چترال: کیلاش قبیلے کا سالانہ مذہبی تہوار چھومس اپنی تمام تر رنگینیوں کے ساتھ اختتام پذیر ہوگیا ہے۔
کیلاش قبیلے کا مذہبی تہوار سات دسمبر سے شروع ہوتا ہے، اس دوران کیلاش قبیلے کی خواتین نئے کپڑے بنانے کی تیاری کرتی ہیں اور روایتی کھانے پکاتی ہیں۔
چھومس کے تہوار کے دوران کیلاش قبیلے کے مرد و خواتین رقص کرتے ہوئے گیت پیش کرتے ہیں، جسے ان کی عبادت کاحصہ سمجھا جاتا ہے، جس کے بعد نوجوان جوڑے دوسرے گاؤں فرار ہوکر شادی کا اعلان کرتے ہیں۔
جشن کی آخری رات کیلاش کے لوگ اپنے عقیدے کے مطابق مشعل بردار ریلی نکالتے ہیں، ریلی میں خواتین اپنے مخصوص راستوں سے گزرتی ہیں، اس تہوار کو دیکھنے کیلئے ملکی اور غیر ملکی سیاح بھی آئے تھے، جو کیلاش ثقافت کے رنگوں سے خوب محظوظ ہوئے۔
