Tag: karimabad

  • کراچی: سنارکی دکان میں ڈکیتی کی کوشش ناکام، دو ڈاکو گرفتار

    کراچی: سنارکی دکان میں ڈکیتی کی کوشش ناکام، دو ڈاکو گرفتار

    کراچی : پولیس نے کامیاب کارروائی کرتے ہوئے کریم آباد میں سنار کی دکان میں ڈکیتی کرنے والے ڈاکوؤں کو گرفتار کر کے اسلحہ برآمد کرلیا۔

    تفصیلات کے مطابق کراچی کے علاقے کریم آباد میں دو ڈاکو ایک جیولری شاپ میں داخل ہوئےاور اسلحہ کے زور پر لوٹ مار شروع کردی۔

    دکان کے باہر موجود گارڈ نے ڈاکوؤں سے مزاحمت کی جس پر ڈاکوؤں نے گارڈ کوتشدد کا نشانہ بنا کر زخمی کردیا، شورشرابے کی آواز سن کر شہری بھی موقع پر جمع ہوگئے، شہریوں نے ڈاکوؤں کو قابو کرکے ان کی دھنائی کرڈالی۔

    مزید پڑھیں: گلشن اقبال میں ڈاکو دکان سے نقدی اورگوشت لے کرفرار

    شہریوں کی بروقت اطلاع پر پولیس موقع پر پہنچ گئی، ایس پی بشیر بروہی کے مطابق پولیس نے دونوں ملزمان کو گرفتارکرکے ان کے قبضے سے ایک پستول اور چاقو برآمد کرلیا ہے۔


    مزید پڑھیں: حیدری مارکیٹ، سنارکی دکان میں لاکھوں مالیت کی ڈکیتی


    ایس پی کا کہنا ہے کہ مذکورہ ملزمان اس سے قبل بھی متعدد وارداتوں میں بھی ملوث رہے ہیں، پولیس نے ملزمان کیخلاف مقدمہ درج کرکے مزید تفتیش کا آغاز کردیا ہے۔

  • منگھوپیر میں پولیس مقابلہ، دو ملزمان مارے گئے

    منگھوپیر میں پولیس مقابلہ، دو ملزمان مارے گئے

    کراچی : شہر قائد کے علاقے منگھوپیر میں پولیس مقابلہ، دو ملزمان مارے گئے ، اسلحہ اور بارودی مواد برآمد کرلیا گیا۔

    شہر کے مختلف علاقوں میں فائرنگ اور پرتشدد واقعات تین افراد جان کی بازی ہار گئے، پولیس کے مطابق منگھوپیر کے علاقے ناردرن بائی پاس کے قریب پولیس مقابلے میں دو ملزمان مارے گئے ۔

    پولیس کے مطابق مارے گئے ملزمان کے قبضے سے اسلحہ ، نٹ بولٹ اور دیگر بارودی مواد برآمد ہوا ہے ، مبینہ پولیس مقابلے میں ایک ہلکار زخمی بھی ہوا، لیاقت آباد ، ملیر ،اور نیو کراچی میں فائرنگ کے مختلف واقعات میں تین افراد جان کی بازی ہارگئے ۔

  • کراچی: منگھو پیرمبینہ پولیس مقابلہ،8مبینہ دہشتگرد ہلاک، پولیس اہلکار جاں بحق

    کراچی: منگھو پیرمبینہ پولیس مقابلہ،8مبینہ دہشتگرد ہلاک، پولیس اہلکار جاں بحق

    کراچی: کریم آباد میں گوشت مارکیٹ کے قریب نامعلوم افراد کی فائرنگ سے پولیس اہلکارتابش علی جاں بحق ہوگیا ، شہید پولیس اہلکار عزیز آباد تھانے میں تعینات تھا۔

    لیاری سنگولین میں پولیس موبائل پر فائرنگ، پولیس کی جوابی فائرنگ سے حملہ آورفرار ہوگئے ، فائرنگ کے تبادلے کے دوران ایک شخص زخمی ہوا جسے سول اسپتال متقل کردیاگیا۔

    دوسری کراچی کے علاقے منگھوپیر میں پولیس مقابلہ، کالعدم تنظیم کے آٹھ کارندے مارے گئے ، اسلحہ ، اور دستی بم برآمد ، کریم آباد میں فائرنگ سے پولیس اہلکار جان کی بازی ہارگیا ۔

