ARYNews.tv | Urdu – Har Lamha Bakhabar

Tag: Kashmir

  • مسئلہ کشمیرکےحل کےبغیرجنوبی ایشیامیں امن ممکن نہیں‘ مسعودخان

    مسئلہ کشمیرکےحل کےبغیرجنوبی ایشیامیں امن ممکن نہیں‘ مسعودخان

    واشنگٹن: صدر آزاد کشمیر مسعود خان کا کہنا ہے کہ مسئلہ کشمیر کےحل کے بغیرجنوبی ایشیا میں امن ممکن نہیں ہے امریکہ بھارت کومذاکرات کی میزپرلانے کے لیے کردار ادا کرے۔

    تفصیلات کے مطابق صدرآزاد کشمیرمسعودخان نے امریکی پالیسی سازادارے اٹلانٹک کونسل میں خطاب کرتے ہوئے کہا کہ مقبوضہ کشمیرمیں انسانی حقوق کی خلاف ورزیاں بند ہونی چاہئیں۔

    صدرآزاد کشمیر کا کہنا تھا کہ مسئلہ کشمیرکےحل کے لیے سنجیدہ کوششیں کرنے کی ضرورت ہے، مسئلہ کشمیر کےحل کے بغیر جنوبی ایشیا میں امن ممکن نہیں ہے۔

    مسعودخان کا کہنا تھا کہ بھارت سے آزادی کے لیے کشمیری سیاسی جدوجہد کررہے ہیں جبکہ بھارت کشمیریوں کی جدوجہد آزادی کوغلط اندازمیں پیش کررہا ہے۔

    صدر آزاد کشمیر مسعودخان کا کہنا تھا کہ کشمیریوں کواپنے مستقبل کا فیصلہ کرنے کاحق دینا ہوگا۔

    کشمیری مشکلات کے باوجود آزادی حاصل کرکے رہیں گے، مسعود خان

    یاد رہے کہ 19 اکتوبرکومظفر آباد میں سیمینار سے خطاب کرتے ہوئے صدر آزاد کشمیر مسعود خان کا کہنا تھا کہ بھارتی فوج کشمیریوں کی سرزمین پر قتل عام کررہی ہے، کشمیری مشکلات کے باوجود آزادی حاصل کرکے رہیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مقبوضہ کشمیر: بھارتی فوج کی موجودگی میں پاکستان زندہ باد کے نعرے

    مقبوضہ کشمیر: بھارتی فوج کی موجودگی میں پاکستان زندہ باد کے نعرے

    سری نگر: مقبوضہ کشمیر کے علاقے بڈگام اسٹیڈیم میں قابض بھارتی فوج کی جانب سے منعقد کروائے جانے والے میچ میں حریت پسندوں نے جیوے جیوے پاکستان کے نعرے بلند کردیے۔

    تفصیلات کے مطابق شہادتوں اور مظالم کے باوجود کشمیری نوجوان پاکستان کی محبت سے سرشار کشمیریوں پر مظالم کے باوجود آزادی کے متوالے بھارتی فورسز کے سامنے سیسہ پلائی ہوئی دیوار ثابت ہورہے ہیں۔

    بھارتی فوج کی جانب سے بڈگام اسٹیڈیم میں میچ کا فائنل منعقد کیا گیا جس کے اختتام پر تماشائی میدان میں بھاگ کر آئے اور انہوں نے فتح کا خوب جشن منایا۔ کشمیری نوجوانوں نے بھارتی فوج کی موجودگی میں ’جیوے جیوے پاکستان‘ کے فلک شگاف نعرے بلند کردیے اور ہاتھوں میں سبز ہلالی پرچم تھاما ہوا تھا۔

    واضح رہے کہ گزشتہ اتوار بھی کرکٹ میچ کے دوران سابق بھارتی کپتان مہندر سنگھ دھونی کی موجودگی پر کشمیریوں نے شاہد آفریدی کے حق میں نعرے بلند کیے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مقبوضہ کشمیر: ایم ایس دھونی کی آمد پر بوم بوم آفریدی کے نعرے

