Tag: کراچی

کراچی: درخشاں تھانے میں مٹیاری سے گرفتار ملزم پولیس کے مبینہ تشدد سے ہلاک ہوگیا، علی گوہر ڈکیتی کے مقدمے میں گرفتار ہوا تھا۔

تفصیلات کے مطابق ڈکیتی کے کیس میں مٹیاری سے گرفتار ہونے والا ملزم علی گوہر مبینہ طور پر تھانے میں ہونے والے تشدد سے جاں بحق ہوگیا، ملزم گزشتہ سال درج ڈکیتی کے مقدمے میں مطلوب تھا، درخشاں پولیس نے ڈیفنس فیز 6 کے بنگلے میں ڈکیتی کا مقدمہ درج کیا تھا۔

ذرائع نے بتایا کہ 2 خواتین سمیت 5 نامعلوم ملزمان بھی مقدمے میں نامزد تھے ملزم کی ہلاکت پر انویسٹی گیشن عملہ کمروں کو تالے لگاکر فرار ہوگیا۔

ملزم کے بارے میں پولیس حکام کا کہنا ہے کہ علی گوہر ڈکیتی کیس میں مطلوب تھا، مٹیاری پولیس نے اسے گرفتار کیا تھا، ملزم مختلف بیماریوں میں مبتلا تھا، آج کورٹ میں وکیل نے درخواست بھی لگائی تھی۔

پولیس نے مزید بتایا کہ متعلقہ عدالت نے ایک دن کے ریمانڈ پر ملزم کو پولیس کے حوالے کیا تھا، ملزم کی طبعی موت ہے، مجسٹریٹ کی نگرانی میں پوسٹ مارٹم کرایا جارہا ہے۔

https://urdu.arynews.tv/karachi-encounter-7-dacoit-arrest/

کراچی : انٹرمیڈیٹ نتائج میں ردوبدل کی تحقیقات کے لئے اینٹی کرپشن اسٹیبلشمنٹ نے طلباء کو آدھی رات کو طلب کرلیا ، جس پر والدین مشتعل ہوگئے۔

تفصیلات کے مطابق کراچی میں اینٹی کرپشن اسٹیبلشمنٹ نے انٹرمیڈیٹ بورڈ کراچی (BIEK) میں مبینہ نتائج میں ردوبدل کی تحقیقات کے سلسلے میں طلبہ کو طلبی کے نوٹسز جاری کر دیے ہیں۔

ذرائع نے بتایا کہ نوٹسز طلبہ کے تعلیمی اداروں کے ذریعے بھیجے گئے ہیں، تاہم طلبی کے وقت نے والدین میں شدید تشویش پیدا کر دی۔

والدین نے سوال اٹھایا کہ طلبہ، خصوصاً طالبات کو رات ساڑھے بارہ بجے اینٹی کرپشن کے ویسٹ آفس بلانے کا کیا جواز ہے؟ “ہم اپنی بیٹیوں کو آدھی رات کو اینٹی کرپشن آفس کیسے بھیج سکتے ہیں؟” والدین نے شدید تحفظات کا اظہار کیا۔

یہ تحقیقات ڈیڑھ سال سے جاری ہیں اور 2022ء کے انٹرمیڈیٹ امتحانی نتائج میں مبینہ ردوبدل پر مرکوز ہیں، طویل تحقیقات کے باوجود اینٹی کرپشن کوئی واضح شواہد سامنے لانے میں کامیاب نہیں ہو سکی۔

اس سے قبل انٹرمیڈیٹ بورڈ کراچی کے دو سابق چیئرمینز اور دو کنٹرولرز امتحانات کے خلاف مقدمات درج کیے گئے تھے لیکن کوئی ٹھوس ثبوت سامنے نہ آ سکا۔

اب پہلی مرتبہ طلبہ کو براہِ راست سوال جواب کے لیے طلب کیا گیا ہے، ان طلبہ میں کئی ایسے بھی شامل ہیں جو ایم ڈی کیٹ اور این ای ڈی انٹری ٹیسٹ پاس کر کے مختلف گریجویٹ پروگرامز میں زیر تعلیم ہیں۔