    پولیس کے مطابق منگھوپیر ناردرن بائی پاس پر پولیس نے چھاپہ مارا تو ملزمان نے فائرنگ کردی جس سے ایس ایچ او منگھوپیر اور ایک پولیس اہلکار زخمی ہوگیا ، پولیس کی جوابی فائرنگ کے دوران آٹھ ملزمان مارے گئے۔

    ہلاک ملزمان کی شناخت اسماعیل، صدام، عرفان، اور شریف اللہ کے ناموں سے ہوئی ہے ، جن کے قبضے سے اسلحہ اور دستی بم برآمد ہوا ہے ، پولیس کے مطابق مارے جانے والے ملزمان کا تعلق کالعدم تنظم سے تھا جو پولیس پر حملوں میں ملوث تھے ۔

  • پی ٹی آئی اور ایم کیوایم کے کارکنان پھر آمنے سامنے آگئے، پرچم نذر آتش

    پی ٹی آئی اور ایم کیوایم کے کارکنان پھر آمنے سامنے آگئے، پرچم نذر آتش

    کراچی: ایم کیو ایم اور پی ٹی آئی کے کارکنان پھر آمنے سامنے آگئے، مشتعل افراد نے پی ٹی آئی کا پرچم نذر آتش کردیا۔

    تفصیلات کے مطابق این اے 246 کے ضمنی انتخاب میں متحدہ قومی موومنٹ کے امیدوارکنور نوید جمیل کی متوقع کامیابی کو دیکھتے ہوئے ایم کیو ایم کے ہزاروں کارکنان کریم آباد پر جمع ہوئے اور الطاف حسین کے حق میں نعرے بازی کی۔

    اس موقع پر پاکستان تحریک انصاف کے کارکنان بھی آن پہنچے اور جواب میں نعرے بازی شروع کردی۔ پولیس کی بھاری نفری بھی اس موقع پر موجود تھی۔

    اس موقع پر مشتعل کارکنان نے تحریک انصاف کے پرچم کو بھی پھاڑ کر نذر آتش کردیا، اطلاعات کے مطابق پولیس نے حالات پر قابو پانے کی کوشش کی، تاہم مکمل طور اسے کامیابی حاصل نہ ہوسکی۔

    صورت حال کی نزاکت کو دیکھتے ہوئے ایم کیو ایم کے رہنما فیصل سبزواری, حیدر عباس رضوی  اوردیگر رہنما بھی پہنچ گئے۔ انہوں نے کارکنان کو پر امن رہنے کا کہا۔

    انہوں نے ہاتھ جوڑ کر کارکنان سےاپیل کی کہ صبر کا دامن نہ چھوڑیں مشتعل ہونے کی کوئی ضرورت نہیں ۔ ان کا کہنا تھا کہ فوری طور پر جشن منانے کاسلسلہ شروع نہ کیا جائے۔آخری اطلاعات تک کارکنان کافی حد تک پرامن ہوگئے تھے۔

    علاوہ ازیں تحریک انصاف کے امیدوار عمران اسمعیل نے اس موقع پر صحافیوں سے گفتگو کرتے ہوئے کہا کہ ہم ایم کیوایم کے رہنماؤں سے رابطے میں ہیں ۔

    ان کا کہناتھا کہ ہار جیت ایلکشن کا حصہ ہے ایم کیوایم کے رہنماؤں سےاپیل کرتا ہوں کہ ہمارے کارکنان  جووہاں پھنس گئے ہیں انہیں وہاں سےنکالا جائے ۔

    ، اس موقع پر رینجرز کے اہلکاروں نے شاہراہ پر پہنچ کر وہاں جمع ہونے والے کارکنان پر لاٹھی چارج کیا جس کے باعث کارکنان منتشر ہوگئےاور رینجرز کے جانے کے بعد دوبارہ جمع  ہوکر جیت کا جشن منان شروع کردیا۔

  • اپریل ۱۹کو جلسہ ہوگا، رابطہ کمیٹی کا شکریہ، عمران خان

    اپریل ۱۹کو جلسہ ہوگا، رابطہ کمیٹی کا شکریہ، عمران خان

    کراچی: پاکستان تحریک انصاف کے سربراہ عمران خان نے کریم آباد میں الیکشن کیمپ پر کارکنوں سے خطاب کرتے ہوئے کہا کہ 19 اپریل کو جلسہ ہوگا اور عوام کی اتنی بڑی تعداد ہوگی کہ جناح گراوٗنڈ چھوٹا پڑے گا۔

    واضح رہے کہ اب سے کچھ دیر قبل پاکستان تحریکِ انصاف کے سربراہ عمران خان کی قیادت میں الیکشن ریلی عزیز آباد کے علاقے جناح گراوٗنڈ پہنچی تھی جہاں ایم کیو ایم کی رابطہ کمیٹی نے ریلی کے شرکاء کا استقبال کیا تھا۔

