Tag: کراچی

کراچی کے علاقے گلستان جوہر میں دو گروپوں میں فائرنگ سے بچی سمیت 6 افراد زخمی ہوگئے۔

اے آر وائی نیوز کے مطابق گلستان جوہر بلاک 5 چمن اقبال کالونی میں دو گروپوں میں فائرنگ ہوئی جس کے نتیجے میں 9 سالہ بچی سمیت 6 افراد زخمی ہوئے۔

پولیس کا کہنا ہے کہ چمن کالونی میں رہائش پذیر افراد کے درمیان صدارت کے تنازع پر جھگڑا ہوا۔

تفتیشی حکام کا کہنا ہے کہ واقعے کی تحقیقات کے لیے نفری پہنچ گئی تاحال کوئی گرفتار عمل میں نہیں آئی ہے۔



ادھر ماڑی پور میں ڈکیتی مزاحمت پر زخمی شہری دوران علاج دم توڑ گیا، جمیل بنگش کو تشویش ناک حالت میں سول اسپتال منتقل کیا گیا تھا۔

یہ پڑھیں: کراچی فائرنگ، سرکاری ادارے کا ریٹائرڈ‌ افسر قتل

پولیس کا کہنا ہے کہ مقتول پانچ بچوں کا باپ تھا، گھر کے باہر لوٹ مار کی کوشش کی گئی۔

لواحقین نے پولیس کو بتایا کہ مقتول طارق روڈ میں دفتر سے رقم لے کر گھر آرہا تھا، ڈاکوؤں نے تعاقب کیا اور مزاحمت پر گولی مار دی۔

پولیس حکام کا کہنا ہے کہ واردات میں 4 افراد ملوث ہیں، دو ملزم شہریوں کے جمع ہونے پر موٹرسائیکل چھوڑ کر فرار ہوئے۔

مقتول جمیل بنگش کیش کلیکشن کا کام کرتا تھا، پولیس نے ملزمان کی موٹر سائیکل تحویل میں لے کر تحقیقات شروع کردیں۔

کراچی کے علاقے میمن گوٹھ میں 6 سالہ بچہ گٹر میں گر گیا۔

اے آر وائی نیوز کے مطابق کراچی کے علاقے میمن گوٹھ میں علاقہ مکینوں نے 6 سالہ بچے کو اپنی مدد آپ کے تحت مین ہول سے نکال کر اسپتال منتقل کیا۔

مین ہول میں بچے کے گرنے پر علاقہ مکینوں نے احتجاج کیا۔

بچے کے والد کادعوی ہے علاقے میں پندرہ گٹر کھلے پڑے ہیں،، پچھلے کچھ عرصے میں سات بچے گٹر میں گرچکے ہیں۔ کئی بار چیئرمین سے کہا لیکن ڈھکن نہیں لگے۔ ہمیں ایسا چیئرمین اور ڈپٹی میئر نہیں چاہئے۔

مظاہرین کا کہنا ہے کہ ڈپٹی میئر سلمان مراد اپنے ضلع کے کھلے گٹر نہیں کرسکتے، واضح رہے کہ ڈیڑھ سال میں ضلع میر میں مین ہول میں گر کر 5 بچے جاں بحق ہوچکے ہیں۔

یہ پڑھیں: گٹر کے ڈھکن کی رکھوالی کرنا میرا کام نہیں، مرتضیٰ وہاب

اس سے قبل شاہ فیصل کالونی کا 8 سالہ عباد بھی لاپرواہی کی بھینٹ چڑھ گیا تھا، بچے کو آہوں سسکیوں میں سپرد خاک کیا گیا تھا۔

میئر کراچی مرتضیٰ وہاب کا کہنا تھا کہ میں گٹر کے ڈھکن چوری نہیں کرتا اس کی رکھوالی کرنا میرا کام نہیں ہے، کل کا واقعہ افسوسناک ہے لیکن اس سے زیادہ افسوسناک یہ بات ہے جو اس پر سیاست کی جارہی ہے۔

ان کا کہنا تھا کہ کباڑیے چوری کا لوہا خریدتے ہیں، کباڑی مارکیٹ میں کریک ڈاؤن کرنا ہوگا۔

