ئر
خیرپور: مجلس کےدوران امام بارگاہ کی چھت گرنے سے تین افراد جاں بحق جبکہ بیس افراد زخمی ہوگئے ہیں۔
تفصیلات کے مطابق چھت گرنے کا یہ واقعہ خیرپورکے علاقے ببرلو میں پیش آیا جہاں آج 25 محرم الحرام کواسیرِ کربلا حضرت امام سجاد کی یاد میں مجلس منعقد کی جارہی تھی۔
ذرائع کا کہنا ہے کہ واقعے میں دو خواتین اور ایک بچہ جاں بحق ہوا ہے جبکہ 20 افراد زخمی ہیں۔
زخمیوں کو نزدیکی اسپتال منتقل کیا گیا ہے جہاں 20 میں سے تین افراد کی حالت تشویشناک بتائی جارہی ہے۔
عینی شاہدین کے مطابق مجلس کے سلسلے میں بچوں کی بڑی تعداد امام بارگاہ کی بوسیدہ چھت پرجمع تھی جس کے سبب چھت گرپڑی اور یہ اندوہناک حادثہ پیش آیا۔
