ARYNews.tv | Urdu – Har Lamha Bakhabar

Tag: khanewal

  • خانیوال: ساتھی کے ہمراہ 8 سالہ بچے سے زیادتی کا ملزم استاد گرفتار

    خانیوال: ساتھی کے ہمراہ 8 سالہ بچے سے زیادتی کا ملزم استاد گرفتار

    خانیوال: صوبہ پنجاب کے شہر خانیوال میں ایک استاد کو 8 سالہ بچے سے زیادتی کے ملزم میں گرفتار کر لیا گیا، ملزم نے ساتھی کے ہمراہ بچے کو زیادتی کا نشانہ بنایا تھا۔

    تفصیلات کے مطابق خانیوال کے ایک نواحی علاقے میں استاد نے اپنے ساتھی کے ہمراہ 8 سالہ بچے سے زیادتی کی، پولیس حکام کا کہنا ہے کہ جب بچے کی حالت غیر ہو گئی تو ملزمان نے اسے بستی عزیز آباد میں پھینک دیا۔

    پولیس حکام کے مطابق ملزمان کو گرفتار کر کے بچے سے زیادتی کا مقدمہ درج کر لیا گیا ہے، جب کہ بچے کو طبی امداد کے لیے اسپتال منتقل کر دیا گیا ہے۔

  • ہجوم کے ہاتھوں تشدد کو سختی سے کچلیں گے: وزیر اعظم

    ہجوم کے ہاتھوں تشدد کو سختی سے کچلیں گے: وزیر اعظم

    لاہور: صوبہ پنجاب کے ضلع خانیوال میں مشتعل ہجوم کے ہاتھوں ایک شخص پر بہیمانہ تشدد اور قتل کے بعد وزیر اعظم عمران خان نے قانون ہاتھ میں لینے والوں سے سختی سے نمٹنے کی ہدایت کی ہے۔

    تفصیلات کے مطابق وزیر اعظم عمران خان نے سماجی رابطے کی ویب سائٹ ٹویٹر پر اپنے ٹویٹ میں کہا کہ کسی فرد یا گروہ کی جانب سے قانون ہاتھ میں لینے کی کوشش قطعاً گوارا نہیں کی جائے گی۔

    ان کا کہنا تھا کہ ہجوم کے ہاتھوں تشدد کو نہایت سختی سے کچلیں گے۔

    وزیر اعظم نے انسپکٹر جنرل (آئی جی) پنجاب سے واقعے کے ذمہ داروں اور فرائض کی انجام دہی میں ناکام رہنے والے پولیس اہلکاروں کے خلاف کارروائی کی تفصیلات طلب کی ہیں۔

    خانیوال میں کیا ہوا ہے؟

    پاکستان کے صوبہ پنجاب کے ضلع خانیوال میں مشتعل ہجوم نے ایک شخص کو مبینہ توہین مذہب کے بعد بہیمانہ تشدد کر کے ہلاک کر دیا ہے، اطلاعات کے مطابق واقعہ خانیوال کی تحصیل میاں چنوں میں پیش آیا ہے۔

    واقعے کی تصاویر اور ویڈیوز سوشل میڈیا پر گزشتہ روز سے وائرل ہیں، ویڈیوز میں ہجوم کے ایک شخص کو اینٹوں اور پتھروں کا نشانہ بنانے اور لاش کو درخت سے لٹکانے کے مناظر ہیں۔

    خانیوال کی پولیس اور ایڈیشنل آئی جی جنوبی پنجاب کے دفتر نے واقعے کی تصدیق کی ہے، واقعے میں مقامی تھانے کے ایس ایچ او سید اقبال شاہ کے شدید زخمی ہونے کی بھی اطلاعات ہیں۔

    عینی شاہدین کے مطابق واقعے کے وقت پولیس حالات کوسنبھالنے وہاں پہنچی تو مشتعل ہجوم نے پولیس پر بھی پتھراؤ کیا۔

