ARYNews.tv | Urdu – Har Lamha Bakhabar

Tag: khalid maqbool sidddique

  • متحدہ پاکستان کا پی پی کے خلاف ریلی نکالنے کا اعلان

    متحدہ پاکستان کا پی پی کے خلاف ریلی نکالنے کا اعلان

    کراچی : ایم کیو ایم پاکستان نے پیپلز پارٹی کی مبینہ کرپشن، بدعنوانیوں اور بیڈ گورننس کے خلاف 23 اپریل کو ریلی نکالنے کا اعلان کردیا۔

    تفصیلات کے مطابق پیپلز پارٹی کی مبینہ کرپشن اور بیڈ گورننس کے خلاف ایم کیو ایم پاکستان نے وائٹ پیپر جاری کرنے کے بعد اب احتجاجی ریلی نکالنے کا اعلان کردیا۔

    یہ اعلان متحدہ رابطہ کمیٹی پاکستان کے رہنما ڈاکٹر خالد مقبول صدیقی نے عارضی مرکز پی آئی بی کالونی میں پریس کانفرنس سے خطاب کرتے ہوئے کیا۔

    اس موقع پر ایم کیو ایم پاکستان رابطہ کمیٹی کے دیگر ارکان بھی موجود تھے۔

    خالد مقبول صدیقی کا کہنا تھا کہ آج سندھ صرف کرپشن میں آگے ہے، پیپلز پارٹی نے کوٹا سسٹم لاگو کرکے سندھ میں تعصب اور سندھ کے استحکام کو داؤ پر لگادیا۔

    سندھ میں رینجرز اختیارات کے حوالے سے خالد مقبول صدیقی کا کہنا تھا کہ پیپلز پارٹی آئین کو اپنا غلام سمجھتی ہے، معاملہ جب پیپلز پارٹی کی کرپشن پر اٹھتا ہے تو شور مچایا جاتا ہے،اختیارات کے معاملے کو فوری حل ہونا چاہیے۔

    ایم کیو ایم پاکستان نے دعویٰ کیا کہ ریلی ثابت کرے گی کہ سندھ کی عوام پیپلز پارٹی سے چھٹکارا چاہتی ہے۔

  • سندھ حکومت عوامی مسائل کو اسمبلی میں اٹھنے نہیں دیتی، خالد مقبول صدیقی

    سندھ حکومت عوامی مسائل کو اسمبلی میں اٹھنے نہیں دیتی، خالد مقبول صدیقی

    حیدرآباد : ایم کیو ایم رابطہ کمیٹی کے رکن ڈاکٹر خالد مقبول صدیقی نے کہا ہے کہ سندھ میں اس وقت مصنوعی اکثریتی حکومت ہے، اکثریت کی بنیاد پرعوامی مسائل کو سندھ اسمبلی میں اٹھنے نہیں دیا جاتا۔

    حیدرآباد پریس کلب میں اراکین اسمبلی کے ہمراہ پریس کانفرنس سے خطاب کرتے ہوئے ڈاکٹر خالد مقبول صدیقی کا کہنا تھا کہ ایم کیو ایم پاکستان کی لولی، لنگڑی جمہوریت کو بائے پاس کرنا نہیں چاہتی۔

    نیب کی ذمہ داری ہے کہ وہ ملک بھر میں کرپشن روکنے کیلئے انصاف اور شفافیت کے ساتھ کام کرے، اگر نیب جانبداری سے کام کررہی ہے تو اس کے خلاف بھی کارروائی کی جائے، اگر حکمراں ذاتی مقاصد کیلئے نیب کے قوانین میں ترامیم کرنا چاہتے ہیں تو اس کی مخالفت ہونی چاہئے اور اگر بہتری کیلئے کررہے ہیں تو حمایت ہونی چاہئے۔

    ڈاکٹر خالد مقبول صدیقی کا کہنا تھا کہ 18ویں ترمیم کے بعد سندھ کو ملنے والے 800ارب روپے میں سے 25ارب روپے بھی سندھ کے شہروں میں نہیں لگے، ان پیسوں سے دبئی کی رئیل اسٹیٹ تو اوپر گئی ہوگی لیکن سندھ کو کوئی فائدہ نہیں ہوا۔

    انہوں نے کہا کہ حکومت سندھ نے حیدرآباد سٹی کے نام پر 20ہزار 800ایکڑ زمین روبی کون بلڈر ز کو منتقل کردی ہے، یہ بلڈر کون ہے اس کی تحقیقات کی جائے۔

    اس معاملے میں حکومت سندھ نے ایچ ڈی اے کو آلہ کار کے طور پر استعمال کیاہے، انہوں نے کہا کہ حیرت ہے جس زمین کی ملکیت خود ایچ ڈی اے کے پاس نہیں اس کا معاہدہ کس قانون کے تحت کیا گیا ہے۔

     

