Tag: kareena kapoor khan

  • ’محبت سب فتح کر لیتی ہے‘ سیف پر حملے کے بعد کرینہ کی نئی پوسٹ سامنے آگئی

    ’محبت سب فتح کر لیتی ہے‘ سیف پر حملے کے بعد کرینہ کی نئی پوسٹ سامنے آگئی

    اداکارہ کرینہ کپور نے سیف علی خان پر حملے کے بعد جاری تنازعہ کے درمیان محبت اور فیملی کے ہمراہ جشن منانے سے متعلق نئی پوسٹ شیئر کردی ہے۔

    بالی ووڈ کی بیبو کرینہ کپور اپنے شوہر اداکار سیف علی خان پر حملے کے بعد اب مثبت طریقے سے اپنی لائم لائٹ زندگی میں واپس لوٹ رہی ہیں، حال ہی میں اداکارہ نے اپنے کزن کی شادی کی تقریب میں شرکت کی۔

    اداکارہ نے فوٹو اینڈ شیئرنگ ایپ انسٹاگرام پر چند تصاویر شیئر کی ہے ساتھ ہی انہوں نے محبت اور خاندان سے متعلق پیغام لکھا ہے۔

    اداکارہ نے پوسٹ شیئر کرتے ہوئے کیپشن میں لکھا کہ ’ اندھیرے کے بعد روشنی آتی ہے، منفی چیزوں کو پسِ پشت ڈال کر خوشی کو گلے لگانا، اپنے پسندیدہ لوگوں کے ساتھ محبت اور خاندان کا جشن منا رہی ہوں، محبت سب فتح کر لیتی ہے‘۔

    بھارتی میڈیا کے مطابق کرینہ کپور کی یہ تصاویر ان کے کزن کی مہندی نائٹ کی ہے جس میں وہ اپنی بہن کرشمہ کپور کے ہمراہ پہنچی جہاں اداکارہ کا لک سب کی توجہ کا مرکز بن گیا۔

    بیبو نے تقریبِ میں کافتان ڈریس کا انتخاب کیا، سبز رنگ کے اس جوڑے پر فلورل پرنٹ کیا گیا جنکہ نیک لائن پر بھاری ایمبورائڈری کی گئی تھی، رپورٹ کے مطابق اداکارہ کا یہ ڈریس بھارتی معروف ڈیزائنر سبیاساچی کی کلیکشن کا حصہ ہے۔

    کرینہ کپور جب وینیو پر پہنچی تو ممبئی میں پاپرازیوں نے انہٰیں پوز دینے کو کہا، اداکارہ نے اندر جانے سے پہلے گرمجوشی سے مسکراہٹ کے ساتھ پاپرازی کا استقبال کیا اور ہاتھ جوڑے۔

  • سیف علی خان پر حملے کے وقت کرینہ کپور کہاں تھیں؟ تصاویر سامنے آگئی

    سیف علی خان پر حملے کے وقت کرینہ کپور کہاں تھیں؟ تصاویر سامنے آگئی

    بالی ووڈ کے چھوٹے نواب سیف علی خان گھر میں ڈکیتی مزاحمت پر شدید زخمی ہوگئے تاہم انہوں نے ڈکیتی کی کوشش ناکام بنادی۔

    بھارتی میڈیا کے مطابق یہ چونکا دینے والا واقعہ جمعرات 16 جنوری 2025 کو صبح 2:30 بجے کے قریب اس وقت پیش آیا جب ایک ڈاکو سیف کے گھر میں گھس آیا تھا لیکن اداکار نے ڈاکو کا مقابلہ کیا۔

    اس دوران سیف علی خان شدید زخمی ہوگئے واقعے کے فوراً بعد انہیں اسپتال منقتل کیا گیا جہاں ڈاکٹر نے ان کی ڈھائی گھنٹے کی سرجری کی جس کے بعد ان کی حالت خطرے سے باہر ہے۔

    بھارتی میڈیا کے مطابق اس سارے واقعے کے وقت اداکارہ کرینہ کپور گھر پر موجود نہیں تھیں، اور اس تمام واقعے کے ان کے بچے بھی محفوظ ہیں۔

    میڈیا رپورٹس کے مطابق کرینہ کپور شام سے ہی اپنی بہن کرشمہ کپور اور دیگر دوستوں کے ساتھ باہر تھیں جبکہ سیف اپنے بیٹوں تیمور اور جے کے ساتھ باندرہ کی رہائش گاہ پر تھے۔

