ممبئی: بالی وڈ اداکارہ بپاشا باسو بغیر میک اپ کے گھر سے باہر نکلیں میڈیا نے تصویر کھینچنےکی کوشش کی تو اداکارہ نے چہرہ چھالیا۔
تفصیلات کے مطابق بالی وڈ اداکارہ بپاشا باسو اپنے شوہر کرن سنگھ گروور کے ساتھ گھر کے باہر گاڑی میں کہیں جارہی تھیں کہ میڈیا نے انہیں دیکھا تو تصویر کھینچنے کی کوشش کی جس پر بپاشا نے میک اپ نہ ہونے کی وجہ سے چہرہ چھپالیا۔
پہلے تو اداکارہ نے اپنا چہرہ ہاتھوں سے چھپایا دوسری مرتبہ موبائل فون چہرے کے آگے کردیا، بپاشا باسو نہیں چاہتی تھیں کہ کوئی ان کا چہرہ بغٖیر میک اپ کے دیکھے کیونکہ وہ بغیر میک اپ کے ایسی نہیں نٖظر آتیں جتنی خوبصورت فلموں میں نظر آتی ہیں۔
بپاشا باسو کو چہرہ چھپاتا دیکھ کر ان کے شوہر کرن سنگھ گروور جو ساتھ ہی بیٹھے گاڑی چلا رہے تھے مسکراتے رہے لیکن بپاشا نے پوری کوشش کی کہ کوئی ان کا بغیر میک اپ کے چہرہ نہ دیکھ پائے۔
واضح رہے کہ بپاشا باسو کرن سنگھ گروور سے شادی کے بعد سے کسی بھی فلم میں کام نہیں کررہی ہیں۔
یاد رہے کہ آخری بار بالی وڈ اداکارہ بپاشا باسو کو ہارر فلم ’’الون‘‘ میں دیکھا گیا تھا جبکہ پاکستانی اداکار عمران عباس کے ساتھ بھی بپاشا باسو نے فلم ’’کریچر تھری ڈی‘‘ میں اداکاری کے جوہر دکھائے تھے۔
