مقبوضہ کشمیر میں بھارتی فوج کی ریاستی دہشت گردی میں 3 نوجوان شہید ہوگئے۔
کشمیری میڈیا سروس کے مطابق قابض بھارتی فورسز نے ضلع بارہ مولا میں نام نہاد آپریشن کی آڑ میں نوجوانوں کو شہید کیا۔
رپورٹ کے مطابق گھر گھر تلاشی کے دوران متعدد نوجوانوں کو گرفتار بھی کیا گیا، بھارتی فوج نے بارہ مولا اور نواحی علاقوں کا محاصرہ کرکے موبائل اور انٹرنیٹ سروس بند کردی.
رپورٹ کے مطابق لوگوں کو گھروں سے باہر نہ نکلنے کا حکم دیا گیا، گزشتہ روز اننت ناگ میں نامعلوم افراد کے حملے میں دو بھارتی فوجی مارے گئے تھے۔
تفصیلات کے مطابق رئیس نامی پولیس اہلکار گزشتہ سات سال سے ہندوستانی پولیس میں خدمات انجام دے رہا تھا ‘ ویڈیو بیان میں کشمیریوں پر جاری ظلم و ستم بیان کرتے ہوئے پولیس کے جوان نے اپنا استعفیٰ دیا۔
سوشل میڈیا پر وائر ل ہونے والی ویڈیو میں رئیس نامی یہ سابق پولیس اہلکار تسلیم کرتا ہے کہ مقبوضہ کشمیر میں حالات خراب ہیں اوروادی میں تعینات بھارتی فوج اور پولیس نے ظلم ستم کی انتہا کردی ہے۔
پولیس اہلکار کا کہنا تھا کہ وہ ضمیر کی آواز پر استعفی ٰ دے رہا ہے۔ظلم وستم سےکئی کشمیری شہید اور بینائی سےمحروم ہوئے‘ مقبوضہ وادی میں جاری بھارتی جارحیت نہیں دیکھ سکتا۔
ویڈیو پیغام میں رئیس نامی اس اہلکار کا کہنا تھا کہ ایک پولیس والے کی حیثیت سے کشمیر میں جاری خون ریزی نہیں دیکھ سکتا‘ میں ایک غریب گھر سے ہوں میرے والد مزدور ہیں‘ میں بھی محنت مزدوری کرکے اپنا گھر پال لوں گا لیکن اپنے ضمیر کے ہاتھوں شرمندہ نہیں ہوں گا۔
رئیس کا کہنا تھا کہ اس جنگ میں ہندوستانی اور پاکستانی بھی مارے جارے ہیں لیکن سب سے زیادہ نقصان کشمیریوں کا ہورہا ہے اور میں جانتا ہوں کہ اس مسئلے کا حل میرے پاس نہیں لیکن میں اپنے ضمیر کی آواز کو جواب دہ ہوں اور میں اپنے ساتھیوں سے بھی یہی کہوں گا کہ وہ اپنے ضمیر کی آواز سنیں۔
بھارتی پولیس کی جانب سے تاحال رئیس کے استعفے کی تصدیق یا تردید نہیں کی گئی ہے تاہم پولیس ترجمان کی جانب سے یہ ضرور کہا گیا ہے کہ معاملے کی تحقیقات جاری ہیں اور دیکھاجارہا ہے کہ آیا یہ ویڈیو اصلی ہے یا نقلی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