Tag: khalna test

  • ڈھاکا ٹیسٹ: پاکستانی بالرز کا بنگلا دیش کے گرد گھیرا تنگ

    ڈھاکا ٹیسٹ: پاکستانی بالرز کا بنگلا دیش کے گرد گھیرا تنگ

    ڈھاکہ ٹیسٹ کا دوسرا روز پاکستان کے نام رہا، پاکستان نے پہلی اننگز پانچ سو ستاون رنز پر ڈکلئیر کی اور پھر بولرز نے بنگلہ دیش کی آدھی ٹیم کو پویلین بھیج دیا، میزبان ٹیم کو فالو آن سے بچنے کے لئے دو سو اکیاون رنز درکار ہیں۔

    ڈھاکا ٹیسٹ کے دوسرے روز پاکستان نے پہلی نامکمل اننگز تین سو تئیس رنز تین کھلاڑی آؤٹ سے دوبارہ شروع کی،  کپتان مصباح الحق نو رنز پرپویلین واپس لوٹ گئے، اظہر علی اور اسد شفیق نے پراعتماد انداز سے اسکور میں اضافہ کیا اور پانچویں وکٹ پر دو سو سات رنز کی شراکت قائم کی۔

     اظہر علی کیرئیر کی پہلی ڈبل سنچری بنانے میں کامیاب رہے اور دو سو چھبیس رنز بنا کر آؤٹ ہوئے،اسد شفیق نےایک سو سات رنز بنائے، پانچ سو ستاون رنز آٹھ کھلاڑی آؤٹ پر پاکستان کی اننگز ڈکلیئر کر دی گئی۔ تیجل السلام نے بنگلہ دیش کیجانب سے تین کھلاڑیوں کو آؤٹ کیا۔

     جواب میں بنگلہ دیش کا آغاز مایوس کن رہا، پہلے ہی اوور میں جنید خان نے تمیم اقبال کو پویلین بھیجچ دیا جس کے بعد میزبان ٹیم کے مزید چار مہرے کھسکا کر میچ میں پوزیشن مستحکم کرلی۔

     بنگلہ دیش کو پاکستان کی پہلی اننگز کی برتری ختم کرنے کے لئے مزید چار سو پچاس رنز درکار ہیں۔

  • پاکستان اور بنگلہ دیش کے درمیان پہلا ٹیسٹ ڈرا ہوگیا

    پاکستان اور بنگلہ دیش کے درمیان پہلا ٹیسٹ ڈرا ہوگیا

    کھلنا: پاکستان اور بنگلہ دیش کے درمیان پہلا ٹیسٹ ڈرا ہوگیا، میزبان اوپنرز نے ایسا کھیلا کہ میچ ڈرا کی جانب لے گئے۔

    کھلنا ٹیسٹ میں کوئی ٹیم جیت کا دروازہ نہ کھول سکی،بلے بازوں کا ہاتھ تو کھلا لیکن ٹیسٹ میچ ڈرا ہوگیا،کھیل کے آخری روز بنگلادیشی اوپنرز نے ریکارڈ شراکت کے ساتھ دوسری اننگز کا پھر سے آغاز کیا تو ذوالفقار بابر نے پاکستان کو بریک تھرو دلایا لیکن اس وقت بہت دیر ہوچکی تھی، بنگلہ دیش کی ٹیم نے اپنے قدم جمالئے تھے۔

    امرالقیس ایک سو پچاس رنز کی شاندار اننگز کھیل کر اپنا کام مکمل کرگئے،دوسرے اینڈ سے تمیم اقبال پاکستان بولرز پر غضب ڈھاتے رہے، تمیم اقبال نے جنید خان کو چھکا لگاکر کیرئیر کی پہلی ڈبل سینچری بنائی۔

     تمیم اقبال ڈبل سینچری بنانے والے بنگلہ دیش کے دوسرے بیٹسمین بن گئے۔ آخری روز وہاب ریاض اور شکیب الحسن کے درمیان کچھ گرما گرمی بھی ہوئی جسے کپتان مصباح الحق نے ختم کرایا۔

