Tag: Kerry

  • روسی ایٹمی اثاثوں میں اضافہ، امریکہ کو تشویش

    روسی ایٹمی اثاثوں میں اضافہ، امریکہ کو تشویش

    ماسکو: روس کے قریب مشرقی یورپ میں بھاری ہتھیاراورفوجیوں کی تعداد میں اضافے کے امریکی منصوبے کی اطلاعات کے بعد روس نے اپنے ایٹمی اثاثوں میں چالیس نئے بین البراعظمی میزائل کےاضافے کااعلان کردیا ہے۔

    تفصیلات کے مطابق ماسکو کے یوکرین میں کردارپرروس اورمغربی طاقتوں کےمابین تناؤ میں مزید اضافہ ہوگیاہے۔

    روسی صدر کا کہنا تھا کہ چالیس میزائلوں کی تنصیب کےبعد کسی بھی مہم جوئی سےنمٹ سکیں گے۔ پیوٹن کا کہناتھا کہ روس پیش قدمی نہیں کررہا۔

    انہوں نے امریکی منصوبے کوسرد جنگ کے بعد سے اب تک کا واشنگٹن کا انتہائی جارحانہ اقدام قراردے دیا،پیوٹن کے مطابق انہیں اینٹی میزائل ڈیفنس سسٹم میں توسیع سےمتعلق فکرہے، یہ اسٹریٹیجک اہمیت کاانتہائی سنجیدہ معاملہ ہے۔

    اس موقع پرامریکی وزیرخارجہ جان کیری نے روسی صدرکےاعلان کوتشویشناک قراردیتےہوئےکہا کہ امریکہ روس سےتعلقات کودوبارہ سردجنگ کی جانب نہیں لےجاناچاہتا۔

    دوسری جانب نیٹونےروس کی ایٹمی پیش قدمی کوغیرمنصفانہ اورخطرناک قراردیدیا ہے۔

  • جان کیری کا دورہ پاکستان، شاہراہوں کی بندش پر پی ٹی آئی کا اظہار تشویش

    جان کیری کا دورہ پاکستان، شاہراہوں کی بندش پر پی ٹی آئی کا اظہار تشویش

    اسلام آباد: پاکستان تحریک انصاف نے امریکی وزیر خارجہ کے دورہ پاکستان کے دوران وفاقی دارالحکومت میں اہم شاہراہوں کی بندش پر انتہائی تشویش کا اظہار کیا ہے۔

     ترجمان تحریک انصاف شیریں مزاری نے کہا ہے کہ امریکی وزیرخارجہ کے دورہ پاکستان کے دوران وفاقی دارالحکومت کے نظام کو حکومت کی جانب سے درہم برہم کیے جانے کی شدید مذمت کرتے ہیں۔

    ان کا کہنا تھا کہ سکیورٹی اور پروٹوکول کے نام پر شہریوں کی آزادانہ نقل و حرکت میں حکومت کی جانب سے رکاوٹیں ناقابلِ قبول ہیں اور بیرونی حکمرانوں کے دوروں کے دوران اہم شاہراہوں پر عوامی داخلے کی بندش جیسی قبیح روایت کا خاتمہ ہونا چاہیے۔

    ان کا مزیدکہنا تھا کہ امریکی وزیرخارجہ اور ان کے وفد کے اراکین کی ایک جگہ سے دوسری جگہ منتقلی کیلئے زمینی کی بجائے فضائی رستہ اختیار کر کے شہریوں کی مشکلات میں کمی ممکن بنائی جا سکتی تھی تاہم حکومت نے اپنے امریکی مہمانوں کی خوشنودی کی خاطر عوام کے روز مرہ کے معاملات میں رکاوٹیں کھڑی کر کے اور ان کے نقل و حرکت میں حائل ہو کر انتہائی نامعقولیت کا ثبوت دیا ہے۔

  • القاعدہ، حقانی نیٹ ورک دنیا کے امن کے لئے خطرہ ہیں، جان کیری

    القاعدہ، حقانی نیٹ ورک دنیا کے امن کے لئے خطرہ ہیں، جان کیری

    اسلام آباد: امریکی وزیرخارجہ جان کیری کا کہنا ہے کہ القاعدہ، حقانی نیٹ ورک اور دیگر دہشت گرد تنظیمیں دنیا کے امن کے لئے خطرہ ہیں۔

    اسلام آباد میں مشیرخارجہ سرتاج عزیز کے ساتھ مشترکہ میڈیا بریفنگ سے خطاب کرتے ہوئے امریکی وزیرِ خارجہ جان کیری نے کہا کہ پاکستان کے دہشت گردی کے خلاف اقدامات قابل ستائش ہیں، پاکستان نے مغربی سرحدوں پر دہشت گردوں کے خلاف آپریشن شروع کررکھا ہے جبکہ پاک فوج مغربی سرحد پردہشت گردوں کے خلاف آپریشن میں بھی متحرک ہے۔

    امریکی وزیرِ خارجہ نے کہا کہ پاکستان سے دفاعی اور انٹیلی جنس سطح پر تعاون جاری رکھیں گے، پاک افغان حکام کے انٹیلی جنس شئیرنگ کے نتائج جلد سامنے آئیں گے۔

    انہوں نے اعتراف کیا کہ افغانستان میں دہشت گردوں کے محفوظ ٹھکانے ہیں،  شمالی وزیرستان کے آپریشن متاثرین کی بحالی کے لئے امریکا پچیس کروڑ ڈالرز فراہم کرے گا۔

    جان کیری نے پاکستان اور بھارت مسائل مذاکرات کے ذریعے حل کرنے پر زور دیا، پڑوسیوں سے تعلقات کی بحالی کے لئے وزیرِاعظم نواز شریف کی کوششیں قابلِ تعریف ہیں۔

    جان کیری نے سانحۂ پشاور پر افسوس کا اظہار کیا۔

    مشیر خارجہ سرتاج عزیز نے کہا کہ شمالی وزیرستان کا اسی فیصد علاقہ کلئیر کرالیا ہے، متاثرہ علاقوں کی بحالی کے لئے دوارب ڈالرز درکار ہیں، مشیرخارجہ کا کہنا تھا کہ مسئلہ کشمیر کے بغیر بھارت سے مذاکرات ممکن نہیں۔