کراچی: ٹیکسٹائل فیکٹریوں کی آڑ میں پانی کی بڑی چوری پکڑی گئی، غیرقانونی پمپ سے ہزاروں گیلن پانی چوری کیا جارہا تھا۔

اے آر وائی نیوز کے مطابق کراچی میں ایک بار پھر پانی کی بڑی چوری پکڑی گئی، ٹیکسٹائل فیکٹریوں کی آڑ میں پانی کی چرایا جارہا تھا، واٹرکارپوریشن اور پولیس نے لانڈھی لیبر اسکوائراسپتال چورنگی کے قریب کارروائی کرتے ہوئے۔

پولیس نے بتایا کہ 3 نجی ٹیکسٹائل فیکٹریاں پانی کی چوری میں ملوث پائی گئیں، ہالیجی لائن سے غیرقانونی پمپ سے ہزاروں گیلن پانی چوری ہورہا تھا۔

ترجمان نے ٹیکسٹائل فیکٹریوں کی چوری کے حوالے سے بتایا کہ چوری کےخلاف کارروائی سی او او واٹر کارپوریشن انجینئر اسد اللہ خان کی سربراہی میں کی گئی۔

گزشتہ ماہ پولیس کی مبینہ سرپرستی میں پانی چوری واقعہ سامنے آیا تھا، کراچی کے علاقے منگھوپیر میں تبلیغی اجتماع گاہ کے قریب اورنگی ٹاؤن کے پانی کی لائن سے کنکشن لے کر غیر قانونی واٹر ہائیڈرنٹ قائم کیا گیا ہے۔

ذرائع کا کہنا تھا کہ یہاں سے سینکڑوں واٹر ٹینکر بھرے جاتے ہیں، منگھوپیر پولیس کی مبینہ سرپرستی میں پانی کی منظم چوری جاری ہے۔

واٹر بورڈ اور دیگر اداروں نے بھی پراسرار خاموشی اختیار کی ہوئی ہے، خیر آباد کے مختلف علاقوں میں بھی بلدیہ ٹاؤن کے پانی کی لائن سے کنکشن لے کر پانی چوری کیا جا رہا ہے۔

حب کینال سے بھی پانی کی چوری کا سلسلہ جاری ہے اور پولیس پانی چوروں سے خطیر رقم لے کر پانی چوروں کو تحفظ فراہم کر رہی ہے، ذرائع نے الزام لگایا ہے کہ منگھوپیر پولیس غیر قانونی ہائیڈرنٹ اور ٹینکر مافیا سے ہر ہفتے لاکھوں روپے رشوت وصولی کرتی ہے۔

https://urdu.arynews.tv/sindh-chief-minister-decides-to-launch-an-operation-against-water-theft/

کراچی: پھل فروش سے زبردستی مفت آم لینا پولیس اہلکار کو مہنگا پڑگیا، پولیس اہلکار کی وائرل ویڈیو نے اسے مشکل میں ڈال دیا۔

تفصیلات کے مطابق کراچی میں پولیس اہلکار پھل بطور رشوت لیتے پکڑا گیا، پھل فروش نے مفت عام لینے والے پولیس اہلکار کی ویڈیو بناکر سوشل میڈیا پر وائرل کردی، ویڈیو میں پولیس اہلکار نے پھل فروش کا ترازو بھی اپنے ہاتھ میں اٹھا رکھا تھا۔

پھل فروش نے ویڈیو میں دکھایا اہلکار کی موٹرسائیکل پر نمبرپلیٹ ہی نہیں تھی، ویڈیو میں نظر آنے والے پولیس اہلکار کی شناخت الیاس کے نام سے ہوئی ہے۔

کراچی: پھل فروش پر تشدد کرکے مفت پھل لینے والے پولیس اہلکار معطل

پولیس حکام نے بتایا کہ مذکورہ اہلکار سائٹ سپرہائی وے تھانے میں تعینات ہے، ویڈیو سامنے آنے کے بعد الیاس نامی اہلکار کومعطل کردیا گیا ہے۔

کچھ مہینوں قبل بھی شارع نور جہاں پر پولیس اہلکاروں کی قلندریہ چوک کے قریب ٹھیلے سے مفت خربوزہ لینے اور ٹھیلے والے کو مغلظات اور سنگین نتائج کی دھمکیاں دینے کی ویڈیو سوشل میڈیا پر وائرل ہوئی تھی۔

واقعے کی ویڈیو سوشل میڈیا پروائرل ہونے کے بعد ایس ایس پی سینٹرل ذیشان شفیق صدیقی نے شارع نور جہاں تھانے کی پولیس موبائل میں سوار چاروں اہلکاروں کو معطل کردیا تھا۔

ایس ایس پی سینٹرل ذیشان شفیق صدیقی نے پھل فروش کو اپنے دفتر بھی بلایا تھا، ایس ایس پی سینٹرل نے پھل فروش کو گلدستہ دیا اور واقعے کی مکمل تفصیلات معلوم کی تھیں۔

https://urdu.arynews.tv/karachi-police-beat-up-man-girl-watched-in-horror/