Tag: Kashmir

سری نگر: یوم شہدا کشمیر کے موقع پر وزیر اعلیٰ عمر عبداللہ پولیس رکاوٹ کے باوجود دیوار پھلانگ کر قرستان میں داخل ہو گئے۔

تفصیلات کے مطابق یوم شہدائے کشمیر پر جموں و کشمیر کے وزیر اعلیٰ عمر عبداللّٰہ نظر بندی توڑ کر سری نگر میں شہدا قبرستان پہنچ گئے۔

عمر عبداللّٰہ نے سوشل میڈیا پر ویڈیو شیئر کرتے ہوئے کہا کہ وہ کوئی غیر قانونی کام نہیں کر رہے تھے، قانون کے محافظوں کو یہ بتانے کی ضرورت ہے کہ انھوں نے کس قانون کے تحت انھیں قبر پر فاتحہ خوانی سے روکنے کی کوشش کی؟

Paid my respects & offered Fatiha at the graves of the martyrs of 13th July 1931. The unelected government tried to block my way forcing me to walk from Nawhatta chowk. They blocked the gate to Naqshband Sb shrine forcing me to scale a wall. They tried to physically grapple me… pic.twitter.com/IS6rOSwoN4

— Omar Abdullah (@OmarAbdullah) July 14, 2025

رپورٹس کے مطابق پولیس نے عمر عبداللّٰہ اور ان کی کابینہ کے وزرا کو روکنے کی کوشش کی، دھکے دیے لیکن وہ دیوار پھلانگ کر قبرستان میں داخل ہو گئے، دوسری جانب بھارتی ریاست مغربی بنگال کی وزیرِ اعلیٰ ممتا بینرجی نے واقعے کو ناقابلِ قبول، حیران کن اور شرمناک قرار دیتے ہوئے کہا کہ یہ واقعہ صرف افسوس ناک ہی نہیں بلکہ ایک شہری کا جمہوری حق بھی چھین لیا گیا ہے۔

فضائی حدود کی خلاف ورزی، بھارتی فورسز کا میانمار میں حملہ

کشمیر میڈیا سروس کے مطابق میر واعظ عمر فاروق نے ایکس پر ایک پوسٹ میں لکھا کہ آج وزیر اعلیٰ عمر عبداللہ کو بھی اسی آمریت اور بے بسی کا مزہ چکھنا پڑا جس کا عام کشمیری روزانہ نشانہ بنتے ہیں، ان کو مزار شہداء نقشبند صاحب کے دورے سے روکنے کے لیے بھارتی پولیس کی بدسلوکی کا سامنا کرنا پڑا۔

میر واعظ نے کہا کہ امید ہے کہ اس تلخ تجربے کے بعد وزیر اعلیٰ ہر کشمیری کے عزت و وقار کے تحفظ پر اپنی توجہ مرکوز کریں گے اور کشمیریوں کے بنیادی حقوق کی بحالی کے لئی کام کریں گے۔

سرینگر: مقبوضہ کشمیر میں بھارتی مظالم کی انتہا ہو گئی، جامع مسجد سرینگر میں نماز عید ادا کرنے کی اجازت بھی نہیں دی گئی۔

کشمیر میڈیا سروس کے مطابق بھارت کے غیر قانونی زیر قبضہ جموں و کشمیر میں نریندر مودی کے مسلط کردہ لیفٹیننٹ گورنر کے ماتحت انتظامیہ نے کشمیری مسلمانوں کو سری نگر کی تاریخی جامع مسجد اور عید گاہ میں عید الاضحیٰ کی نماز ادا کرنے کی اجازت نہیں دی۔

انتظامیہ نے بھارتی وزیر داخلہ امیت شاہ کے حکم پر دونوں اہم مقامات پر نماز عید ادا نہیں کرنے دی، 2019 میں مقبوضہ کشمیر کی خصوصی حیثیت کے خاتمے کے بعد سے کشمیری مسلمانوں کو ان دونوں جگہوں پر مسلسل عید کی نماز سے روکا جا رہا ہے۔