    وقوعہ پر موجود افراد کا کہنا ہے کہ ہجوم کی بربریت کا نشانہ بننے والا شخص مقامی معلوم نہیں ہوتا، اسے اس سے پہلے علاقے میں نہیں دیکھا گیا البتہ وقوعے والے روز صبح سے کئی افراد نے اسے بھیک مانگتے دیکھا۔

    واقعے کے بعد علاقے میں حالات کشیدہ ہیں اور پولیس کی بھاری نفری بھی وہاں موجود ہے۔

    وزیر اعلیٰ پنجاب کا نوٹس

    وزیر اعلیٰ پنجاب سردار عثمان بزدار نے واقعے کا نوٹس لیتے ہوئے آئی جی پنجاب سے رپورٹ طلب کی ہے۔

    وزیر اعلیٰ نے واقعے کی غیر جانبدارانہ انکوائری کا حکم دیتے ہوئے کہا ہے کہ واقعے میں ملوث عناصر کے خلاف سخت کارروائی کی جائے اور ذمہ داروں کو قانون کے کٹہرے میں لایا جائے۔

  • خانیوال : اسکول چوکیدار کی نویں جماعت کی طالبہ سے مبینہ ذیادتی

    خانیوال : اسکول چوکیدار کی نویں جماعت کی طالبہ سے مبینہ ذیادتی

    کبیر والا : اسکول کی بچیاں بھی اب اسکول میں محفوظ نہیں رہیں، خانیوال کے ایک سرکاری اسکول میں نویں جماعت کی طالبہ کو ذیادتی کا نشانہ بنا دیا گیا۔

    تفصیلات کے مطابق خانیوال کے علاقے کبیر والا میں سرکاری اسکول کے چوکیدار نے طالبہ کو اپنی ہوس کا نشانہ بنا ڈالا، پولیس نے ملزم کو گرفتار کرلیا۔

    اس حوالے سے پولیس کا کہنا ہے کہ ڈی پی او خانیوال نے فوری ایکشن لیتے ہوئے چوکیدار ملزم ایوب عالم کو گرفتار کرلیا ہے، ملزم کیخلاف مقدمہ درج کرکے مزید تفتیش کی جارہی ہے۔

    متاثرہ بچی کے والد نے اے آر وائی نیوزکو بتایا کہ جب میں بیٹی کو اسکول گیا تو چوکیدار نے بتایا کہ وہ گھر جاچکی ہے، گھر پہنچ کر معلوم ہوا کہ وہ نہیں پہنچی جس پر میں پریشان ہوکر ادھر ادھر بچی کو تلاش کرتا رہا۔

    طالبہ کے والے نے مزید بتایا کہ جب میں دوبارہ اسکول پہنچا تو دیکھا کہ چوکیدار بچی سے ذیادتی کررہا تھا۔ مجھے دیکھ کر ملزم وہاں سے فرار ہوگیا، اسکول کی میڈم سے شکایت کی تو انہوں نے کہا کہ اس معاملے کو دبا دیں ورنہ بہت بدنامی ہوگی۔

    بعد ازاں کبیروالا کے ڈی پی او ندیم عباس نے اسکول میں بچی سے زیادتی کا نوٹس لے لیا، ڈی پی او کی احکامات پر ملزم چوکیدار ایوب عالم کو گرفتار کرکے مقدمہ درج کرلیا گیا ہے۔

    انہوں نے بتایا کہ متاثرہ طالبہ کو طبی معائنے کیلئے ٹی ایچ کیو اسپتال بھیج دیا گیا ہے، متاثرہ طالبہ کے واقعہ کی خود نگرانی کررہا ہوں۔

  • خانیوال: حلقہ پی پی 206 میں ضمنی الیکشن کے لئے پولنگ جاری

    خانیوال: حلقہ پی پی 206 میں ضمنی الیکشن کے لئے پولنگ جاری

    خانیوال کے حلقہ پی پی 206 میں ضمنی الیکشن کے لئے پولنگ کا آغاز ہوگیا ہے، جو شام 5 بجے تک بغیر کسی وقفے کے جاری رہے گی۔