    مقبوضہ کشمیر: ایم ایس دھونی کی آمد پر بوم بوم آفریدی کے نعرے

    بارا مولا : بھارتی کرکٹ ٹیم کے سابق کپتان مہندر سنگھ دھونی نے مقبوضہ کشمیر کا دورہ کیا تو ان کے استقبال کیلئے آنے والوں نے دھونی کے بجائے بوم بوم آفریدی کے نعرے لگائے۔

    تفصیلات کے مطابق کشمیرکے شائقین کرکٹ کا دل بھی پاکستانیوں کے لئے دھڑکتا ہے، انہوں نے ثابت کردیا کہ مقبوضہ کشمیر میں بھارتی کھلاڑی قبول نہیں ہے۔

    بھارت کے سابق کپتان مہندر سنگھ  دھونی کی آمد پر بارا مولا میں بوم بوم آفریدی کے نعرے لگ گئے، جس پرتنگ نظر بھارتی میڈیا کو آگ لگ گئی، کشمیریوں کو آڑے ہاتھوں لینا شروع کر دیا۔

    ایم ایس دھونی شمالی کشمیر کے ضلع بارا مولہ کے کنزر میں کھیلے جانے والے چنار کرکٹ پریمئر لیگ 2017 کے فائنل مقابلے میں بحیثیت مہمان خصوصی شرکت کیلئے پہنچے تھے۔

    بھارت کے اعزازی کرنل اور ٹیم کے سابق کپتان مہندر سنگھ دھونی فوجی وردی میں ملبوس بارامولا پہنچے تو دھونی دھونی کے نہیں بلکہ بوم بوم آفریدی کے نعرے لگ گئے۔

    کشمیریوں کا دل صرف پاکستان کیلئے ہی نہیں پاکستانی کرکٹرز کے لئے بھی برابر دھڑکتا ہے، دھونی باوردی بارامولا کے گشت پر تھے کہ چاہنے والوں نے بوم بوم آفریدی کے نعروں سے ماحول گرمادیا۔

  • مسئلہ کشمیر کے حل تک بھارت سے مذاکرات ممکن نہیں، سراج الحق

    مسئلہ کشمیر کے حل تک بھارت سے مذاکرات ممکن نہیں، سراج الحق

    کوئٹہ : جماعت اسلامی کے امیر سینیٹر سراج الحق نے کہا ہے کہ بلوچستان میں مداخلت کے خاتمے اور مسئلہ کشمیر کے حل تک بھارت سے مذاکرات ممکن نہیں ،تربت میں قتل کئے گئے نوجوانوں کے قاتل حکمران ہیں۔

    ان خیالات کا اظہار انہوں نے کوئٹہ پریس کلب میں جماعت اسلامی یوتھ کی تقریب حلف برداری سے خطاب کرتے ہوئے کیا۔

    سراج الحق نے کہا کہ بھارت بلوچستان میں مداخلت کرکے یہاں مشرقی پاکستان جیسے حالات پید ا کرنا چاہتا ہے جبکہ حکمران بھارت کے ساتھ تجارت بڑھانے کی کوشش کررہے ہیں جب تک بلوچستان میں مداخلت بند اور مسئلہ کشمیر حل نہ ہو تب تک بھارت کے ساتھ مذاکرات ناممکن ہیں۔

    سراج الحق نے تربت میں بیس نوجوانوں کے قتل پر افسوس کا اظہار کرتے ہوئے کہا کہ غلط معاشی پالیسیوں کے باعث نوجوان اپنے ملک سے بھاگنے پر مجبور ہیں، مذکورہ نوجوانوں کے قتل کی ذمہ دار حکومت ہے۔

    مزید پڑھیں: بلا تفریق احتساب کے عمل کو تیز تر کیا جائے، سراج الحق

    انہوں نے نوجوانوں کو مخاطب کرتے ہوئے کہا کہ ملک کو جاگیرداروں اسٹیبلشمنٹ اور نااہل لوگوں نے لوٹا اب آپ نے اسے بچانا ہے، اس موقع پر انہوں نے نوجوانوں سے حلف بھی لیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت آگ کے ساتھ کھیل رہاہے، جنرل زبیرمحمود حیات