    فوٹو اینڈ شیرنگ ایپ انسٹاگرام اسٹوری پر اداکارہ کرشمہ کپور نے تصویر بھی شیئر کی تھی جس سے معلوم ہوتا ہے کہ کرینہ کپور اپنے گھر پر موجود نہیں تھیں۔

    کرشمہ اور کرینہ کے ہمراہ انیل کپور کی بیٹیاں اداکارہ سونم کپور اور ریا کپور بھی کرشمہ کے گھر پر تھیں، کرینہ کی شیئر کردہ اسٹوری سوشل میڈیا کی زینت بنی ہوئی ہے۔

    بھارتی میڈیا کے مطابق سیف علی خان کے گھر پر پیش آئے واقعے کی پولیس نے سی سی ٹی وی ویڈیوز بھی حاصل کر لی ہیں جن کی مدد سے تحقیقات کو آگے بڑھایا جا رہا ہے۔

  • کرینہ کپور بیٹے کی وجہ سے ڈپریشن کا شکار کیوں ہوئیں؟ وجہ بتادی

    کرینہ کپور بیٹے کی وجہ سے ڈپریشن کا شکار کیوں ہوئیں؟ وجہ بتادی

    بھارتی فلم انڈسٹری کی معروف اداکارہ کرینہ کپور خان نے انکشاف کیا ہے کہ وہ پہلے بیٹے کی پیدائش پر ڈپریشن کی زد میں آگئی تھیں۔

    بھارتی میڈیا رپورٹس کے مطابق بھارتی اداکار سیف علی خان اور کرینہ کپور کے ہاں دسمبر 2016 میں بیٹے کی پیدائش ہوئی تھی، جوڑے نے اپنے بچے کا نام تیمور رکھا تھا۔

    اداکارہ کے بیٹے کا نام مغل بادشاہ تیمور کی نسبت پر رکھے جانے کے باعث بھارت میں مختلف قسم کی قیاس آرائیاں شروع ہوگئی تھیں، معصوم بچے کا خیر مقدم کرنے کے بجائے ملک بھر میں نام کو تبدیل کروانے کے سلسلے میں احتجاج کا سلسلہ شروع ہوگیا تھا۔

    اداکارہ نے حال ہی میں بھارتی میڈیا کو دیئے گئے ایک انٹرویو میں انکشاف کیا کہ، شادی کے بعد بیٹے تیمور کے نام پر کھڑے ہونے والے تنازع کے باعث وہ ڈپریشن میں چلی گئی تھیں۔

    میرے بیٹے تیمور کے نام پر ہونے والے ڈرامے نے انہیں ذہنی طور پر کافی متاثر کیا۔ میں یہ سوچتی تھی کہ لوگ میرے بیٹے کے نام کے بارے میں اتنی بات کیوں کر رہے تھے؟

    جب بیٹے کی جانب دیکھتی تھی تو سوچتی تھی کہ جس کیلئے اتنا ڈرامہ کیا جارہا ہے اسے تو معلوم بھی نہیں ہے کہ محض اس کے نام پر باہر ایک ہنگامہ کھڑا ہوچکا ہے۔

    کراچی میں معاشرے پر مردوں کا غلبہ نہیں : عائشہ طور

    اداکارہ نے کہا کہ آج لوگ وہ ساری باتیں بھول گئے اور تیمور کے نام کو قبول کرتے ہوئے اسے بے تحاشہ پیار بھی کرنے لگے، جس سے اب میں بھی سکون کا سانس لینے لگی ہوں۔

  • دادی کی آخری رسومات میں مسکراہٹ، کرینہ کپور کے خلاف نیا محاز کھل گیا

    دادی کی آخری رسومات میں مسکراہٹ، کرینہ کپور کے خلاف نیا محاز کھل گیا

    ممبئی: بالی ووڈ اداکارہ کرینہ کپور کو اپنی آنجہانی دادی کرشنا راج کی آخری رسومات میں نئے تنازع کا سامنا کرنا پڑا جس کے بعد اُن کے خلاف ایک نیا محاز کھل گیا۔

    تفصیلات کے مطابق آنجہانی اداکار راج کپور کی اہلیہ کرشنہ راج حرکت قلب بند ہونے کیوجہ سے دنیائے فانی سے کوچ کرگئی تھی، اُن کی آخری رسومات ایک روز قبل ادا کی گئیں جس میں لیجنڈری اداکار امیتابھ بچن، عامر خان، ایشوریا رائے بچن، انیل کپور، عالیہ بھٹ، رانی مکھرجی سمیت بالی ووڈ کی نامور شخصیات نے شرکت کی۔