    تفصیلات کے مطابق پنجاب اسمبلی کی نشست حلقہ پی پی 206 میں ضمنی الیکشن کے لئے پولنگ کا آغاز ہوگیا ہے، ضمنی الیکشن کے موقع پر شہریوں میں جوش وخروش پایاجاتا ہے۔

    ضمنی الیکشن کیلئے حلقے میں 183 پولنگ اسٹیشن بنائے گئے ہیں، جہاں 230689 ووٹرز اپنا حق رائے دہی استعمال کریں گے۔

    یہ بھی پڑھیں: ن لیگ کے اہم رہنما انتقال کرگئے

    مذکورہ نشست نون لیگ سے پی ٹی آئی میں شامل ہونے والی رکن اسمبلی نشاط احمد ڈاہا کی وفات سے خالی ہوئی تھی، ضمنی الیکشن میں اس نشست پر 13 امیدوار میدان میں ہیں، تاہم اصل مقابلہ مسلم لیگ نون کے رانا محمد سلیم، تحریک انصاف کی نورین نشاط ڈاہا اور پیپلزپارٹی کے میر واثق کے درمیان ہوگا۔

    گذشتہ روز الیکشن کمشنر پنجاب غلام اسرار نے خانیوال میں میڈیا سے گفتگو کرتے ہوئے کہا کہ خانیوال کے عوام گھروں سے باہر نکل کر اپنا ووٹ کاسٹ کریں، ساتھ ہی انہوں نے کہا کہ کسی کو امن وامان کی صورتحال خراب کرنے کی اجازت نہیں دیں گے۔

  • 4سالہ بچی کا مبینہ طور پر زیادتی کے بعد قتل، بوری بند مسخ شدہ لاش برآمد

    4سالہ بچی کا مبینہ طور پر زیادتی کے بعد قتل، بوری بند مسخ شدہ لاش برآمد

    خانیوال : لاپتہ ہونے والی 4 سالہ بچی کی مسخ شدہ لاش بند بوری میں کھیتوں سے برآمد ہوئی، ورثا کا کہنا ہے کہ بچی کو مبینہ طور پر زیادتی کے بعد قتل کیا گیا۔

    تفصیلات کے مطابق پنجاب کے شہر خانیوال میں 5روز قبل لاپتہ ہونے والی 4سالہ بچی کی بوری بند لاش برآمد ہوئی ، ورثا نے بتایا کہ زیبہ ندیم بچیوں کے ہمراہ کھیلنے کے دوران لاپتہ ہوئی ، بچی کی مسخ شدہ لاش بند بوری میں کھیتوں سے ملی ہے، بچی کےلاپتہ ہونے کی درخواست تھانہ کہنہ میں دی گئی تھی.

    پولیس نے لاش کو اپنی تحویل میں لے کر کارروائی شروع کردی ہے، ورثا کا کہنا ہے کہ بچی کو مبینہ طور پر زیادتی کے بعد قتل کیا گیا۔
    .
    بچی کےورثاکاروڈبلاک کرکےایس ایچ او کہنہ کے خلاف احتجاج کرتے ہوئے کہا بچی کی گمشدگی کی درخواست کے باوجود پولیس نے کچھ نہیں کیا۔

    ڈی پی او علی وسیم نے بچی کےمعاملےپرغفلت برتنےپرایس ایچ او کہنہ کو معطل کردیا ہے او کہا بچی کے قاتلوں کو جلد ڈھونڈ نکالیں گے جبکہ بچی کے اغوا اور قتل کا مقدمہ نامعلوم شخص کے خلاف درج کرلیا ہے۔

    دوسری جانب آئی جی پنجاب نے خانیوال میں 4 سالہ بچی کی لاش ملنے کے واقعےکا نوٹس لیتے ہوئے آر پی او ملتان سے واقعے کی رپورٹ طلب کرلیا اور ملزمان کو جلد از جلد گرفتار کرکے سخت قانونی کارروائی کا حکم دیا۔

    آئی جی پنجاب کا کہنا تھا کہ والدین کوانصاف کی فراہمی ترجیحی بنیادوں پریقینی بنائی جائے۔

