نیروبی : کینیا کے اسکول میں سابق طالب علم نے فائرنگ کرکر 6 بچوں سمیت 7 افراد کو ہلاک کردیا، پولیس کی کارروائی میں حملہ آور بھی مارا گیا۔
تفصیلات کے مطابق فائرنگ کا واقعہ کینیا کے سرحدی علاقے میں واقع اسکول لوکیچو گیو مکسڈ سیکنڈری اسکول میں پیش آیا جس میں 6 بچوں اور ایک گارڈ کو ہلاک کردیا گیا۔
کینیا کے پولیس حکام کا کہنا ہےکہ واقعے کا مرکزی ملزم اسکول کا ایک سینیئر تھا جس کو گزشتہ ہفتے لڑنے جھگڑنے اور طالب علموں کو دھمکیاں دینے پر معطل کیا گیا تھا۔
پولیس کے مطابق مسلح طالب علم اسکول کے پرنسپل اور لڑائی میں ملوث بچوں کو ڈھونڈ رہا تھا لیکن وہ نہیں تو انہوں نے غصے میں دیگر بچوں کو فائرنگ کا نشانہ بنایا۔
اس سے قبل گزشتہ ماہ کینیا کے دارالحکومت نیروبی میں واقع بورڈنگ اسکول میں طالبہ نے 9 افراد کو فائرنگ کرکے ہلاک کردیا تھا۔
یاد رہے کہ گزشتہ ہفتے برازیل میں اسکول کے سیکورٹی گارڈ نے نرسری کے بچوں پر پٹرول پھینک کر آگ لگادی جس کے نتیجے میں 4 کمسن بچوں سمیت 10 افراد ہلاک ہوگئے تھے ۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