    بھارت آگ کے ساتھ کھیل رہاہے، جنرل زبیرمحمود حیات

    اسلام آباد : چیئرمین جوائنٹ چیفس آف اسٹاف کمیٹی جنرل زبیرمحمود حیات کا کہنا ہے کہ بھارت آگ کے ساتھ کھیل رہاہے، را نے سی پیک منصوبوں کونشانہ بنانے کے لئے نیا سیل قائم کیا ہے، سی پیک کے خلاف ہرسطح پرسازش کی جارہی ہے۔

    تفصیلات کے مطابق ’جنوبی ایشیا کی علاقائی جہتیں اورتذویراتی خدشات‘ پر2روزہ عالمی کانفرنس میں چیئرمین جوائنٹ چیفس آف اسٹاف کمیٹی جنرل زبیرمحمودحیات نے خطاب کرتے ہوئے کہا کہ افغانستان کامعاملہ جنوب اوروسطی ایشیاکے خطے میں اہم  ہے، جبکہ  چین اوربھارت کی  توانائی کی ضروریات کے لیے ایران کلیدی  کردارکا حامل خطہ ہے۔

     ان کا کہنا تھا کہ طاقت کاحصول جنوبی ایشیامیں عدم استحکام کاباعث ہے، بیرونی طاقتیں اپنے ’تذویراتی ڈیزائنز‘ کو آگے بڑھانے کے  لیے کوشاں ہیں۔ غیرریاستی عناصرجنوبی ایشیامیں عدم استحکام چاہتے ہیں جبکہ دوسری جانب ماحولیاتی تغیرات اور آبی مسائل‘ پہلے سے درپیش پیچیدہ چیلنجز کو مزید بڑھا رہے ہیں۔

    چیئرمین جوائنٹ چیفس آف اسٹاف کمیٹی نے یہ بھی کہا کہ مسئلہ کشمیربدستورجوہری جنگ کےخطرات کاپیش خیمہ ہے، کسی بھی قسم کاغلط اندازہ خطرات کاباعث بن سکتاہے، کشمیر میں ریاستی جبر سے90ہزارسےزائدشہیدہوئے، پیلٹ گن کےاستعمال سےہزاروں کی آنکھیں متاثرہوئیں۔

    مزید پڑھیں : مضبوط افغانستان خوشحال پاکستان کا ضامن ہے‘ جنرل زبیرمحمودحیات

    ایل او سی پر بھارتی اشتعال انگیزی پر ان کا کہنا تھا کہ ایل اوسی پر1200سےزائد مرتبہ سیزفائرکی خلاف ورزیاں ہوئیں، جنوبی ایشیامیں پائیدار امن کاراستہ کشمیر سے  ہوکرگزرتا ہے۔

    جنرل زبیرمحمودحیات نے مزید کہا کہ بھارت بلوچستان میں دہشت گردی کوہوا دے کرخطےمیں امن واستحکام کوخطرات سےدوچارکررہاہے۔ بھارت آگ سے کھیل رہا ہے‘  را نے سی پیک منصوبوں کونشانہ بنانے کے لئے نیا سیل قائم کیا ہے، سی پیک کے خلاف ہرسطح پرسازش ہورہی ہے۔

    چیئرمین جوائنٹ چیفس آف اسٹاف کمیٹی  نے واضح کیا کہ پاکستان ان حالات میں اپنی کم ازکم جوہری صلاحیت ضروربرقراررکھےگا۔ پاکستان اپنی عالمی ذمہ داریوں سے آگاہ ہے لیکن اپنے دفاع سےغافل نہیں ہے، ہم  تنازعات کا پرامن حل چاہتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • مقبوضہ کشمیرمیں مذاکرات کے لئے انٹیلیجنس بیورو کے سابق چیف نمائندہ مقرر

    مقبوضہ کشمیرمیں مذاکرات کے لئے انٹیلیجنس بیورو کے سابق چیف نمائندہ مقرر

    سری نگر : بھارت کی مقبوضہ کشمیرمیں جاری مظالم سے دنیا کی توجہ ہٹانے کی کوشش مقبوضہ کشمیرمیں مختلف گروپوں سے مذاکرات کے لئے انٹیلیجنس بیورو کے سابق چیف دنیشور شرما کو نمائندہ مقرر کردیا۔