    پاکستان تحریکِ انصاف کی ریلی کی جناح گراوٗنڈ آمد کے موقع پر ایم کیو ایم اور پی ٹی آئی کے کارکنان میں بد نظمی اورتصادم کی فضا پیدا ہوگئی اور ایک دوسرے کے خلاف ڈنڈوں کا آزادانہ استعمال کیا گیا۔

    تصادم ہوتے ہی تحریکِ انصاف کے رہنماء عمران خان جناح گراوٗنڈ سے چلے گئے اورکریم آباد پرواقع الیکشن کیمپ پر پہنچ گئے جہاں انہوں نےکارکنوں سے خطاب کیا۔

    انہوں اپنی جماعت کے کارکنوں سے خطاب کرتے ہوئے کہا کہ چاہے کچھ بھی ہوجائے تحریک ِ انصاف کے کارکن کسی سے لڑیں گے نہیں۔ انہوں نے پارٹی کے کارکنان کو ریلی کے انعقاد پر مبارک باد بھی دی۔

    عمران خان نے ایم کیو ایم کے قائد الطاف حسین سے شکوہ کیا کہ یہ کیسا استقبال تھا ایک جانب استقبال کرتے ہیں دوسری جانب ڈنڈے برساتے ہیں۔

    انہوں نے ایم کیو ایم کے قائد الطاف حسین اور رابطہ کمیٹی کا جناح گراوٗنڈ پہنچنے پر استقبال کرنے کے لئےشکریہ بھی ادا کیا۔

    انہوں نے این اے 246 کے عوام کو مخاطب کرکے کہا کہ آپ لوگوں نے ڈرنا نہیں ہے ہم کراچی کو پھر سے روشنیوں کا شہر بنائیں گے یہاں عالمی سرمایہ کاری ہوگی۔

    عمران خان نے 19 اپریل کو جلسے کا اعلان کرتے ہوئے این اے 246 میں پی ٹی آئی کے امیدوار عمران اسمعیل کو مخاطب کرکے کہا کہ کسی بڑی جگہ کا انتخاب کریں عوام کی کثرت کے باعث جگہ کم پڑنے والی ہے۔

  • ایم کیوا یم خوفزدہ ہے،عمران خان کل کراچی آ رہے ہیں، عمران اسماعیل

    ایم کیوا یم خوفزدہ ہے،عمران خان کل کراچی آ رہے ہیں، عمران اسماعیل

    کراچی : ایم کیو ایم پی ٹی آئی سے خوفزدہ ہے ، کل عمران خان کراچی آرہے ہیں ہمیں کراچی کےپریذائیڈنگ افسرنہیں چاہیئیں۔

    ان خیالات کا اظہار  پاکستان تحریک انصاف کے رہنما اورحلقہ این اے 246 کے امیدوار عمران اسماعیل نے کریم آباد کراچی میں قائم اپنے انتخابی کیمپ میں پریس کانفرنس سے خطاب کرتے ہوئے کیا۔

      اس موقع پر ان کے ہمراہ پی ٹی آئی سندھ کے صدر نادر اکمل لغاری، فیصل واوڈا، علی زیدی اور دیگر بھی موجود تھے۔

    عمران اسماعیل نے کہا کہ ان کا مقصدکسی سےجھگڑا کرنا نہیں، انہیں ڈرانے والے خود ڈر گئے ہیں، پی ٹی آئی کے کارکنوں کو کچھ ہواتوذمہ دارایم کیوایم پرہوگی۔

    انہوں نے بتایا کہ عمران خان کل کراچی آ رہےہیںاور تین دن یہیں رہیں گے، عمران اسماعیل نے الزام لگایا کہ ووٹرزسےزبردستی شناختی کارڈلئےجارہےہیں۔ جن ووٹروں کے شناختی کارڈ زبردستی لئے جا رہے ہیں وہ لوگ پی ٹی ائی سے رابطہ کریں۔

    انہوں نے کہا کہ ایم کیوایم اپنی مہم چلائے اور انہیں اپنی مہم چلانےدے،اس موقع پر پی ٹی آئی کے رہنما فیصل واوڈا کا کہنا تھا کہ ایم کیوایم کےقائدالطاف حسین مفرورہیں، ان کےریڈوارنٹ جاری کیےجائیں۔

