Tag: کراچی

کراچی کے علاقے اورنگی ٹاؤن میں شہریوں نے 2 ڈاکوؤں کو تشدد کا نشانہ بنایا جس کے نتیجے میں ایک ڈاکو ہلاک ہوگیا۔

اے آر وائی نیوز کے مطابق اورنگی ٹاؤن نمبر 7 کے قریب مکینک کی دکان پر 3 ڈاکوؤں نے واردات کی کوشش کی اس دوران شہریوں نے 2 ڈاکوؤں کو پکڑ لیا اور تیسرا فرار ہوگیا۔

مشتعل ہجوم نے پکڑے گئے دونوں ڈاکوؤں پر تشدد کیا جس کے نتیجے میں ایک ڈاکو ہلاک اور دوسرے کی حالت غیر ہوگئی۔

پولیس نے زخمی ڈاکو کو حراست میں لے کر تھانے منتقل کردیا۔

پولیس حکام کا کہنا ہے کہ ڈاکوؤں سے دو پستول اور موٹر سائیکل برآمد ہوئی ہے، واقعے کی مزید تفتیش جاری ہے۔

کراچی (6 اگست 2025): شہر قائد کو اضافی پانی فراہم کرنے کیلیے تعمیر کی گئی نئی حب کینال میں آب چھوڑتے ہی شگاف پڑنے کی خبروں کی حقیقت سامنے آگئی۔

میئر کراچی مرتضیٰ وہاب نے سوشل میڈیا پر گردش کرتی خبروں پر ردعمل دیتے ہوئے کہا کہ 22 سال بعد شہر میں اضافی پانی لایا جا رہا ہے، جب بھی آپ بڑا کام کرنے کی کوشش کرتے ہیں تو پروپیگنڈا کیا جاتا ہے۔

مرتضیٰ وہاب نے بتایا کہ گڈاپ روڈ کے قریب پانی چھوڑے جانے کی خبر بے بنیاد ہے، حب کینال منصوبے کی تمام چیزیں معمول کے مطابق ہو رہی ہیں، کینال کے ڈیزائن میں کوئی مسئلہ نہیں ہے۔

یہ بھی پڑھیں: حب کینال میں نہانے اور تیراکی پر پابندی انہوں نے کہا کہ وفاق کے کراچی میں بہت سے منصوبے ہیں جن کا حال سب کے سامنے ہے۔

گزشتہ روز پروجیکٹ ڈائریکٹر سکندر زرداری نے بتایا تھا کہ نئی حب کینال منصوبے کا ٹیسٹ رن کامیابی سے مکمل کیا گیا، اس کیلیے پرانی لائن سے پانی چھوڑنا تکنیکی عمل تھا، ٹیسٹ 25 دن قبل کیا گیا تھا۔

سکندر زرداری نے بتایا کہ سوشل میڈیا پر منصوبے کی ناکامی کی خبریں بے بنیاد ہیں، ویڈیو میں دکھائی جانے والی توڑ پھوڑ درحقیقت پرانی کینال سے پانی لینے کیلیے کٹ لگایا گیا تھا۔

ان کا کہنا تھا کہ نئی حب کینال میں کوئی لیکیج یا فالٹ رپورٹ نہیں ہوا، شہری افواہوں پر یقین نہ کریں منصوبہ مکمل محفوظ ہے، ٹیسٹ کے دوران پانی کی روانی کا عمل واٹر کارپوریشن کی نگرانی میں مکمل ہوا، درجنوں ماہرین اور عملہ موقع پر موجود تھا، پروسیجر مکمل ریکارڈ کیا گیا۔

جبکہ میئر کراچی مرتضیٰ وہاب کا کہنا تھا کہ حب کینال ٹو کا افتتاح 13 اگست کو ہی ہوگا، افتتاح چیئرمین پیپلز پارٹی بلاول بھٹو زرداری کریں گے۔

ان کا کہنا تھا کہ جو لوگ ویڈیو کو توڑ مروڑ کر میڈیا کو دے رہے ہیں وہ شہر کے خیر خواہ نہیں، میڈیا کو خبر نشر کرنے سے قبل واٹر کارپوریشن سے تصدیق کرنی چاہیے تھی۔

کراچی کے علاقے جمشید کوارٹر میں بیٹے نے فائرنگ کرکے باپ اور بھائی کو قتل کردیا۔

اے آر وائی نیوز کے مطابق جمشید کوارٹر تھانے کی حدود میں گھر میں فائرنگ سے 2 افراد قتل اور خاتون زخمی ہوگئی۔

ڈی ایس پی عمیر بجاری کا کہنا ہے کہ فائرنگ کرنے والے ملزم کو گرفتار کرلیا گیا ہے۔

ڈی ایس پی کے مطابق گھر میں فائرنگ کا واقعہ حیدرآباد کالونی میں پیش آیا، ملزم نے باپ، بھائی اور بھابھی کو فائرنگ کرکے قتل کیا۔

پولیس حکام کا کہنا ہے کہ فائرنگ کرکے فرار ہونے والا ملزم پولیس مقابلے کے بعد گرفتار ہوا۔

یہ پڑھیں: کراچی : شوہر نے بیوی کو فائرنگ کر کے قتل کر دیا

ادھر کراچی کے علاقے لیاری میں گھریلو جھگڑے پر شوہر نے بیوی کو قتل کردیا۔

لیاری میں مرزا آدم خان روڈ پر واقع کوئلہ گودام کے ایک گھر میں فائرنگ سے 45 سالہ خاتون جاں بحق ہوگئی، خاتون کی شناخت بختاور کے نام سے ہوئی جو 7 بچوں کی ماں تھی۔

پولیس نے بتایا کہ ابتدائی تحقیقات کے مطابق بختاور کو اس کے شوہر نواب نے فائرنگ کرکے قتل کیا، پولیس نے بروقت کارروائی کرتے ہوئے ملزم نواب کو گرفتار کرلیا اور واردات میں استعمال ہونے والا پستول بھی برآمد کر لیا۔