ARYNews.tv | Urdu – Har Lamha Bakhabar

Tag: Kate Middleton

  • کیٹ مڈلٹن کی سیاہ فام خاتون کے ساتھ ویڈیو نے تنازعہ کھڑا کردیا

    کیٹ مڈلٹن کی سیاہ فام خاتون کے ساتھ ویڈیو نے تنازعہ کھڑا کردیا

    جمیکا : مغربی ممالک میں سیاہ فام باشندوں کے ساتھ ناروا سلوک کوئی اچھنبے کی بات نہیں میڈیا پر اکثر ایسے واقعات رپورٹ ہوتے رہتے ہیں جس میں سیاہ فام لوگوں سے متعصبانہ رویہ رکھا جاتا ہے۔

    کچھ ایسا ہی واقعہ جزیرہ نما ملک جمیکا میں پیش آیا جہاں کیٹ مڈلٹن اور شہزادہ ولیم ایک علاقے کے دورے پر پہنچے جہاں ایک سیاہ فام خاتون نے ان کا استقبال کیا۔

    کیٹ مڈلٹن اور شہزادہ ولیم کے دورہ جمیکا کی تصاویر اور ویڈیوز نے سوشل میڈیا پر ایک نئی بحث چھیڑ دی ہے۔ کیٹ مڈلٹن کے سیاہ فام خاتون سے پیچھے ہٹنے کی ویڈیو نے تنازعہ کھڑا کردیا۔

    سماجی رابطے کی ویب سائٹ ٹوئٹر پر وائرل ہونے والی اس ویڈیو پر صارفین کی جانب سے شدید تنقید کی گئی ہے، ویڈیو میں دیکھا جاسکتا ہے کہ جب سیاہ فام خاتون کیٹ مڈلٹن کے استقبال کیلیے ان کا ہاتھ تھامنے کیلیے اپنا ہاتھ پڑھاتی ہے تو کیٹ مڈلٹن احتیاطاً پیچھے ہٹنے کی کوشش کرتی ہیں۔

    ویڈیو کا یہ منظر صارفین کو متعصبانہ لگا جس پر کیٹ مڈلٹن کو شدید تنقید کا نشانہ بنایا جارہا ہے۔

     

    اس حوالے سے پرنس ہیری اور میگھن مارکل کی سوانح عمری “فائنڈنگ فریڈم” کے شریک مصنف امید سکوبی نے کہا کہ میں حیران ہوں کہ ہیل پیلس کے منتظمین ان تصاویراور ویڈیوز کو جاری کرتے ہوئے کیا سوچ رہے تھے۔

    انہوں نے مزید کہا کہ ان مشہور شخصیات کو دیکھنے اور ان سے ملنے کے لیے لوگوں کا جذبات میں آنا لازمی امر ہے۔

  • کیٹ مڈلٹن اور یو ایس اوپن کی فاتح کے درمیان ٹینس کا میچ

    کیٹ مڈلٹن اور یو ایس اوپن کی فاتح کے درمیان ٹینس کا میچ

    لندن: برطانوی شہزادہ ولیم کی اہلیہ شہزادی کیٹ مڈلٹن نے یو ایس اوپن چیمپیئن شپ جیت کر وطن واپس لوٹنے والی اسٹار کھلاڑی ایما روڈا کانو کی استقبالیہ تقریب کے موقع پر ان کے ساتھ ٹینس کھیلی۔

    برطانوی شہزادی کیٹ میڈلٹن نے ٹینس کھلاڑی کو خراج تحسین پیش کرنے کے لیے ٹینس کٹ پہن کر ان کے ساتھ میچ کھیلا، اس دوران وہ بہت لطف اندوز ہوئیں اور پرجوش دکھائی دیں۔

    یو ایس اوپن چیمپیئن شپ جیتنے والی کھلاڑی ایما نے شہزادی کے ساتھ کھیلنے کے بعد کہا کہ انہوں نے اپنی زندگی کے بہترین لمحات کیٹ مڈلٹن کے ساتھ ٹینس کھیل کر گزارے ہیں اور جو تجربہ حاصل کیا ہے وہ ناقابل بیان ہے۔