  • کراچی: پی ٹی آئی کا کیمپ کس نے ہٹایا؟ معمہ بن گیا

    کراچی: پی ٹی آئی کا کیمپ کس نے ہٹایا؟ معمہ بن گیا

    کراچی : شہرِ قائد کے علاقے کریم آباد میں پی ٹی آئی کا گرایا جانے والا انتخابی کیمپ کس نے ہٹایا معمہ بن گیا ہے، تحریکِ انصاف کے امیدوارعمران اسماعیل کا کہنا ہے کہ کیمپ ہٹانے میں وہی عناصر ملوث ہیں، جنہوں نے رات میں حملہ کیا۔

    قومی اسمبلی کے حلقہ این اے246 کا انتخابی دنگل سج گیا اور سیاسی درجہ حرارت میں ہر گزرتے دن کیساتھ اٖضافہ ہورہا ہے۔

    گزشتہ روز گرایا گیا پی ٹی آئی کیمپ آج کس نے ہٹایا کسی کو نہیں معلوم، اے آر وائی سے گفتگو میں عمران اسماعیل کا کہنا تھا کہ مخالفین شکست دیکھ کربوکھلا گئے ہیں۔

    تحریک انصاف کے امیدوار کا کہنا تھا کہ دوبارہ کیمپ لگا کر انتخابی سرگرمیاں شروع کریں گے۔

    یاد رہے کہ کریم آباد میں پی ٹی آئی کے الیکشن کیمپ پر نامعلوم افراد نے دھاوا بول دیا تھا، ایم کیوایم  کا کہنا تھا کہ یہ انکے کارکن نہیں، ایم کیوایم کے رہنماء حیدرعباس رضوی نےاے آروائی سے بات کرتے ہوئے کہا تھا کہ پی ٹی آئی کے کیمپ پر وہ خود بیٹھیں گے۔

    پی ٹی آئی نے الزام لگایا جنہوں نے اکھاڑا تھا وہی سامان بھی لے گئے۔

    دوسری جانب ایم کیو ایم کے امیدوار کنور نوید نے پی ٹی آئی کا کیمپ خود لگانے کی پیش کش کردی۔

    واضح رہے کہ کراچی میں نبیل گبول کی نشست پر ضمنی الیکشن تئیس اپریل کو ہورہےہیں، تحریک انصاف نے ایم کیوایم کے گڑھ سے امیدوار کھڑا کردیا۔ جس سےسیاسی گرما گرمی پیدا ہوگئی ہے۔

  • متحدہ رہنماؤں نے پی ٹی آئی کا کیمپ دوبارہ بحال کردیا

    متحدہ رہنماؤں نے پی ٹی آئی کا کیمپ دوبارہ بحال کردیا

    کراچی : این اے دوسو چھیالیس کا علاقہ اس وقت انتہائی کشیدہ صورتحال کا شکار ہے۔ ایم کیو ایم کے رہنماؤں نے کریم آباد پہنچ کر صورت حال کو کنٹرول کرنے کی کوشش کی، اور پی ٹی آئی کے تباہ حال کیمپ کو بحال کرنے کیلئے اقداما ت کئے۔

    رہنماؤں میں ڈاکٹر خالد مقبول صدیقی، حیدر عباس رضوی، آصف حسنین، این اے دو سو چھیالیس کے امیدوار کنور نوید جمیل ودیگر بھی موجود تھے۔

    اس موقع پر اے آر وائی سے خصوصی گفتگو کرتے ہوئے، حیدر عباس رضوی نے کہا کہ موجودہ صورتحال ایم کیو ایم کیلئے بھی انتہائی نقصان دہ ہے، ہم نے مشتعل افراد سے ہاتھ جوڑ کر پر امن رہنے کی درخواست کی۔

    ان کا کہنا تھا کہ یہ ایم کیو ایم کے کارکنان نہیں علاقہ مکین ہیں، جو قائد تحریک الطاف حسین کے نعرے لگا رہےتھے، انہوں نے کہا کہ ہمیں جیسے ہی خبر ملی ہم فوری طور پر کریم آبا د پہنچے اور صورت حال کو کنٹرول کرتے کی کوشش کی۔

    انہوں نے کہا کہ ہم نے  پی ٹی آئی کے کیمپ کو اپنے ہاتھوں سے ٹھیک کیا، انہوں نے کہا کہ میں کل خود اس کیمپ میں بیٹھوں گا تاکہ پھر کوئی ایسا ناخوشگوار واقعہ رونما نہ ہو۔