    تفصیلات کے مطابق مقبوضہ کشمیر میں بھارتی بربریت جاری ہے، بھارت نے دنیا کی آنکھوں میں دھول جھونکنے کا ایک اور حربہ اپناتے ہوئے مقبوضہ کشمیرمیں مختلف گروپوں سے مذاکرات کے لئے انٹیلیجنس بیورو کے سابق چیف دنیشور شرما کو سرکار کا نمائندہ مقرر کردیا گیا ہے۔

    بھارتی وزیرداخلہ راج ناتھ سنگھ نے پریس کانفرنس کرتے ہوئے کہا تھا کہ حکومت نے کشمیر پر جامع مذاکرات شروع کرنے کا فیصلہ کیا ہے اور اسی سلسلے میں انٹیلی جنس بیورو کے سابق ڈائریکٹر دنیشور شرما کو نمائندہ مقرر کیا گیا ہے۔

    راجناتھ سنگھ کا کہنا تھا دنیشور شرما مقبوضہ کشمیر میں منتخب حکومت، سیاسی پارٹیوں سمیت مختلف تنظیموں سے بات چیت کریں گے اور ریاست میں قیام امن کو یقینی بنانے کیلئے ریاستی عوام کی جائز خواہشات کو سمجھنے کی کوشش کریں گے۔

    بھارتی وزیرداخلہ راج ناتھ سنگھ نے روایتی کشمیر دشمنی کا مظاہرہ کرتے ہوئے کہا حریت رہنماؤں سے بات کرنے یا نہ کرنے کا فیصلہ سابق انٹیلیجنس چیف کریں گے۔

    مقبوضہ کشمیر کی کٹھ پتلی وزیراعلی نے بھارت کی خوشامد میں مذاکرات کے فیصلے کا فوری خیرمقدم کرڈالا۔

    مزید پڑھیں :   مسئلہ کشمیر،گالی یا گولی سے نہیں ، کشمیریوں کو گلے لگانے سے حل ہوگا،  مودی

    دوسری جانب مودی سرکار کی جانب سے مقرر مذاکرات کار دنیشور شرما 8 سے 10 روز میں مقبوضہ کشمیر کا دورہ کریں گے، دنیشور شرما کا کہنا ہے کہ وادی کا دورہ کرنے کرکے صورتحال کا جائزہ لیکر ایک منصوبہ تیار کیا جائے گا، جس پر عمل کرتے ہوئے امن کے قیام اور مستقل حل کی کوشش کی جائے گی۔

    خیال رہے کہ بھارت نے مقبوضہ کشمیرمیں مذاکرات کا اعلان ایسے وقت میں کیا ہے جب امریکی وزیرخارجہ ریکس ٹلرسن پاکستان سمیت خطے کا اہم دورہ کررہے ہیں۔

    یاد رہے کہ بھارت کے یوم آزادی کے موقع پر اپنے خطاب میں بھارتی وزیر اعظم نریندر مودی نے اعتراف کیا تھا کہ مسئلہ کشمیر گالی یا گولی سے حل نہیں ہوگا،  مذہب یا عقیدے کے نام پر تشدد کو برداشت نہیں کیا جائے گا۔ ’آزادی سے قبل نعرہ تھا، بھارت چھوڑ دو، آج ہم نعرہ لگاتے ہیں، بھارت جوڑو۔‘

    واضح رہے کہ گذشتہ سال 8 جولائی کو حریت پسند برہان وانی کی بھارتی فوج کے ہاتھوں شہادت کے بعد مقبوضہ وادی میں پر امن احتجاج کا سلسلہ شروع ہوا تھا، جس کے بعد سے مقبوضہ کشمیرمیں بھارت کی بے لگام ریاستی دہشت گردی جاری ہے۔

    بھارتی بربریت کے نتیجے میں درجنوں کشمیری شہید اور ہزاروں افراد زخمی ہوچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

     

  • میر واعظ ‘ علی گیلانی نظربندی‘ کشمیر میں غیراعلانیہ کرفیو

    میر واعظ ‘ علی گیلانی نظربندی‘ کشمیر میں غیراعلانیہ کرفیو

    سرینگر:مقبوضہ کشمیرمیں بھارت نے ریاستی دہشت گردی کامظاہرہ کرتے ہوئے میرواعظ عمرفاروق،سید علی گیلانی کوگھروں میں نظربندکردیاگیا ہے۔