  • خانیوال تھانہ بارہ میل کی حدود سے اغوا خواتین بازیاب نہ ہو سکیں

    خانیوال تھانہ بارہ میل کی حدود سے اغوا خواتین بازیاب نہ ہو سکیں

    خانیوال: پنجاب کے شہر خانیوال کے ایک علاقے میں کئی ماہ سے اغوا شدہ 2 خواتین کا کوئی اتا پتا نہ چل سکا، پولیس بھی مغوی خواتین کو بازیاب نہ کرا سکی۔

    اے آر وائی نیوز کے مطابق خانیوال کے علاقے تھانہ بارہ میل کی حدود سے اغوا دو خواتین تاحال بازیاب نہ کی جا سکیں، دونوں خواتین کے ورثا نے وزیر اعلیٰ پنجاب اور اعلیٰ پولیس حکام سے نوٹس لینے کی اپیل کر دی ہے۔

    مغوی خواتین کے اہل خانہ کا کہنا ہے کہ ڈی پی او دفتر اور تھانوں کے چکر لگا کر وہ تھک چکے ہیں لیکن کوئی شنوائی نہیں ہوئی، تھانہ بارہ میل پولیس نے نامزد ملزمان کو بھی حراست میں لے کر چھوڑ دیا ہے۔ جس پر اہل خانہ نے ڈی پی او آفس پر احتجاج کیا اور وزیر اعلیٰ اور آئی جی پنجاب پولیس سے نوٹس لینے کا مطالبہ کیا ہے۔

    ایک مغویہ کے بھائی نے اپنے بیان میں کہا ہے کہ جب وہ تھانے جاتے ہیں تو ایس ایچ او ان کے ساتھ بدسلوکی کرتا ہے، خدشہ ہے اغوا کاروں نے بہن کو فروخت کر دیا ہے، اور پولیس اس پر کچھ نہیں کر رہی۔

    لواحقین نے آئی جی سے اپیل کی ہے کہ تھانہ بارہ میل میں مہینوں سے اغوا دو خواتین کو بازیاب کرایا جائے۔

  • خانیوال: بس الٹنے سے 9 افراد جاں بحق، 30 زخمی

    خانیوال: بس الٹنے سے 9 افراد جاں بحق، 30 زخمی

    خانیوال: پنجاب کے شہر خانیوال میں پل رانگو کے قریب ایک مسافر بس الٹ گئی، جس سے 9 افراد جاں بحق اور 27 زخمی ہو گئے۔

    اے آر وائی نیوز کے مطابق خانیوال کے ٹاؤن کبیر والا میں افسوس ناک حادثہ پیش آ گیا، پل رانگو کے قریب موٹر سائیکل کو بچاتے ہوئے ایک مسافر بس الٹ گی جس میں 6 افراد موقع پر جاں بحق جب کہ 30 شدید زخمی ہو گئے تھے، بعد ازاں 3 زخمی نشتر اسپتال ملتان میں دوران علاج دم توڑ گئے۔

    مسافر بس لاہور سے ملتان آ رہی تھی، ریسکیو ذرایع کا کہنا ہے کہ ایک موٹر سائیکل کو بچاتے ہوئے مسافر بس پل رانگو سے نیچے جا گری، حادثے میں زخمی ہونے والے متعدد مسافروں کی حالت تشویش ناک قرار دی گئی ہے۔

    جائے حادثہ پر امدادی سرگرمیاں بدستور جاری ہیں، ریسکیو ٹیموں نے پھنسے ہوئے مسافروں کو بڑی مشکل سے نکال کر قریبی اسپتال پہنچایا، جہاں انھیں طبی امداد دی جا رہی ہے۔

    خانیوال: موٹروے پر بس اور ٹریلرمیں تصادم، 3 افراد جاں بحق

    گزشتہ برس نومبر میں خانیوال میں بس اور ٹریلر کے درمیان تصادم کے نتیجے میں 3 افراد جاں بحق اور 11 افراد زخمی ہوئے تھے، یہ حادثہ موٹر وے پر پیش آیا تھا، اس سے قبل اگست میں بھی خانیوال میں موٹر وے ایم 4 پر کار اور ٹرک میں ٹکر کے نتیجے میں ایک خاتون سمیت 3 افراد جاں بحق ہوئے تھے۔