    اسٹار کھلاڑی 18 سالہ ایما کی شاندار کامیابی پر ان کے اعزاز میں یہ استقبالیہ تقریب نیشنل ٹینس سینٹر میں منعقد ہوئی تھی جس میں برطانوی شہزادی کیٹ مڈلٹن نے شرکت کی اور یو ایس اوپن چیمپئین شپ جیت کر لوٹنے والی کھلاڑی کو زبردست خراج تحسین پیش کیا۔

    شہزادی کیٹ مڈلٹن نے برطانوی ٹینس اسٹار ایما روڈاکانو سے ملاقات کے موقع پر انہیں خراج تحسین پیش کرنے کے لیے ایک میچ ان کے خلاف کھیلا تو ایک میچ میں وہ ان کی پارٹنر بنیں۔

    39 سالہ برطانوی شہزادی نے 18 سالہ ٹینس اسٹار کی کامیابی پر بے پناہ مسرت کا اظہار کرتے ہوئے کہا کہ ان کی ٹینس کے میدان میں شاندار کامیابی نہایت متاثر کن ہے۔

    یاد رہے کہ ایما روڈا کانو 44 سال میں گرینڈ سلم ٹائٹل جیتنے والی پہلی برطانوی خاتون کھلاڑی ہیں۔

  • برطانوی شہزادی کیٹ مڈلٹن قرنطینہ میں چلی گئیں

    برطانوی شہزادی کیٹ مڈلٹن قرنطینہ میں چلی گئیں

    لندن : برطانوی شہزادی کیٹ مڈلٹن نے کورونا وائرس سے متاثرہ شخص سے ملاقات کے بعد خود کو قرنطینہ کرلیا ، تاہم ان میں وائرس کی علامات نہیں۔

    تفصیلات کے مطابق برطانوی شہزادے ولیم کی اہلیہ کیٹ مڈلٹن نے خود کو 10روز کیلئے گھر میں قرنطینہ کرلیا ، جس کے باعث کیٹ مڈلٹن بکنگھم پیلس کی ٹی پارٹی میں شرکت نہیں کرسکیں گی ، بکنگھم پیلس میں این ایچ ایس ورکرز کیلئے ٹی پارٹی کا اہتمام کیا گیا ہے۔

    شہزادی کیٹ کورونا وائرس سے متاثرہ شخص سےملی تھیں ، ترجمان کنزنگٹن پیلس کا کہنا ہے کہ شہزادی کیٹ میں وائرس کی علامات نہیں تاہم حکومتی ہدایت کے مطابق کیٹ مڈلٹن قرنطینہ کر رہی ہیں۔

    خیال رہے کورونا وائرس کے پیش نظر شاہی خاندان کے افراد کا ہر ہفتے دو بار لیٹرل فلوٹیسٹ کیا جاتا ہے۔

    واضح رہے کہ برطانوی وزیراعظم بورس جانسن آج قوم سےخطاب کریں گے ، جس میں لاک ڈاؤن کےخاتمے کا لائحہ عمل بتائیں گے ، 19 جولائی سے برطانیہ میں لاک ڈاؤن ختم ہونے جا رہا ہے۔

    برطانیہ میں 19 جولائی کو فریڈم ڈے کا نام دیا جا رہا ہے ، 15ماہ سے جاری لاک ڈاؤن میں مرحلہ وار نرمی کی جارہی ہے۔

    یاد رہے گذشتہ سال نومبر میں ایک برطانوی اخبار نے دعویٰ کیا تھا کہ شاہی خاندان کے رکن اور ولی عہد شہزادہ چارلس کے بیٹے شہزادہ ولیم اپریل میں کرونا وائرس کا شکار ہوگئے تھے تاہم اس بات کو عوام سے خفیہ رکھا گیا تھا تاکہ قوم میں تشویش نہ بڑھے۔