    بنگلہ دیش نے چھ وکٹوں پر پانچ سو پچپن رنزبنائے تھے کہ میچ دونوں کپتانوں کی رضامندی سے وقت سے قبل ختم کردیا گیا، سیریز کا دوسرا اورآخری ٹیسٹ چھ مئی سے ڈھاکا میں کھیلا جائے گا۔

  • پاکستان اور بنگلہ دیش کے درمیان پہلا ٹیسٹ ڈرا کی جانب گامزن

    پاکستان اور بنگلہ دیش کے درمیان پہلا ٹیسٹ ڈرا کی جانب گامزن

    کھلنا: پاکستان اور بنگلہ دیش کے درمیان پہلا ٹیسٹ ڈرا کی جانب گامزن ہے، میزبان اوپنرز کی ریکارڈ شراکت نے ٹیسٹ کو یادگار بنادیا۔

    .کھلنا میں بنگلہ دیشی اوپنرز نے کھل کر کھیلا، تمیم اقبال اور عمرل القیس کی ریکارڈ شراکت نے پاکستان کی جیت کے خواب پر پانی پھیر دیا، اوپنرز نے بغیر کوئی وکٹ کھوئے نہ صرف پاکستان کی برتری ختم کی بلکہ دوسری اننگز میں لیڈ بھی چڑھا دی۔

    وہاب ریاض، جنید خان، یاسر شاہ اور محمد حفیظ تمام بولرز وکٹ لینے میں ناکام رہے۔

    کھیل کے آخری روز بنگلہ دیش نے دوسری نامکمل اننگز دو سو تیہتر رنز بغیر کسی نقصان کے دوبارہ شروع کی تو ذوالفقار بابر نے شراکت توڑ دی لیکن بہت دیر ہوچکی تھی۔

    تین سو بارہ کے مجموعی اسکور پر عمرل القیس ایک سو پچاس رنز کی شاندار اننگز کھیل کھیل کر آؤٹ ہوئے، عمرل القیس اپنا کام کرگئے، دونوں ٹیموں کے درمیان پہلا ٹیسٹ ڈرا کی جانب جارہا ہے۔

    گزشتہ روز بنگلہ دیش نے دوسری اننگز کا آغاز پراعتماد انداز سے کیا، اوپنرز نے تیزی سے کھیلتے ہوئے دن کے اختتام تک اسکور دو سو تہتر رنز تک پہنچا دیا ہے۔ تمیم اقبال ایک سو اڑتیس، امرلکیس نے ایک سو بتیس رنز بنائے ہیں۔ پاکستان کی پہلی اننگز کی سبقت ختم کرنے کیلئے تئیس رنز درکار تھے۔

  • کھلنہ ٹیسٹ:چوتھا روز،628 رنز کے جواب میں بنگلہ دیش کے 273رنز

    کھلنہ ٹیسٹ:چوتھا روز،628 رنز کے جواب میں بنگلہ دیش کے 273رنز

    کھلنہ : پاکستان کرکٹ ٹیم کھلنہ ٹیسٹ کے چوتھے روز پہلی اننگز میں چھ سو اٹھائیس رنز بناکر آؤٹ ہوگئی۔ جواب میں بنگال ٹیم نے بغیر کسی نقصان کے دو سو تہتر رنز بنالئے ہیں۔

    کھلنہ ٹیسٹ کے چوتھے روز پاکستان نے نامکمل پہلی اننگز پانچ سو سینتیس رنز پانچ کھلاڑی آؤٹ سے دوبارہ شروع کی۔ نصف سنچری اسکور کرنے والے اسد شفیق اور سرفراز احمد نےتیزی سے اسکور میں اضافہ کیا۔

