکٹر پر فائرنگ کی اور وہ 2 گولیاں لگنے سے دم توڑ گئے۔

خواتین کے کانوں سے بالیاں نوچنے والا ڈاکو مقابلے میں ساتھی سمیت مارا گیا

پولیس حکام کا کہنا ہے کہ مقتول ڈاکٹر کا کچھ افراد سے رقم کا تنازع چل رہا تھا، انھوں نے کراچی اور بلوچستان میں مختلف مقدمات بھی درج کرائے تھے۔

ایس ایس پی سٹی عارف عزیز کے مطابق مقتول ڈاکٹر شمبو لعل گارڈن کے رہائشی تھے اور عرصہ دراز سے کلا کوٹ پولیس اسٹیشن کے قریب واقع کلینک چلا رہے تھے۔ پولیس کو جائے واردات سے نائن ایم ایم کی گولیوں کے 3 خول ملے ہیں۔

کراچی : شہر قائد میں ڈکیتی مزاحمت پر 4 بچوں کے باپ کو قتل کردیا گیا ، ملزمان موٹرسائیکل پر سوار تھے جس پر پولیس کی نمبر پلیٹ لگی ہوئی تھی۔

تفصیلات کے مطابق کراچی کے علاقے ماڑی پور گریکس میں گزشتہ روز ڈکیتی مزاحمت کے دوران فائرنگ سے شہری جاں بحق ہوگیا۔ مقتول کی شناخت جمیل کے نام سے ہوئی، جو 4 بچوں کا باپ اور منی ایکسچینج کمپنی میں ملازم تھا۔

اہل خانہ نے بتایا کہ جمیل نے حال ہی میں پلاٹ خریدا تھا اور اس کی ادائیگی کے لیے 45 لاکھ روپے لے کر آیا تھا، رقم دو تھیلوں میں رکھی گئی تھی جن میں سے ایک تھیلا، جس میں 28 لاکھ روپے تھے، مقتول کی لاش کے نیچے دب گیا جبکہ 17 لاکھ روپے والا تھیلا ملزمان لے کر فرار ہوگئے۔

مزید پڑھیں : کراچی: گلستان جوہر میں فائرنگ سے بچی سمیت 6 افراد زخمی

عینی شاہدین کا کہنا ہے کہ ملزمان موٹرسائیکل پر سوار تھے جس پر پولیس کی نمبر پلیٹ لگی ہوئی تھی، ایک ملزم نے پولیس جیسا یونیفارم پہن رکھا تھا اور اس کے پستول پر سائلنسر بھی نصب تھا۔

واردات کے بعد ملزمان موقع پر موٹرسائیکل چھوڑ کر فرار ہوگئے تاہم پولیس نے واقعے کی تحقیقات شروع کر دی ہیں اور شواہد اکٹھے کیے جا رہے ہیں تاکہ ملزمان کو جلد از جلد گرفتار کیا جا سکے۔

کراچی : راشد منہاس روڈ حادثے پر ٹریفک پولیس کے خصوصی یونٹ کی رپورٹ میں انکشاف کیا گیا کہ ڈمپر کا نہ فٹنس سرٹیفکیٹ ہے اور نہ ہی حادثے سے بچاؤ کیلئے حفاظتی رکاوٹ لگی تھی۔

تفصیلات کے مطابق کراچی میں راشد منہاس روڈ پر پیش آنے والے ہولناک ٹریفک حادثے کی تحقیقاتی رپورٹ ٹریفک پولیس کے خصوصی یونٹ "کراچی روڈ ایکسیڈنٹ تجزیاتی ٹیم” نے جاری کر دی۔

جس میں بتایا حادثہ 10 اگست کی صبح 3 بج کر 15 منٹ پر پیش آیا، حادثہ موٹر سائیکل کے سلپ ہونے کے بعد پیش آیا جب ایک ڈمپر ڈرائیور نے موٹر سائیکل کو ٹکر ماری، جس کے نتیجے میں سوار نوجوان احمد رضا اور ماہ نور ڈمپر کے پچھلے ٹائروں کے نیچے آ کر جاں بحق ہو گئے۔

کراچی روڈایکسڈنٹ تجزیاتی ٹیم نے انکشاف کیا کہ ڈمپر میں حادثات سے بچاؤ کے لیے کسی قسم کی حفاظتی رکاوٹ نصب نہیں تھی۔ مزید برآں، گاڑی کا فٹنس سرٹیفکیٹ بھی موجود نہیں تھا، جبکہ ڈمپر میں اسپیڈ ٹریکنگ ڈیوائس اور ٹریکر سسٹم بھی نصب نہیں تھے۔

رپورٹ میں بتایا گیا کہ ڈمپر ڈرائیور مغرب کی سمت سے گاڑی چلا رہا تھا اور یہ اس کا تیسرہ چکر تھا۔ حادثہ گلبرگ ٹریفک سیکشن اور تھانہ یوسف پلازہ کی حدود میں پیش آیا۔ اس وقت ڈمپر خالی تھا۔

تجزیاتی ٹیم نے مزید بتایا گیا کہ اس حادثے میں شامل ڈمپر ان ہی ڈمپرز میں سے تھا جنہیں حالیہ احتجاج کے دوران نذرِ آتش کیا گیا تھا، اور ان میں سے کسی بھی ڈمپر میں حفاظتی یا مانیٹرنگ سسٹم موجود نہیں تھا۔