  • ایم کیو ایم کے مرکزی رہنماؤں کیخلاف مقدمات درج، گرفتاری کا حکم

    ایم کیو ایم کے مرکزی رہنماؤں کیخلاف مقدمات درج، گرفتاری کا حکم

    کراچی : فوج کیخلاف اشتعال انگیز تقاریر پر ایم کیو ایم کے قائد الطاف حسین،ڈاکٹر فاروق ستار اور خالدمقبول صدیقی سمیت ایم کیوایم کے تمام مرکزی رہنماؤں کیخلاف کراچی کے تھانوں میں دس مقدمات درج کر لئے گئے,چوبیس رہنماؤں کے ایئرپورٹ پہنچنے پر گرفتار کرنے کی ہدایت بھی کر دی گئی۔

    تفصیلات کے مطابق کراچی میں ایم کیو ایم کے مر کزی رہنماؤں کےخلاف مقدمات درج کئے جانے لگے،شہر کے مختلف تھانوں میں الطاف حسین سمیت ایم کیو ایم کے چوبیس رہنماؤں کے خلاف مقدمات درج کر لئے گئے ہیں۔

    جن رہنماؤں کے خلاف مقدمات درج کئے گئے ہیں ان میں ڈاکٹرفاروق ستار، خالدمقبول صدیقی ، وسیم اختر،قمرمنصور ،خواجہ  اظہارالحسن،رؤف صدیقی،ریحان ہاشمی نامزد کئے گئے ہیں۔

    خواتین رہنماؤں میں خوش بخت شجاعت،کشورزہرہ بھی نامزد کی گئی ہیں ان کے علاوہ رشیدگوڈیل،سیف یارخان بھی ملزمان کی فہرست میں شامل ہیں۔

    تھانہ ڈاکس میں بھی کسی شہری نے مقدمہ درج کرادیاہے۔ مذکورہ مقدمات تھانہ سچل ، ملیر اور گڈاپ، تھانہ سٹی ،سکھن اور بن قاسم ودیگر تھانوں میں درج کرائے گئے ہیں۔

    علاوہ ازیں متحدہ قومی موومنٹ کی رابطہ کمیٹی نے کراچی سمیت ملک بھرمیں قائدتحریک الطاف حسین اور ایم کیوایم کے رہنماؤں اورمنتخب نمائندوں کے خلاف مقدمات درج کئے جانے کی مذمت کرتے ہوئے کہاہے کہ اس طرح کے ظالمانہ ہتھکنڈوں سے ایم کیوایم کے رہنماؤں، منتخب نمائندوں ،عہدیداروں،کارکنوں اورعوام کوڈرایادھمکایانہیں جاسکتا۔

    اپنے ایک بیان میں رابطہ کمیٹی نے انسانی حقوق کی تنظیموں سے اپیل کی کہ وہ ایم کیوایم کے خلاف کی جانے والی انتقامی کارروائیوں کانوٹس لیں اوران کے خلاف آوازاحتجاج بلندکریں۔

  • ایم کیوایم میں تنظیمی تبدیلیاں: بیرسٹرسیف کے پی اورمیاں عتیق پنجاب کے صدرمنتخب

    ایم کیوایم میں تنظیمی تبدیلیاں: بیرسٹرسیف کے پی اورمیاں عتیق پنجاب کے صدرمنتخب

    کراچی: الطاف حسین کا کہنا ہے کہ ایم کیوایم عوام کی نمائندہ جماعت ہے جو ہرمکتبۂ فکر کی نمائندگی کرتی ہے، اجلاس میں ایم کیو ایم پنجاب کا صدر میاں عتیق کو مقرر کیا گیا ، جبکہ بیرسٹرسیف کو ایم کیوایم خیبر پختونخواہ کا صدرمقررکیا گیا۔

    متحدہ قومی موومنٹ کے قائد الطاف حسین لال قلعہ گراوٗنڈ میں منعقدہ جنرل ورکرز میٹنگ سے خطاب کر رہے تھے اوران کا کہنا تھا کہ ایک گھرمیں چارکمرے بنا لینے سے گھر تقسیم نہیں ہوجاتا، عوام کی فلاح کے لئے انتظامی یونٹ بنانا پوری دنیا کی مجبوری ہے۔

    ان کا کہنا تھا کہ ایم کیوایم غریبوں، مزدوروں، مجبوروں اورمظلوموں کی پارٹی ہے جو کہ عوام کی نچلی سطح تک سیاست کرتی ہے۔

    انہوں سندھیوں سے سندھی زبان میں مخاطب ہو کر کہا کہ ایم کیو ایم ان کی اپنی جماعت ہے جہاں جاگیر داراور وڈیرے نہیں بلکہ غریب اورعام لوگ اختیار حاصل کرتے ہیں۔

    اجلاس کےدوران خالد مقبول صدیقی نے تنظیمی تبدیلیوں کا اعلان کرتے ہوئے کہا کہ رکن رابطہ کمیٹی میاں عتیق ایم کیو ایم پنجاب کے صدر ہوں گے اور سینٹرل ایگزیکیٹو کمیٹی کی رکن بیرسٹرمحمد علی سیف اب صوبہ خیبرپختون خواہ اورفاٹا کے صدرہوں گے

    دوسری جانب غازی صلاح الدین رابطہ کمیٹی کے معاون ہوں گے جبکہ حیدر آباد کی زونل کمیٹی میں دو سینئر ارکان سہیل مشہدی اوررفیق اجمیری کو شامل کیا گیا ہے۔