    اسد شفیق نے تراسی اور سرفراز احمد نے بیاسی رنز بنائے۔ آخری تین کھلاڑیوں کو تیجل السلام نے جلد ہی پویلین پہنچا دیا۔ پاکستان ٹیم پہلی اننگز میں چھ سو اٹھائیس پر آؤٹ ہوگئی اور بنگلہ دیش کیخلاف دو سو چھیانوے رنز کی برتری قائم کی۔

    میزبان ٹیم کے بولر تیجل السلام نےچھ کھلاڑیوں کو اپناشکار بنایا۔۔ بنگلہ دیش نے دوسری اننگز کا آغاز پراعتماد انداز سے کیا۔

    اوپنرز نے تیزی سے کھیلتے ہوئے دن کے اختتام تک اسکور دو سو تہتر رنز تک پہنچا دیا ہے۔ تمیم اقبال ایک سو اڑتیس، امرلکیس نے ایک سو بتیس رنز بنائے ہیں۔ پاکستان کی پہلی اننگز کی سبقت ختم کرنے کیلئے تئیس رنز درکار ہیں۔

  • کھلنا ٹیسٹ : محمد حفیظ نے ٹیسٹ کیرئیر کی پہلی ڈبل سینچری بنا ڈالی

    کھلنا ٹیسٹ : محمد حفیظ نے ٹیسٹ کیرئیر کی پہلی ڈبل سینچری بنا ڈالی

    کھلنا : پاکستان کرکٹ ٹیم کے پروفیسر محمد حفیظ نے ٹیسٹ کیرئیر کی پہلی ڈبل سینچری داغ دی۔

    کھلنا میں حفیظ کا ہاتھ کھل گیا اور بنگلہ دیش کے خلاف حفیظ  رنز کی مشین بن گئے اور پہلی ڈبل سینچری بنائی، بنگلہ دیشی بولرز کے لئے حفیظ کو روکنا مشکل ہوگیا۔

    ٹیسٹ کے تیسرے روز بھی حفیظ کا بلا رنز اگلتا رہا اور پروفیسر نے گراؤنڈ کے چاروں اطراف شاٹس کھیل کر میزبان بولرز کے چودہ طبق روشن کردیے۔

    حفیظ کیرئیر بیسٹ دو سو چوبیس رنز بناکر شواگتا ہوم کی گیند کر کیچ آوٹ ہوئے۔

    انہوں نے اننگز میں تئیس چوکے اور تین فلگ شگاف چھکے لگائے، حفیظ کی ڈبل سینچری کی بدولت پاکستان کی میچ میں پوزیشن مضبوط ہوگئی ہے۔

    گزشتہ روز بنگلادیش کیخلاف پہلے ٹیسٹ میں شاہینوں نے شاندار کم بیک کیا، پروفیسر کی سنچری اور اظہرعلی کی ففٹی نے میچ میں پاکستان کی گرفت مضبوط کردی تھی۔

    بنگلا دیش نے نامکمل اننگز دوسو چھتیس رنز چار کھلاڑی آؤٹ پر دوبارہ شروع کی تو چھیانوے رنز کے اضافے کے بعد پوری ٹیم تین سو بتیس رنزبناکر آؤٹ ہوگئی۔ وہاب ریاض اور یاسر شاہ نے تین تین وکٹیں حاصل کیں، بولرز کی فارم دیکھ کر بلے باز بھی فارم میں آگئے۔

    اوپنر نے پچاس رنز کا آغازدیا، سمیع اسلم ڈیبیو میچ میں بیس رنز بنا کر آؤٹ ہوئے، پروفیسر اور اظہرعلی نے بنگالی بولرز پر خوب ہاتھ صاف کیے۔ دونوں کے سامنے بنگال کا ایک بھی جادو نہ چل سکا، حفیظ نے شاندار بیٹنگ کرتے ہوئے کیرئیر کا آٹھواں سینکڑاں جڑ دیا۔

    اظہرعلی نے بھی چھکا داغ کر کیرئیر کی انیسویں ففٹی بنائی۔ کھیل کے اختتام پر پاکستان نے ایک وکٹ پر دوسو ستائیس رنزبنالئےتھے، قومی ٹیم کو برتری ختم کرنے کیلئے ایک سو سات رنز کی ضرورت ہے۔