  • خانیوال: ڈاکوجیولرز شاپ سے لاکھوں روپے مالیت کے زیورات اور نقدی لے کر فرار

    خانیوال: ڈاکوجیولرز شاپ سے لاکھوں روپے مالیت کے زیورات اور نقدی لے کر فرار

    خانیوال: صوبہ پنجاب کے شہر خانیوال میں تین نامعلوم مسلح کار سوار ڈاکو جیولرز شاپ سے لاکھوں روپے مالیت کے زیورات اور نقدی لے کر فرار ہوگئے۔

    تفصیلات کے مطابق خانیوال میں پرانی سبزی منڈی چوک کے قریب نصیر جیولرز پر تین نامعلوم مسلح ڈاکو سوزکی مہران کارپر آئے اور اسلحہ کے زور پر زیورات لوٹنے کی کوشش کی، مزاحمت پر ڈاکوؤں نے فائرنگ کردی جس سے جیولرز شاپ کے شیشے توٹ گئے۔

    ڈاکوؤں کی فائرنگ سے ان کا اپنا ہی ساتھی فائر لگنے سے زخمی ہوگیا تام اس دوران مسلح کار سوار ڈاکو 5 سیٹ چاندی اور نقدی نقصان کی کل مالیت اڑھائی لاکھ بنتی ہے لے کر فرار ہونے میں کامیاب ہو گئے۔

    ڈپی پی او خانیوال اسد سرفراز خان واقعے کی اطلاع ملتے ہی جائے وقوعہ پر پہنچے اور ایس ایچ او تھانہ سٹی کو ڈاکوؤں کی فوری گرفتاری کے احکامات جاری کیے۔ تاجروں نے پولیس کے بروقت پہنچنے کا خیر مقدم کرتے ہوئے ڈاکوؤں کی فوری گرفتاری کا مطالبہ کیا ہے۔

    یاد رہے کہ گزشتہ روز سکھرو روہڑی میں دو پولیس مقابلوں کے دوران 2 ڈاکوؤں کو زخمی حالت میں گرفتار کر کے اسلحہ برآمد کیا گیا تھا، گرفتار ڈاکو سکھر، حیدرآباد سمیت دیگر اضلاع کی پولیس کو سنگین مقدمات میں مطلوب تھے۔

  • خانیوال بڑی تباہی سے بچ گیا، چار دہشتگرد گرفتار، بھاری تعداد میں اسلحہ برآمد

    خانیوال بڑی تباہی سے بچ گیا، چار دہشتگرد گرفتار، بھاری تعداد میں اسلحہ برآمد

    خانیوال / لاہور : اینٹی ٹیرر ازم ڈیپارٹمنٹ نے خانیوال بس اسٹینڈ سے چار مبینہ دہشت گردوں کو گرفتار کر کے اسلحہ برآمد کرلیا، لاہور میں لڑکی پر تیزاب پھیکنے والا ملزم پکڑا گیا۔

    تفصیلات کے مطابق اینٹی ٹیرر ازم ڈیپارٹمنٹ نے خانیوال کو بڑی تباہی سے بچا لیا، خفیہ اطلاع پر خانیوال بس اسٹینڈ پر کارروائی کرکے چار مبینہ دہشت گردوں کو گرفتار کر لیا گیا، سی ٹی ڈی ترجمان کے مطابق مبینہ دہشت گردوں کا تعلق کلعدم تنظیم سے ہے۔

    مبینہ دہشت گرد خانیوال شہر میں حساس مقامات کو نشانہ بنانے کی منصوبہ بندی کر رہے تھے۔ ان مبینہ دہشت گردوں میں غلام علی، احمد بلال، حسن امین اور طاہر شامل ہیں۔