  • شاہی خاندان کی بہوؤں کے بارے میں ایک اور انکشاف

    شاہی خاندان کی بہوؤں کے بارے میں ایک اور انکشاف

    لندن: برطانوی شاہی خاندان آج کل مختلف تنازعات کی وجہ سے خبروں میں ہے، حال ہی میں شاہی بائیو گرافر نے شاہی خاندان کی بہوؤں کے بارے میں ایک اور انکشاف کیا ہے۔

    بین الاقوامی ویب سائٹ کے مطابق شاہی بائیوگرافر انگرڈ سیورڈ کا کہنا ہے کہ برطانوی شاہی خاندان کی بہو شہزادی کیٹ مڈلٹن میگھن مرکل کے حوالے سے کافی پریشان تھیں، میگھن اپنے خاندان کی وجہ سے شرمندہ رہتی تھیں۔

    سیورڈ کا کہنا ہے کہ کیٹ مڈلٹن شہزادہ ہیری کے لیے خاصی پریشان تھیں۔

    انہوں نے دعویٰ کیا کہ کیٹ مڈلٹن اس بات کو سمجھنے سے قاصر تھیں کہ آخر شہزادہ ہیری شادی سے قبل اپنے ہونے والے سسر تھامس مارکل سے کیوں نہیں ملے۔

    دوسری جانب میگھن مرکل اپنے خاندان کے حوالے سے شرمندہ رہتی تھیں اور صرف اپنی والدہ کے متعلق بات کرتی تھیں۔

    سیورڈ کا کہنا ہے کہ ہیری اپنی منگیتر میگھن مرکل سے بہت محبت کرتے تھے اور شہزادہ ولیم اور کیٹ مڈلٹن کے پاس میگھن کو پسند کرنے کی اس کے علاوہ اور کوئی وجہ نہیں تھی۔

  • شاہی خاندان میں ملازمت حاصل کرنے کا نادر موقع، شہزادہ ولیم نے اعلان کردیا

    شاہی خاندان میں ملازمت حاصل کرنے کا نادر موقع، شہزادہ ولیم نے اعلان کردیا

    لندن: برطانوی شہزادہ ولیم اور ان کی اہلیہ شہزادی کیٹ میڈلٹن نے شاہی خاندان میں آسامی کا اعلان کردیا۔

    اگر آپ برطانوی شاہی خاندان کے مداح ہیں اور شاہی محل میں رہنے کی خواہش رکھتے ہیں تو آپ کے لیے نادر موقع ہے کہ شہزادہ ولیم اور کیٹ میڈلٹن، ڈیوک اور ڈچس آف کیمبرج نئے گھریلو ملازموں کی خدمات حاصل کرنے کے خواہاں ہیں۔

    شاہی جوڑےکی جانب سے جاری کردہ اعلامیے میں کہا گیا ہے کہ ’نوکری کے خواہش مند افراد کو مستقل طور پر کنگسٹن پیلس میں خدمات انجام دینا ہوں گی۔

    اعلامیے کے مطابق ولیم اور کیٹ عہدے کے لیے ایک تجربہ کار شخص کی تلاش میں ہیں، ملازمت حاصل کرنے کے خواہشمند شخص کی ذمہ داریوں میں کنگسٹن پیلس کے تمام ہاؤس کیپنگ آپریشنز کا انتظام کرنا شامل ہے۔

    علاوہ ازیں ملازم کو سفر (ٹریول) بھی کرنا ہوگا اور کام کی نوعیت کے حساب سے ملازم کو امور انجام دینا بخوبی آتا ہوں، اعلامیے میں یہ بھی کہا گیا ہے کہ ’امیدوار کے لیے شاہی خاندان کی رازداری برقرار رکھنا سب سے اہم کام ہے۔

    برطانوی میڈیا کے مطابق ملازمت کے اہل شخص کو شاہی خاندان کی جانب سے 19 ہزار 140 پاؤنڈ (39 لاکھ 93 ہزار 288 روپے) ماہانہ تنخواہ دی جائے گی، شاہی خاندان میں رہنے کا موقع میسر آئے گا اور تمام سفری اخراجات ادا کیے جائیں گے۔