    کشمیر میڈیا سروس کے مطابق بھارت کی جانب سے مقبوضہ کشمیر میں ریاستی دہشت گردی عروج پرہے اوربھارتی مظالم کے خلاف ہونے ہونے والے مظاہرے میں شرکت سے روکنے کےلیے کشمیر رہنماؤں کو نظر بند کیا گیا ہے۔

    ذرائع کا کہنا ہے کہ میر واعظ عمر فاروق اور سید علی گیلانی نے آج دوپہر بعد نماز ِ جمہ وسطی کشمیر کے علاقے ضلع بڈگام میں ہونے والے احتجاج میں شرکت کرنا تھی ۔ یہ احتجاج شیخ العالم شیخ نور الدین نور نورانی کے مزار چرار شریف میں ہونے والے 598 ویں عرس کے موقع پر کیا جانا تھا ۔

    حریت کانفرنس کے ترجمان کےمطابق پولیس کا ایک دستہ نگین میں واقع میر واعظ عمر فاروق کی رہائش گاہ پر آیا اور انہیں ان کی نظر بندی کے فیصلے سے آگاہ کرکے ان کی رہائش گاہ کو گھیرے میں لے لیا۔

    مقبوضہ کشمیر میں بھارتی جارحیت، مزید 2 کشمیری شہید*

    دوسری جانب سری نگرسمیت مقبوضہ کشمیرکےدیگرعلاقوں میں بھارتی فوج نے غیراعلانیہ کرفیو نافذ کررکھا ہے اور عوام پر مظالم کا سلسلہ مسلسل جاری ہے۔

    چھ روز قبل مظاہرین پر بھارتی فورسز کی فائرنگ سے مزید 2 کشمیری نوجوان شہید اور 25 سے زائد زخمی ہوگئے تھے ۔ المیہ یہ ہے کہ کشمیریوں کی روزانہ کی بنیاد پر شہادت اور بھارت کی بربریت پر بھی عالمی برادری کشمیریوں کے حق میں آواز اٹھانے کو تیار نہیں ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کشمیری مشکلات کے باوجود آزادی حاصل کرکے رہیں گے، مسعود خان

    کشمیری مشکلات کے باوجود آزادی حاصل کرکے رہیں گے، مسعود خان

    مظفر آباد: صدر آزاد کشمیر مسعود خان نے کہا ہے کہ بھارتی فوج کشمیریوں کی سرزمین پر قتل عام کررہی ہے، کشمیری مشکلات کے باوجود آزادی حاصل کرکے رہیں گے۔

    مسئلہ کشمیر سے متعلق سیمینار سے خطاب کرتے ہوئے صدر آزاد کشمیر نے کہا کہ مسئلہ کشمیر سے متعلق عالمی برادری کردار گھٹ گیا ہے، اقوام متحدہ مسئلہ کشمیر سے عملاً کنارہ کشی اختیار کررہی ہے۔

    مسعود خان نے کہا کہ مقبوضہ کشمیر میں انسانیت کے خلاف جنگی جرائم جاری ہیں، مقبوضہ کشمیر میں کیمیائی ہتھیاروں کا استعمال جاری ہے۔

    انہوں نے کہا کہ کشمیری اپنی آزادی کی جنگ لڑ رہے ہیں، مضبوط پاکستان کشمیریوں کی آزادی کا ضامن ہے۔

    یہ پڑھیں: کشمیر اور پاکستان کے گہرے رشتے کو کوئی جدا نہیں کر سکتا، مشعال ملک

    واضح رہے کہ گزشتہ دنوں بھارتی فورسز کی فائرنگ سے مزید 2 کشمیری شہید اور 25 زخمی ہوگئے تھے، کشمیریوں کی روزانہ شہادتوں اور بھارت کی بربریت پر بھی عالمی برادری کشمیریوں کے حق میں آواز اٹھانے کو تیار نہیں۔

    یاد رہے کہ پاکستانی دفتر خارجہ کے ترجمان نفیس زکریا کا کہنا تھا کہ مقضبوضہ کشمیر میں بھارتی مظالم کا سلسلہ جاری ہے، وادی میں گمنام قبروں کا معاملہ بھارت کا چہرہ بے نقاب کرتا ہے۔

