یش کے شان دار ایکشن کے دیوانوں اور کے جی ایف فلم سیریز کے مداحوں کے لیے ‘کولار گولڈ فیلڈ چیپٹر ٹو’ آن لائن بھی ریلیز کر دی گئی۔
ڈائریکٹر پرشانت نیل کی لکھی ہوئی اس پان انڈیا فلم ‘کے جی ایف: چیپٹر 2’ نے بھارت سمیت دنیا بھر میں باکس آفس پر بزنس کے نئے ریکارڈ قائم کر دیے ہیں، اب اسے مداحوں کے لیے آن لائن بھی ریلیز کر دیا گیا ہے۔
کام یابی کے نئے ریکارڈ قائم کرنے والی اس فلم کو مختلف زبانوں میں آن لائن اسٹریمنگ پلیٹ فارم ایمیزون پرائم ویڈیو کے لیے جاری کیا گیا ہے، یہ فلم سنیماؤں پر 14 اپریل کو ریلیز کی گئی تھی، اور ریلیز کے پہلے ہی ہفتے اس نے نئے ریکارڈ قائم کرتے ہوئے بالی وڈ خانز کی سپرہٹ فلموں کے کئی ریکارڈ توڑ دیے تھے۔
یہ فلم اب بھی عالمی سطح پر باکس آفس پر زبردست بزنس کر رہی ہے، فلم چھٹے ہفتے سے سینما گھروں میں کامیابی کے ساتھ چل رہی ہے اور اب بھی اس کی پوزیشن مستحکم ہے، حال ہی میں اس فلم نے دنیا بھر میں 1 ہزار 200 کروڑ روپے کا ہندسہ عبور کیا ہے اور یہ کارنامہ انجام دینے والی یہ تیسری ہندوستانی فلم بن گئی ہے۔
#KGFChapter2 WW Box Office
Week 1 – ₹ 720.31 cr
Week 2 – ₹ 223.51 cr
Week 3 – ₹ 140.55 cr
Week 4 – ₹ 91.26 cr
Week 5
Day 1 – ₹ 5.20 cr
Day 2 – ₹ 4.34 cr
Day 3 – ₹ 6.07 cr
Day 4 – ₹ 9.52 cr
Day 5 – ₹ 3.61 cr
Total – ₹ 1204.37 crSTRONG HOLD
— Manobala Vijayabalan (@ManobalaV) May 17, 2022
اس سے قبل عامر خان کی دنگل اور ایس ایس راجا مولی کی باہو بلی: دی کنکلوژن وہ 2 فلمیں ہیں جنھوں نے دنیا بھر میں 1200 کروڑ روپے سے زیادہ کا بزنس کیا تھا۔
یش کی کے جی ایف: چیپٹر 2 ایک پیریڈ ایکشن فلم ہے، جس کی تحریر اور ہدایت کاری پرشانت نیل نے دی ہے، یہ فلم ہومبیل فلمز کے وجے کیراگندور نے 100 کروڑ روپے کے بڑے بجٹ پر تیار کی ہے، فلم میں یش، سنجے دت، روینہ ٹنڈن اور سری ندھی شیٹی اہم کرداروں میں ہیں۔ پرکاش راج، مالاویکا اویناش، ایشوری راؤ اور سرن معاون کرداروں میں نظر آئے۔
ایمیزون پرائم پر کے جی ایف 2 کو ایک ماہ بعد ویڈیو آن ڈیمانڈ پیش کیا گیا ہے، فلم ایمیزون پرائم پر Early Access اسکیم کے تحت اسٹینڈرڈ ڈیفینیشن ( SD) فارمیٹ میں پیش کی گئی ہے، جب کہ ناظرین کو ایک بار فلم شروع کرنے کے بعد اگلے 48 گھنٹے میں ختم کرنا پڑے گی، اور اسے کسی بھی طریقے سے ڈاؤن لوڈ کرنا ممکن نہیں ہوگا۔