    رپورٹ کے مطابق درخواست دہندگان کو 7 نومبر تک اپنے کوائف جمع کروانا لازمی ہیں۔

  • برطانوی شہزادی کیٹ مڈلٹن کی سالگرہ

    برطانوی شہزادی کیٹ مڈلٹن کی سالگرہ

    لندن : خوش لباس، دلکش مسکراہٹ اور پر کشش شخصیت کی مالک برطانوی شاہی خاندان کی ہر دلعزیز اور مشہور و معروف شہزادی کیٹ مڈلٹن38برس کی ہوگئیں۔

    تفصیلات کے مطابق ڈچس آف کیمبرج شہزادی کیٹ مڈلٹن اپنی پُرکشش شخصیت اور فیشن کے منفرد انداز کی وجہ سے دنیا بھر میں جانی جاتی ہیں، کیٹ مڈلٹن آج اپنی اڑتیس سالگرہ منارہی ہیں۔

    شہزادی کیٹ مڈلٹن 9 جنوری 1982 میں پیدا ہوئیں ، وہ اپنے شوہر سے تقریبا چھ ماہ بڑی ہیں ، شہزادہ ولیم 21 جون 1982 کو پیدا ہوئے تھے۔

    شہزادی کیٹ مڈلٹن نے گذشتہ ہفتے کے آخر میں اپنی سالگرہ منائی، اس دن کا آغاز ولیم کی فیملی کے ساتھ چرچ جا کرکیا، جس میں کیٹ کے دوستوں اور ملکہ نے شرکت کی۔

    شام میں ایک پارٹی کا انعقاد کیا گیا، تقریب نورفولک کے انمر ہال میں ہوئی ، جس میں کیٹ کے والدین کیرول اور مائیکل مڈلٹن، پرنس ولیم کے تاحیات دوست ٹام وان اسٹراوبینزی سمیت دیگر مہمان شریک ہوئے۔

    واضح رہے اپریل 2011 میں شہزادہ ولیم، ڈیوک آف کیمبرج اور کیتھرین مڈلٹن کی شادی لندن میں ہوئی تھی، شہزادہ ولیم جو ملکہ الیزبتھ دؤم کے جانشین ہیں، کیٹ مڈلٹن سے 2001 میں پہلی بار سینٹ اینڈریوز یونیورسٹی میں ملے، جب دونوں وہاں تعلیم حاصل کر رہے تھے۔ ان کی منگنی 20 اکتوبر 2010 میں ہوئی جس کا اعلان 16 نومبر 2010 کو ہوا۔

    شادی کی تیاریاں اور شادی میڈیا کی توجہ کا مرکز بنی رہی اور پوری دنیا میں براہ راست دکھائی گئی اور اس کا 1981 میں ہونے والی شہرادہ ولیم کے والدین پرنس چارلس اور لیڈی ڈیانا کی شادی کی تقریب سے موازنہ کیا جاتا رہا تھا۔

    مزید پڑھیں:  دورہ پاکستان کے بعد برطانوی شہزادی کا پہلا انٹرویو

    خیال رہے گذشتہ سال نومبر میں پانچ روزہ دورے میں شہزاد ولیم اور کیٹ مڈلٹن نے لاہوراسلام آباد اور چترال کا دورہ کیا تھا، کیلاش کی ثقافت دیکھی اور بادشاہی مسجد بھی گئے جبکہ وزیراعظم عمران خان سے اور صدر عارف علوی سے بھی ملاقات کی تھی۔

    پرنس ولیم اور ان کی اہلیہ کیٹ مڈلٹن کی پاکستان آمد پر رائل وزٹ پاکستان کا ٹاپ ٹرینڈ نمبرون پررہا اور، عوام نے حسین شہزادی کیٹ مڈلٹن اور خوبرو شہزادے ولیم کا پاکستان آمد پرشکریہ ادا کیا تھا۔