    انہوں نے عالمی برادری سے معصوم کشمیروں پر مظالم کا نوٹس لینے کا مطالبہ کرتے ہوئے کہا تھا کہ عالمی برادری مقبوضہ کشمیر میں خونریزی رکوائے، امید ہے عالمی برادری نہتے کشمیریوں کے ساتھ کھڑی ہوگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مقبوضہ کشمیر میں بھارتی جارحیت، مزید 2 کشمیری شہید

    مقبوضہ کشمیر میں بھارتی جارحیت، مزید 2 کشمیری شہید

    سرینگر: مقبوضہ کشمیر میں بھارتی فورسز نہتے کشمیریوں پر طاقت کا اندھا دھند استعمال کر رہی ہے۔ پلوامہ میں مزید 2 کشمیری نوجوانوں کو شہید کردیا گیا۔

    تفصیلات کے مطابق مقبوضہ کشمیرمیں بھارت کی بے لگام ریاستی دہشت گردی جاری ہے۔

    پلوامہ میں فوجی آپریشن کے خلاف احتجاج کرنے والوں پر بھارتی فورسز نے بدترین تشدد، لاٹھی چارج اور پیلٹ گن کا بے دریغ استعمال ہوگیا۔

    بھارتی فورسز کی فائرنگ سے مزید 2 کشمیری نوجوان شہید اور 25 سے زائد زخمی ہوگئے۔ کشمیریوں کی روزانہ شہادتوں اور بھارت کی بربریت پر بھی عالمی برادری کشمیریوں کے حق میں آواز اٹھانے کو تیار نہیں۔

    یاد رہے گزشتہ روز پاکستانی دفتر خارجہ کے ترجمان نفیس زکریا کا کہنا تھا کہ مقبوضہ کشمیر میں بھارتی مظالم کا سلسلہ جاری ہے۔ مقبوضہ کشمیر میں گزشتہ چند روز میں 7 کشمیری شہید کر دیے گئے۔ وادی میں گمنام قبروں کا معاملہ بھارت کا چہرہ بے نقاب کرتا ہے۔

    انہوں نے عالمی برادری سے معصوم کشمیریوں پر مظالم کا نوٹس لینے کا مطالبہ کرتے ہوئے کہا کہ عالمی برادری مقبوضہ کشمیر میں خونریزی رکوائے۔ ’امید ہے عالمی برادری نہتے کشمیریوں کے ساتھ کھڑی ہوگی‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سرینگر: قابض بھارت فوج نے کشمیریوں کو محرم کے جلوس نکالنے سے روک دیا

    سرینگر: قابض بھارت فوج نے کشمیریوں کو محرم کے جلوس نکالنے سے روک دیا

    سرینگر: مقبوضہ کشمیر میں بھارتی مظالم جاری ہیں۔ کشمیریوں کو محرم کے جلوس نکالنے سے روکنے کے لیے کرفیو جیسی صورتحال کا سامنا ہے۔ حریت رہنماؤں یاسین ملک سمیت متعدد رہنماؤں کو گرفتار کر لیا گیا۔

    تفصیلات کے مطابق مقبوضہ کشمیر میں بھارت کی ریاستی دہشت گردی جاری ہے۔ قابض فوج نے کشمیریوں کو محرم کے جلوس نکالنے سے بھی محروم کردیا۔

    سرینگر سمیت مختلف علاقوں میں کٹھ پتلی انتظامیہ نے خاردار تار لگا کرسڑکیں بند کر کے کشمیریوں کو جلوس نکالنے سے روک دیا جبکہ حریت رہنما یاسین ملک کو بھی گرفتار کرلیا گیا۔

    مزید پڑھیں: جنیوا میں بھارت سے مقبوضہ کشمیر کی آزادی کے بینر

    یاسین ملک کا کہنا تھا کہ عاشورہ میں شرکت کے لیے آنے والوں پرتشدد کیا جارہا ہے۔

    قابض بھارتی فورسز نے گزشتہ روز بھی جلوس نکالنے کی کوشش کرنے والے متعدد کشمیریوں کو گرفتار کرلیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