کراچی: راشد منہاس روڈ ڈمپر حادثے کے بعد ڈمپروں کو آگ لگانے کے واقعات کی تحقیقات کے لئے 4 رکنی ٹیم تشکیل دے دی گئی۔

تفصیلات کے مطابق گزشتہ شب راشد منہاس روڈ پر ڈمپر اور موٹر سائیکل کے خوفناک حادثے کے بعد شر پسندوں کی جانب سے سات ڈمپرز کو اگ لگانے کے واقعے کی تحقیقات کے لئے ایڈیشنل آئی جی کراچی نے چار رکنی تحقیقاتی ٹیم تشکیل دے دی۔

ڈی آئی جی ویسٹ زون عرفان علی بلوچ کی سربراہی میں تحقیقاتی ٹیم تشکیل دی گئی ہے، جس میں ایس ایس پی سینٹرل ذیشان شفیق صدیقی، ایس ایس پی ویسٹ طارق الٰہی مستوئی اور ایس پی انویسٹی گیشن ویسٹ ون انعم تجمل شامل ہیں۔

ٹیم کو ملزمان کی شناخت، گرفتاری اور ٹھوس شواہد جمع کرنے کی ہدایت کی گئی ہے اور تحقیقات کی پیش رفت کی رپورٹ روزانہ کی بنیاد پر پیش کرنے کا حکم دیا گیا ہے۔

مزید پڑھیں : راشد منہاس روڈ حادثہ، 2 تھانوں کے ایس ایچ اوز معطل کر دیے گئے

اس سے قبل ایڈیشنل آئی جی کراچی جاوید عالم اوڈھو نے امن و امان قائم رکھنے میں ناکامی اور فرائض میں غفلت برتنے پر ایس ایچ او یوسف پلازہ افتخار خانزادہ اور ایس ایچ او فیڈرل بی صنعتی ایریا شاہد بلوچ کو معطل کرکے بی کمپنی رپورٹ کرنے کی ہدایت کی۔

یاد رہے کراچی کے علاقے راشد منہاس روڈ پر گزشتہ شب ڈمپر اور موٹر سائیکل کے خوفناک حادثے میں بہن بھائی جاں بحق اور والد شدید زخمی ہوگئے تھے ، جاں بحق ہونے والوں میں 22 سالہ ماہ نور اور 14 سالہ احمد رضا شامل تھے۔
.
ماہ نور کی آئندہ ماہ شادی طے تھی اور گھر میں تیاریاں جاری تھیں۔ حادثے کے بعد مشتعل افراد نے سات ڈمپرز کو آگ لگا دی، پولیس اور رینجرز نے موقع پر پہنچ کر صورت حال پر قابو پایا جبکہ ڈمپر ڈرائیور کو حراست میں لے لیا گیا تھا.

بعد ازاں پولیس نے ہنگامہ آرائی اور ڈمپر جلانے کے الزام میں 10 مشتبہ افراد کو گرفتار کرلیا تھا۔

کراچی (11 اگست 2025): شہر قائد میں 2011 سے جرائم کی دنیا میں سرگرم 3 کار چور گرفتار کر لیے گئے۔

تفصیلات کے مطابق کراچی کے علاقے اورنگی ٹاؤن میں اے وی ایل سی اور کار چور ملزمان کے درمیان فائرنگ کا تبادلہ ہوا، جس میں 2 زخمیوں سمیت 3 ملزمان گرفتار کیے گئے۔

پولیس حکام کا کہنا ہے کہ ملزمان سے 2 پستول، چوری کی گئی کار، گاڑیوں کا لاک توڑنے والا راڈ اور چابیاں برآمد ہوئیں، ملزمان کی شناخت امان اللہ، ندیم اور نادر علی کے نام سے ہوئی ہے۔

پولیس حکام کے مطابق ملزم امان اللہ 2011 سے جرائم کی دنیا میں سرگرم ہے، اور ملزمان کا تعلق شہر کے بڑے منظم کار چور گروہ سے ہے، گرفتار ملزمان کے ساتھی عمران اور زکریا مفرور ہیں جن کی گرفتاری کے لیے چھاپے مارے جا رہے ہیں۔

سی ٹی ڈی اور پولیس کی بڑی کارروائی، فتنہ الخوارج کے 2 دہشت گرد گرفتار

ملزمان بلوچستان کی تحصیل جھٹ پٹ کے رہائشی حاجی کو چوری کی گاڑیاں فروخت کرتے تھے، پولیس حکام کا کہنا ہے کہ گرفتار ملزمان کے خلاف تھانہ اقبال مارکیٹ میں مقدمات درج کیے جا رہے ہیں۔