کراچی: وزیراعظم کے مشیربرائے خارجہ امورسرتاج عزیز نے کہا ہے کہ پاکستان مسئلہ کشمیرپراخلاقی اورسفارتی حمایت جاری رکھے گا۔
کراچی میں سیمینار سے خطاب کرتے ہوئے سرتاج عزیز کا کہنا تھا کہ مسئلہ کشمیراقوام متحدہ کی قراردادوں کے ذریعے ہی حل کیا جا سکتا ہے، پاکستان نے ہمیشہ اقوام متحدہ کے فورم پرمسئلہ کشمیرکواجاگرکیا ہے،پاکستان ایک ذمہ دارملک ہے اورعالمی قدروں اور اصولوں کا احترام کرتا ہے، مشیرخارجہ نے کہا کہ حکومت جموری انداز میں کام کررہی ہے، مسائل کا حل مستحکم جمہوریت سے ہی نکالا جا سکتا ہے۔
اسلام آباد: پاکستان کے قومی سلامتی اور خارجہ امور کے مشیرسرتاج عزیزنے اقوامِ متحدہ کےسیکرٹری جنرل بان کی مون کو بھارت کی جانب سے لائن آف کنٹرول پر بلا اشتعال فائرنگ کے متعلق فون کیا اور ان کو فائرنگ سے ہو نے والے نقصانات کے بارے میں آگاہ کیا۔
تفصیلات کے مطابق پاکستان کی قومی سلامتی اور خارجہ امور کے مشیر سرتاج عزیز نے اقوام متحدہ کے جنرل سیکرٹری بان کی مون سے ٹیلی فونک رابطہ کیا جس میں انھوں نے بان کی مون کو لائن آف کنٹرول اورورکنگ باؤنڈری کی صورتحال سے آگاہ کیا۔ سرتاج عزیزنے بان کی مون کو بھارت کی جانب سے ورکنگ باونڈری پر بلااشتعال فائرنگ اوراس سے ہونے والے نقصانات سے بھی آگاہ کیا۔
سرتاج عزیزکا کہنا تھا کہ بھارت کو اشتعال انگیزاقدامات سے روکا جائے۔ پاکستان کسی بھی جارحیت کا بھرپورجواب دینے کی صلاحیت رکھتا ہے تاہم عالمی امن کو قائم رکھنے کے لئے عالمی برادری کو زور دینگے کے وہ بھارت کو روکے۔ انہوں نے کہا کہ پاکستان مسئلہ کشمیرسمیت تمام مسائل کا حل چاہتا ہے۔
سیکرٹری جنرل بان کی مون نےلائن آف کنٹرول کی موجودہ صورتحال پرتشویش کا اظہارکرتے ہوئے کہا کہ دونوں ملکوں کو مسائل مذاکرات کے ذریعے حل کرنے چاہیے۔ مشیرِخارجہ نے اس سے پہلے گیارہ اکتوبرکو سیکرٹری جنرل کومعاملے پرخط بھی تحریرکیا تھا۔
راولپنڈی: چیف آرمی اسٹاف جنرل راحیل شریف کا کہنا ہے کہ کسی بھی جارحیت کا منہ توڑ جواب دیا جائیگااور مسئلہ کشمیر کے حل کے بغیر خطے میں امن کا قیام ممکن نہیں۔
آرمی چیف جنرل راحیل شریف پاکستان ملٹری اکیڈمی کاکول میں کیڈٹس کی پاسنگ آؤٹ تقریب سے خطاب کررہے تھے۔ ان کا کہنا تھا کہ مسئلہ کشمیر کو اقوام متحدہ کی قراردادوں کے مطابق حل کیا جانا چاہیے۔
شمالی وزیرستان میں دہشت گردوں کے خلاف جاری آپریشن ضرب عضب کے حوالے سے آرمی چیف جنرل راحیل شریف نے کہا کہ فوج کا مقصد پاکستان سے دہشت گردی کا مکمل خاتمہ کرنا ہے۔ انھوں نے کہا کہ شمالی وزیرستان میں آپریشن ضرب عضب کامیابی سے جاری ہے اور قانون نافذ کرنے والے ادارے خفیہ اداروں کے تعاون سے ملک میں دہشت گردوں کا نیٹ ورک تباہ کر رہے ہیں۔
ان کا کہنا تھا کہ پاکستان آرمی اتحاد اور امید کی علامت ہے اور خطرات اور قدرتی آفات کے دوران فوج عوام کی امیدوں پر پورا اترے گی۔ آرمی چیف نے کامیاب ہونے والے کیڈٹس کو مبارکباد پیش کرتے ہوئے کہا کہ وہ ان تاریخی لمحات کا حصہ بننے پر فخر محسوس کر رہے ہیں۔
تقریب میں جنرل راحیل شریف کو گارڈ آف آنر پیش کیا گیا اور پاک فوج کے دستے نے انہیں سلامی بھی دی۔تقریب میں بارہ سو کیڈٹس پاس آؤٹ ہورہے ہیں، جن میں تیس خواتین بھی شامل ہیں۔