  • کریم آباد میں مشتعل افراد نے پی ٹی آئی کا کیمپ اکھاڑ دیا

    کریم آباد میں مشتعل افراد نے پی ٹی آئی کا کیمپ اکھاڑ دیا

    کراچی: شہر میں سیاسی صورتحال کشیدہ ہوگئی، سیاسی گہما گہمی گرما گرمی میں تبدیل ہوگئی، تفصیلات کے مطابق عزیز آباد میں ایم کیو ایم اور پی ٹی آئی کے کارکنان کے درمیان ایک بار پھر آمنا سامنا ہوگیا،مشتعل کارکنان نے پی ٹی آئی کا کیمپ اکھاڑ دیا۔

    دونوں جماعتوں کے کارکنان کی جانب سے شدید نعرے بازی کی گئی،  اطلاعات کے مطابق ایم کیو ایم کے مشتعل کارکنان نے مبینہ طور پر پی ٹی آئی کے جھنڈے کو نذر آتش کیا۔

    پولیس کی بھاری نفری بھی جائے وقوعہ پر موجود ہے، اس موقع پر پولیس نے دو کارکنان کو گرفتار کرلیا، اس دوران اچانک مشتعل افراد نے پی ٹی آئی کے کیمپ  میں داخل ہوکر کرسیاں پھینک دیں اور کیمپ کو  کو اکھاڑ دیا۔

    میڈیا سے گفتگو کرتے ہوئے عمران اسماعیل کا کہنا تھا کہ یہ سراسر ذیادتی ہے کہ ایم کیو ایم کے کارکنان صرف پی ٹی آئی کو ہی اپنی غندہ گردی کا نشانہ بنا رہے ہیں۔

    اس موقع پر متحدہ قومی مومنٹ کے رہنما بھی حالات کی نزاکت کو دیکھتے ہوئے کریم آباد پہنچ گئے،انہوں نے واقعے کی شدید الفاظ میں مذمت کی اور  پی ٹی آئی کے تباہ شدہ کیمپ کو دوبارہ بحال کرانے کی کوشش کی۔

    واضح رہے کہ کچھ دنوں قبل جناح گراونڈ میں پیش آنے والے واقعہ کے بعد گورنر ہاؤس میں  دونوں پارٹیوں نے ایک ضابطہ اخلاق پر باہمی رضامندی دکھائی تھی۔ آج کارکنوں کی آپسی زبانی تلخ کلامی اس ضابطہ اخلاق کی خلاف ورزی تھی۔

    عمران اسماعیل نے الزام لگایا ہےکہ کیمپ ایم کیو ایم کے کارکنوں کے اکھاڑا۔ پولیس نے مشتعل ہجوم کو منتشر کرنے کیلئے لاٹھی چارج کیا۔

  • کراچی میں جرائم پیشہ افراد کی سرگرمیاں جاری

    کراچی میں جرائم پیشہ افراد کی سرگرمیاں جاری

    کراچی:شہر قائد کےعلاقےکریم آباد اورشادمان ٹاون میں لوٹ مارکرنے والےڈاکووں پر شہریوں کا تشدد،ایک ڈاکو ہلاک،لیاری میں مقابلےمیں ایک ملزم مارا گیا۔

    کراچی میں جرائم پیشہ افراد کی سرگرمیاں جاری ہیں،پولیس کےمطابق کریم آباد میں دو ڈاکودوکان میں لوٹ مار کررہے تھےکہ شہریوں نے پکڑ کرتشدد کا نشانہ بنایا جس کے نتیجے میں ایک ڈاکو ہلاک ہوگیا جبکہ دو سرے ڈاکو کو شہریوں نے تشدد کے بعد پولیس کے حوالے کردیا،شادمان ٹاؤن میں بھی شہریوں نے لوٹ مار کرنے والے ایک ڈاکو کو پکڑ کر تشدد کا نشانہ بنایا اور پولیس کے حوالے کردیا ملزم کے قبضے سے اسلحہ اورموٹر سائیکل بھی برآمد ہوئی پولیس کے مطابق دو ڈاکو ایک شہری سے لوٹ مار کر رہے تھے کہ قریب ہی موجود لوگوں نے ڈاکوؤں کو پکڑ لیا اور تشدد کا نشانہ بنایا ۔

    لیاری کے علاقے دریا آباد میں رینجرز نے خفیہ اطلاع پر چھاپہ مارا، ملزم نے فائرنگ کردی،فائرنگ کے تبادلے میں ایک ملزم ہلاک ہوگیا جس کی شناخت ناد عرف ملا نادر کے نام سے ہوئی،ترجمان رینجرز کے مطابق ہلاک ملزم نو سے زائد افراد کی ٹارگٹ کلنگ میں ملوث تھا۔