    دورے میں برطانوی شاہی جوڑے شہزادے ولیم اور اُن کی اہلیہ کیٹ مڈلٹن نے پاکستانی ٹرک آرٹ سے مزین رکشے میں سفر کر کے سب کے دل جیت لیے تھے۔

    بعد ازاں برطانوی شہزادی کیٹ مڈلٹن نے دورہ پاکستان کے بعد سی این این کو پہلے خصوصی انٹرویو میں کہا تھا پاکستان میں سب کچھ بہت اچھا رہا، دلکش نظاروں کا جواب نہیں، پاکستانی لوگوں کی مہمان نوازی، ثقافت نے ہمیں بہت زیادہ متاثر کیا۔

  • برطانوی شہزادی کیٹ مڈلٹن کی ساتھی ساتھ چھوڑ‌ گئیں

    برطانوی شہزادی کیٹ مڈلٹن کی ساتھی ساتھ چھوڑ‌ گئیں

    لندن: برطانوی شہزادی کیٹ مڈلٹن گہرے صدمے کا شکار ہوگئیں کیونکہ ان کی قریبی ساتھی نے ان کا ساتھ چھوڑ دیا۔

    غیرملکی خبررساں ادارے کے مطابق برطانوی شہزادہ ولیم کی اہلیہ شہزادی کیٹ مڈلٹن کے پرائیویٹ سیکریٹری نے دو سال بعد ان کا ساتھ چھوڑ دیا اور انہوں نے نئے پرائیویٹ سیکریٹری کی تلاش شروع کردی ہے۔

    کیٹ کے پرائیویٹ سیکریٹری ان کی ڈائری، میٹنگز وغیرہ کا کام سرانجام دیتے ہیں، انہوں نے کیٹ کا ساتھ چھوڑنے کی وجہ بتاتے ہوئے کہا ہے کہ وہ فلاحی کاموں میں حصہ لے رہے ہیں اس وجہ سے کیٹ کے ساتھ مزید نوکری نہیں کرسکتے۔

    کیٹ مڈلٹن اور ان کے پرائیویٹ سیکریٹری کے درمیان کوئی رنجش نہیں آج بھی وہ بہت اچھے دوست ہیں۔

    مستقبل کی ملکہ برطانیہ کو رواں سال یہ دوسرا اسٹاف ممبر چھوڑ کر جاچکا ہے اس سے پہلے ان کی پرسنل اسسٹنٹ صوفی ایگنیو اور لورین ہیگے سی بھی چھوڑ کر جاچکی ہیں۔

    مزید پڑھیں: برطانوی شہزادی کیٹ مڈلٹن نے لیڈی ڈیانا کی یاد تازہ کردی

    اس سے قبل ریبیکا ڈی کوئن بھی 2017 میں کیٹ کو چھوڑ گئی تھیں انہوں نے شاہی محل میں 10 سال فرائض انجام دئیے تھے۔

    مس کوئن کا کام کیٹ کی پرائیویٹ سیکریٹری کا تھا وہ اکتوبر 2017 سے شہزادی کے میوزک آلات اور ان کے پراجیکٹ وغیرہ کو دیکھا کرتی تھیں۔

    ڈیلی مرر کی رپورٹ کے مطابق مس کوئن کی ذمہ داریوں میں گزشتہ ماہ سے اضافہ ہوگیا تھا جبکہ شہزادی کیٹ آئندہ سال نوجوان بچوں کے حوالے سے کچھ اعلانات کرنے والی ہیں۔

    شہزادی کیٹ مڈلٹن نے ان کی تعریف کرتے ہوئے کہا ہے کہ وہ انتہائی مصروفیت کے باوجود بھی ہماری باتیں غور سے سنتی تھیں اور ہماری مدد میں پیش پیش رہتی تھیں۔