  • کھلنا ٹیسٹ: شاہینوں کاکم بیک،1وکٹ پر227 رنزبنالیے

    کھلنا ٹیسٹ: شاہینوں کاکم بیک،1وکٹ پر227 رنزبنالیے

    کھلنا: بنگلادیش کیخلاف پہلے ٹیسٹ میں شاہینوں کا شاندار کم بیک، پروفیسر کی سنچری اور اظہرعلی کی ففٹی نے میچ میں پاکستان کی گرفت مضبوط کردی۔

    کھلنا ٹیسٹ کا دوسرا پاکستان ٹیم کے نام ، کیا گیند باز اور کیا ہی بلے باز سب نےکمال کردکھایا، شاہینوں کی اٹیکنگ کرکٹ نے پہلے ٹیسٹ میں بنگلادیش کو بیک فٹ پر لاکھڑا کیا، دوسرے روز پاکستانی بولرز نےمیزبان بیٹنگ لائن کے بڑھتے قدم روک دیئے۔

    بنگلا دیش نے نامکمل اننگزدوسو چھتیس رنز چار کھلاڑی آؤٹ پر دوبارہ شروع کی تو چھیانوے رنز کے اضافے کےبعد پوری ٹیم تین سو بتیس رنزبناکر آؤٹ ہوگئی۔ وہاب ریاض اور یاسر شاہ نے تین تین وکٹیں حاصل کیں، بولرز کی فارم دیکھ کر بلے باز بھی فارم میں آگئے، اوپنر نے پچاس رنز کا آغازدیا، سمیع اسلم ڈیبیو میچ میں بیس رنز بنا کر آؤٹ ہوئے۔

    پروفیسر اور اظہرعلی نے بنگالی بولرز پر خوب ہاتھ صاف کیے،دونوں کے سامنے بنگال کا ایک بھی جادو نہ چل سکا، حفیظ نے شاندار بیٹنگ کرتے ہوئے کیرئیر کا آٹھواں سینکڑاں جڑ دیا،اظہرعلی نے بھی چھکا داغ کر کیرئیر کی انیسویں ففٹی بنائی، کھیل کے اختتام پر پاکستان نے ایک وکٹ پر دوسو ستائیس رنزبنالئےتھے، قومی ٹیم کو برتری ختم کرنے کیلئے ایک سو سات رنز کی ضرورت ہے۔

  • کھلنا ٹیسٹ: بنگلہ دیش کی ٹیم ابتدائی اننگز میں 332رنزبناکر آؤٹ

    کھلنا ٹیسٹ: بنگلہ دیش کی ٹیم ابتدائی اننگز میں 332رنزبناکر آؤٹ

    کھلنا: پاکستان کے خلاف پہلے ٹیسٹ میں بنگلہ دیش کی ٹیم ابتدائی اننگز میں تین سو بتیس رنزبناکر آؤٹ ہوگئی۔

    کھلنا میں جاری ٹیسٹ کے دوسرے روز پاکستانی بولرز کا بھرپور کم بیک ہوا کہ میزبان بیٹنگ لائن کے بڑھتے قدم روک دیئے، بنگلہ دیش نے پہلی نامکمل اننگزدوسو چھتیس رنز چار کھلاڑی آؤٹ پر دوبارہ شروع کی تو سات رنز کے اضافے کے بعد شکیب الحسن کو ذوالفقار بابر نے اپنا نشانہ بنایا۔

    جس کے بعد سومیا سرکار اور مشفیق الرحیم نے محتاط انداز سے کھیلتے ہوئے اسکور آگے بڑھایا۔

    تین سو پانچ کے مجموعی اسکور پر حفیظ نے اہم شراکت توڑدی۔

    مشفیق الرحیم کی اہم وکٹ یاسر شاہ نے حاصل کی، میزبان ٹیم تین سو بتیس رنزبناکر آؤٹ ہوگئی۔