کراچی : شہر قائد میں تجاوزات، غیرقانونی پارکنگ اور منشیات کے عادی افراد کیخلاف بڑا کریک ڈاؤن شروع کرنے کا فیصلہ کرلیا گیا۔

تفصیلات کے مطابق میئر کراچی بیرسٹر مرتضیٰ وہاب کی زیر صدارت شہر کے نظم و ضبط سے متعلق اعلیٰ سطحی اجلاس میں کراچی کو صاف، محفوظ اور قابلِ رہائش شہر بنانے کے لیے بڑے کریک ڈاؤن کا فیصلہ کیا گیا ہے۔

اجلاس میں کمشنر کراچی، ایڈیشنل آئی جی پولیس، ڈی آئی جی ٹریفک، میونسپل کمشنر کے ایم سی سمیت دیگر اعلیٰ حکام نے شرکت کی۔

اجلاس میں فیصلہ کیا گیا کہ شہر بھر میں ہفتہ وار بنیادوں پر مشترکہ آپریشنز کیے جائیں گے تاکہ تجاوزات، غیرقانونی پارکنگ اور منشیات کے عادی افراد کے خلاف مؤثر کارروائی عمل میں لائی جا سکے۔

میئر کراچی نے کہا کہ فری پارکنگ زونز کا تحفظ ہر صورت یقینی بنایا جائے گا اور غیرقانونی پارکنگ فیس وصول کرنے والوں کے خلاف سخت کارروائی کی جائے گی۔

ان کا کہنا تھا کہ بلدیاتی قوانین کی خلاف ورزی پر سخت سزائیں اور جرمانے عائد کیے جائیں گے ساتھ تجاوزات دوبارہ قائم کرنے والی دکانوں کو بغیر نوٹس سیل کیا جائے گا اور چوری شدہ بلدیاتی اثاثے خریدنے والے دکانداروں کے خلاف بھی کارروائی کی جائے گی۔

اس موقع پر غیر فعال ٹریفک سگنلز کی بحالی اور نئی روڈ مارکنگز کی منظوری بھی دے دی گئی۔

مرتضیٰ وہاب کا کہنا تھا کہ شہری جلد نئی روڈ مارکنگز کے ذریعے بہتر ٹریفک نظام کا مشاہدہ کریں گے ، کراچی کی سڑکوں پر ٹریفک کنٹرول بہتر بنانے کے لیے جامع حکمت عملی تیار کر لی گئی ہے۔

کراچی میں علاقے محمودیہ کالونی 9 محرم پانچ جولائی سے لاپتا ایاز تاحال نہ مل سکا اہلخانہ مدد کے لیے اے آر وائی کے دفتر پہنچ گئے۔

اے آر وائی نیوز سے گفتگو کرتے ہوئے ایاز کی اہلیہ نے کہا کہ بجلی کا بل زیادہ آنے پر شوہر کا مالک مکان سے جھگڑا ہوا تھا اس کے بعد سے وہ لاپتا ہوگئئے۔

اہلیہ کے مطابق قانونی کارروائی کے لیے تھانے گئی اور درخواستیں دیں لیکن پولیس نے بھائی اور مجھے مارا، تھانے میں زبردستی دستخط کروائے گئے اور کہا گیا کہ تم سے جھگڑے کے بعد شوہر چھوڑ کر چلا گیا۔

ایاز کی اہلیہ کا کہنا ہے کہ میرا شوہر لاپتا ہے مجھے اور گھر والوں کو دھمکیاں دی جارہی ہیں، تھانے میں مالک مکان جو کہ بااثر شخص ہے وہ بھی موجود ہوتا ہے۔

خاتون کا کہنا ہے کہ خاتون اہلکار نے دھمکایا کہ کتے والے کمرے میں بند کرکے جاؤں گی اور 24 گھنٹے بعد تم زندہ نہیں ملو گی۔

متاثرہ خاتون نے آئی جی سندھ سے اپیل کی ہے کہ شوہر کو بازیاب کروایا جائے۔