  • برطانوی شہزادی دورہ پاکستان کے ذکر پر جذباتی ہوگئیں

    برطانوی شہزادی دورہ پاکستان کے ذکر پر جذباتی ہوگئیں

    لندن : برطانوی شہزادی کیٹ میڈلٹن نے پہلی بار انسٹاگرام پر دورہ پاکستان کی یادوں کی تصاویر کو پُرمسرت جذبات کے ساتھ پوسٹ کیا اور پیغام میں بتایا کہ کس طرح ایس او ایس ویلیج بچوں کو فیملی ماحول فراہم کررہا ہے۔

    تفصیلات کے مطابق برطانوی شہزادی کیٹ میڈلٹن نے ایسا کچھ کیا ہے جو اس سے پہلے کبھی نہیں کیا تھا، کیٹ میڈلٹن نے پہلی بار برطانوی شاہی محل کے انسٹاگرام اکاؤنٹس سے دورہ پاکستان سے متعلق پُرمسرت جذبات کا اظہار کیا۔

    کیٹ مڈلٹن نے ‘انسٹا گرام’ پر لاہور کے ایس او ایس ویلیج کے دورے کی تصویر کے ساتھ ساتھ ایک ویڈیو بھی شیئر کی، جس میں شہزادہ ولیم اور کیٹ میڈلٹن یتیم بچوں کے ساتھ گفتگو کرتے، ہنستے ہنساتے، کھیلتے اور پڑھاتے ہوئے نظر آئے۔

    تصاویر کے ساتھ کیٹ مڈلٹن نے اپنے پیغام میں کہا "ایس او ایس ویلیج کا ماحول بالکل گھر جیسا ہے، جس میں خاندان کے تمام افراد ایک ساتھ محبت سے رہتے ہیں اور ایک دوسرے کے دکھ سکھ کا خیال رکھتے ہیں۔” ان میں سے بہت سے بچے بہت تکلیف دہ حالات سے گزر کر یہاں پہنچے ہیں۔ لیکن یہاں ان کی ہر طرح سے دیکھ بھال کی جارہی ہے اور انھیں آگے بڑھنے کا موقع دیا جارہا ہے۔

    اس سے دو روز قبل برطانوی شہزادی کیٹ مڈلٹن نے دورہ پاکستان کے بعد سی این این کو پہلے خصوصی انٹرویو میں کہا تھا پاکستان میں سب کچھ بہت اچھا رہا، دلکش نظاروں کا جواب نہیں، پاکستانی لوگوں کی مہمان نوازی، ثقافت نے ہمیں بہت زیادہ متاثر کیا۔

    کیٹ مڈلٹن کا کہنا تھا کہ ایس او ایس ولیج دیکھنا چاہتی تھی، میں اپنے شوہر کے ساتھ وہاں گئی، ایس او ایس ولیج مستقبل کے حوالے سے بچوں کو مدد فراہم کر رہے ہیں، وہاں بہت ساری خواتین موجود تھیں جو بہت ہی مثبت کردار ادا کر رہی تھیں۔

    خیال رہے برطانوی شہزادے ولیم کی اہلیہ اور ڈچز آف کیمبرج کیٹ مڈلٹن دورہ پاکستان مکمل کر کے برطانیہ پہنچ چکے ہیں، دونوں نے مسلسل پانچ دنوں تک پاکستان میں قیام کیا۔

    مزید پڑھیں:  دورہ پاکستان کے بعد برطانوی شہزادی کا پہلا انٹرویو

    یاد رہے 17 اکتوبر کو ولیم اور کیٹ نے دورہ پاکستان میں پہلی بار ایس او ایس ویلیج کا دورہ کیا تھا ، جو ان کے ٹور پروگرام کا حصہ تھا۔ تاہم جب 17 اکتوبر کو دورہ لاہور سے واپسی پر موسم کی خرابی کے باعث ہوائی جہاز کو ہنگامی لینڈ کرنا پڑی اور شاہی جوڑے کو ایک اور رات لاہور میں قیام کرنا پڑا۔

