ARYNews.tv | Urdu – Har Lamha Bakhabar

Tag: kasur

  • قصور ویڈیواسکینڈل: وزیراعلیٰ پنجاب نے متعدد سینئر پولیس افسران کو معطل کردیا

    قصور ویڈیواسکینڈل: وزیراعلیٰ پنجاب نے متعدد سینئر پولیس افسران کو معطل کردیا

    لاہور : وزیراعلٰی پنجاب شہباز شریف نے قصور ویڈیو اسکینڈل میں غفلت برتنے پر ایڈیشنل آئی جی اسپیشل برانچ کو او ایس ڈی جبکہ ڈی پی او قصور اور ایس پی اسپیشل برانچ قصور سمیت متعدد افسران کو معطل کر دیا۔

    پنجاب حکومت کے ترجمان کے مطابق وزیر اعلٰی شہباز شریف نے قصور ویڈیو اسکینڈل میں غفلت برتنے اور ملزمان کو بروقت گرفتار نہ کرنے پر ایڈیشنل آئی جی اسپیشل برانچ عارف مشتاق کو او ایس ڈی بنانے کے احکامات جاری کر دیئے ہیں۔

    جبکہ شواہد موجود ہونے کے باوجود کارروائی نہ کرنے پر ڈی پی او قصور رائے بابر سعید، ایس پی سپیشل برانچ قصور، ڈی ایس پی سپیشل برانچ قصور اور ڈی ایس پی سمیت متعدد افسران کو معطل کر دیا۔

    ذرائع کے مطابق ایوان وزیر اعلٰی میں ہونے والے اعلٰی سطح کے اجلاس میں وزیراعلٰی نے قصور ویڈیو اسکینڈل پر آئی جی پنجاب سمیت سنیئر پولیس افسران کی سخت سرزنش کی۔

    ان کا کہنا تھا کہ اڑھائی ماہ گزر جانے کے باوجود متعلقہ پولیس کا زیادتی کا شکار ہونے والے بچوں کی داد رسی نہ کرنا اور اسپیشل برانچ جیسے ادارے کے افسران کا اس واقعہ سے بے خبر ہونا انتہائی افسوسناک ہے۔

    وزیر اعلٰی نے اس موقع پر ڈی آئی جی ابوبکر خدابخش کی قیادت میں 5 رکنی جوائنٹ انوسٹی گیشن ٹیم تشکیل دیتے ہوئے اسے 14 روز میں تحقیقات مکمل کرنے کی ہدایت بھی کی۔

  • قصور واقعہ کے ملزمان کو جلد کیفر کردار تک پہچایا جائے، ہیومن رائٹس کمیشن

    قصور واقعہ کے ملزمان کو جلد کیفر کردار تک پہچایا جائے، ہیومن رائٹس کمیشن

    کراچی : پاکستان ہیومن رائٹس کمیشن آف پاکستان (ایچ آر سی پی) نے قصور میں بچوں کے جنسی استحصال پر گہری تشویش کا اظہار کیا ہے اور معاملہ کی فوری طور پر تحقیقات اور ملزمان کو کیفر کردار تک پہچانے اور جنسی تشدد سے بچوں کو بچانے کے لئے موثر اقدامات کا مطالبہ کیا ہے۔

    ایک بیان میں ایچ آر سی پی نے کہا کہ  قصور میں بچے جنسی ویڈیو اسکینڈل کے بارے میں خوفزدہ ہیں، کمیشن کا کہنا تھا کہ جوڈیشل کمیشن میں تو  تمام جرائم کے مقدمات کو سنا جا تا ہے لیکن اس ویڈیو اسکینڈل کے حوالے سے فوری تحقیقات کی ضرورت ہے۔

    ایچ آر سی پی نے اس بات پر افسوس کا اظہار کیا کہ یہ معاملات کافی عرصے سے چل رہے تھے لیکن  حکومت وقت نے کوئی ایکشن نہیں لیا۔اور اس کیس کے منظر عام پر آنے کے بعد بھی حکومت کی جانب سے فوری طور پر کوئی کارروائی نہیں کی گئی۔

    بیان میں مزید کہا گیا ہے کہ اس بات کی بھی تحقیقات کی جائے کہ کہیں مذکورہ ویڈیوز تجارتی مقاصد کیلئے استعمال تو نہیں ہو رہی تھیں۔

  • قصور واقعے کے ملزمان کو سزائے موت دینے کا فتوٰی جاری

    قصور واقعے کے ملزمان کو سزائے موت دینے کا فتوٰی جاری

    لاہور : تنظیم اتحاد امت کی اپیل پر پچاس سے زائد جید شیوخ الحدیث اور مفتیان کرام نے قصور ویڈیو اسکینڈل کے ملزمان کو سزائے موت دینے کا فتوٰی جاری کر دیا۔

    تنظیم اتحاد امت کے چیئرمین ضیاء الحق نقشبندی کی اپیل پر ملک کے پچاس سے زائد جید شیوخ الحدیث اور مفتیان کرام نے فتوٰی دیا ہے کہ قصور ویڈیو اسکینڈل کے ملزمان کو سزائے موت دی جائے۔

    انہوں نے کہا کہ ایسے گناہ کی اسلام میں کوئی معافی نہیں، گناہ کبیرہ میں مبتلا درندہ صفت افراد کے ناپاک جسم سے جلد از جلد سوسائٹی کو پاک کرنا چاہیئے۔

    فتوے میں یہ بھی کہا گیا کہ اس کیس میں غفلت اور لاپرواہی برتنے والے بھی کسی رعایت کے مستحق نہیں، متاثرہ بچوں اور ان کے والدین کو دلاسہ دینا حکومت وقت کی ذمہ داری ہے۔

    فتوی دینے والوں میں عمران قادری، محمد راغب نعیمی اور دیگر جید مفتیان شامل ہیں۔

  • قصورواقعے میں ملوّث ملزمان کو پھانسی دینے کا مطالبہ

    قصورواقعے میں ملوّث ملزمان کو پھانسی دینے کا مطالبہ

    کراچی : قصور سے 5 کلو میٹر دور قائم حسین خان والا گاؤں کے 286 بچوں کو زیادتی کا نشانہ بنانے اور ا ن کی ویڈیو بنائے جانے کے بعد ملک بھر میں غم و غصہ کی لہر دوڑ گئی ہے۔

    بچوں کی عمریں 14 سال سے کم بتائی گئی ہیں۔ اوران بچوں کے والدین کو بلیک میل بھی کیا جاتا رہا۔

    اس حوالے سے سماجی رابطے کی ویب سائٹ ٹویٹر پر ایک ٹرینڈ بھی گردش کررہا ہے جس میں عوام کی جانب سےپنجاب حکومت کو تنقید کا نشانہ بناتے ہوئے واقعے میں ملوث ملزمان کو کڑی سزا دینے کا مطالبہ کیا جارہا ہے۔

    ٹوئٹر پر اپنے خیالات کا اظہار کرتے ہوئے شہریوں کا کہنا تھا کہ شرمناک واقعے میں ملوّث ملزمان کو پھانسی کی سزا دی جائے۔

  • قصور: تین بھارتی جاسوس بارڈر کراس کرتے ہوئے گرفتار

    قصور: تین بھارتی جاسوس بارڈر کراس کرتے ہوئے گرفتار

    qasuur