    سی ٹی ڈی ترجمان کا مزید کہنا ہے کہ ملزمان کے قبضہ سے چار ہینڈ گرنیڈ، نقشے اور اسلحہ برآمد کر کے تھانہ سی ٹی ڈی ملتان میں مقدمہ درج کرلیا گیا ہے، ملزمان کو نامعلوم مقام پر منتقل کر کے تفتیش شروع کر دی گئی ہے۔

    دوسری جانب لاہور گرین ٹاؤن انوسٹی گیشن پولیس نے کارروائی کر کے چند روز قبل 20 سالہ مریم نامی لڑکی پر تیزاب پھینکنے والے ملزم سیف کو گرفتار کر لیا۔

    تھانہ گرین ٹاون انویسٹی گیشن پولیس کے مطابق ملزم سیف عرف عون دو روز قبل محبت میں ناکامی پر مریم نذیر نامی لڑکی پر تیزاب پھینک کر فرار ہوگیا تھا ۔

    ملزم کے خلاف تھانہ گرین ٹاؤن میں مقدمہ درج ہونے کے بعد پولیس نے کارروائی کرتے ہوئے دو روز میں ملزم سیف عرف عون کو گرفتار کر لیا، پولیس کے مطابق ملزم سے مزید تفتیش کی جارہی ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • سندھ میں ن لیگ کو ووٹ ملا تو اسے پنجاب بنادیں گے، شہباز شریف

    سندھ میں ن لیگ کو ووٹ ملا تو اسے پنجاب بنادیں گے، شہباز شریف

    خانیوال: وزیراعلیٰ پنجاب شہباز شریف نے کہا ہے کہ سندھ میں ن لیگ کو ووٹ ملا تو سندھ کو پنجاب بنادیں گے۔

    وہ خانیوال میں مسلم لیگ ن کے جلسے سے خطاب کر رہے تھے، انھوں نے کہا ہم نے جنوبی پنجاب میں اربوں کے ترقیاتی منصوبے مکمل کرائے جب کہ پی ٹی آئی نے پانچ سال میں خیبر پختونخوا کا بیڑاغرق کردیا ہے۔

    شہباز شریف نے کہا کہ آنے والے انتخابات میں ن لیگ پھر جیتے گی، ہم جیت کر جذبے سے قوم کی خدمت کرتے رہیں گے، رواں سال اندھیرے ہمیشہ کے لیے ختم ہوجائیں گے۔

    ان کا کہنا تھا کہ عمران نیازی جھوٹوں کے آئی جی ہیں، کام کیا ہوتا تو پشاور میں منشور دیتے، دوسری طرف سندھ کے ہاریوں کو زرداری نے کنگال کر دیا ہے۔

    دریں اثنا وزیر اعلیٰ پنجاب شہباز شریف نے خانیوال کے سول اسپتال میں دل کے امراض کے وارڈ اور سی ٹی اسکین مشین کا افتتاح بھی کیا۔ شہباز شریف نے جلسے کے شرکا کو خانیوال لودھراں 92 کلو میٹرسڑک کے افتتاح پر مبارک باد دی، کہا کیا جنوبی پنجاب میں ماضی میں ایسے کام ہوئے۔

    ایک اخبار نے نواز شریف کا بیان توڑ مروڑ کر پیش کیا، شہباز شریف

    ان کا کہنا تھا کہ 2018 میں خانیوال والوں نے ووٹ دیا تو یہاں میڈیکل کالج بناؤں گا اور اسے منی لاہور بنادوں گا،  جلد خانیوال جنوبی پنجاب کا بہترین مرکز بننے والا ہے۔

    شہباز شریف نے کہا دل چاہتا ہے خانیوال میں بھی میٹرو سروس بناؤں، آج خانیوال اورجہانیاں کے لیے 20 اسپیڈو بسوں کا اعلان کرتا ہوں۔

    واضح رہے کہ شہباز شریف الیکشن مہم کے سلسلے میں ملک کے مختلف شہروں کے دورے کر رہے ہیں، گزشتہ روز انھوں نے سندھ کے شہر میرپور خاص میں جلسے سے خطاب کرتے ہوئے کہا تھا کہ آصف زرداری نے سندھ کو تباہ کرکے دولت دبئی منتقل کردی ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