    بعد ازاں 18 اکتوبر کو شہزادہ ولیم اور کیٹ نے ایک بار پھر ایس او ایس ویلیج جانے کا فیصلہ کیا تھا، جہاں  بچوں کے ساتھ وقت گزار، بچوں کے کمرے میں گئے اور خوب گپ شپ لگائی۔

    گذشتہ روز برطانوی شاہی محل نےشاہی جوڑے کے دورہ پاکستان کی جھلکیوں پر مبنی ویڈیو جاری کی تھی ، یہ ویڈیو شاہی محل کی جانب سے شکریہ پاکستان کے ٹائٹل سے ٹوئٹر پر شیئر کی گئی، جس میں شہزادہ ولیم اورکیٹ مڈلٹن کوثقافتی رنگون سے سجے رکشے میں سوار بھی دیکھا جاسکتا ہے۔

  • دورہ پاکستان کے بعد برطانوی شہزادی کا پہلا انٹرویو

    دورہ پاکستان کے بعد برطانوی شہزادی کا پہلا انٹرویو

    لندن :برطانوی شہزادی کیٹ مڈلٹن نے کہا ہے کہ پاکستان میں سب کچھ بہت اچھا رہا، دلکش نظاروں کا جواب نہیں ، ایس او ایس ولیج مستقبل کے حوالے سے بچوں کو مدد فراہم کر رہے ہیں۔

    تفصیلات کے مطابق برطانوی شہزادی کیٹ مڈلٹن نے دورہ پاکستان کے بعد سی این این کو پہلے خصوصی انٹرویو میں کہا پاکستان میں سب کچھ بہت اچھا رہا، دلکش نظاروں کا جواب نہیں، پاکستانی لوگوں کی مہمان نوازی، ثقافت نے ہمیں بہت زیادہ متاثر کیا۔

    کیٹ مڈلٹن نے کہا کہ ایس او ایس ولیج دیکھنا چاہتی تھی، میں اپنے شوہر کے ساتھ وہاں گئی، ایس او ایس ولیج مستقبل کے حوالے سے بچوں کو مدد فراہم کر رہے ہیں، وہاں بہت ساری خواتین موجود تھیں جو بہت ہی مثبت کردار ادا کر رہی تھیں۔

    برطانوی شہزادی کا کہنا تھا کہ ہم نے پاکستان کے مختلف مقامات کا دورہ کیا، میرے لیے یہ بھی اعزاز کی بات ہے کہ میں نے دورے کے دوران کمیونٹی سرگرمیوں میں بھی حصہ لیا۔

    انٹرویو کے دوران ولیم اور کیٹ نے پاکستان میں قیام کے دوران تعلیم اور آب و ہوا کی تبدیلی کے اثرات سے متعلق بھی بات کی۔

    خیال رہے برطانوی شاہی جوڑے کی لاہور سے اسلام آباد روانگی کے بعد طیارہ خراب موسم کے باعث مشکل صورتحال سے دوچار ہوگیا تھا تاہم پائلٹ انتہائی مہارت سے طیارے کو واپس لاہور ائیرپورٹ پر اتارنے میں کامیاب ہوگیا، شہزادی کیٹ میڈلٹن نے مشکل صورتحال کو ایڈونچر قرار دیا تھا۔

    مزید پڑھیں : برطانوی شاہی جوڑے کا یادگار دورہ لاہور

    شہزادی کا کہنا تھا کہ طیارہ ہچکولے کھا رہا تھا، رائل ائیرفورس کےعملے نے بہت مہارت دکھائی، ہماراخیال رکھا اور حفاظت سے ہمیں گھرپہنچایا۔

    یاد رہے گذشتہ روز برطانوی شاہی جوڑا پاکستان سے خوبصورت یادیں لئے وطن روانہ ہوا تھا، روانہ ہونے سے پہلے شاہی جوڑے کو یادگاری البم بھی دی گئی۔

    پانچ روزہ دورے میں شہزاد ولیم اور کیٹ مڈلٹن نے لاہوراسلام آباد اور چترال کا دورہ کیا، کیلاش کی ثقافت دیکھی اور بادشاہی مسجد بھی گئے جبکہ وزیراعظم عمران خان سے اور صدر عارف علوی سے بھی ملاقات کی ۔۔