یاد رہے کہ جنوری 2025ء میں انٹرمیڈیٹ بورڈ کے نئے قائم مقام چیئرمین سید شرف علی شاہ نے عہدہ سنبھالنے کے بعد سیکریٹری یونیورسٹیز اینڈ بورڈز ڈیپارٹمنٹ سے ملاقات کی تھی جس میں نتائج پر اٹھنے والے اعتراضات دور کرنے کے لیے انکوائری کمیٹی تشکیل دینے کا فیصلہ کیا گیا۔

کمیٹی کو ایک ماہ کے اندر شفاف تحقیقات کر کے طلبہ کی شکایات حل کرنے کی ہدایت کی گئی تھی۔ چیئرمین کا کہنا تھا کہ طلبہ ملک کا مستقبل ہیں اور ان کے مسائل کے حل کے لیے ہر ممکن اقدامات کیے جائیں گے۔

کراچی : شہر قائد میں ایک اور شہری مبینہ طور ڈاکوؤں کے ہاتھوں قتل ہوگیا ، ناگن چورنگی پل پر چوکیداری کا کام کرنے والے شہری کو مزاحمت پر گولی مار دی۔

تفصیلات کے مطابق کراچی کے علاقے ناگن چورنگی پل پر دن دہاڑے موٹرسائیکل سوار مسلح ڈکیتوں نے مبینہ طور پر واردات کے دوران شہری کو قتل کر دیا۔

عینی شاہد نے بتایا کہ موٹر سائیکل سواروں پل کے اوپر روکنے کی کوشش کی، ذرا سی مزاحمت ہوئی تو انہوں نے اندھا دھند فائرنگ کر دی۔

لواحقین کا کہنا ہے کہ مقتول فضل الرحمان اپنےچاچاعارف کےہمراہ موٹرسائیکل پر سوار تھا، چاچا کے ہمراہ دکان کا سامان لینے یوپی موڑ گیا تھا اور واپسی پر موٹر سائیکل سوار ملزمان نے رکنے کا اشارہ کیا اور فائرنگ کردی، مقتول اور چاچا کے پاس رقم موجود تھی۔

چاچا نے دعویٰ کیا ہے کہ واقعہ ڈکیتی کی کوشش کا ہے، تاہم پولیس نے واقعے کی مختلف زاویوں سے تحقیقات شروع کر دی ہیں

پولیس کا کہنا ہے کہ مقتول فضل الرحمان پیشے کے لحاظ سے چوکیدار تھا اور نیو کراچی بلال کالونی کا رہائشی اور چار بچوں کا باپ تھا جبکہ ابائی تعلق مانسیرہ سے ہے۔

پولیس نے سہراب گوٹھ جانیوالے ٹریک پر فائرنگ سے 40 سالہ فضل الرحمان کے قتل کا مقدمہ درج کرلیا ہے، واقعے کا مقدمہ مقتول کے چچا کی مدعیت میں قتل کی دفعہ کے تحت گبول ٹاؤن تھانے میں درج کیا گیا ، پولیس کا کہنا ہے کہ قتل ذاتی رنجش کا نتیجہ ہو سکتا ہے۔

کراچی : کورنگی میں گھریلو جھگڑے پر شوہر نے بیوی کو قتل کردیا،پولیس ملزم اللہ دتہ کو موقع سےآلہ قتل سمیت گرفتار کرلیا،

تفصیلات کے مطابق کراچی کے علاقے کورنگی زمان ٹاؤن نورانی بستی میں افسوسناک واقعہ پیش آیا، جہاں شوہر نے گھریلو جھگڑے کے دوران چھریوں کے وار کرکے اپنی بیوی کو قتل کردیا۔

پولیس کا کہنا تھا کہ ملزم اللہ دتہ کو جائے وقوعہ سے آلہ قتل سمیت گرفتار کرلیا گیا ہے ، پڑوسیوں کی اطلاع پر پولیس موقع پر پہنچی تو ملزم وہیں موجود تھا۔

حکام نے کہا کہ مقتولہ خاتون خورشیدہ بیگم کی چار بیٹیاں ہیں جو سب شادی شدہ ہیں۔

پولیس نے مزید کہا کہ واقعہ گھریلو تنازع کے باعث پیش آیا تاہم گرفتار ملزم کے خلاف زمان ٹاؤن تھانے میں مقدمہ درج کرلیا گیا ہے۔