لاہور: بھارتی ہیکرز کی جانب سے لاہور ہائی کورٹ کی ویب سائٹ ہیک کر کے اس پر بھارتی جھنڈا لگا دیا گیاہیکرز کی جانب سے پیغام دیا گیا کہ بلاول بھٹو کے کشمیر کے متعلق بیانات کے ردعمل میں ویب سائٹ کو ہیک کیا گیا۔
پیغام میں کہا گیا ہے کہ اگر بلاول بھٹو نے نے کشمیر پر اس طرح کے بیانات دینا بند نہ کیے تو وہ مستقبل میں بھی حساس پاکستانی ویب سائٹ کو ہیک کیے جانے کی ذمہ داری ان پر عائد ہو گی، ویب سائٹ پر کشمیر کے حوالے سے بلاول بھٹو کے دو ٹویٹ اور مختلف تصاویر بھی لگائی گئی ہیں۔
کراچی: پاکستان پیپلزپارٹی کے سربراہ بلاول بھٹو زرداری نے کہا ہے کہ ایٹمی دھماکوں کے بعد اقوام متحدہ نے پاکستان اور بھارت کیخلاف کسی بھی قسم کی جوہری ٹیکنالوجی ،سامان یا اشیاء کی فراہمی کو ممنوعہ قرار دیااور اب ایک ایک کرکے صرف بھارت کیلئے یہ پابندیاں ہٹائی جارہی ہیں جو امن پسند جمہوری مسلمان ریاست کیخلاف تعصب پر مبنی رویہ ہے جسے کسی صورت بھی برداشت نہیں کیا جائے گا۔
سندھ اسمبلی کے تاریخی ہال میں ماڈل یو این ڈیلی گیٹ سے خطاب کرتے ہوئے بلاول بھٹو زرداری کا کہنا تھا کہ 6جون1988کو اقوام متحدہ نے ہر قسم کی جوہری ٹیکنالوجی پر پابندی پاکستان ا ور بھارت پر لگائی تھی جو جوہری دروازے پاکستان اور بھارت کے لئے بند کئے گئے تھے وہ اب ایک ایک کرکے بھارت کیلئے کھولے جارہے ہیں۔
انہوں نے کہا کہ کشمیر کی عوام66برس سے حق کے ارادیت حاصل کرنے کیلئے منتظر ہیں اور یہ بھی ایک حقیقت ہے اقوام متحدہ مسئلہ کشمیر کے حل میں ناکام ہوگئی ہے ۔بلاول بھٹو زرداری کا کہنا تھا کہ ہم انصاف پسند ،جمہوریت پسند ہیں عالمی قوانین اور عالمی عدالتوں پر یقین رکھتے ہیں اس صورتحال میں ہماری آواز کو سنا جائے مسلم ریاست کیخلاف اقوام متحدہ کا یہ تعصب پر مبنی رویہ اب مزید برداشت نہیں کیا جاسکتا۔
اپنے خطاب میں بلاول بھٹو زرداری کا کہنا تھا کہ ہمارے پاس دو ہی راستے ہیں یا تو ہم پر امن خوشحال اور ترقی پسند ملک بنیں یاپھرایک فسطائتی مملکت بن کر پوری دنیا کیلئے خطرہ بن جائیں۔بلاول بھٹو زرداری نے کہا کہ جس خطے میں ہم رہتے ہیں یہ پہلے سے زیادہ خطرناک بن گیا ہے آج ہم جس راستے کا تعین کریں گے وہ صرف ہمارا خطہ ہی نہیں بلکہ پوری دنیا پر اثر انداز ہوگا۔
انہوں نے اپنے خطاب میں کہا کہ 1980ء میں افغان وار کے دوران روس کیخلاف پوری دنیا نے حصہ لیا مگر اس دوران غیر ریاستی عناصر کو پیسہ اور اسلحہ دیکر ایک انجان غلطی کی گئی جس کی وجہ سے آج پوری دنیا اس وقت کے مجاہدین کو اب دہشت گرد کہتی ہے اور تیس سال سے پاکستان اس کا خمیازہ بھگت رہا ہے ۔
میں یہ بتانا چاہتا ہوں کہ جب غیر ریاستی عناصر کو طاقت دیدی جائے تو وہ کسی قانون کو نہیں مانتے اور نہ ہی ریاست اور عوام کو جوابدہ ہوتے ہیں وہ صرف اپنے مقاصد کیلئے لڑتے ہیں۔
بلاول بھٹو زرداری کا کہنا تھا کہ آج پھر مغربی دنیا شام ،لیبیا،مصر میں عرق اسپرنگ مدد کرنے کیلئے چھوٹے اور جلدمقاصد کے حصول کیلئے غیر ریاستی عناصر کو اسلحہ اور پیسے سے لیس کر رہی ہے جو آگے چل کہ پوری دنیا کیلئے اور بھی زیادہ خطرناک ہوجائے گا۔