    آخری روز بھی شہزادہ ولیم اور شہزادی کیٹ میڈلٹن نے لاہور کے ایس او ایس ویلیج میں بچوں کے ساتھ وقت گزار، بچوں کے کمرے میں گئے اور خوب گپ شپ لگائی ، شاہی جوڑے نے اسلام آباد میں کے نائن سینٹر کا دورہ بھی کیا۔

    برطانوی شاہی مہمان پانچ روزہ دورہ مکمل کرنے کے بعد برطانیہ روانہ ہو گئے ہیں، دورہ کے آخری تقریب میں انہوں نے وفاقی دارالحکومت میں آرمی سینٹر کا بھی دورہ کیا اور خیبر رائفل ملٹری پوسٹ کے بارے میں بریفنگ حاصل کی۔

  • شاہی جوڑا بھی کرکٹ کا شوقین، نیشنل کرکٹ اکیڈمی میں بیٹنگ کے جوہر

    شاہی جوڑا بھی کرکٹ کا شوقین، نیشنل کرکٹ اکیڈمی میں بیٹنگ کے جوہر

    لاہور: برطانوی شاہی جوڑے نے نیشنل کرکٹ اکیڈمی کے دورے کے دوران بیٹنگ کے جوہر دکھائے جبکہ چیف ایگزیکٹوپی سی بی وسیم خان نے انھیں بریفنگ دی، کھلاڑی بھی شاہی جوڑے سے گرم جوشی سے ملے۔

    تفصیلات کے مطابق برطانوی شاہی جوڑے نے نیشنل کرکٹ اکیڈمی کا دورہ کیا، جہاں چئیرمین پی سی بی احسان مانی، پی سی بی آفیشلز اوراسکول کے بچوں نےشاہی جوڑے کا استقبال کیا۔

    چیف ایگزیکٹو وسیم خان نےشاہی مہمانوں کو اکیڈمی کا دورہ کرایا، بولنگ کوچ وقار یونس، مینز اورویمنز ٹیم کے کھلاڑی بھی شاہی جوڑے سے گرم جوشی سے ملے۔

    شہزادہ ولیم اور شہزادی کیٹ مڈلٹن نے قومی اور نوجوان کرکٹرز کے ساتھ کرکٹ کا رنگ بھی خوب جمایا اور کرکٹ کے خوب جوہر دکھائے ، شہزادہ ولیم نے چھکے لگائے جبکہ شہزادی بھی پیچھے نہ رہی اور زور دار شاٹس لگائے۔

    اس سے قبل شاہی جوڑے نے ایس اوایس ولیج کا دورہ کیا ، جہاں وہ بچوں میں گھل مل گئے، شاہی جوڑے نے بچوں کو سلام کیااورتین یتیم بچوں کی سالگرہ کا کیک بھی کاٹا جبکہ بچوں کی بنائی تصاویر کو بھی سراہا۔

    شہزادہ ولیم اور شہزادی کیٹ مڈلٹن نے بچوں کو دی جانے والی سہولتوں کا جائزہ لیا۔

    یاد رہے پاکستانی روایتی سفید شلوارقمیض میں ملبوس برطانوی شہزادی اورشہزادہ زندہ دلان شہر لاہورپہنچے تو جہاں گورنراوروزیراعلیٰ پنجاب نےان کا ریڈکارپٹ استقبال کیا۔

    برطانوی شاہی جوڑےسےگورنراوروزیراعلیٰ پنجاب نے ایئرپورٹ لاؤنج میں ملاقات کی، وزیراعلیٰ پنجاب نےشہزادہ ولیم کوزیتون کی لکڑی سےبنی چھڑی اور پینٹگ اورشہزادی کیٹ میڈلٹن کو شال تحفے میں دی۔ گورنر پنجاب چوہدری محمد سرور نے بھی معزز مہمانوں کو تحائف پیش کیے۔