Tag: kazim malik

اسلام آباد: پرویز رشید کا کہنا ہے عمران خان بار بار کنٹینر پر چڑھنے کی بجائے چندے میں ہیر پھیر کا جواب دیں۔

وفاقی وزیر اطلاعات کی جانب سے جاری بیان میں کہا گیا کہ عمران کا نوے روز میں کرپشن ختم کرنے کا وعدہ جھوٹا تھا اور اب بھی اگر عمران خان نے عوامی خدمت کے ایجنڈے پر توجہ نہ دی تو دو ہزار اٹھارہ کے انتخابات میں ان کی سیاست کا خاتمہ ہو جائے گا۔

پرویز رشید کا مزید کہنا تھا کہ عمران خان احتساب تحریک چلانے سے پہلے خیبرپختونخوا کے سابق ڈی جی احتساب کمیشن کی چارج شیٹ کا جواب دیں۔

وفاقی وزیر برائے اطلاعات و نشریات سینیٹر پرویز رشید نے کہا ہے کہ عمران خان کی تحریک نہ حکومت کو نقصان پہنچا سکتی ہے اورنہ پاکستان کو کوئی نقصان پہنچا سکتی ہے تحریک میں پاکستان کے عوام شامل نہیں اگر لوگوں کو عمران خان کے الزامات پر کوئی یقین ہوتا تو وہ عمران کے کنٹینر کے منتظر نہ رہتے بلکہ کنٹینر پیچھے ہوتا اور پاکستان کے عوام آگے سڑکوں اور گلیوں میں نکل آتے۔

لاہور : الیکشن ٹریبونل کے سابق جج کاظم ملک نے وفاقی وزیر اطلاعات پرویز رشید کو خط تحریر کیا ہے جس میں کہا گیا ہے انہوں نے متعصبانہ فیصلہ دینے کا الزام عائدکرکے نفرت انگیز تقریر کی، جس میں دھمکیاں دی گئیں۔

کاظم ملک نے خط میں وزیر اطلاعات پرویز رشید کو مخاطب کرتے ہوئے کہا کہ آپ نے میرے دو بیٹوں فہد رضا اور ظہیر عباس کو سول سروسز کی نوکری سے نکالنے کا کہا ہے۔

پرویز رشید نے نفرت انگیز تقریر کے ذریعے دھمکی دی ہے جس سے ہرگز خوفزدہ نہیں ہوں گا، انہوں نے کہا کہ وہ اس الزام تراشی پر قانونی نوٹس بجھوائیں گے۔

کاظم ملک نے خط میں کہا کہ بتایا جائے کہ میں نے کس تعصب کی بنا پر خواجہ آصف کے حق میں فیصلہ دیا۔ علامہ اقبال کے پوتے کی پٹیشن خارج کرکے شیخ روحیل اصغر کے حق میں فیصلہ دیا۔

انہوں نے کہا کہ میں نے بطور جج پی ٹی آئی لیڈر حامد خان کے خلاف الیکشن کمیشن کو ریفرنس بھیجا جو آپ لہک لہک کر میڈیا کے سامنے پڑھتے رہے۔

کاظم ملک کا کہنا تھا کہ جج کا صرف فیصلہ بولتا ہے مگر جب جج کی ذات کو نشانہ بنایا جائے تو پھر جج بھی بولتا ہے۔