انجمن اوقاف نے اس پر سخت ناراضگی کا اظہار کیا ہے، اپنے ایک بیان میں اوقاف نے کہا کہ مسجد کے دروازے بند کر دیے گئے اور باہر پولیس اہلکار تعینات کر دیے گئے، یہاں تک کہ آج صبح فجر کی نماز بھی جامع مسجد میں ادا کرنے کی اجازت نہیں دی گئی۔

Eid Mubarak! Yet again, Kashmir wakes up to the sad reality: no Eid prayers at Eidgah, and Jama Masjid locked down — for the 7th straight year. I too have been detained at my home.
In a Muslim-majority region, Muslims are deprived of their fundamental right to pray — even on… pic.twitter.com/DFM1y0t9ce

— Mirwaiz Umar Farooq (@MirwaizKashmir) June 7, 2025

دریں اثنا، کل جماعتی حریت کانفرنس کے سینئر رہنما میر واعظ عمر فاروق نے اپنے ایک ٹویٹ میں انتظامیہ کے اس اقدام پر اپنی شدید برہمی کا اظہار کرتے ہوئے لکھا کہ یہ افسوس ناک ہے کہ عیدگاہ میں عید نماز ادا نہیں کرنے دی گئی اور جامع مسجد کو سیل کیا گیا۔

انھوں نے لکھا کہ 7 برس سے مسلسل یہی ہو رہا ہے، مجھے بھی گھر میں نظر بند کیا گیا ہے، مسلم اکثریتی علاقے میں مسلمان ہی ایک اہم مذہبی فریضے کی ادائیگی سے محروم ہیں، یہ ان لوگوں کے لیے شرم کا مقام ہے جو ہم پر حکمرانی کرتے ہیں۔

سرینگر: جموں و کشمیر کے وزیر اعلیٰ عمر عبد اللہ نے اعتراف کیا ہے کہ مقبوضہ کشمیر میں باہر سے لوگوں کو لا کر ڈومیسائل جاری کیے جا رہے ہیں۔

تفصیلات کے مطابق مودی سرکار کی جانب سے مقبوضہ کشمیر میں مسلمانوں کی اکثریت اقلیت میں بدلنے کی سازشیں جاری ہیں، وزیر اعلیٰ عمر عبداللہ نے اسمبلی میں 85 ہزار غیر مقامی افراد کو 2 سال میں بسانے کا اعتراف کر لیا ہے۔

انھوں نے کہا مقبوضہ کشمیر میں باہر سے لوگوں کو لا کر ڈومیسائل جاری کیے جا رہے ہیں، 2 سال میں بھارت کے مختلف علاقوں سے دسیوں ہزار افراد کو جموں و کشمیر میں بسایا جا چکا ہے۔

مقبوضہ کشمیر میں سیاحوں پر حملہ، پاکستان کا ردعمل آگیا

مقبوضہ کشمیر میں آرٹیکل 370 کی منسوخی کے بعد آبادیاتی تبدیلیوں کے بارے میں خدشات بڑھتے جار ہے ہیں، ایسے میں مقامی حکومت نے انکشاف کیا کہ ہزاروں غیر مقامیوں کو ڈومیسائل سرٹیفکیٹ دیا گیا ہے، جس سے وہ یونین ٹیریٹری (UT) میں سرکاری ملازمتوں اور اپنی جائیداد کے لیے درخواست دے سکتے ہیں۔

مودی سرکار کی جانب سے 2020 میں ایک ڈومیسائل قانون متعارف کرایا گیا تھا، جس میں ایسے بیرونی لوگوں کو اجازت دی گئی جو یونین ٹیریٹری میں 15 سال سے مقیم ہیں، یا وہاں 7 سال تک تعلیم حاصل کر چکے ہیں، ڈومیسائل سرٹیفکیٹ کے لیے درخواست دے سکتے ہیں، اس طرح انھیں زمین کی ملکیت اور سرکاری ملازمت کے لیے اہلیت دی گئی ہے۔