    وہاب ریاض اور یاسر شاہ نے تین تین وکٹیں حاصل کیں۔ محمد حفیظ اور ذوالفقار بابر نے دو دو شکار کئے۔

    اس سے قبل گزشتہ روز کھلنا ٹیسٹ کے پہلے روز بنگال ٹائیگرز نے کھیل کے اختتام پر بنگلادیش نے چار وکٹ پر دو سو چھتیس رنز بنائے تھے۔

    شاہینوں کی مہربانیوں کی بدولت کھلنا ٹیسٹ کا پہلا روز بنگال ٹائیگرز کے نام رہا، ٹاس جیت کر بیٹنگ کا فیصلہ بنگلادیش کے حق میں گیا، اوپنرز نے بھی کپتان کے فیصلےکی لاج رکھی، تممیم اقبال اور عمر القیس ے باون رنز کا سست لیکن پراعتماد آغاز دیا۔

    فیلڈرز نے بھی بلے بازوں کا خوب ساتھ دیا اور بلے بازوں کی دل کھول کر مدد کی،یاسر شاہ نے تمیم اقبال کو ٹہکانے لگا کر پہلی وکٹ لی، عمرالقیس بھی نصف سنچری بناکرہمت ہار گئے۔

    محموداللہ اور مومن الحق نے بولرز کی ایک نہ چلنے دی، فیلڈرز نے بھی بولرز کی محنت پر پانی پھیرنے میں کوئی کسر نہیں چھوڑی، محمود اللہ نصف سنچری سے ایک رن کی کمی پر وکٹ دے بیٹھیں۔

    مومن الحق دن کی آخری گیند پر ذوالفقار بابر کی گیند پر آؤٹ ہوئے اور ریویو بھی ضائع کیا، میزبان ٹیم نے کھیل کے اختتام پر چار وکٹ پر دوسو چھتیس رنز بنالئے۔

  • کھلنا ٹیسٹ: بنگلہ دیش کی پاکستان کیخلاف بیٹنگ جاری، 2 کھلاڑی آؤٹ

    کھلنا ٹیسٹ: بنگلہ دیش کی پاکستان کیخلاف بیٹنگ جاری، 2 کھلاڑی آؤٹ

    کھلنا: پاکستان اور بنگلہ دیش کے درمیان پہلا  ٹیسٹ میچ شیخ ابو نصر سٹیڈیم میں جاری ہے۔

    بنگلہ دیش نے ٹاس جیت کر پہلے بیٹنگ کا فیصلہ کیا، بنگلہ دیش کی جانب سے اوپنز تمیم اقبال اور امرؤالقیس نے اننگز کا اچھا آغاز کیا، لیکن تمیم اقبال 25 رنز بنا کر اظہر علی کے ہاتھوں کیچ آوٹ ہوگئے جبکہ دوسرے اوپنر امرؤالقیس عمدہ بیٹنگ کرتے ہوئے اپنی نصف سنچری مکمل کیاور محمد حفیظ کی گیند پر بولڈ آوٹ ہوگئے۔

    اب تک بنگلہ دیش نے دو وکٹ کے نقصان پر 139 رنز بنائے تھے۔

    مصباح الحق ٹیسٹ سیریز میں پاکستانی ٹیم کی قیادت کررہے ہیں تاہم  ٹیم کی مایوس کن کارکردگی نے ٹیسٹ سیریز میں بھی پاکستانی ٹیم پر دباؤ  کا شکار ہیں۔

    بنگلہ دیشی ٹیم پاکستان کو ون ڈے سیریز میں کلین سوئپ اور واحد ٹی 20 میں ہرانے کے بعد 14 سال میں پہلی بار پاکستان کو ٹیسٹ میں ہرانے کے بارے میں سوچ رہی ہے۔

    واضح رہے کہ پاکستان اور بنگلہ دیش کے درمیان اب تک 14 ٹیسٹ میچ کھیلے جاچکے ہیں اور تمام کے تمام پاکستان نے جیتے ہیں۔