    آخری رسومات میں شرکت کرنے والے تمام لوگ غم سے نڈھال نظر آئے مگر کرینہ کپور، سیف علی خان اور انیل کپور کی ایک ایسی تصویر سامنے آئی جس کے بعد لوگوں نے توپوں کے رخ بے بو کی طرف کرلیے۔

    مزید پڑھیں: معروف بھارتی اداکار راج کپورکی اہلیہ کرشنا راج کپور انتقال کرگئیں

    انٹرنیٹ پر وائرل ہونے والی تصویر میں تینوں شخصیات کے چہرے پر مسکراہٹ ہے جس کی وجہ سے انہیں مداحوں کی تنقید کا سامنا کرنا پڑا۔

    دوسری جانب کرشنا راج کپور کی آخری رسومات میں اُن کے بیٹے رشی کپور اور دیگر اہل خانہ امریکا میں موجود ہیں جس کی وجہ سے وہ شرکت نہیں کرسکے۔

    بھارتی میڈیا رپورٹس کے مطابق رشی کپور علاج کی غرض سے اپنی فیملی سمیت امریکا میں موجود ہیں اور اسی وجہ سے وہ اپنی والدہ کی آخری رسومات میں شرکت نہیں کرسکے۔

    واضح رہے کہ راج کپور کی اہلیہ پیر کے روز 88 برس کی عمر میں حرکت قلب بند ہونے کی وجہ سے انتقال کرگئی تھیں۔

  • کرینہ کپور کے پاکستانی عروسی ملبوسات میں خوبصورت انداز

    کرینہ کپور کے پاکستانی عروسی ملبوسات میں خوبصورت انداز

    دبئی : بالی وڈ اداکارہ کرینہ کپور اپنے بیٹے تیمور علی خان کی پیدائش کے بعد پہلے فوٹو شوٹ میں پاکستانی ملبوسات پہنے اپنے مخصوص انداز میں نظر آئيں۔

    بالی ووڈ ادا کارہ کرینہ کپور پاکستانی فیشن سے بے حد متاثر ہے۔ ایشیانا دبئی میگزین کیلئے کئے گئے ایک شوٹ میں کرینہ کپور نے پاکستانی ڈیزائنر کے ملبوسات اور زیورات پہنے، جس میں وہ نہایت خوبصورت نظر آئیں۔

    kareena-45

    پاکستانی ڈیزائنر ٹینا درانی نے اس شوٹ کیلئے کرینہ کپور خان کیلئے خاص عروسی ملبوسات ڈیزائن کیے، کرینہ کی ساری تصویریں دبئی میں اتاری گئی ہیں۔

    پہلے جوڑے میں سفید رنگ کا انتخاب کیا گیا، اس روایتی عروسی جوڑے پر نہایت خوبصورت کام کیا ہوا ہے۔

    kareena-1

    دوسرے جوڑے میں ویلوٹ کے کپڑے کا استعمال کیا گیا، جس میں کرینہ کپور خان کا انداز ایک مہارانی جیسا نظر آیا۔

    kareena-2

    k2

    پاکستانی فیشن ڈیزائنر ٹینا درانی کا ایک انٹرویو میں کہنا تھا کہ میں چاہتی تھیں کہ تمام جوڑوں میں کرینہ کپور کا انداز ایک دوسرے سے الگ نظر آئے، کرینہ ایک سپر اسٹار ہیں، ان کے ساتھ کام کرنا بہترین تجربہ تھا۔

    k7

    kareena-3

    kareena-4

    ٹینا درانی کا مزید کہنا تھا کہ عروسی ملبوسات کی پروموشن کے لیے ایشیانا ویڈنگ میگزین سے بہتر کوئی موقع نہیں تھا، اس کے بعد ہم کرینہ کپور کے ساتھ کام کر پائے۔

    kareena-5

    خیال رہے کہ کرینہ کپور پاکستانی ڈیزائنر فراز منان کی ڈیزائن کردہ لان کی ماڈلنگ کرچکی ہیں۔

    واضح رہے کہ کرینہ کپور کے ہاں 20 دسمبر کو بیٹے کی پیدائش ہوئی تھی اور اس کا نام تیمور علی خان رکھنے پر ایک تنازع کھڑا ہو گيا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