بلاول بھٹو زرداری نے کہا کہ پاکستان کی آواز کو سننا بہت ضروری ہے میں عالمی برادری سے کہتا ہوں کہ وہ شہید ذوالفقار علی بھٹو اور بے نظیر بھٹوکی پاکستان کی عوام کو سنیں ہمیں ایک جمہوری ، روشن خیال اور ترقی پسند مسلم ملک بننے دیا جائے۔
انہوں نے کہا کہ مذہبی فسطائیت میں میرے نانا اوردوماموں اور میری والدہ کو شہید کردیا گیا آج میری پاک سر زمین کو خون میں نہلا دیا گیا ہے اور یہ آگ پاکستان میں بڑھ رہی ہے عالمی برادری پاکستان کی آواز کو سنیں اور پاکستان کی تاریخ سے سیکھے۔
بلاول بھٹو زرداری کا کہنا تھا کہ دہشتگردی کیخلاف،جمہوریت کیلئے مسلسل جدوجہد،کشمیر پر قبضے اور کشمیر میں مظالم کیخلاف اگر عالمی دنیا نے ذوالفقارعلی بھٹو اور بے نظیر بھٹو کی آواز سنی ہوتی تو آج عالمی دنیا میں امن کا خواب ایک حقیقت ہوتا۔
کراچی: پاکستان پیپلزپارٹی کی مرکزی ویب سائٹ ہیک کرلی گئی،انڈین ہیکرز آن لائن اسکواڈ نے ویب سائٹ پر بھارتی پرچم لگا دیا,بھارتی ہیکرز کا کہنا ہے کہ ان کا یہ اقدام بلاول بھٹو کے بیان کا رد عمل ہے۔
بھارتی ہیکرز نے پیپلزپارٹی کی مرکزی ویب سائٹ پر بھارتی ترنگے کے علاوہ اپنے کمنٹس بھی دیئے ہیں، علاوہ ازیں پیپلزپارٹی کے رہنماءاویس مظفر نے بھارتی ہیکرز کی اس حرکت پر اپنے ردعمل کا اظہار کرتے ہوئے کہا ہے کہ بلاول بھٹوکی2ٹوئٹس نےبھارتیوں کی نیندیں اڑادیں ہیں۔
انہوں نے کہا کہ بھارت سمجھ لے،کشمیرہمارااٹوٹ انگ ہے۔
اسلام آباد: پاکستان اوربھارت کے سیکریٹری خارجہ ملاقات کا وقت آہی گیا، دونوں وزرأ پچیس اگست کو اسلام آباد میں ملاقات کریں گے ۔
پاکستان اور بھارت کے سیکریٹری داخلہ کی آج فون پربات چیت ہو گئی ، جس میں فیصلہ کیا گیا کہ دونوں عہدیداراگست کی پچیس تاریخ کو اسلام آباد میں ملاقات کریں گے۔
ذارئع کے مطابق یہ ملاقات مئی میں وزیرا عظم نواز شریف اور نریندر مودی کے درمیان ملاقات کا نتیجہ ہے، جس کے بعد سے دونوں جانب سے قیدیوں کی رہائی عمل میں آئی اور پاکستان بھارتی ماہی گیروں کی کشتیاں واپس کرنے پر آمادہ ہوا۔
پچیس اگست کو ہونےو الی ملاقات میں دوطرفہ امور اور خطہ میں استحکام کے موضوع پر بات چیت ہو گی، اس ملاقات کا اشارہ چند دن قبل وزیرا عظم کے خارجہ امور کے خصوصی معاون طارق فاطمی نے بھی دیا تھا۔
کراچی: دنیا بھرمیں آج پاکستانی عوام بالعموم اور کشمیری بالخصص یومِ شہدائےکشمیرمنارہےہیں۔ کشمیری عوام نے چھہتربرس پہلےڈوگرہ راج سےآزادی کا مطالبہ کیاتھا۔
مسلمانان کشمیر پرڈھائےگئے انسانیت سوز مظالم کی تاریخ میں مثال نہیں ملتی باوجود تمام تر ظلم و جبر کے کشمیریوں کے حوصلے پست نہیں کئے جاسکے۔ کنٹرول لائن کے دونوں جانب اور دنیا بھر میں رہنے والے کشمیری آج یوم شہدائے کشمیر اس عہد کی تجدید کے ساتھ منارہے ہیں کہ وہ حق خود اختیاری کے حصول کیلئے اپنی جدو جہد جاری رکھیں گے۔
انیس سو اکتیس میں آج ہی کے دن ڈوگر ا راج کی ا فواج نے سری نگر جیل کے سامنے آزادی کا مطالبہ کر نے والے نہتے کشمیریوں پر فائرنگ کر کےبائیس کشمیریوں کو شہیدکردیاتھا،چھہترویں یوم شہدائے کشمیر کے موقع پر پوری مقبوضہ وادی میں ہڑتال ہے۔
